This website adopts the Web Content Accessibility Guidelines (WCAG 2.0) as the accessibility standard for all its related web development and services. WCAG 2.0 is also an international standard, ISO 40500. This certifies it as a stable and referenceable technical standard.

WCAG 2.0 contains 12 guidelines organized under 4 principles: Perceivable, Operable, Understandable, and Robust (POUR for short). There are testable success criteria for each guideline. Compliance to these criteria is measured in three levels: A, AA, or AAA. A guide to understanding and implementing Web Content Accessibility Guidelines 2.0 is available at: https://www.w3.org/TR/UNDERSTANDING-WCAG20/

Accessibility Features

Shortcut Keys Combination Activation Combination keys used for each browser.

  • Chrome for Linux press (Alt+Shift+shortcut_key)
  • Chrome for Windows press (Alt+shortcut_key)
  • For Firefox press (Alt+Shift+shortcut_key)
  • For Internet Explorer press (Alt+Shift+shortcut_key) then press (enter)
  • On Mac OS press (Ctrl+Opt+shortcut_key)
  • Accessibility Statement (Combination + 0): Statement page that will show the available accessibility keys.
  • Home Page (Combination + H): Accessibility key for redirecting to homepage.
  • Main Content (Combination + R): Shortcut for viewing the content section of the current page.
  • FAQ (Combination + Q): Shortcut for FAQ page.
  • Contact (Combination + C): Shortcut for contact page or form inquiries.
  • Feedback (Combination + K): Shortcut for feedback page.
  • Site Map (Combination + M): Shortcut for site map (footer agency) section of the page.
  • Search (Combination + S): Shortcut for search page.
  • Click anywhere outside the dialog box to close this dialog box.

    BISErbisyong LENI Episode 192

    BISErbisyong LENI Episode 192

    ELY: Magandang umaga, Pilipinas—Luzon, Visayas, at Mindanao! Isa namang edisyon ng BISErbisyong LENI dito po sa RMN. At siyempre mula po rito sa DZXL 558 Manila, tayo po ay napapakinggan sa RMN DYHP Cebu, RMN DXCC Cagayan de Oro, RMN DXDC Davao, RMN DWNX Naga, at siyempre sa lahat po ng naaabot ng ating broadcast nationwide, worldwide, netwide. Magandang umaga! Ako pa rin ho ang inyong radyoman, Ely Saludar. At siyempre, mga kasama, narito na po ang Bise Presidente ng Republika ng Pilipinas, si Madam Vice President Leni Robredo. Ma’am, good morning.

    VP LENI: Good morning, Ka Ely! Good morning po sa lahat na nakikinig sa atin ngayong umaga sa DZXL at saka sa lahat na kasama natin sa Facebook Live, pareho sa RMN Facebook page at saka sa VP Leni Robredo Facebook page. Sa atin pong mga kababayan sa Bicol, marhay na aga saindo gabos. Sa ating mga kababayan sa Visayas at Mindanao, maayong buntag. Good morning, Ka Ely.

    ELY: Opo. Good morning, Ma’am! Nag-e-echo, sandali. Okay na? Good morning at Ma’am, mukhang fresh na fresh kayo at kumusta ang—nakapag-recharge ho kayo nang kaunti kasama ang mga anak niyo.

    VP LENI: Oo, Ka Ely. Nag-ano kami, maraming kailangang i-celebrate, Ka Ely. Iyong mga achievements ng mga bata. Iyong panganay ko magbi-birthday ngayong linggo at iyong pamangkin ko rin kaka-birthday lang. So pumunta kami ng Batangas. Kararating lang namin, Ka Ely. Napakaganda. Sabi ko nga, napakaganda talaga ng Pilipinas. Dapat nabibigyan ng pagkakataon iyong mga kababayan natin na kahit papaano umikot at saka malapit lang, Ka Ely. Dalawang oras? Two and a half hours. Parang mabilis iyong papunta namin pero pabalik medyo ma-traffic. Kaya ano naman, kahit papaano nakapahinga nang kaunti.

    ELY: Pero maganda iyan, Ma’am, at siyempre iyong inyo pong pagbisita sa mga ganiyan eh simbolo po ito na unti-unti ay iyong ating turismo ay muli nang buhayin sa gitna ng pandemya. Malaki pong bagay ito, eh, sa ating ekonomiya, Ma’am, ‘di ba. At unahin natin mag-ikot-ikot dito sa ating bansa kasi sabi niyo nga ang ganda ng Pilipinas, eh.

    VP LENI: Totoo, Ka Ely. Actually, Ka Ely, medyo biglaan iyon. Ngayong linggo lang binalak ng mga bata. Sumubok lang sila; online lang sila nag-book. Ayon, ano naman, napakaganda ng resort. Sa Anilao iyon, Ka Ely. Sa Anilao, Batangas. First time ko. Lagi na akong pumupunta sa Batangas pero parang first time kong nag-overnight kaming pamilya sa Anilao. Napakaganda pala. Ito, Ka Ely, ano pa rin, nakausap ko iyong ibang mga empleyado roon, controlled pa iyong pagtanggap nila ng bisita. Parang anim na kuwarto lang yata, Ka Ely. Parang half pa lang noong capacity ng resort iyong pinapayagan nila. Tapos dati yata, Ka Ely, parang iyong bayad sa resort kasama na iyong lahat na pagkain, buffet dati. Eh pero ngayon bawal iyong buffet so maraming pagbabago. Pero nakaka—iyong kabutihan lang, Ka Ely, kasi kapag nakausap mo talaga sila, noong wala ring—noong walang activity, siyempre ano rin, wala ring hanapbuhay iyong marami nating kababayan. In fact, Ka Ely, mayroon kaming mga staff sa office na pumunta din sa Boracay ngayong weekend. Kinukuwento nila na kakuwentuhan nila iyong mga maliliit na mga negosyante doon, hirap na hirap talaga. Kaya mabuti naman iyong paunti-unti bubuksan. Iyong ekonomiya, paunti-unti iyong mga resort, iyong mga pasyalan binubuksan. Basta lang dapat, Ka Ely, controlled. Gaya noong pinuntahan namin, Ka Ely, bawal mag-check-in sa kaniya kung walang swab test. So nagpa-swab test muna kami. Ano talaga, napakastrikto ng protocols pero tama lang naman. Tama lang. At least kahit strikto, Ka Ely, kahit papaano iyong mga empleyado mayroon nang hanapbuhay.

    ELY: Tama, opo. At samantala, Ma’am, siyempre kumustahin po natin ang patuloy na isinasagawang relief and response operations ng Office of the Vice President dito po sa siyempre, nako, matindi pa rin, dire-diretso iyong mga nangyaring kalamidad at pagbaha at pagbagyo. At siyempre, iyong patuloy pa rin na umiiral na pandemya dito po sa ating bansa.

    VP LENI: Iyong sa COVID-19 response operations natin, Ka Ely, tuloy-tuloy pa rin. Kapag mayroong request na mga ospital, mga health center, nagpapadala pa rin tayo hindi lang PPEs pero pati medical supplies.

