This website adopts the Web Content Accessibility Guidelines (WCAG 2.0) as the accessibility standard for all its related web development and services. WCAG 2.0 is also an international standard, ISO 40500. This certifies it as a stable and referenceable technical standard.

WCAG 2.0 contains 12 guidelines organized under 4 principles: Perceivable, Operable, Understandable, and Robust (POUR for short). There are testable success criteria for each guideline. Compliance to these criteria is measured in three levels: A, AA, or AAA. A guide to understanding and implementing Web Content Accessibility Guidelines 2.0 is available at: https://www.w3.org/TR/UNDERSTANDING-WCAG20/

Accessibility Features

Shortcut Keys Combination Activation Combination keys used for each browser.

  • Chrome for Linux press (Alt+Shift+shortcut_key)
  • Chrome for Windows press (Alt+shortcut_key)
  • For Firefox press (Alt+Shift+shortcut_key)
  • For Internet Explorer press (Alt+Shift+shortcut_key) then press (enter)
  • On Mac OS press (Ctrl+Opt+shortcut_key)
  • Accessibility Statement (Combination + 0): Statement page that will show the available accessibility keys.
  • Home Page (Combination + H): Accessibility key for redirecting to homepage.
  • Main Content (Combination + R): Shortcut for viewing the content section of the current page.
  • FAQ (Combination + Q): Shortcut for FAQ page.
  • Contact (Combination + C): Shortcut for contact page or form inquiries.
  • Feedback (Combination + K): Shortcut for feedback page.
  • Site Map (Combination + M): Shortcut for site map (footer agency) section of the page.
  • Search (Combination + S): Shortcut for search page.
  • Click anywhere outside the dialog box to close this dialog box.

    BISErbisyong LENI Episode 193

    BISErbisyong LENI Episode 193

    ELY: Magandang umaga, Pilipinas—Luzon, Visayas, at Mindanao! Isa na namang edisyon ng BISErbisyong LENI dito po sa RMN. At siyempre ngayon po ay araw ng Linggo, January 17, 2021. Magandang umaga, Pilipinas, at siyempre mula po rito sa Metro Manila sa RMN DZXL 558 Manila, tayo po ay napapakinggan sa RMN DYHP 612 Cebu, RMN DXCC 828 Cagayan de Oro, RMN DXDC 621 Davao, RMN DWNX 1611 Naga, at siyempre sa lahat po ng inaabot ng ating broadcast nationwide, netwide. Magandang umaga, ako pa rin ho ang inyong radyoman, Ely Saludar.

    Okay, mga kasama, at ako pa rin ho ang inyong radyoman, Ely Saludar. Siyempre kasama pa rin ho natin ang nag-iisang Bise Presidente ng Republika ng Pilipinas, si Madam Vice President Leni Robredo. Ma’am, good morning!

    VP LENI: Good morning, Ka Ely! Good morning po sa lahat na kasama natin ngayong umaga—iyong mga nakikinig po sa DZXL, mga kasama natin sa Facebook Live, both sa page ng RMN at saka sa page ng VP Leni Robredo. Magandang, magandang umaga po sa inyo. Sa atin pong mga kababayan sa Bicol, marhay na aga saindo gabos. Sa ating mga kababayan sa Visayas at Mindanao, maayong buntag. Ka Ely, mag-special hello lang tayo at saka pangungumusta sa mga nakikinig sa atin sa Iligan City kasi kahapon, Ka Ely, nabalitaan namin na may matinding pagbaha doon. Marami iyong mga mauulan na lugar. Mayroong nag-message sa amin sa Facebook na may matinding pagbabaha sa Iligan City so pinapunta namin doon, Ka Ely, iyong team namin para i-assess. Ka Ely, parang nadadalas na iyong ganito. Talagang climate change na tayo. Kung naalala mo, noong nakaraang linggo sa Negros Occidental naman. Bago niyan ay sa Surigao at saka sa Agusan del Sur. Kaya sunod-sunod ito, Ka Ely. Kami naman po sa office ay nagmo-monitor kami at tinitingnan kung papaano kami makakatulong.

    ELY: At siyempre sa kabila ng patuloy na pagtulong po sa mga ganiyan na may mga kalamidad, kumusta rin iyong ating pagresponde sa patuloy na pandemya, itong COVID-19, dito sa bansa?

    VP LENI: Iyong ating pagtulong, Ka Ely, ng mga PPEs, ng mga medical supplies, tuloy-tuloy pa rin. Ang pina-priority namin, Ka Ely, iyong mga matataas iyong kaso. Kung naalala mo rin, Ka Ely, several weeks ago namigay tayo ng mga testing kits sa iba’t ibang mga lugar. Iyong mababa na iyong supply nila. Lalo na ngayon kasi after the holidays, nakita natin kahapon parang 2,000 plus ulit iyong cases. Medyo mataas talaga noong nakaraang linggo. Parang may dalawang araw din noong nakaraang linggo na 2,000 plus. Kadalasan, more than a thousand. So tuloy-tuloy iyon, Ka Ely.

    Iyong ating typhoon rehab—hindi na tayo relief. Iyong typhoon rehab ay tuloy-tuloy rin. Kinuwento ko na, Ka Ely, noong nakaraang linggo na may dalawa tayong housing projects na under construction ngayon. Iyong pinaka-una roon iyong Guinobatan, iyong mga natabunan ng lahar. Iyong pangalawa naman iyong Lupi, Camarines Sur. Ito iyong mga biktima ng landslide. So tuloy-tuloy iyong pagpapabahay doon. Sa Guinobatan hindi pa ako na-a-update kung ilan na iyong natapos pero sa Lupi, as of yesterday, parang more or less 10 na iyong may bubungan. Bibisitahin ko iyon very soon.

    Pero noong nakaraang, kailan ba iyon, Huwebes? Huwebes yata, Ka Ely, nasa Bulacan ako. Nasa Bulacan ako, tatlong bayan at lungsod iyong dinaanan ko—iyong Sta. Maria, iyong San Jose del Monte, at saka Meycauayan dahil, Ka Ely, after the pandemic, in-expand natin iyong ating sustainable livelihood and training program. Pinupuntahan natin iyong mga—o tinutulungan—hindi lahat napupuntahan pero lahat tinutulungan natin iyong mga grupo na magkaroon ng either panibago o bago na pagkakakitaan. Ito iyong mga livelihood opportunities. Noong nakaraang linggo, tatlo ulit na lugar iyong binabaan natin ng tulong. This week, Ka Ely, iyon iyong concentration natin. Mayroon akong—iikot ulit ako ng Laguna. Laguna kasi mayroon tayong mga grupong tinutulungan doon. Marami kaming provincial ngayong linggo, Ka Ely. Mayroon din kaming Quezon. Iyong Quezon naman, Ka Ely, iikutan namin iyong mga Community Learning Hubs natin doon tapos baka mag-Bicol ulit tayo para i-assess iyong ongoing construction ng mga pabahay. Iyong linggo iyon na darating, Ka Ely.

     

    ELY: At siyempre, Ma’am, sa kabila ng patuloy, ano, na pagresponde dito po sa COVID-19, nadagdagan naman ho ng pag-aagam-agam dahil po sa pagpasok nito hong bagong variant at nakumpirma nga na mayroon na hong isa rito sa atin galing po ng UAE.

     

    VP LENI: UAE yata, oo.

     

    ELY: Tama, opo. So ito ho ba, paano natin matutulungan iyong ating mga kababayan? Kasi iyong iba baka naging ano na medyo naging kampante na dahil sa paparating na mga bakuna.

