This website adopts the Web Content Accessibility Guidelines (WCAG 2.0) as the accessibility standard for all its related web development and services. WCAG 2.0 is also an international standard, ISO 40500. This certifies it as a stable and referenceable technical standard.

WCAG 2.0 contains 12 guidelines organized under 4 principles: Perceivable, Operable, Understandable, and Robust (POUR for short). There are testable success criteria for each guideline. Compliance to these criteria is measured in three levels: A, AA, or AAA. A guide to understanding and implementing Web Content Accessibility Guidelines 2.0 is available at: https://www.w3.org/TR/UNDERSTANDING-WCAG20/

Accessibility Features

Shortcut Keys Combination Activation Combination keys used for each browser.

  • Chrome for Linux press (Alt+Shift+shortcut_key)
  • Chrome for Windows press (Alt+shortcut_key)
  • For Firefox press (Alt+Shift+shortcut_key)
  • For Internet Explorer press (Alt+Shift+shortcut_key) then press (enter)
  • On Mac OS press (Ctrl+Opt+shortcut_key)
  • Accessibility Statement (Combination + 0): Statement page that will show the available accessibility keys.
  • Home Page (Combination + H): Accessibility key for redirecting to homepage.
  • Main Content (Combination + R): Shortcut for viewing the content section of the current page.
  • FAQ (Combination + Q): Shortcut for FAQ page.
  • Contact (Combination + C): Shortcut for contact page or form inquiries.
  • Feedback (Combination + K): Shortcut for feedback page.
  • Site Map (Combination + M): Shortcut for site map (footer agency) section of the page.
  • Search (Combination + S): Shortcut for search page.
  • Click anywhere outside the dialog box to close this dialog box.

    BISErbisyong LENI Episode 224

    BISErbisyong LENI Episode 224

     

    ELY: Magandang umaga, Pilipinas—Luzon, Visayas at Mindanao! Ito na po ang BISErbisyong LENI dito po sa RMN. At siyempre, mga kasama, ngayon po ay araw ng Linggo, August 22, 2021. Ako pa rin ho ang inyong radyoman Ely Saludar.  At mula po dito sa RMN DZXL 558 Manila, tayo po ay napapakinggan sa RMN DYHP Cebu, RMN DXCC Cagayan De Oro, RMN DXDC Davao, RMN DWNX Naga. At siyempre sa lahat po ng inaabot ng broadcast nationwide, netwide, ito na po ang ating BISErbisyong LENI sa RMN.

    At samantala, mga kasama, ay sa pagkakataong ito ay makakausap po natin ang Chief of Staff ng Office of the Vice President, si Undersecretary Philip Boyet Dy. USec., magandang umaga po sa inyo.

    USEC. PHILIP DY: Magandang umaga, Ka Ely. Good to see you. Magandang umaga rin sa ating mga tagapakinig mula sa iba’t ibang bahagi ng bansa. Sa Naga, sa Cebu, Davao, Cagayan de Oro at iba pang mga nakikinig. Magandang umaga po sa ating lahat. Nandito kami, Ka Ely, ngayon sa Manggahan High School.

    ELY: Iyan iyong ano, iyong Vaccine Express, USec.?

    USEC. PHILIP DY: Yes po, Ka Ely. Tuloy-tuloy po ang pag-arangkada ng Vaccine Express program ng tanggapan ng Pangalawang Pangulo under Vice President Leni Robredo. Ito po, Ka Ely, bale pang lima naming area itong Vaccine Express na pinapadaloy natin ngayong weekend. Maalaala natin, Ka Ely, nagsimula tayo sa Vaccine Express sa LGU Manila. Tapos sinundan natin sa Naga at Iriga sa Camarines Sur. Tinapos namin last week iyong sa Quezon City. Tapos ngayon sa Pasig naman iyong rollout ng ating Vaccine Express.

    ELY: Iyang sa Pasig ay ikalawang araw ngayon ‘di ba Usec? Kahapon mayroon din diyan?