    Pero itong mga sakuna ay tuloy-tuloy pa rin tayo. Mayroon tayong dalawang housing projects na ginagawa. Iyong isa sa Guinobatan, Albay. Iyong isa sa Lupi, Camarines Sur. Ito, Ka Ely, ‘di ba iyong iba kasi kapag danger zone, ang binibigay natin parang mga light materials kasi bawal… bawal nga magpabahay nang permanente. Pero itong Guinobatan at saka Lupi, iyong LGU mismo iyong nagbigay ng permanent relocation site so mas maganda iyong mga bahay. Permanent iyong mga houses na bini-build natin. In fact, Ka Ely, next week pababa ako doon kasi tutulong ako sa pag-build dito sa Lupi. Iyong sa ano naman, sa mga food packs, sa mga relief packs, iyong pinakahuli natin na tinulungan ay iyong sa Mindanao. Iyong sa Agusan del Sur at saka sa Surigao del Sur. Nagpadala tayo ng team doon kasi kung naalala mo, Ka Ely, parang two weeks ago, iyong bago nag-New Year, matindi iyong pagbaha. Kahapon, Ka Ely, mayroon kaming mino-monitor sa Negros Occidental kasi mayroong reported din na grabe iyong pagbaha. So tinawagan ko iyong team natin na in charge dito, pinapa-monitor natin kasi kung kinakailangan ng tulong, Ka Ely—kasi nabalitaan namin may mga in-evacuate na mga families—kung kailangan ng tulong, handa naman tayo. So tuloy pa rin. Tuloy-tuloy pa rin. Iyong lahat na donations sa atin, mayroon pa ring tira. Inaabang natin ito, Ka Ely, doon sa mga ganito—iyong sa mga sakunang ganito. Kasi halimbawa, kahit iyong Bicol ngayon, Ka Ely, ibang bahagi ng Visayas, grabe iyong pag-ulan. Parang tuloy-tuloy iyong pag-ulan so may mga flooding so iyon iyong inaabangan natin.

     

    ELY: Opo. Okay, at siyempre ngayon talagang halos lahat po ay tayo po ay nakatutok dito sa iyong bakuna na paparating. Ewan ko kung kailan darating po bagama’t magsaagawa na po ng imbestigasyon ang Senado para malaman ang plano ng ating gobyerno. Kayo ho ba, Ma’am, masasabi ho ba talaga ano ang plano ng gobyerno? Kasi ang Senado, kinakailangan pa bang mag-imbestiga kung talagang nandiyan na, plantsado na ang plano para sa distribusyon at pag-angkat natin ng bakuna.

     

    VP LENI: Actually, Ka Ely, kami naman since December mayroon kaming mga regular briefings tungkol sa bakuna. In fact, iyong pinaka… pinakahuli naming briefing galing sa private sector kasi ito, Ka Ely, maraming tumutulong na mga private companies sa pag-avail, sa pagbili natin ng mga vaccines. Mayroon, Ka Ely, mayroon nang mga, parang schedule na ginagawa. In fact, nakita ko iyong isang interview ni Secretary Galvez, parang ang sinasabi niya, Ka Ely, iyong pinakamaagang dating dito noong Pfizer ay mga third or fourth quarter of 2021 pero baka mauna iyong ibang bakuna galing sa China at saka sa Russia. Iyong China yata iyong Sinovac tapos iyong sa Russia mayroon ding mauuna. Tapos as of yesterday, Ka Ely, iyong bilang ko 28 yata o 29 na LGU na iyong nagsabi na mayroon na silang sinet aside na pera. Halimbawa iyong Antipolo, Biliran, Borongan, Samar, hindi lang Metro Manila, Ka Ely. Pinakauna yatang nagsabi nito Quezon City. Parang as early as early December nagsabi na silang mag-a-appropriate sila ng one million pesos…

     

    ELY: One billion pesos…

     

    VP LENI: One billion pesos, I mean. Pareho ng Makati. So iyong isang—so iyong dalawang pinakamataas yata iyong Quezon City at saka Makati. Pero iyong explanation sa atin during the briefing, Ka Ely, parang lahat na vaccines ngayon government to government. Walang, parang walang private na, parang walang backdoor—iyon iyong explanation sa atin. Hindi natin alam kung strictly nako-comply ito pero iyong mga companies na nagpo-produce ng vaccines iyong i-e-entertain pa lang nila ngayon gobyerno. Kapag sinabi natin, Ka Ely, na gobyerno, national government ito. So ang understanding natin itong mga LGUs na nagsignify na mayroon na silang, parang mayroon nang arrangement na ginagawa, parating tripartite pa rin ito. Ang gustong sabihin, hindi lang sila iyong kausap noong, halimbawa, iyong Quezon City, kausap ng AstraZeneca, hindi lang sila at saka AstraZeneca pero kasali iyong national government.

     

    Tingin ko, Ka Ely, tama naman ito. Tama naman ito para walang unahan. Tama ito para kabahagi iyong national government sa pag-deploy, sa pag-deploy ng—iyong pag-distribute. Mayroong mga prioritization na ginagawa. Halimbawa ang priority mga health workers, iyong priority iyong mga indigents, etc. etc. So ito yatang mga LGUs, Ka Ely, kaya sila nag-appropriate ng sarili para masiguro lang na iyong kanilang citizens ay siguradong makaka-avail ng vaccine. Sana lang, Ka Ely, iyong mga LGUs na hindi kaya, kasi marami naman tayong LGUs na hindi talaga kaya mag-appropriate ng sariling funds, hindi naman maiwan. Hindi maging dahilan iyong kahirapan ng LGU para last sila sa priority. Parang tingnan na lang natin na iyong appropriation ng mga LGUs na sinabi, mga 28 or 29 nito as of yesterday, parang mas tulong ito instead na nakikipag-unahan sila sa iba kasi iyon iyong ayaw nating mangyari. Ayaw nating mangyari na lugi ka kung mahirap iyong LGU mo kasi hindi kayang bumili. Parang dapat, and I think ito naman iyong gagawin, iyong distribution mas equitable.

     

    Pareho rin, Ka Ely, noong mga negosyante. Kaya hinihikayat din natin… hinihikayat din natin iyong mga companies na kaya naman gumastos para sa sarili nilang vaccination ng employees, sana mag-invest. Kasi bawat company na mag-i-invest, bawat LGU na mag-i-invest, tulong ito. Tulong ito sa ating lahat. Kasi alam mo naman, Ka Ely, ito parati ko itong sinasabi since the pandemic na kung mayroong aral na napulot natin, lahat interconnected, ‘di ba. Hindi puwedeng bahala ka sa buhay mo kasi bawat isang Pilipinong nagkakasakit, apektado tayo lahat. Kaya ito naman, Ka Ely, alam ko maraming private companies ang nag-a-appropriate ng sarili nilang pera ngayon. Ang usapan yata, Ka Ely, kapag private, puwede kang—hindi ka pa rin puwedeng dumiretso, through the national government pa rin. Pero iyong usapan, kung gusto mong, parang mag-piggy back iyong tao, parang makidamay, sa areglo sa national government, parang iyong 50% na bibilhin mo, donation mo iyon sa national government. Iyong 50% iyon iyong gagamitin mo sa company mo.

     

    Pero iyon siguro, Ka Ely, iyong mahalaha rito sa mga makikidamay, iyong national government parang mayroon pa ring protocols na susundin. Gusto kong sabihin, kasi ‘di ba, Ka Ely, mayroon tayong prioritization, sana kahit mayroong allocation ang LGU hindi i-consider iyong kung sino iyong malapit sa nakaupo iyong priority. Dapat iyong prioritization ng national government, iyon pa rin iyong gawin.