     

    VP LENI: Totoo, talagang nagkampante, Ka Ely. Siguro maraming dahilan sa pagkampante. Una, may bakuna na. Pangalawa, noong mga nakaraang buwan kasi parang October, November, December medyo bumaba iyong mga kaso. Hindi tayo umalis na mga 1,000, 1,000 plus. Parang bumaba lang ng 1,000 ng ilang araw pero parang medyo steady tayo doon. Pangatlo, parang, ang term na ginagamit nila diyan, Ka Ely, parang quarantine fatigue. Iyong iba kahit alam naman na iyong danger talaga kapag pagod na pagod na sa loob ng bahay. So marami talaga iyong nagkakampante.

     

    Pero ito pong pagdating nitong bagong variant na sabi nila unang na-detect sa United Kingdom, confirmed na na may kaso sa Pilipinas. Ito yata, Ka Ely, na-confirm noong January 13. Isa pong 29-year-old na lalaki na galing sa United Arab Emirates. Pumunta yata, Ka Ely, December 27 for a business trip. Iyong business trip talagang marami siyang inikutan sa UAE. Bumalik ng January 7. Na-detect, Ka Ely, ng—at least na-detect nasa quarantine siya, hindi pa nakakauwi sa community so may intervention nang ginagawa. Pero ito, Ka Ely, may kasama siyang babae pero iyong babaeng kasama ay negative. Buti na lang. Buti na lang negative iyon. May statement kahapon iyong City Government of Quezon sa mga taga-rito sa Quezon City na na-contact trace na yata parang kung hindi ako nagkakamali, 142 na—ay, 146—146 na iyong na-contact trace nila as of 159 kasi parang 159 iyong passengers plus iyong nag-positive. Parang [146] na. Parang iyong iba nakauwi na sa mga probinsya at hindi na sumasagot. Kaya siguro, paalala rin, Ka Ely, kasi marami iyong contact tracing apps, may mga pipirmahan sa mga—hindi ba kapag pumupunta ka ng mall, kapag pupunta ka ng tindahan. Pero iyong iba kasi, Ka Ely, hindi ito sineseryoso. Mas mabuti iyong complete na contact information iyong nilalagay kasi just in case, ano iyon, nakahalubilo mo, iyong nagpositive dapat sana alam mo para iyong precautions ay nasusundan.

     

    So ito, Ka Ely, iyong assurance nila as of now, totoo na parang mas transmissible yata ito. Gustong sabihin, mas madali siyang makahawa.. Pero iyong sinasabi rito, parang wala pa namang… wala pang ebidensya na mas grabe ito. Gustong sabihin, mas naga-grabe iyong pasyente. So ang sa atin lang, Ka Ely, paalala. Paalala na hindi ito panahon ng pagkampante dahil nga rito.

     

    ELY: Pero, Ma’am, iyong nangyari nga rito sa Quezon City, ‘di ba nabanggit pa Kamuning. Kasi nagkaroon po ito ng parang diskriminasyon din sa mga taga-Barangay Kamuning. Papaano kaya ito maiiwasan. Kasi noong una ho na pumutok iyong COVID-19, iyong bawat pasyente may numero, eh. Patient 101. Pero ito nabanggit kaagad ng DOH at mukhang na-excite si Health Secretary Francisco Duque, nabanggit iyong pangalan pati iyong barangay. So kinabukasan, nako, wala hong nagpunta sa mga palengke, iyong mga nagta-trabaho na mga taga-Barangay Kamuning pinauwi ng kanilang mga employer dahil sa takot. So papaano kaya maiiwasan iyong mga ganito na para hindi naman magkaroon ng diskriminasyon at siyempre, huwag din kaagad na maalarma ang tao?

     

    VP LENI: Oo nga, Ka Ely, kasi ako, Ka Ely, taga-Kamuning ako. Wala ako sa Barangay Kamuning pero nasa may Kamuning lang ako. Napakalapit sa amin. Talagang paminsan kasi parang nabo-blow out of proportion. Kapag sinabi ngang Barangay Kamuning, hindi nga na-explain na hindi naman umuwi. Hindi naman umuwi doon sa barangay kasi nasa quarantine siya. Pagdating niya galing sa UAE, hindi siya nagkaroon ng pagkakataon na umuwi, nasa quarantine siya doon na-detect. Kaya iyong mga taga-Kamuning wala namang dapat ipangamba at iyong tao walang dapat ikatakot sa lahat ng mga taga-Kamuning.

     

    Pero, Ka Ely, mukhang mas effective iyong sinasabi na lang kung taga-saan para mas general saang lungsod tapos parang, ano iyong patient number, kasi ito nga, maraming nadadamay. Marami iyong nadadamay. Kami, Ka Ely, ‘di ba tinutulungan namin iyong Kamuning Market, iyon din iyong balita sa atin noong nakaraang linggo na mayroon talagang naramdaman na pag-kaunti noong parang, activity at baka nga dahil diyan. So baka mas ano, Ka Ely, mas maging maingat. Ang ayusin na lang iyong contact tracing. Ang ayusin iyong contact tracing kasi naiintindihan naman natin kung bakit kailangan sabihin pero may ibang paraan. May ibang paraan. Gaya nito, kapag sinabi mong from Kamuning, kapag hindi na binasa iyong balita ang akala ng iba, “‘di ba nagpositive siya habang nasa community,” hindi naman. Kaya mas mabuti, Ka Ely, mas maayos iyong pag-communicate para hindi rin nadadamay iyong iba.

     

    ELY: Okay. At dito pinag-uusapan nga rito ang pagdating ng bakuna at nagkaroon po ng dalawang pagdinig ang Senado at mukhang may mga susunod pa dahil sa napakaraming mga inconsistencies, ano, dito po sa presyuhan noong bakuna. Pero unang-una, Ma’am, dapat bang maging choosy ang mamamayan sa pagpili ng ituturok sa kanilang bakuna?

     

    VP LENI: Ka Ely, dapat siguro ipaalala na iyong kalusugan natin karapatan natin iyon, ‘di ba. Hindi ito isang pribelehiyo na hindi dapat accessible sa lahat pero ito ay isang karapatan na puwede nating i-demand. Kaakibat doon sa karapatan na iyon iyong karapatang magtanong ano iyong isasaksak sa katawan mo, ‘di ba. Ito, Ka Ely, kaya siya nagiging controversial kasi unang una hindi nako-communicate. Hindi nako-communicate nang maayos iyong—may mga statements na sinasabi iyong iba nating mga government officials na hindi nakakatulong. Ito, Ka Ely, bakit ba nagkakaroon ng kontrobersiya? Unang una, mayroong impression, mayroong impresyon whether may basehan iyon o wala, pero ganoon iyong impresyon ng tao na parang may kinikilingan tayo. May kinikilingan tayo, may pinipili tayo na, parang may isang vaccine na nakakaangat sa iba. ‘Di bale na sana ito, Ka Ely. Pero mayroon kasing mga pamantayan na kapag kinumpara mo siya sa mga available ay mababa talaga siya. Ang sinasabi natin ditong ibang pamantayan, kabahagi na iyong presyo, kabahagi na iyong efficacy, eh siyempre dahil isasaksak iyon sa katawan mo interesado ka roon sa efficacy. Eh iyong presyo, may karapatan tayong magtanong kasi taxpayers’ money iyong gagamitin. Kung donation ito galing sa ibang bansa gaya kahapon, parang may idodonate yata iyong China. Hindi ako sigurado, Ka Ely, kung ilan, 500,000 ba? 500,000—

     

    ELY: 500,000 na doses ay ido-donate daw po ng China.