    USEC. PHILIP DY: Tama. Tama, Ka Ely, second day namin sa Vaccine Express. Ito medyo kakaiba, Ka Ely, kasi at least sa Metro Manila iyong unang beses—iyong dalawang beses na ginawa natin ang Vaccine Express, ang target group na binakunahan, mga public transport workers. So ito iyong mga TODA, mga nagmamaneho ng tricycle. Sa Quezon City sinama natin iyong mga nagmamaneho ng jeep. At pati iyong mga delivery riders lalo sa Metro Manila inaasahan talaga natin iyong mga delivery riders tuld ng Grab, Angkas, Lalamove at iba pang malalaking kumpanya. Dito sa Pasig, ang target naman dito, Ka Ely, para sa dalawang araw ay iyong tinatawag na A5 category or iyong mga indigent population. Napakaganda ng ginawa ng local government ng Pasig sa pamumuno ni Mayor Vico, dahil sinabay nila, Ka Ely, may distribution ng ayuda dahil sa imposition ng ECQ sa Metro Manila. So habang nagdi-distribute ng ayuda ginamit nila ang pagkakataon na iyon para mag-register sa pagbabakuna. So iyong mga nakatanggap ng ayuda, sila ngayon po iyong binabakunahan magmula kahapon.

     

    ELY: Maganda iyon para isang labasan na lang ng bahay. Iyong mga kwalipikado makatanggap ng ayuda diyan sa Pasig dahil sa epekto ng ECQ.

     

    USEC. PHILIP DY: Tama po, Ka Ely. Para po convenient na sa ating mga kababayan. Siyempre patuloy ang panawagan ni VP Leni at ng tanggapan na magpabakuna kung may pagkakataong magpabakuna dahil napakahalaga nito para malabanan natin nang sabay-sabay ang pandemya. Nakakatuwa rin, Ka Ely, kasi napakabilis ng turnaround. Siguro nakipag-pulong kami sa local government ng Pasig noong Monday or Tuesday lang noong nakaraang linggo. Ngayong weekend nandito na kami kaagad at pinapadaloy iyong ating Vaccine Express. Actually, nag-worry din kami ng sandali kasi quick nga iyong turnaround. Very dependent kami. Lahat po ng mga dkctor, lahat ng mga nurse at pati mga medical students na nag si-screening at saka nagja-jab, iyong talagang naga-administer ng bakuna, at pati sa monitoring, volunteers ito lahat, Ka Ely. Pero kahit na Tuesday or Wednesday lang kami nagtawag ng volunteers, punong puno—talagang napuno ang aming screening tables, vaccination tables at saka monitoring para tuloy-tuloy po iyong ating pagbabakuna. Kaya nakaktuwa iyong ating healthcare frontliners, nag-volunteer pa rin. Biruin mo, kaysa magpahinga na, weekend ngayon, nag-volunteer pa rin para makatulong sa mas marami pa nating kababayan na mabukanahan.

     

    ELY: Opo. Okay, so, USec., diyan sa Pasig, ilan iyong  mga beneficiaries at makikinabang? Kasi ang initial target 4,000 pero ilan ang dumating? At linawin natin, bawal ang walk-in.

     

    USEC. PHILIP DY: Tama iyan, Ka Ely. Kailangan po nakatanggap sila ng text message mula sa local government para papasukin sila sa loob ng gate. Basta may text message po sila, wala pong problema. Papapasukin sila sa gate at tuloy tuloy na iyong proseso.

     

    Kahapon, Ka Ely, medyo mababa iyong naging numero ng nabakunahan. 747 po ang nabakunahan kahapon. Pero across the different sites po of Pasig, pinakamarami po dito sa Manggahan High School iyong nabakunahan. Sa pakikipag-ugnayan po natin sa local government, subukan natin pong bawiin today. Buong araw nandito po ang team. Tuloy-tuloy po ang bakuna hangga’t may gustong magpabakuna. Basta mahabol natin iyong ating target number.

     

    ELY: Okay. So sa ngayon ay maganda naman ang sistema diyan, USec., dahil siyempre sa mga vaccination site iyong mga pinatutupad na health protocols. Diyan sa Manggahan, talagang mas maayos ngayon?