     

    ELY: Pero dito po sa gitna ng, siyempre ng nalalapit na pagdating po ng bakuna, pero base po sa survey, 47% ng mga Pilipino ayaw po magpabakuna ayon po sa Pulse Asia at naunang—mayroong survey din, Ma’am, ano, iyong OCTA Research Group, na talagang marami po ang ayaw magpabakuna. O iyong iba naman, ay walang tiwala at gusto munang makasiguro kung ano bang brand iyan o talagang iyan ba ay mabisa na bakuna. So talagang wala hong tiwala. Ano ho ang puwedeng gawin dito ng gobyerno kasi, Ma’am, baka dumagsa ang bakuna tapos iyong tao ayaw namang magpa-bakuna.

     

    VP LENI: Actually, Ka Ely, kailangan tutukan ito. Kailangan bigyan ng focus iyong kung papaano ba kukumbinsehin iyong tao na mas—totoo na lahat naman ng bakuna, Ka Ely, may mga risks ‘di ba, pero dapat mahalaga na maintindihan ng tao na iyong benefits nito mas marami kaysa sa risks na hinaharap. Ang problema, Ka Ely, unang-una talagang bumaba iyong—pagkatapos ng mga controversies sa Dengvaxia, iyong mga nauna pang controversies, talagang iyong tao parang kulang iyong tiwala sa bakuna, ‘di ba. Kaya kailangan, Ka Ely, hanapan ng maayos na communications plan. Gawan ng maayos na communications plan papaano ba mababalik iyong tiwala ng tao sa bakuna. Kasi mas marami, Ka Ely, mas kaunti iyong gustong magpabakuna, hindi natin malalampasan iyong krisis na ito. Dapat parang—iyong availability ng bakuna is one thing, pero iyong willingness ng tao magpabakuna is another. So sa akin, Ka Ely, kailangan tutukan, kailangan bigyan ng priority papaano ba kukumbinsehin iyong tao na mahalaga iyong bakuna para sa ating lahat. Kaya nga sinasabi ko, Ka Ely, ‘di ba noong nakaraang linggo, hindi nakakatulong iyong mga kontrobersiya kasi mababa na nga iyong tiwala, kapag may controversies lalo pang bumababa. At nakita iyon, Ka Ely. Nakita iyon doon sa research. Parang dati nang mababa iyong tiwala—kung naalala mo, Ka Ely, ito iyong OCTA—noong lumabas iyong Pulse, lalo pang… lalo pang tumaas iyong, lalo pang tumaas iyong nawalan ng tiwala sa bakuna. So kailangan, Ka Ely, bigyan ito ng focus. In fact, Ka Ely, in one of our briefings, sinabi natin ito tapos ang sabi sa atin, parang mayroon namang finorm na—mayroong naka-form na isang grupo. Mayroong naka-form na isang grupo na ito iyong tututukan. Sana maging effective, Ka Ely, kasi para naman sa kabutihan natin lahat itong bakuna.

     

    ELY: Opo. Tulad ho ng nangyari sa Singapore, ano, iyong kanilang Prime Minister ay talagang ipinakita sa tao, ano, na ito, nagpabakuna na na siya ang unang-una. At dito, wala hong pagtatago na inuna iyong mga nasa, iyong mga bodyguard o kung ano man. Dito ho inuna ang Prime Minister ng Singapore tapos ipinakita sa tao na tanggapin niyo na kasi siya mismo ay nagtiwala, eh kasunod na rin na dapat siguro magtiwala ang taumbayan.

     

    VP LENI: Totoo, Ka Ely. Kung naalala mo, Ka Ely, kahit sa US ganito iyong nangyari. Si Vice President Pence noong tinurukan ay very public. Si President-elect Biden ganoon din. Ngayong umaga, Ka Ely, hindi ko lang alam kung confirmed na pero nakalagay pati si Pope at saka si Queen Elizabeth. Ewan ko kung—lumabas lang ngayon, Ka Ely, sa mga headlines ng balita ngayon lang. Ito iyong mahalaga, eh.

     

    Ang mahalaga, Ka Ely, na iyong mga lider natin, iyon iyong nagpapakita na walang dapat ikatakot sa bakuna para makumbinsi iyong tao, hindi iyong patago. Kasi kapag patago, Ka Ely, marami pang mga kaakibat na mga kuwento na hindi nakakatulong. Mas lalong nagdududa iyong mga tao, mas lalong nawawalan ng tiwala. So para sa akin, Ka Ely, iyong mga lider natin, iyong mga matataas na opisyal, huwag pasikreto. Huwag pasikreto kung magbabakuna. Dapat ipakita sa tao na walang dapat ikatakot.

     

    ELY: Opo. Siguro, Ma’am, maganda ho kaya na ngayon pa lang, sabihin na anong brand, “ito ang bibilhin nating bakuna.” Kasi iyong mga tao, base ho sa survey iyong iba nag-aabang muna, “ano ba kasing bakuna iyan?” Kasi kapag Made in China, iyong iba parang alanganin, eh. So gusto nilang malaman muna bago sila pumayag. So maganda ho na mas maaga pa, sabihin na na, “ito ang gusto namin.” Katulad noong sa mga LGUs, mukhang sa AstraZeneca ho sila gustong bumili at mas mura at mas mataas po iyong efficacy. Maganda ho ba na dapat ilatag na ngayon ng national government?

     

    VP LENI: Oo naman, Ka Ely. Nakakadagdag ito sa tiwala kasi ang problema natin, Ka Ely, ‘di ba, nasa balita na kung ano iyong efficacy ng iba’t ibang klaseng vaccine. Halimbawa iyong Pfizer at saka Moderna ito iyong pinakamataas, ‘di ba, ito iyong 90 plus [percent]. Iyong AstraZeneca yata kung hindi ako nagkakamali, 70 plus [percent] pero sobrang mura ito. Parang 600 pesos plus lang.

     

    ELY: 610 [pesos], opo.

     

    VP LENI: Oo, iyong cost. Tapos iyong, ang problema, Ka Ely, itong Sinovac. Ano naman, ang explanation sa atin, Ka Ely, ang parang threshold ng WHO ay 50%. Ang balita natin itong Sinovac napasa naman iyon. Napasa naman iyong threshold na iyon. Ang problema lang, Ka Ely, para kang bumibili ng goods, ‘di ba, na kahit pasado, kung mayroon mas mataas iyong efficacy, siyempre bibilhin mo iyong mas mataas. So marami, marami tayong mga kababayan na ganoon iyong iniisip. Kaya nga iniisip ko, Ka Ely—at ito ay tanong din natin sa briefing—paano kung— Kasi sinasabi nga iyong Pfizer darating 3rd or 4th quarter pa: Paano kung dumating na maaga iyong mas mababa iyong efficacy, paano natin kukumbinsihin iyong mga kababayan natin na magpabakuna na? Kailangan, Ka Ely, ma-address ito ng communications plan. Kasi ang explanation sa atin, Ka Ely, marami tayong bakuna na nauna na, na ganito din kababa iyong efficacy rate, pero approved siya ng WHO. Pero paano mo ipapaintindi sa tao na puwede na ito? Mahirap iyon. Mahirap iyon, considering na maraming pinagpipilian. Kaya para sa akin, Ka Ely, kailangan ma-address ito. Kailangan ma-address ito ng team, kailangan ma-address ito ng experts. Ako, ayaw ko iyong discussion na “dahil galing dito, ayaw ko,” “dahil galing doon, ayaw ko.” Dapat ang tingnan natin, ano iyong assessment ng mga eksperto? Kasi tingin ko, hindi naman iyon sa kung saan galing—kasi lahat naman iyon dumadaan sa parang rigorous na assessment—pero ano ba iyong assessment ng mga eksperto? Kailangan naiintindihan iyon ng mga tao. Kasi iyong problema natin, Ka Ely, kung iyong available kulang doon iyong tiwala ng tao, mas marami iyong ayaw magpabakuna. Kaya dapat iyon iyong ma-settle natin.