     

    VP LENI: Kung donation, Ka Ely, mas interesado tayo kung gaano iyan ka-safe, ‘di ba. Pero kung kukunin iyon sa utang o kukunin iyon sa GAA o kukunin iyon sa pera ng mamamayan, may karapatan tayong magtanong kung magkano. Nakita ko, Ka Ely, iyong ibang portions ng hearing. Hindi ko siya natutukan dahil nasa ikot tayo pero parang hindi pa nasasabi iyong magkano talaga iyong presyo dahil sa non-disclosure agreement pero may mga lumalabas kasi, Ka Ely, may mga lumalabas na balita. Iyong pinaka-una kung naalala mo, galing sa DOH iyong data, parang lumalabas iyong Sinovac pangalawa sa pinakamahal, ‘di ba. Kasi iyong pinakamahal iyong Moderna. Pero iyong Sinovac parang pangalawa sa pinakamahal. Ang sabi nila iyong AstraZeneca makakabili ka na ng tatlo o apat na AstroZeneca sa iisa lang na Sinovac. So siyempre kung pera iyon ng taumbayan, karapatan natin magtanong kung totoo ba ito. Kung hindi ito totoo, ano iyong totoo.

     

    Tapos kahapon, Ka Ely, nakita ko sa isang statement ni Dr. Leachon na dating consultant sa IATF, parang kinukumpara niya, parang sinasabi niya, Ka Ely, lumabas ito sa isang newspaper sa Bangkok, Thailand, parang kinukuwento niya, Ka Ely, kung magkano iyong bili ng ibang mga bansa. Halimbawa ang sinasabi rito parang iyong US yata, iyong US ang bili niya ng Sinovac ay $5. Iyong Indonesia ang bili niya ng Sinovac ay $17. Pero ang sinasabi niya, Ka Ely, ang Pilipinas ang bili niya ng Sinovac ay $36 yata kung hindi ako nagkakamali. Parang kung totoo ito, hindi natin alam kung totoo kasi ang sinasabi niya lang naman lumabas ito sa Bangkok news, wala pa namang confirmation galing kay Secretary Galvez o sa DOH. Kung totoo na may disparity na ganito, siyempre may karapatan tayong magtanong na bakit ganiyan? Bakit ganiyan, kasi pera ng taumbayan iyan. Hindi pa iyon. Hindi siya mas mahal dahil mas mataas iyong efficacy niya kasi in fact, ngayon sa mga pinagpipilian, siya iyong may pinakamababang efficacy.

     

    So tingin ko, Ka Ely, karapatan ng mamamayan—sana hindi masamain. Kasi nakita ko iyong ibang statements sinasabi na pino-politicize. Hindi ito politika, Ka Ely, kasi kalusugan natin ito lahat. Buhay natin ito lahat. Ang hinihingi lang naman iyong forthright na tamang impormasyon at ang hinihiling, na pakinggan tayo. Kasi, Ka Ely, nakita natin sa… nakita natin sa surveys less than 50 percent sa ating mga kababayan iyong nagsasabing magpapaturok sila o almost 50 percent iyong nagsasabing may pag-aalala diyan. Para sa akin, Ka Ely, kailangan siyang i-address. Kailangan siyang i-address. Hindi iyon na-a-address sa, ‘di ba, hindi siya kayang ma-address na propaganda. Hindi siya kayang i-address na sasabihin mo lang na politika. Kailangan ma-address iyong concerns. If ang concern, Ka Ely, papaano ma-e-explain iyong mababang efficacy. Iyon iyong number one.

     

    Ang pangalawang pag-explain: ano iyong dahilan kung bakit mas mahal iyong bili natin kumpara sa ibang countries, para sa ibang bansa, ng iisang vaccine. Iyong pangatlo: bakit ito iyong pina-prioritize over the others? Naalala ko, Ka Ely, parang may mga nagtanong na senators, hindi ko lang sigurado kung si Senator Binay iyon o somebody else o si Senator Drilon o Senator Ping Lacson, parang tinatanong yata si Secretary Galvez, parang si Senator Nancy, Ka Ely, parang tinatanong kung puwede pa ba tayong mag-back—‘di ba, puwede pa ba tayong umatras. Puwede pa ba tayong umatras. Parang ang sagot, Ka Ely, parang nag-e-explore pa lang naman, ‘di ba, nag-e-explore pa lang naman. So para sa akin, Ka Ely, makakatulong sa pag-boost ng confidence ng tao kung maramdaman ng tao na ina-address iyong kaniyang concerns. Kasi tingin ko, Ka Ely, mahalaga ito. Ginagawa ito, Ka Ely, ‘di ba, ng Cainta. Ewan ko kung nakita mo iyong statement ni Mayor Kit Nieto na mayroon sana silang negotiations with Sinovac pero dahil ang daming mga taga-Cainta iyong nag-express ng concern, sabi nila hindi nila iyon itutuloy. Maghahanap sila ng, parang maghahanap sila ng panibagong usapan sa ibang vaccine kasi pinapakinggan nila iyong pakiramdam ng kanilang mga constituents. So tingin ko, iyon iyong tama, Ka Ely.

     

    ELY: Opo. At ngayon nga, nalilito rin ang mga senador kaya mukhang magpapatawag pong muli ng pagdinig dahil sa iyong naging sagot ni Secretary Galvez at maging si Secretary Duque na nakikipag-usap sila, iyong kay Helen Yang ng Sinovac. Eh ang usapan dito dapat government to government, nagiging government to private. So—eh nakabase yata ito sa Hong Kong, si Helen Yang, ang tanong ni Senator Drilon diyan. So nagkaroon ng ano, ng parang paglalabo, at nilinaw din ng Senado iyong mga sinasabi na fake news diumano na mga presyuhan, eh DOH pala ang nagbigay nito, Ma’am, sa opisina ni Senator Angara. Galing sa DOH. Iyon iyong naging basehan.

     

    VP LENI: Totoo.

     

    ELY: So papaano magiging fake news ito. So mukhang—

     

    VP LENI: Totoo, Ka Ely. Ako lang, Ka Ely, sana ma-realize ng mga opisyal ng pamahalaan na konektado dito sa vaccine purchase na mahalaga iyong confidence ng tao kasi ang makakatulong sa atin lahat, hindi lang sa ekonomiya pero sa kalusugan ng bawat Pilipino, na mataas iyong… mataas iyong pagtanggap sa pagbabakuna kasi iyon iyong makakasalba sa atin. Iyon iyong makakasalba sa ating ekonomiya. Hindi ito parang, “kung ayaw mo eh ‘di huwag.” Hindi ito ganoon. Kahit pa, Ka Ely, ikaw iyong may karapatan na magdesisyon para sa sarili mo, kailangan kumbinsihin iyong tao. Kailangan kumbinsihin natin sila na itong pagbabakuna, ito iyong paraan para makabalik tayo sa normal. Kung hindi tayo, Ka Ely, mag-e-exert ng effort na sabihin iyong katotohanan, kung hindi tayo mag-e-exert ng effort na tugonan iyong mga concerns, hindi ito makakatulong sa confidence.