     

    ELY: Opo. Okay, at samantala, sa gitna po nitong pandemyang ito, ito, iyong kinatatakutan na tatlong COVID-19 variants, mino-monitor ng pamahalaan. Nagsagawa na po ng mga travel ban, travel restrictions ang ating gobyerno. Pero marami pong tanong: Iyong China, hindi po kasama, eh kumpirmado na mayroon din doong galing. Anong masasabi n’yo, Ma’am?


    VP LENI: Actually, Ka Ely, ito iyong nakita natin sa balita, tinatanong kung bakit hindi pa sinasama iyong China. Parang ang sagot yata—kung hindi ako nagkakamali, parang ang sagot ni Secretary Roque, kahapon ba o noong isang araw, kasi iyong sa China daw, parang sa media pa lang galing. Wala pa daw confirmation galing sa mga eksperto. Kasi kung naaalala natin, Ka Ely, lumabas na, lumabas sa—hinahanap ko lang dito, Ka Ely—parang lumabas sa balita na mayroon nang na-detect sa China, galing ito sa isang pumasok sa Beijing. Pero ang sinasabi nga, Ka Ely, hindi pa daw— Ayon, 23-year-old na babae, dumating sa China galing sa UK, tested positive din for dito sa bagong COVID-19 strain. Pero iyong sinabi yata— Ito nga, iyong sinabi ni Secretary Roque, na hindi pa daw kumpirmado ng mga international agencies, galing pa lang daw ito sa media reports.

     

    Pero kapag ganito kasi, Ka Ely, again, kapag iyong tao walang tiwala, kapag iyong tao natatakot, mahirap kumbinsihin kung bakit hindi ginagawa. Lalo na kasi ang dami nang mga bansa na kasali sa listahan: United Kingdom, United States—basahin lang natin, Ka Ely, kasi may ano ito, may epekto ito sa mga papasok, kahit mga Pilipino sila. So UK, US, Portugal, India, Finland, Norway, Jordan, Brazil, Denmark, Ireland, Japan, Australia, Israel, Netherlands, Hong Kong, Switzerland, France, Germany, Iceland, Italy, Lebanon, Singapore, Sweden, South Korea, South Africa, Canada, Spain, saka Austria. Iyong Austria yata, ito iyong pinakahuli, ngayong araw mag-uumpisa.

     

    Sabihin lang natin, Ka Ely, sa mga nakikinig sa atin ano iyong epekto nito sa mga incoming passengers galing dito sa mga bansa na pinangalanan natin. Ang sinasabi, Ka Ely, iyong mga pasaherong galing dito sa mga bansa, as a general rule, hindi papayagang pumasok. Ang exemption nito, mga Filipino citizens. Mga Filipino citizens na galing dito sa mga bansang ito, papapasukin sila sa Pilipinas, pero required sila to undergo an “absolute” 14-day quarantine period sa isang facility o hotel—regardless kung nag-negative sila sa COVID na swab test. Dati kasi, Ka Ely, bago nito, required ka rin ng quarantine, pero kapag nag-negative ka na sa swab test, puwede ka nang palabasin. Pero ito, Ka Ely, itong bagong protocols, kahit pa mag-negative ka sa test, kung galing ka dito sa countries na ito, required iyong absolute na 14-day quarantine period. So sa mga nakikinig po na mga Pilipino na nasa mga bansang pinangalanan natin, iyon po iyong requirement. Hindi natin— Wala pang announcement kung hanggang kailan, pero ngayon ay iyon iyong requirement: Kung hindi ka Pilipino at galing ka sa mga bansang ito, absolutely hindi ka papapasukin. Pero kung Pilipino ka, papapasukin pero may required na 14-day quarantine, kahit pa mayroon kang negative na swab test. So iyon iyon, Ka Ely. Iyon iyong ating requirement.

     

    Ayon. Mayroon kasi dito, Ka Ely, mayroon siyang nakalagay na paano kung nag-transit ka lang. Kasi ‘di ba, Ka Ely, kahit hindi ka galing sa countries na ito, kung iyong airline na sinakyan mo, dumaan doon. Ang sinabi dito, Ka Ely, hindi siya considered na galing doon, pero iyong mga pasahero ay hindi puwedeng umalis ng airport— Ah, hindi. Hindi ka considered na galing doon, basta hindi ka lumabas ng airport noong dumaan ka doon. Halimbawa kasi, Ka Ely, halimbawa galing ka sa isang bansa na hindi siya kasali dito sa listahan, pero dumaan ka, sabihin natin sa Japan—doon iyong... ano ito... doon iyong layover mo. Ang sabi dito, Ka Ely, papayagan kang pumasok, as long as noong dumaan ka doon sa Japan, hindi ka lumabas ng airport. So iyon iyong requirement niya. So tandaan siguro, Ka Ely. Kasi marami tayong mga kakilala na nagme-message, nagtatanong ano na ba iyong latest na travel restrictions. Iyon po iyong travel restrictions. Tandaan po iyong countries na sinabi natin kanina.

     

    ELY: Opo. Okay, at siguro lahat ho tayo mag-ingat, bagamat dito sa Pilipinas, wala pa hong kumpirmado, ano, maganda na maagang naisagawa na po itong paghihigpit.

     

    Samantala, Ma’am, sa gitna po ng pandemya, talagang marami pong nagugulat dito po sa pinipilit na naman na Charter Change, binubuhay. Bagamat sabi po ng Malacañang, wala daw pong plano o hindi ito isyu ng term extension. Ang tumbok daw ay economic provisions at ito hong para ayusin daw, tanggalin yata ang partylist system sa ating Konstitusyon. Ano po ang take n’yo dito sa isyu na naman ng Cha-Cha?

     

    VP LENI: Ako, Ka Ely: Napaka-wrong timing. Napaka-wrong timing dahil kung tingnan natin, Ka Ely, iyong lahat na assessments, marami masyadong assessments, parating sinasabi ng mga independent... ng mga independent na agencies—hindi tayo iyon, hindi oposisyon—tayo iyong worst-performing, tayo iyong worst-performing sa Asia. Ilan na iyong mga studies na pinapakita na parang iyong economy natin iyong pinaka-vulnerable, pinaka-vulnerable dahil dito, at isa sa mga itinuturong dahilan ay kulang iyong policy support—kulang iyong policy support para ma-cushion iyong epekto ng pandemya. Itong policy support na ito, Ka Ely, manggagaling ito both sa Executive saka sa Legislative. Tapos nag-iisip tayo ngayon, Charter Change.