     

    Ngayon, Ka Ely, halimbawa noong isang araw, Ka Ely, ka-meeting ko iyong Australian Ambassador. Tinatanong ko siya ng sitwasyon sa Australia. Nagkukuwento nga siya, Ka Ely, kakaunti pala iyong kaso sa kanila. At iyong sinasabi niya, Ka Ely, ang tindi, ang tindi daw ng quarantine rules, ang tindi ng mobility. Na araw-araw daw nagpe-presscon ang mga premiers ng iba’t ibang state. Isang kaso daw, talagang parang big deal sa lahat. Iyong sa kanila, Ka Ely, hindi masyadong issue iyong vaccine. Hindi masyadong issue iyong vaccine kasi kaunti iyong kaso. Hindi masyadong issue iyong vaccine, kung saan siya manggagaling, kasi may tiwala iyong tao sa pamahalaan, na iyong best interest nila iyong tutugunan.

     

    Iyon iyong point ko, Ka Ely: na whether Sinovac iyan, whether— Kasi sa atin naman, Ka Ely, hindi tayo nagdi-discriminate kung saan siya galing eh.


    ELY: Tama, opo.

     

    VP LENI: Pero ang mas gusto nating tingnan, iyong datos. Ano ba iyong datos? Iyong datos mababa talaga iyong efficacy. Nakita ko, Ka Ely, marami nang propaganda sa Facebook. Sinisiraan na iyong ibang vaccine. Pero iyong sa akin, Ka Ely, obligasyon naming lahat sa pamahalaan na sabihin kung ano iyong katotohanan, para iyong tao mas nakaka— ‘Di ba? Mas nakaka-engage siya in a more meaningful saka relevant way kapag alam niya iyong lahat na datos nakalatag sa kaniya. Pero mahirap, Ka Ely, iyong hindi mo— Hanggang hindi sinasabi iyong katotohanan, mas marami iyong mga haka-haka. Eh iyong haka-haka, delikado. Delikado iyong haka-haka kasi malay natin hindi naman totoo, pero ito iyong lumalabas kasi hindi forthright sa pagsabi ng datos. Kaya iyon iyong hiling natin, Ka Ely—at least sa Senate man lang—sana iyong mga impormasyon na kailangan natin, iyong impormasyon na kinakailangan ng tao, masagot. Kasi importante, Ka Ely, na pagtulung-tulungan natin na maging confident iyong tao sa bakunang isasaksak sa katawan niya.

     

    ELY: Opo. At siguro, Ma’am, dahil sa kung sa AstraZeneca puwedeng banggitin iyong presyo, bakit sa Sinovac hindi puwede? Eh pera ng taumbayan iyong ibibili rito.

     

    VP LENI: Iyon na nga, Ka Ely. Lalo pa kasi marami nang parang... marami nang related na hindi magandang resulta ng— Halimbawa, iyong sa Brazil, Ka Ely, ‘di ba? Iyong sa Brazil, parang iyong efficacy nga napakababa. Maraming explanation kung bakit. Whether totoo iyong explanation o hindi, kailangan mas maayos iyong pagsabi, iyong pag-eksplika sa tao. Kasi nakikita ko iyong mga sinasabi ng mga defenders sa Facebook. Tingin ko hindi iyon nakakatulong. Mas mabuti official. Mas mabuti official: “Ito iyong desisyon natin.” “Ang desisyon natin ganito, kasi ito iyong mga dahilan.”

     

    Tingin ko, Ka Ely, ito iyong kailangan ng tao. Kasi maraming questions eh. Halimbawa, Ka Ely, naglatag sila ng parang distribution... parang prioritization. Parang ang sinabi nila, Ka Ely—hinahanap ko lang dito—parang... parang may prioritization sila as to the distribution. Halimbawa, pinakauna NCR. Naiintindihan natin iyon, ‘di ba? Tapos mayroong Region III, Region IV-A, Cebu, Davao. Ito daw iyong priority na uunahin. So gustong sabihin, kapag dumating iyong vaccine ngayong Feb—kasi Feb dadating, ‘di ba, Ka Ely—sila iyong uunahin. Tingin ko, Ka Ely, basta klaro iyon sa tao, maiintindihan. Pero dahil, Ka Ely, maraming kwestiyon. Halimbawa, ang unang dadating Sinovac, ‘di ba? Ang unang dadating Sinovac. Pero marami dito sa mga priorities, parang may sarili na iyong kanilang mga LGUs na parang tripartite deals with AstraZeneca. So kapag dumating iyong Sinovac, papaano ba iyong... ‘di ba? Papaano iyong distribution? Tapos sinabi, Ka Ely, na may dadating na Pfizer, pero dahil sa temperature requirements ng storage nila, hindi ito puwedeng ibigay sa ibang lugar. Ibibigay lang ito sa Metro Manila, sa Cebu, sa Davao. Parang ganoon iyong sinabi, Ka Ely. Pero dadating ito 3rd quarter pa, 3rd or 4th quarter. So papaano?

     

    Noong isang araw, Ka Ely, nakita ko iyong statement ng parang pangulo ng asosasyon ng may mga cold storage facilities. Parang sinasabi niya na “wala naman nag-contact sa amin sa pamahalaan.” Hindi ko alam kung totoo iyon o hindi. Nabasa ko sa balita. Pero kung totoo iyon, nakakagulat iyon, kasi ‘di ba kung alam mo iyong requirements ng storage, dapat iyon iyong una mong inasikaso: magkaroon ng inventory ng ilan ba iyong storage facilities na kaya nito? Kung hindi kaya, mayroong bang mga negosyante—kung hindi kaya ng pamahalaan, mayroon bang mga negosyanteng willing to invest sa cold storage facilities na makaka— ‘Di ba? Rather than sasabihin mo, “Ah kaya hindi namin iyan priority kasi ang kailangan na temperate requirement niyan mataas.” Without... ‘di ba? Without coordinating doon sa mga storage facilities. So medyo nakakagulat, Ka Ely, na ganoon.

     

    Tingin ko, Ka Ely, hindi din puwede na kay Secretary Galvez lahat iyong burden. Kasi alam natin na mahusay, mahusay na public official si Secretary Galvez, maraming inaasikaso. Pero tingin ko dapat effort ito ng lahat na nagtutulung-tulungan, na iyong lahat na loose ends naaasikaso. Kasi ‘di ba sinabi na nga natin na hindi pina-prioritize iyong ibang vaccine dahil sa storage requirements. Pero kung hindi naman natin sila kinausap, papaano natin... ‘di ba? Papaano natin— Hindi nga natin alam kung ilan iyong kaya nating i-store dahil hindi naman natin sila kausap.

     

    So para sa akin, Ka Ely, parang ang daming mga questions, ang daming mga questions dahil sa mga naglalabasan, na tingin ko puwedeng may information naman na hindi natin alam. Pero tingin ko obligasyon ng mga nasa grupo na assigned dito na sabihin sa tao kung ano talagang nangyayari. Halimbawa sabihin nila “hindi Pfizer kasi ang Pfizer, ano iyan, mahirap, kasi ganito lang iyong kaya ng storage facilities natin.” Pero wala, Ka Ely, eh. Walang ganoon na discussion. Sa mga briefing naman namin sa mga negosyante, ang sinasabi naman nila na willing sila to invest. So tingin ko mayroong mga hindi nagtutugma. Kaya mabuti na mayroong Senate hearing, kasi baka doon ma-thresh out, Ka Ely.