     

    Ito na iyong sinasabi natin na kahit noong nag-uumpisa pa lang iyong pandemic, ang dami nating inasikasong kung ano-ano na hindi naman related sa pandemic. Ito iyong dahilan kung bakit maraming mga Pilipino iyong naghihirap ngayon. Ito iyong dahilan kung bakit ang taas ng ating unemployment rate. Ito iyong dahilan kung bakit ang daming negosyo na nagsara. Dahil hanggang ngayon— Kahapon lang, Ka Ely, halos 2,000 na naman iyong cases natin. The other day, 1,700-plus iyong cases natin. Kahapon yata, Ka Ely, parang ika-300 days na ng ating quarantine, ng ating community quarantine. Marami tayong kailangang asikasuhin na hindi natin naaasikaso nang maayos, tapos ngayon ang pag-uusapan, ito. Ito iyong sinasabi natin, Ka Ely. During the pandemic, nakapasa tayo ng Anti-Terror Law. During the pandemic, napasara iyong ABS-CBN. Tapos ngayon na naman magcha-Charter Change tayo during the pandemic. Parang hindi pa ba tayo natututo? Hindi pa ba tayo natututo na iyong energies natin at atensyon natin, i-focus natin sa mga bagay na hindi magpapahirap sa ating mga kababayan? Bakit hindi natin tutukan iyong mga kailangang tutukan ngayon? At iyong kailangang tutukan iyong mas maraming nagkakasakit pa, kailangan tutukan iyong ano ba iyong tulong natin sa mga mamamayan na naapektuhan... naapektuhan nang grabe dahil sa pandemic—tapos mag-uusap na naman sa mga bagay na ganito?

     

    Tapos iyong partylist, Ka Ely... Ako, nag-a-agree ako na maraming nakakalungkot dito sa partylist. Kasi balikan natin, Ka Ely, iyong ating Constitution. Bakit ba nagkaroon ng partylist representatives? Nagkaroon ng partylist representatives kasi maraming mga sektor na mahihirap, na walang fair chance sa kaniya na i-represent iyong kaniyang sektor sa isang eleksyon na nangangailangan ng pera para tumakbo. Ito ang dahilan kung bakit tayo may partylist system: para iyong mga sektor na mahihirap ay may chance na ma-represent iyong sektor nila, at magkaroon sila ng boses sa House of Representatives. Pero alam natin, Ka Ely, na over the years, naabuso ito. Alam natin na over the years, marami iyong mga pumapasok sa partylist—maraming pumapasok na partylist na hindi naman nire-represent iyong mga pinaka-marginalized. Hindi ito iyong dahilan kung bakit mayroon tayong partylist system. Kung ito iyong problema, Ka Ely, dapat iyong solusyon natin sasagot kung bakit nagkakaganito—hindi iyong papadaanin sa isang bagay na i-oopen up mo iyong pagbago ng Konstitusyon, na napakadelikado saka wrong timing pa. Iyong sa akin, Ka Ely, masyadong dangerous siya, masyadong dangerous na exercise. At tingin ko hindi siya iyong makaka-resolve ng problema natin sa partylist system. Kasi ako, Ka Ely, admittedly, maraming problema iyong partylist—

     

    ELY: Naabuso talaga, Ma’am. Masyado talagang naabuso iyong partylist system.

     

    VP LENI: Masyadong naabuso, Ka Ely. Halimbawa, maraming mga mayayaman, maraming mga hindi naman talaga kasali sa sektor, na para lang ma-perpetuate sa kapangyarihan, gumagawa ng sariling grupo. At sila iyong nagkakaroon ng pagkakataon, kasi sila iyong mayroong resources—na sobrang kontra ito sa dahilan kung bakit mayroon tayong partylist system. Kasi iyon nga eh, kaya tayo may partylist system, kasi gusto nga natin na magkaroon ng representation iyong mga walang-wala.

     

    ELY: Marginalized nga ang terminong ginamit eh.

     

    VP LENI: Iyon na nga, Ka Ely. Pero iyong mga nagde-desire na nasa power kahit hindi naman nila nire-represent iyong marginalized sector, iyon iyong namamayagpag. Para sa akin, Ka Ely, okay ako na hanapan iyon ng solusyon, pero hindi ito iyong solusyon.

     

    ELY: Okay, Ma’am, dito po sa isang isyu, na kung saan... naku po, nababalot po ng kontrobersiya, iyong pagkamatay ng isang flight attendant sa isang hotel dito po sa Makati City. At tama ho ba, at mayroon ho bang basehan ang mga agam-agam— Ako nga, parang medyo nag-aano ako, medyo nag-aalanganin dito sa panukalang ibalik ang death penalty, kung ganito humawak—mawalang-galang na po sa PNP—humawak ng ganitong kaso, na parang inaamin din nila na maraming lapses. Parang napakadelikado. So Ma’am, ano pong masasabi n’yo dito sa isiyong ito?


    VP LENI: Ako, alam mo, Ka Ely, napakahirap sa akin ng isyu, kasi nanay din ako. Nanay ako ng mga dalaga, na halos kasing-edad ni Christine. At ako, parang iyong damdamin mo at iyong puso mo talagang nakikisimpatya sa nanay saka sa pamilya. Kasi wala na sigurong kasing-sakit, wala nang kasing-sakit na mawalan ng anak, pero lalo pang nadagdagan iyong sakit dahil sa... dahil hindi malinaw kung paano nangyari at bakit nangyari.

     

    Para sa akin, Ka Ely, napaka-irresponsible na sabihin mo na “case closed”, napaka-irresponsible na sabihin mo na ito iyong dahilan, na wala ka pang basehan. Kasi para sa akin, Ka Ely, unang una, ang laking kasalanan noon sa pamilya ng namatay, na hindi klaro sa kanila kung paano namatay iyong kanilang anak. Hindi makatarungan iyon doon sa mga madadawit iyong pangalan, na hindi naman... hindi gumawa ng maayos na imbestigasyon kung bakit iyon nangyari.

     

    Kasi sa akin, Ka Ely, talagang dapat kung mayroong may kasalanan, parusahan to the full extent of the law. Pero Ka Ely, hindi makatarungan na maggagawa ka ng konklusyon sa mga bagay na hindi mo pa naman inaayos iyong imbestigasyon. Para sa akin, panlilinlang, panlilinlang sa tao iyong ganoon, na bakit mo sasabihin na “case closed” na hindi mo pa pala—alam mo iyon?—na hindi pa maayos iyong imbestigasyon. Kasi, Ka Ely, ‘di ba, kung pala totoo—halimbawa, kung wala palang rape—parang sinira mo iyong buhay ng mga... ‘di ba?

     

    ELY: Labing-isa ang suspek.

     

    VP LENI: Oo. Sinira mo ang buhay ng mga ito. Saka kawawa ang pamilya ni Christine. Kawawa ang pamilya ni Christine, na nawalan na nga sila, nawalan na nga sila tapos hindi pa maayos iyong paghanap ng... ‘di ba?

     

    Ako nga, Ka Ely, hindi ko nga kayang panoorin... hindi ko kayang panoorin iyong hinagpis ng pamilya, kasi nanay din ako eh. Nanay din ako, iyong mga anak ko mga dalaga din. Sobrang sakit noon. Sobrang sakit. Pero lalo pang sasakit iyon kapag pinapaniwala ka ng isang bagay na wala pa naman palang basehan.

     

    So para lang sa akin, dapat maging very careful tayo. Ako, para sa akin, Ka Ely, kung mayroong nagkasala, kailangan talagang parusahan. Pero iyong sa akin, ilagay naman sa tama. Ilagay sa tama. Huwag padalos-dalos iyong pagsabi ng conclusion, na wala pa naman palang— Kasi marami tayong napapaniwala, Ka Ely, ‘di ba? Marami sa atin ang napapaniwala. Tapos iyon pala, wala pa namang... parang hindi pa naman conclusive iyong imbestigasyon na isinagawa. Kaya para sa akin, Ka Ely, kailangan mas maging responsable tayo sa pag-handle ng mga crimes na ganito.

     

    ELY: At siguro, Ma’am, kinakailangan na talagang iyong Philippine National Police ay talagang maging maingat po sa pag-iimbestiga. Kasi dito po lumilitaw na mukhang maraming pagkukulang. Biruin n’yo iyong medico-legal po, ipina-embalsamo na. Eh malaking kaso po ito na mas madali na maipa-awtopsiya po muli.

     

    VP LENI: Nakita ko, Ka Ely, iyong ibang mga eksperto sa field, na sinasabi nila na kapag inembalsama na, napakahirap na, napakahirap nang parang balikan, balikan iyong mga dapat nilang i-check—halimbawa, DNA samples, etc., etc.—kasi inembalsama na. Iyong sa akin, Ka Ely, iyong pag-review ng procedure, sino ba iyong mga nagha-handle. Dapat iyong mga nagha-handle, alam kung ano dapat gawin. Ako, Ka Ely, hindi naman ako eksperto—abogado ako pero hindi ako, Ka Ely, eksperto sa ano ba iyong kailangan na... ano ba iyong mga kailangang hanapin, ano ba iyong mga kailangang— Kapag dumadating iyan sa amin, Ka Ely, alam namin iyong mga hahanapin, pero iyong protocols, iyong protocols na dapat sinasagawa, kailangan iyong mga nagha-handle alam ito. Alam ko, Ka Ely, iyong DOJ mayroon na siyang order sa NBI na mag-step in. Pero paalala ito, Ka Ely, paalala sa lahat na nagha-handle ng mga crime scenes, lahat na nagha-handle ng mga ganitong parang mysterious na mga deaths: iyong pagiging extra careful sa paghawak ng kaso, iyong pagiging... pagsisiguro na iyong protocols nasusunod, pag-assess kung mayroon ba talagang protocols in place. Kasi kung ako iyong nanay, Ka Ely, siyempre iyong gusto kong mangyari, parang malaman iyong katotohanan, ‘di ba? Kapag ganito iyong... kapag ganito iyong nangyari, na hindi nasunod iyong mga dapat sundin, parang walang closure para sa iyo. Parang masakit na nga na namatayan, kung hindi mo pa alam kung ano iyong nangyari, mas dodoble iyong sakit.

     

    ELY: At siyempre, iyong epekto nito, Ma’am, sa mga sabihin natin pagkukulang sa pag-imbestiga, kung talagang isusulong iyong panukalang parusang kamatayan eh—

     

    VP LENI: Ayon nga, napaka-delikado, Ka Ely.

     

    ELY: —kawawa. Yes, Ma’am.

     

    VP LENI: Napaka-delikado kasi hindi maayos iyong imbestigasyon, tapos sinasabi mo na na “ito iyong mga guilty.” Kung mayroon tayong death penalty, baka nasa death row, tapos hindi naman pala iyon ang nangyari. Napaka-delikado noon.

     

    ELY: Okay, huling topic natin, Ma’am, itong franchise renewal na inihain po ni SP Tito Sotto at Congresswoman Vilma Santos. Ano pong masasabi n’yo dito?


    VP LENI: Ako, para sa akin, supportive ako doon, Ka Ely. Supportive ako, at tingin ko iyon iyong tamang paraan, iyong paghain ni Senator Tito Sotto saka ni Congresswoman Vilma Santos-Recto ng pag-approve ng panibagong franchise para sa ABS-CBN. Kasi, Ka Ely, sinabi ko na ito dati, pero sasabihin ko ulit ngayon: Sa kaiikot namin, Ka Ely, sa maraming mga lugar, grabe iyong epekto sa kanila—lalo sa malalayo, grabe iyong epekto sa kanila ng pagsasara ng ABS-CBN, dahil maraming malalayong lugar, Ka Ely, na ABS-CBN iyong may presence, at ABS-CBN iyong inaasahan nila para sa information. Ako, Ka Ely, very supportive ako sa ginawang pag-file. Iyong sa akin naman, Ka Ely, ganoon pa din: kung mayroong kasalanan o mayroong pagkukulang ang ABS, panagutin. Pero kung wala naman, huwag naman sana. Ito, Ka Ely, hindi kasi ito parusa lang sa ABS, eh. Parusa ito sa lahat na umaasa sa ABS-CBN. Saka iyong nakakaawa talaga, Ka Ely, iyong mga maliliit na nawalan ng trabaho. Iyong mga settled na, Ka Ely—halimbawa iyong mga may-ari ng ABS-CBN—kung doon iyong galit... ano ito, Ka Ely, eh, hindi actually sila iyong pinaka-apektado nito. Maraming, maraming mga maliliit na mga nagtatrabaho sa ABS na sobrang kawawa, Ka Ely, sobrang kawawa na nawalan ng trabaho. Sana sa pag-file nito, Ka Ely, hindi kasama iyong mga personal na galit. Sana iyong pag-hearing nitong bagong pag-file ay nakabase sa facts available—na hindi sinasabi kung may galit ka sa may-ari o kung anuman. Sana very fair iyong prosesong mangyari. Kasi, gaya ng sabi ko, Ka Ely, hindi lang ito dine-deserve ng mga taga-ABS, pero dine-deserve ito ng mga communities na nawalan talaga ng source of news saka entertainment noong nawala lalo na iyong mga ABS-CBN regional offices.

     

    [END OF GAP 1]

     

    ISTORYA NG PAG-ASA SEGMENT

     

    ELY: Opo, okay samantala, Ma’am, at ito, siyempre dito pa din tayo sa ating Istorya ng Pag-asa para po sa ating mga kababayan ho napaka-importante ho itong segment na ito dahil sa ito po ay nagbibigay ng inspirasyon sa lahat at pagkilala rin natin, Ma'am, ano sa mga indibidwal at anumang grupo na kung saan ay nakapag-ambag po ng kanilang kung ano mang inspirasyon para po sa taumbayan.

     

    VP LENI: Ang bisita natin, Ka Ely, pambihira ito kasi ano ito, mother and son team. Mother and son team, si Nanay Gay saka si Reggie Piadoche. Si Nanay Gay saka si Reggie ay sila ang may-ari ng Heaven's Touch Cuisine na isa itong maliit na kainan malapit sa UST sa Sampaloc. Ang kuwento nito, Ka Ely, ito ay family-run na kainan na nagsisilbi na sila for 14 years sa mga estudyante sa may area ng UST. Kilalang-kilala sila doon sa mura nilang pagkain, saka masarap na pagkain. Pero noong nagkaroon, Ka Ely, ng ECQ, isa sila sa pinakagrabe ang epekto dahil bigla. Siyempre nag-lockdown iyong mga eskuwelahan siyempre nawalan sila. Nawalan sila ng hanapbuhay. Pero, Ka Ely, ito sobrang nakakabilib kaya Istorya ng Pag-asa kasi isa sila sa pinakagrabeng epekto, pero ang nangyari imbes na—imbes na sisihin nila kung sino o imbes na magmaktol o imbes na magkulong, ang dami nilang natulungan. Ang dami nilang natulungan noong ECQ at isa na doon—isa na doon ang opisina namin, Ka Ely. Kasi noong pinakahuling—noong pinakahuling mga sakuna, nagdonate pa sila. Nagdonate sila ng mga relief packs sa OVP for distribution doon sa mga tinamaan ng bagyo.