     

    ELY: Opo. Okay, sa ibang mga bansa ay nagsisimula na po ang pagpapabakuna. Sa Singapore, iyong kanilang prime minister unang nagpabakuna, hudyat ng talagang pagbabakuna sa lahat. Tapos sa Indonesia. Sa Amerika, sa Estados Unidos, si President-elect Joe Biden nakadalawa na nga ho. At dito po sa Pilipinas, noong una sabi ng Pangulo siya ang unang unang magpabakuna kapag dumating iyong Sinovac—kasi iyon ang partikular na parang ineendorso ng ating Pangulo. Pero ngayon parang ang sinasabi niya huli na raw sila. Tila umatras ang Pangulo na siya ang mauna, eh ang importante rito, Ma’am, iyong kumpiyansa ng mga tao sa bakuna, ‘di ba? Makakatulong kung sakaling ang pinaka Pangulo ang mauuna na magpaturok ng bakuna.


    VP LENI: Lalo pa, Ka Ely, kasi ang surveys pinapakita na sobrang popular ni Pangulo, ‘di ba? Sobrang popular ni Pangulo, so makakatulong sana to boost iyong confidence ng ating mga kababayan kung makita siya. As a general rule naman, Ka Ely, kapag benefits, dapat kaming mga public officials iyong nahuhuli. Pero Ka Ely, iba kasing usapan itong vaccine eh. Ibang usapan iyong vaccine dahil ang baba nga ng confidence ng tao sa pagpapabakuna. So makakatulong na kung sino iyong tinitingala nila eh makita nila, ipakita sa kanila na walang dapat ipangamba. So ako lang, Ka Ely, sana tine-take into consideration iyong mga ganito. Nakita natin, ‘di ba, si Widodo sa Indonesia, parang mayroong isang grand na communications plan, iyong first day ng vaccination, siya talaga iyong nagpabakuna. Kaya siguro iyong— Ang Indonesia, Ka Ely, Sinovac eh. Pero parang wala masyado tayong naririnig na controversy surrounding it. Hindi natin alam kung hindi lang nakakaabot dito, pero parang wala masyadong controversy about it, baka ang gustong sabihin, Ka Ely, effective ang communications plan nila. Siguro baka nasabi nila sa tao, na-explain nila sa tao kung bakit ito iyong desisyon. Iyon iyong kulang sa atin, Ka Ely, kaya nagkakaroon ng kontrobersiya.

     

    ELY: Opo. Okay, at samantala, sa kaniyang talumpati sa Skyway Stage 3 project nitong Huwebes, ang sinasabi, naku, hindi raw pambabae ang pagkapangulo dito po sa ating bansa. Ewan ko kung ang pinatutungkulan lang niya iyong kaniyang anak, pero siguro para sa lahat ng kababaihan ito. Eh anong masasabi n’yo, Ma’am, dito?

     

    VP LENI: Ako, alam mo, Ka Ely, hindi ko naman siguro kailangang ipagtanggol ang mga kababaihan dito sa statement na ito. Unang una, alam natin kung ano iyong pagtingin ni Pangulo sa mga kababaihan—at hindi tayo sang-ayon doon. Napakababa ng pagtingin sa mga kababaihan, kaya nga nangyayari itong mga sinasabi niya. Pangalawa, napapaligiran tayo, Ka Ely, sa buong mundo ng mga babae na napakahuhusay na chief executives. In fact, during the pandemic, iyong mga best-performing na mga bansa ay led by women. So hindi ko na kailangan itong sagutin nang paisa-isa.

     

    Pero sa akin lang, Ka Ely, may epekto ito sa laban natin for gender equality, iyong rights of women, na matagal na natin itong ipinaglalaban. Kapag iyong pangulo kasi gumagawa ng mga ganitong statement, may epekto ito sa lahat eh. May epekto ito sa lahat. At iyong— Hindi ito iyong values na pinapaniwalaan natin. Iyong values na pinapaniwalaan natin, iyong respeto sa kababaihan ay mataas, dapat ginagalang iyong mga kababaihan. Iyong sa akin, iyong participation ng kababaihan sa governance, mahalaga. Marami tayo, Ka Ely, na mga pinaglalaban na women empowerment, gender equality. Kapag iyong pangulo nagsalita ng ganito, hindi siya nakakatulong. Nade-deflate niya iyong kampanya. Na tingin ko dapat sana responsibility niya din na maging circumspect sa mga sinasabi, kasi pangulo siya eh. Hindi siya ordinaryong tao na iyong mga nakakarinig lang iyong apektado. Kasi iyong pangulo, Ka Ely, kapag nagsasalita, lahat tayo nakikinig kasi nasa balita siya, lahat nababasa. Kapag ganito iyong pagtingin sa mga kababaihan— Hindi lang naman ito kay Mayor Sara o sa akin o kung sino pang mga kilalang women leaders, pero sa lahat ng kababaihang mga Pilipino, lahat ng Pilipina, may epekto iyong mababang pagtingin ng pinuno.

     

    ELY: Opo. Okay, Ma’am.

    VP LENI: Ayan. Ka Ely, nandito na yata ang ating bisita pero mayroon lang siguro ako, Ka Ely, na isang gustong daanan kasi lumabas sa balita iyong parang intel funds, hindi ko alam, Ka Ely, kung nabasa mo ito.

    ELY: Yes, Ma'am. Mukhang tumaas.

    VP LENI: Parang sinasabi, Ka Ely, na ang taas taas. Pinakamataas yata. Pinakamataas in the history ng bansa ang paggamit natin ng intelligence funds. Umakyat siya to—ang, iyong 2.03 billion pesos, Ka Ely, hindi iyon iyong kabuoan pero iyon lang ang increase for 2020—ay 2019. Ito lang iyong increase for 2019. Nagdagdag siya ng 2.03 billion pesos. Kasi noong 2019, Ka Ely, ang intelligence fund daw ay nasa 13.466 billion pesos na. So gustong sabihin napakalaki noon, Ka Ely, ang dami nang mahihirap na puwedeng tulungan noon. Ang pinaka-controversial kasi, Ka Ely, sa intelligence fund, hindi siya na-o-audit.

    ELY: Ayon.

    VP LENI: Hindi nirereport na parang walang transparency. Walang masyadong transparency, walang accountability. Iyong report yata, Ka Ely, ang pinagmulan nito ang COA report for 2019. Parang sinasabi ng COA report na for the fourth straight year—gustong sabihin, lahat na apat na taon under this adminstration, sobrang tinaas ng confidential and intelligence fund pero nagrereact lang ako, Ka Ely, kasi nakalagay doon, while good sa opisina namin kasi kami daw ang pinakamababa. Kami daw ang pinakamababa, Ka Ely, nakalagay kami ang lowest spender. Kami, Ka Ely, 547,000 [pesos] lang, hindi nga nag-isang milyon. Iyon ang report. Pero, Ka Ely, noong nabasa ko ito, parang nasa Bulacan yata ako nang nabasa ko ito, tinanong ko agad ang staff namin, "Bakit mayroon ba tayong intelligence fund? Hindi ko alam na mayroon tayong intelligence fund.” Ang sagot nila sa akin, Ka Ely, wala. Wala kaming intelligence fund. Parang iyong 547,000 [pesos] na nakareport sa amin, Ka Ely, iyon daw ang by-law allowances na hindi kami iyong nagdedecide. Allowances na by law, binibigay sa mga empleyado. So under daw ito doon sa extraordinary and miscellaneous expenses. Pero wala kami, Ka Ely, na intelligence fund na hindi namin nirereport. Wala kaming ganoon. Tinatanong ko nga, “ito bang 547,000 nirereport ba natin kung saan ito napupunta?” Ang sagot sa akin, oo. May breakdown dahil ito daw ay legally mandated.

    So gusto ko lang ito i-klaro, Ka Ely, na wala kaming intelligence fund. Kasi nakalagay kami ang lowest spender ng intelligence fund. And I think, Ka Ely, mayroon namang paglilinaw ang COA na ginawa. Kasi isa yata sa mga nag-react, kung hindi ako nagkakamali, Sen. Tito Sotto, nag-react din yata siya about it. So iyong paglilinaw namin, Ka Ely, iyong 547,000 [pesos] po, hindi po iyon intelligence fund. Iyon po ay nirereport namin, hindi kami nagdedecide kasi legally mandated.

    ELY: Ayon, opo. Pero nakakalula ha, iyong intel fund ng Tanggapan ng Pangulo—

    VP LENI: 13 billion [pesos], Ka Ely. [chuckles]

    ELY: Laki. [chuckles]  13 billion [pesos] mahigit.

    [END OF GAP 1]

    ISTORYA NG PAG-ASA SEGMENT

    ELY: Okay, Ma'am. Ito na po ang ating Istorya ng Pag-asa. Naku napaka importante nito dahil sa alam naman natin dito po sa palatuntunang BISErbisyong LENI alam niyo ho, napakarami ho ng mga kababayan natin ano. Iba't iba na mula sa iba't ibang mga sektor, ang kani-kanilang mga kontribusyon ma'am nagsisilbing inspirasyon sa ating kababayan.

    VP LENI: Saka ito, Ka Ely, kasi ang bisita natin ngayon parang mas espesyal ang—parang ramdam natin ang kanyang kontribusyon dahil siya mismo nagdadaan sa mantinding paghihirap. Nagdaan siya, Ka Ely, sa matinding paghihirap pero despite the fact na nagdaan siya sa matinding paghihirap, nakuha niya pang tumulong sa kapwa during the pandemic. Pero pakilala muna natin siya, Ka Ely. Iyong atin pong bisita ngayong araw ay si Ms. Marissa Lazaro. Marissa andiyan ka na ba? Parang naka-mute ka yata, Marissa?

    ELY: Okay na?

    VP LENI: Naka mute yata si Marissa, Ka Ely.

    ELY: Ma'am Marissa, okay na? Inaayos lang ho natin. Sandali lang po.

    VP LENI: Marissa, naka mute ka yata?

    MARISSA LAZARO: Okay na po.

    VP LENI: Kumusta ka, Marissa?

    MARISSA LAZARO: Mabuti naman po.

    VP LENI: Maraming salamat ha. Maraming salamat sa pagpapaunlak sa amin ngayong umaga. Pero, Marissa, nabasa namin ang kuwento mo. Ikuwento natin sa kanila, Marissa. Ano ba ang matinding pinagdaanan mo noong 2017—isang malaking trahedya para sa pamilya.

    MARISSA LAZARO: Iyon nga po, ang bunso kong anak ay napagkamalan na—at pinatay nila na sinabi nilang nanlaban po. Pinatay po sa Bulacan noong 2017, August 5. At noong nalaman ko po naman na sinasabi nilang nanlaban, noong nakita ko medico ligal ng anak ko, may tali po siya sa kanyang kamay. Kaya sabi ko paanong manlalaban noong naitali nila ang kamay ng anak ko.

    VP LENI: Ito, sinong sila, Marissa? Iyong sinasabi mo? Sino ang pumatay sa anak mo?

    MARISSA LAZARO: Mga pulis po ng Marilao dahil po nagpost pa po sila sa FB nila. Naipost nila ang pangalan—picture ng anak ko pero ibang pangalan po ang nilagay nila.

    VP LENI: Tapos anong nakalagay doon sa pinost nila, Marissa?

    MARISSA LAZARO: Parang nagtatagumpay sila, ano—nakita nila notorious holdaper daw po, adik, nanlaban, ayon patay. Pero sa pangalang Adrin Data po na kasama din pong namatay ng anak ko, pero sa ibang lugar po.

    VP LENI: Pero Marissa, taga Bulacan ba kayo?

    MARISSA LAZARO: Hindi po. Nagpunta lang po doon ang anak ko kasama ng kaibigan niya. Taga Caloocan po kami.

    VP LENI: Tapos, Marissa, ito pagkatapos mamatay ang anak mo, so ang anak mo ay biktima din ng EJK—

    MARISSA LAZARO: Opo.

    VP LENI: Ano iyong—‘di ba naging very active ka? Naging very active ka sa samahan ng mga EJK families.

    MARISSA LAZARO: Opo. Noong una—

    VP LENI: Sige.

    MARISSA LAZARO: Noong unang taon po, noong unang pagkamatay ng anak ko talagang nawalan ako ng pag-asa kung ano ang gagawin. Dahil unang-una, alam na alam ko na pulis ang pumatay sa anak ko. Pero habang nilalakad ko ang documents ng anak ko na nakita ko na iyon nga, naitali nila o nahuli nila ang anak ko, ibig sabihin nakuha nila na buhay pa ang anak ko. Hindi totoo ang sinasabi nila na nanlaban, nag-isip ako na may mali. May ginagawa silang mali sa pagpatay sa anak ko. Kaya kailangan kong kumilos at hindi ko alam kung kanino ako lalapit. Iyon naka—may nag-ano sa akin na isang organization na Rise Up na iyon, iyong mga panawagan nga na paghingi ng hustisya sa mga namatayan. Iyon po.

    VP LENI: Tapos ito, Marissa, since namatay ang asawa mo—

    MARISSA LAZARO: Anak ko po—

    VP LENI: Ay anak—anak mo pala—-

    MARISSA LAZARO: Opo.

    VP LENI: Anak mo, iyong bunso mong anak, ‘di ba?

    MARISSA LAZARO: Opo, bunso ko pong anak.

    VP LENI: Since namatay ang bunso mong anak, parang ang dalamhati mo, parang na-channel mo siya sa pakikipagtulungan. Hindi lang para maghanap ng hustisya sa anak mo, pero para din tulungan ang ibang pamilya na dumaan din sa parehong trahedya na pinagdaanan mo.

    MARISSA LAZARO: Opo.

    VP LENI: Ano ang naging activities ninyo noon, Marissa?

    MARISSA LAZARO: Mayroon po kaming activities na kapag mayroon pong namatayan, pupuntahan namin. Makikidalamhati kami. Kung may maiaabot po kami, nag-aabot po kami ng kaunting tulong. Iyon po, may mga pamisa po kaming ibinibigay sa kanila. Iyon po, at saka kinakausap po namin ang pamilya bilang napagdaanan din po namin ang napagdaanan nila. Kinakausap po namin sila na nakakalungkot ang iba ay nanghihina sila dahil sinasabi nila na tanggap nila ang pagkamatay ng anak nila dahil adik. Lagi kong pinapaliwanag sa kanila na kahit ho adik ang anak ninyo, may karapatan po silang mabuhay. Ang sasagot nila sa akin, malakas ang loob mo na magsalita dahil hindi adik ang anak mo. Sabi ko, kahit po hindi po adik o adik, may karapatan po lahat mabuhay kahit sino pong tao.