     

    So kausapin natin si Nanay Gay at saka si Reggie, siguro pakumustahin muna sila sa mga nanood sa atin at nakikinig sa atin ngayon. Nanay Gay at Reggie, good morning sa inyo.

     

    REGGIE PIADOCHE: Hello po, hello po. Good morning po sa lahat ng nakikinig at nanonood sa FB Page ninyo, Ma’am.

     

    VP LENI: Ayon. Ito, Reggie, kasi bata ka pa ‘di ba tapos 14 years na ang Heaven's Touch Cuisine. Anong age ka—anong age mo pa lang ba noong nag-umpisa kayo nito?

     

    REGGIE PIADOCHE: Nagstart po kami siguro mga third year high school po ako noon. And then, ngayon ano na, years na rin po akong nagtatrabaho sa matagal na po—nakapagtapos na po ako ng college, ng masters—so talagang grabe—

     

    VP LENI: Matagal na talaga—

     

    REGGIE PIADOCHE: Dito po talaga ang isa sa mga main na pinagkuhanan namin during noong nag-aaral po ako.

     

    VP LENI: Pero ito kay, Nanay Gay, papaano niyo po, Nanay Gay naisipan na magbukas ng ganitong kainan sa may UST? Taga doon ba talaga kayo? Sino ba sa inyo ang mahusay magluto? Papaano kayo nag-umpisa?

     

    NANAY GAY PIADOCHE: From the start, Ma'am, nagluluto na po talaga ako doon sa—galing po kasi kami sa Pasig. Bago—noong umalis po ako doon, naghanap po ako ng boss para makapagsimula ulit, another trabaho. Dito po ako naipasok.

     

    VP LENI: So noong una, hindi pa sa iyo ang kainan? Parang mayroon ka pang boss dati?

     

    REGGIE PIADOCHE: Parang ang—technically po may—noong una po sa Pasig, may sarili talaga kaming kainan. And then parang ito kasing Heaven's Touch, ito parang pinasalo na sa nanay ko. So nag-e-exist na talaga siya pero hindi naman siya ganoon kakilala o kalakas and then parang sabi kay nanay na ikaw na humawak and all. So parang ang pinakamay-ari ng building na ito na pinagtatayuan namin iyon po talaga ang pinaka-owner, sila Doctor, pero iyon nga po sa sobrang kabaitan nila, parang ganoon ang nangyari—na pinahawak kay nanay—

     

    VP LENI: Naging sa inyo na—

     

    REGGIE PIADOCHE: Opo, ganoon ang parang sistema na may share nalang na nangyayari doon sa income noong kainan.

     

    VP LENI: Pero ano iyon ha, hindi biro na 14 years na. Gustong sabihin—

     

    REGGIE PIADOCHE: Yes, opo.

     

    VP LENI: Gustong sabihin may binabalik-balikan talaga iyong mga estudyante. Ano ang sikreto?

     

    NANAY GAY PIADOCHE: Pagmamahal po, Ma’am. Nandoon po talaga ang pagmamahal.

     

    REGGIE PIADOCHE: Kasi ano po iyon, turingan kumbaga namin iyong simula—for example, may mga kuya ako dito kasi nga ang turingan namin dito sa Heaven's Touch Cuisine is parang bahay. And then iyong mga tambay dito is anak na rin ni nanay at kapatid ko so naging kaibigan ko, barkada, kahit outside ng kainan nakakasama ko sila. And then iyon, hanggang sa ako nalang ang naging kuya ng mga estudyante so iyon po ang turingan talaga. Iyong bond namin dito. May Christmas party kami. Every Paskuhan nagkikita-kita kami, may reunion ng mga bagong tambay at mga dating tambay so doon talaga. Kumbaga may community na nabuo dahil dito. Minsan may nabubuong love life, ganoon po.

     

    VP LENI: [chuckles] Tapos ito, Reggie, ito, Reggie ano, ang karamihan sa mga customers niyo mga estudyante?

     

    REGGIE PIADOCHE: Opo, estudyante po talaga po ng UST.

     

    VP LENI: So parang kung 14 years, parang ang dami niyo nang nakitang dumaan ‘di ba?

     

    REGGIE PIADOCHE: Opo.

     

    VP LENI: Siguro ang mga customer niyo siguro mayroon nang mga doktor—

     

    REGGIE PIADOCHE: Marami po, opo.

     

    VP LENI: Mayroon nang mga professionals—

     

    REGGIE PIADOCHE: Yes, mostly professionals na po talaga. Kung mapapadaan po kayo sa kainan namin punong-puno na rin po kami ng grad picture. Iyong kainan namin kasi naka-display po lahat ng grad picture ng mga tambay namin.

     

    VP LENI: Ah, talaga. Tapos ito, siyempre nagsara ang UST, o nagsara ang lahat ng mga schools siyempre isa kayo sa pinakaapektado, ‘di ba? Isa kayo sa pinakaapektado kasi ito ang clientele niyo. Ano ang naramdaman niyo noong unang nagsara noong March?

     

    REGGIE PIADOCHE: Actually noong nagsara ang UST, parang kami sanay na po kami sa ganoong sistema na parang—kasi ang sistema po kasi kapag malapit na sa kainan and also—ay malapit ka sa school and also ang market mo po is mga estudyante, pag summer talaga alam mo talaga magda-down ang ano mo. So kami parang 3 months lang ito. At first parang iyon ang pakiramdam namin. Lockdown, 3 months lang ito. So kami handa. Handa iyong ganung span.  Kumbaga sanay kami, handa kami na… hindi ganooniyong walang sales during those times. So iyon nga, nung tumagal na, doon na kami naapektuhan. Even iyong savings naming magkakapatid. And even savings ni nanay, talagang nagastos na namin. So parang kami, paano kaya ito? Paano kaya iyong magiging Sistema. So iyon po, doon talaga kami naapektuhan nung tumagal na po iyong lockdown talaga.

    VP LENI: Pero ito, noong tumagal iyong lockdown, doon niyo naramdaman na iba to, ‘di ba? Hindi na lang ito parang summer na walang pasok. Pero ang problema noon Reggie at saka Nanay Gay hindi mo alam kung hanggang kailan, ‘di ba? Hindi mo alam kung hanggang kalian. Pero papaano niyo naisipan, na di ba kasi nagstart kayo iyong mga nurses at saka mga doktor, at saka iyong mga health workers, pinapakain niyo na. Papaano niyo sinimulan?