    VP LENI: Ito, Marissa, kasi sa opisina namin marami din kami nakakasalamuha na pamilya ng mga namatayan at alam namin ang sinasabi mo na marami ang mahina ang loob. Marami ang mahina na loob para ipaglaban iyong o hanapin ang hustisya. Pero ikaw hindi ka ganoon. At mayroon kang mga kasamahan na hindi ganoon. At ito, Marissa, nagpapasalamat kami sa iyo kasi ang mga nakakausap namin na iba, parang sinasabi nila, ito ang mga taong kagaya mo na umaalalay doon sa ibang mga nawalan din, ito ang ang nagpapalakas ng mga loob nila.

    MARISSA LAZARO: Opo.

    VP LENI: Pero ito, Marissa, nabasa ko kasi na parang last year, noong March pumunta ka ng Dubai at sinubukan mong maghanap ng trabaho doon?

    MARISSA LAZARO: Opo, sinubukan ko pong magtrabaho dahil sa hirap ng buhay.

    VP LENI: Sinasabi, Marissa, na ang isa daw sa pinakapanaginip mo na kaya ka nagtrabaho doon para mabilhan ng parang memorial lot ang anak mo na malapit sa bahay niyo. Ngayon ba saan sila nakalibing?

    MARISSA LAZARO: Sa Laloma po na may kontrata lang po ng 5 years at malapit na po siyang mag-5 years kaya iniisip ko magrerenew na naman po, at malayo po sa amin. Gusto ko siya dito lang malapit sa amin na nilalakad lang po.

    VP LENI: Pero, Marissa, habang nasa Dubai ka, parang sinasabi na parang hindi masyado naging maganda ang experience mo doon, tama ba?

    MARISSA LAZARO: Opo. Pumasok po ako bilang domestic helper at iyong na-aano ko pong amo ay may pagka—bipolar po. Nanakit ganoon, hindi ako pinapakain. Sa halos isang buwan na nilagi ko doon, talagang ang laki ng inihulog ng katawan ko.

    VP LENI: Tapos ang nabasa kong kuwento, Marissa, ito dito kami bumilib sa iyo kasi nasa Dubai ka pa, parang nagvolunteer ka na sa isang grupo na ang tawag ay KAWA Pilipinas, ano—ano ba iyong—

    MARISSA LAZARO: Ah, iyong Kawa Filipinas po ay nabuo po dahil ang mga nagbuo po noon galing sa pagvovolunteer din po sa Baclaran church dahil biniwalan na po iyong ibang tao dahil sa pangangalaga sa mga pari at madre ng Simbahan hindi na po sila nakapag volunteer kaya naisip nila na bumuo ng sarili nilang organization na KAWA Pilipinas po. Iyong KAWA Pilipinas po ay nagluluto po sila ng pagkain at ibinibigay sa mga homeless, sa mga kulungan po na ngayon po walang nakakadalaw dahil bawal po dahil po sa pandemic.

    VP LENI: Tapos ito, Marissa, nasa Dubai ka nag volunteer ka na dito?

    MARISSA LAZARO: Noong nasa Dubai po ako April, nakita ko na po iyong mga post ni Miss Mae Paner sa FB tapos umuwi po ako sa Pilipinas ng April 7. Nag-message po ako kay Miss Mae kung pwede akong mag volunteer. August 29 noong una akong nagvolunteer po sa KAWA Pilipinas.

    VP LENI: Iyong ginagawa niyo nagluluto kayo tapos binibigay niyo sa mga communities?

    MARISSA LAZARO: Opo may mga communities po kami na pinupuntahan sa Liwasang Bonifacio, sa South Cemetery, sa Makati City Jail, sa Correctional po, sa Mandaluyong City Jail po.

    VP LENI: Ito, Marissa, iyong tanong po parang sa kabila ng naging iyong paghihirap pagdadalamhati ano iyong naghihikayat sayo para gawin itong volunteer work na ito, na ikaw mismo ay nangangailangan pero nakukuha mo pa rin tumulong.

    MARISSA LAZARO: Kasi po kung sa sarili ko lang po, hindi ako makakatulong sa kapwa ko kaya nakakita ako ng paraan sa KAWA Pilipinas upang makapag abot ng tulong sa abot ng aking makakaya po bilang isang volunteer.

    VP LENI: Ito, Marissa, siguro iyong pagpapasalamat namin sayo, gaya nga ng sabi mo nakipagsapalaran ka sana sa Dubai para makatulong sa pagbuhay. Ilan ng nga, Marissa, iyong anak mo?

    MARISSA LAZARO: Tatlo pa po.

    VP LENI: So pang-apat sana si…

    MARISSA LAZARO: Opo, si Christopher po.

    VP LENI: Christopher. So parang ito pag-uwi mo parang ang hinanap mo pa ay makatulong sa iba kaya nagpapasalamat kami sa iyo. At kaya gusto ka namin i-feature sa programa na ito Istorya ng Pag-asa para maging inspirasyon. Siguro iyong mga nakakakilala sayo naiinsipire na sila sa kuwento mo, pero iyong mga hindi pa, sana makita nilang iyong ginagawa mo pati iyong halimbawa mo para mahikayat din sila na sa kabila ng pagdadalamhati puwede mong ma-channel iyong kalungkutan mo sa mga bagay na makakatulong sa ating kapwa. Kaya maraming, maraming salamat sa iyo, Marissa. Siguro panghuli na ano iyong mensahe mo sa mga kababayan natin, sa mga kasamahan mo sa KAWA Pilipinas o sa mga kagaya mo mga nanay, mga magulang din na nabiktima ng extrajudicial killings.

    MARISSA LAZARO: Ang mensahe ko lang ay sana magkaisa tayo hindi na kailngan sabihin kung ano ang kulay, kung sino ang inaanohan nating politika kasi kung nakakaisa tayo lahat magagawa.  Ganoon din po sa pamilya ko sa KAWA na maliit, malaki, may mayaman may mahirap po pero hindi po nila tinitignan iyong at sa tulong ng bawat isa nabuo ang KAWA at nagbibigay ng kung ano ang mayroon sa kanila, kung ano ang kaya nila, may nagbibigay ng cash may nagbibigay ng in kind at ako dahil wala namang maibigay ay iyong binibigay ko po sa kanila ay iyong kaya kong gawin ang aking pong sarili na maging volunteer po.

    VP LENI: Maraming salamat, Marissa, tunay kang inspirasyon sa aming lahat. Kaya magiingat ka kasi hindi pa tapos iyong pandemiya pero pakisabi nalang sa mga kasamahan mo sa KAWA na kami ay nagpapasalamat sa inyong lahat.

    MARISSA LAZARO: Opo, salamat po, VP.

    VP LENI: Mabuhay ka Marissa.

    MARISSA LAZARO: Mabuhay po.

    ELY: Okay, maraming salamat po kay Ma'am Marissa sympre ito ay bahagi pa rin po ng kanilang Istorya ng Pag-asa na sana po ay nakapag bigay ng inpsirasyon at lakas ng loob sa ating mga kababayan.

    VP LENI: Nakakabilib, Ka Ely, 'di ba, nakakabilib na nanay nawalan ng anak na walang kalaban laban, na sabi niya nga na nakatali, pero nakahap pa rin ng paraan na makatulong sa iba. Kaya sana pagpalain… sana pagpalain si Marissa. Maraming salamat sa kanyang ginagawa.

    [END OF ISTORYA NG PAG-ASA SEGMENT]

    VP LENI: Ka Ely, mayroon pa tayong kaunting oras baka pwede nating basahin iyong ating mga mensahe kasi matagal-tagal na tayong hindi nakakabasa.

    ELY: Yes, Ma’am.

    VP LENI: Ito, Ka Ely, si Felix Del Barrio from Atlanta Gerogria, ayon, kumusta ka Felix sana ok ka diyan sa Georgia. Si Jhesy Espanola ito parati natin itong kasama lingo-linggo from Taiwan. Si Delia Relato naman ay nasa Singapore, ayon kumusta kayo, kumusta sa mga kababayan natin na nasa Singapore. Nimura Bungihan Amalia nasa Japan naman siya watching from Japan. Si Lolita J. Mendez STDLK, kumusta po iyong mga miyembro ng STDLK. Ito si John Lloyd Castañeto Jambaro, si Lloyd matagal na natin isyang kaibigan ang sabi niya North Atlantic Ocean siya ayon. Buti, Ka Ely, may signal sa gitna ng dagat, ingat ka, Lloyd, at kumusta sa mga kasamahan mong Pilipino diyan sa barko. Si Monnie Firmeza Valdez is watching from Sydney. Editha Patawe watching from Cavite. Arnel Bayobo watching from Lipa City. Ka Ely, balita ko ang lamig ngayon sa Lipa. Marami akong nakikita sa Facebook na sinasabi na sobrang lamig ngayon sa Lipa, kasi 'di ba, Ka Ely, kapag January masarap iyong weather? Masarap sigurong bumisita sa Baguio, sa Tagaytay, ayan sa Lipa mataas din kaya malamig. Si Rosa Infante Boelcsfoeldi pero nasa Australia siya ayan kumusta po sa mga kababayan natin na nasa Australia. Emely Yarzo nasa Tokyo Japan ang sabi niya good morning daw from the Yarzo families. Frank Grande, uy nasa Pennsylvania, USA. Ito si Paul John Lagunzad from Davao City. Linggo linggo din natin ito kasama. Si Emily Cabiling ang sabi niya shoutout to the Dechavez  and Cabiling family. Ayon, good morning po sa Dechavez and Cabiling family. Si Juliet Bocao Apayor watching from Lapu-Lapu City Mactan Cebu. Ayon si Grant Gannaban-O'Neill Watching from UK, naku, ito iyong kaibigan kong sikat na sikat na. Ito, Ka Ely, Istorya ng Pag-asa natin ito, isa siyang nurse saka hairdresser na nasa UK na ngayon napakahusay nito, napakahusay na painter pero, Ka Ely, nasa news siya kamakailan, kasi, Ka Ely, siya ay nabakunahan na London, kasi, Ka Ely, ang trabaho niya homedresser siya sa isang parang Home for the Aged na facility so frontliner. So sana, Grant, nasa mabuti kang kalagayan diyan. You make us proud. Si Jean Conde from Hong kong  kumusta po kayo? Si Lilibeth Muñoz Cuaton ang sabi niya magandang umaga daw sa atin pero magandang gabi daw sa kanila sa Coquitlam BC Canada. Ayon, napakalamig sa Canada ngayon. Si Lennieanne Verdadero, linggo-linggo din natin itong kasama, Ka Ely, from Hong Kong. Mayroon ulit message si Editha Patawe pa shout out po sa mga taga-Cavite na supporters ni VP Leni. Kumusta po kayong lahat. Hindi na ako nakakabisita ngayong pandemic pero sana magkita kita ulit tayo. Si Arnel Alagar watching from Shizuoka Japan madalas din itong makinig sa atin, Ka Ely. Gilbert Onduran, kumusta ka Gilbert? Mart Cadiz, thank you Mark. Si Marife Dimaunahan magandang umaga daw sa ating dalawa, Ka Ely. Si Zette maraming salamat sa iyo. Si Bores Yob, sabi niya Western Visayas loves VP Leni Robredo ayon sana nasa mabuti po kayong kalagayan, hindi ko alam kung taga saan ka sa Western Visayas pero kung nasa Negros Occidental ka nabalitaan po naming iyong matinding pagbabaha doon at nagpadala po kami ng tulong para kahit papaano iyong mga lumikas sa evacuation center ay makatulong tayo. Si Juliet Bocao Apayor sabi niya Viva Pit Señor Sto Niño ngayong araw iyong, Ka Ely, iyong Sto Niño festival, iyong Sinulog pero parang wala yata ngayon para kinancel nila iyong Sinulog pero kahit cancelled iyong festivities nasa puso pa rin natin iyong pag commemorate at iyong pag celebrate. Ganiyan din iyong nangyari sa amin sa Penafrancia festival noong September. Mayroon pa naman pong ibang panahon basta nagkakaisa tayo sa paniniwala at pananalig ay tuloy-tuloy lang tayo. Leonilo Napolis Mutia sabi niya babangon at lalaban tayo, tama iyan. Tama iyan. Si Marivic Akatsuka ay lagi din nating kasama. Si Joseph Lao ang sabi niya Maligayang Fiesta ng Santo Nino. Karr Hendrik Pascual God Bless, God bless din Karr Hendrik. Si Felize Quiopa Cena, good morning din sayo. Mariyah Cruz maraming salamat. Si Ara Barbante sabi niya para daw sa ating dalawa stay healthy and ingat din po palagi ayon magiingat ka din Ara. Si Melchor B. Dulguime, maraming salamat. Good morning din. Ayan si teacher Camille Agustin Dofredo good morning din sabi niya watching while printing ng report cards ng students kasi teacher ito sa Nueva Ecija, Cabanatuan, 'di ba? Emely Yarzo, good morning daw sa ating dalawa. Si Brandy de Leon taga San Mateo Rizal, good morning sayo Brandy. Si Vidz Palacio na kaibigan din natin from Malolos, Bulacan. Ingat ka Vidz. Si Jelbert Basol maganda umaga. 10 o’ clock na Ka Ely pero bibilisan ko kasi mayroon pa—Seph Bragais Celosa, Manuell Delos Santos, Joel Baraquiel Sr., Rey De Vergara Villamora, Chito Santiago, Jonathan Avila Azutillo, madalas din nating kasama Marideth V La Chica. Iyong iba po habol na lang dahil wala na tayong oras, 10 o’clock na.

    ELY: Opo.

    VP LENI: Siguro pang huli na lang na mensahe, medyo mataas po ulit iyong mga kaso ngayon kaya sana magiingat tayo. Huwag po masyadong magkakampante. Ito po iyong lahat ng mga protocols ganun pa rin. Sana hindi na mauuunahan ng takot. Kung mayroon tayong pangamba sa bakuna magbasa po tayo ng mga lumalabas sa balita, magbasa tayo mga explanation ng mga opisyal para i-educate iyong mga sarili natin. I-educate iyong mga sarili natin kasi mahalaga po ito para sa ating kalusugan. Kaya magiingat po kayo. Dasal natin iyong kaligtasan ng lahat ng mga Pilipino.

    ELY: Okay, Ma’am, ingat din po kayo lagi. Para sa ating mga kababayan na nagtext at nagbigay ng mensahe sa ating Facebook. Iyong iba hindi nabasa, pasensya na po talagang kulang po sa oras. Okay, Ma’am, salamat po.

    VP LENI: Maraming salamat, Ka Ely.

    ELY: Okay, mga kasama, iyan po ang Bise Presidente ng Republika ng Pilipinas, Si  Madam Vice President Leni Robredo, at ako naman po ang iyong radyoman Ely Saludar. Muli, magandang umaga, Pilipinas.

     

    - 30 -

    Posted in Transcripts on Jan 17, 2021