    REGGIE PIADOCHE: Nag-start po kami noong March. Bali iyong first week ng lockdown po noon. Kami naman, iyong may-ari ng building na to, which is iyong doktor, doktor po kasi siya, na-inform po kami na parang, nag-lockdown si UST kasi nga may COVID positive. So kami, we’ve been here for 14 years, so parang it’s about time to give back. Give back doon sa support ng Thomasian community sa amin. And then iyon, parang we posted it on our social media po, and then ayon boom na. The rest is history. Iyon nga, marami pong mga social media outlet… media outlet na… maraming media outlets na nag-recognize sa effort namin…

    VP LENI: Na nag-contact sa inyo…

    REGGIE PIADOCHE: And also, iyon nga, even DOH, nag ano kami ng contact, na-recognize kami sa Kontra-COVID heroes that time and maraming nag-message. Kumbaga, iyon iyong parang nagpa motivate po sa amin na, ay iba to. Parang calling na kailangan nating ipagpatuloy. As long as may magsusupport, why not? Kasi nanghihinayang po kami. Unang una, iyong capabilities namin magluto, at the same time iyong pwesto na mayroon kami may kusina kaming malaki somehow… Sayang naman kung hindi magagamit din. So iyon, iyon po iyong talagang nagpa-motivate sa amin.

    VP LENI: So ito, during the 14 years, si Nanay Gay  ba, until now, ikaw mismo iyong tumututok sa operations nung Heaven’s Touch?

    REGGIE PIADOCHE: Opo. Iyong mga ano naman, parang, kasi nga nagwowork ako before. And ano, parang somehow tumutulong bigla kung hindi naman busy. Tsinetsek si nanay kung ano iyong mga bagong drinks, itse-tsek niya kung ano kailangan i-add sa menu… Ia-add ko kay nanay, tapos ipapakita ko sa kaniya kung ano iyong menu. Ganoon lang. Pero si nanay talaga iyong overall in charge talaga. Ano lang kami, kumbaga, nagsu-supervise minsan pag may mga bagong trend.

    VP LENI: Tapos ito, Reggie, kasi iyong nangyari nung nakilala na kayo ng mga tao, di ba, alam nila na tumutulong kayo. Tapos marami na rin mga tao na gusto tumulong tapos pinapadaan sa inyo iyong tulong, ano ba iyong pakiramdam at sakaano iyong aral na napulot niyo dun, na sa panahon ng pandemic, di ba, iyong mga tao, ang dami daming gustong tumulong, nagtutulungan talaga lahat. Ano iyong pakiramdam?

    REGGIE PIADOCHE: Sobrang ano, eh, nakaka-overwhelm po talaga sa part namin kasi parang we didn’t expect din naman na magmo-move ito nang ganito. Iyong recognition namin… iyon nga, especially iyon nga nakakausap po namin kayo. Isa po kayo sa inspiration namin dito sa pagtulong, the way kayo as a leader. So iyon, sobrang overwhelm, nakaka… hindi namin eh… iyong gratitude namin na… walang words eh para ma-explain talaga kung iyong support and trust ng mga tao sa amin sa ginagawa namin. Kasi nga sino ba naman mag-aakala na isang karinderya, makakapagbigay ng pagkain sa mahigit sampung libong tao. ‘Di ba… sobrang salamat.

    VP LENI: At saka Nanay Gay at saka Reggie, ‘di ba, pati celebrities lumapit sa inyo. Parang napanood ko yata kayo kay Erwan [Heussaf]

    REGGIE PIADOCHE: Yes, opo.

    VP LENI: Tapos kahit yata si Angel Locsin, nag contact din sa inyo. Para sa akin, ang laking bagay nito, ‘di ba? Kasi nakaka… kahit papaano nakakataba ng puso pag may lumalapit sa inyong gustong tumulong. Kasi gustong sabihin, iyong tiwala na sa inyo.

    REGGIE PIADOCHE: Yes po.

    VP LENI: Para siyang affirmation na over the 14 years na nandyan kayo, marami pala kayong tamang ginagawa.

    REGGIE PIADOCHE: Yes, iyong support po talaga hindi namin inaakala na darating. Kasi kami naman po, iyong community namin, iyong tambay namin, nandiyan naman sila lagi. Naka support every time na we post something. Share lang sila nang share. And then yun, kumalat na po talaga. Kasi nga, dahil po doon, plus factor iyong recognition ng mga media outlets and also iyong government also recognizes us.  And iyon po talaga iyong tumulong sa amin. Kasi parang itong nangyayari sa amin is itong nangyayaring recognition is a bonus na talaga. Kasi alam ko darating iyong point na siguro iyong ginagawa namin is may darating din sa amin in return. Dahil, siyempre, iyong recognition nan are-receive namin. Pero ang sa amin lang talaga, tumulong eh. Kasi sabi nga ni nanay sa mga interviews niya… tayo-tayo lang din ang magtutulungan.

    VP LENI: Totoo.

    REGGIE PIADOCHE: So iyon po talaga. Iyon na lang po talaga iyong ginagawa namin. As long as kaya po namin tumulong, gagawin po namin. Gagawin po namin talaga.

    VP LENI: Ayon, maraming salamat. Wala na tayong oras oras, pero kami, gusto lang namin magpasalamat sa inyo. Magpasalamat hindi lang sa tulong na pinadaan niyo for the typhoon victims, pero siguro sa 14 years, sa 14 years na naging bahagi kayo ng buhay  ng napakaraming estudyante. Nagpapasalamat kami na hindi niyo hinayaan iyong kahirapan sa negosyo nung panahon ng lockdown… parang binaliktad niyo pa, di ba? Binaliktad niyo pa. Instead na naging kahirapan yun, parang ginamit niyo pa iyong advantage na maraming tumitiwala sa inyo para mas marami din kayo matulungan. Kaya maraming, maraming salamat sa inyo. Sayang wala na tayong oras. Pero Nanay Gay, Reggie, sana ipagpatuloy, ipagpatuloy iyong mabuting ginagawa. Kami naman ay malaki ang pasasalamat namin sa mga kagaya niyo. Kaya mabuhay kayo, mag-iingat po kayo.

    REGGIE PIADOCHE: Opo. Thank you po.

    VP LENI: Maraming, maraming salamat sa lahat ng tulong.

     

    [END OF INP SEGMENT]

    VP LENI: Ayon, Ka Ely, past 10 na. Sayang wala na tayong oras. Pero iyon, nakakabilib, Ka Ely, nakakabilib iyong kuwento noong mag-ina… noong buong pamilya, actually, na alam naman natin Ka Ely noong panahon ng ECQ, talagang iyong mga karinderya sa labas ng mga paaralan, sila talaga iyong grabe iyong tama. Pero itong pamilyang ito, iyong kahirapan ay nagamit pa nila para lalo silang makatulong sa iba.

    ELY: Okay, so, Ma’am, paalam na po tayo at wala na tayong oras. So hanggang sa susunod pong muli, dito sa BISErbisyong LENI. Good morning po sa inyo at ingat po kayo lagi.

    VP LENI: Maraming salamat po. Pasensya na po kayo hindi na namin mababasa iyong mga messages niyo. Sa susunod na lang po. Maraming salamat!

    ELY: Okay. Good morning, mga kasama, at ang ating Bise Presidente Leni Robredo. Maraming salamat. At ako naman po ang inyong radyoman, Ely Saludar. Magandang umaga, Pilipinas!

     

     

    - 30 -

    Posted in Transcripts on Jan 10, 2021