     

    USEC. PHILIP DY: Napakaayos ng proseso, Ka Ely. Actually, makikita ninyo sa likod amin, fina-follow natin ang social distancing. Naghihintay ng komportable iyong mga babakunahan. Hindi nila kailangang pumila sa labas sa ilalim ng araw at nakatayo dahil basta may text message sila, papapasukin sila. Maayos ang waiting area dito sa loob. Nakakatuwa kasi ano ito, high school ito, Ka Ely. So pagpasok pa lang may naka-station na na washing stations. So lahat ng babakunahan, hindi lang alcohol, talagang sa open water naghuhugas bago pumunta sa waiting area at pumila. At sa waiting area lalapitan na sila ng mga representatives mula sa local government of Pasig para ayusin iyong kanilang registration at i-confirm iyong kanilang mga detalye. Diretso na po iyan. Screening, bakuna, tapos monitoring. Tapos sa monitoring, Ka Ely, nagbibigay tayo ng post-vaccination care kit. So lahat ng nabakunahan may paracetamol, may face mask, may tubig, etc. Para kung ano man ang kailanganin nila, kung may maramdaman man sila pagkatapos ng bakuna, wala na po silang kailangan alalahanin.

     

    ELY: So may mga insentibo pa rin pala. Kasi sa mga naunang vaccine express, iyong mga Grab rider, may binibigay na ano, may mga tumulong sa OVP na libreng gasolina, ‘di ba?

     

    USEC. PHILIP DY: Yes po. Tama po.

     

    ELY: Dito ay, ano, may mga care kits ay ibibigay sa bawat magpapabakuna.

     

    USEC. PHILIP DY: Tama po iyan, Ka Ely. Para po sa Pasig, iyong post-vaccination kit po ang binibigay para po na pinaka-incentive sa nabakunahan. At tama rin kayo, Ka Ely, sa Quezon City, ang naging partner natin doon iyong SEAOIL Corporation. Nagbigay sila ng gas cards para sa ating mga nagpabakuna. Ay sa Quezon city po. Sa Manila po iyong SEAOIL. sa Quezon city naman po, ang partner naman natin–ang Angat Buhay partner natin doon iyong Puregold naman. Nagbigay naman sila ng gift checks pra naman sa groceries para sa ating mga mababakunahan.

     

    ELY: Ito nakikita ko ang listahan: 50 pieces ng mask, 10 pieces ng paracetamol, 30 pieces ng Vitamin C, at dalawang botelya ng tubig. So at least maganga-ganda ito. Iyong maganda dito iyong pang isang buwang vitamin. Makakatulong sa ating mga kababayan.

     

    USEC. PHILIP DY: Opo. Siguradong malakas ang resistensya ng ating mga kababayan.

     

    ELY: Basta iyong facemask hindi ito dumaan sa procurement service ng DBM. Baka overpriced. [laughter] Okay. Samantala, hanggang ano’ng oras iyan, Usec, sa Vaccine Express?

     

    USEC. PHILIP DY: Nakaset-up kami, Ka Ely, hanggang alas singko. Dire-diretso po tayo until then. Pero basta po may gusto magpabakuna, iyong iba po naming mga volunteers, nagsabi na po na willing sila mag-extend. Basta may gustong magpabakuna, i-entertain at i-accomodate po natin. Pero in terms of the usual business hours ng mga vaccination sites sa Pasig, hanggang alas singko po. Actually, special po itong today natin, Ka Ely, kasi normally hindi po sila nagbubukas ng Linggo sa vaccination site, pero dahil po sa ating partnership, binuksan po nila iyong Manggahan High School ngayong araw.

     

    ELY: Okay, USec., paano iyong mga gustong humabol kasi bawal mag-walk-in, puwede pa ba magparehistro ngayon?

     

    USEC. PHILIP DY: Iyong sa registration po, kailangan talaga po makipag-ugnayan sila sa—

     

    ELY: LGU.

     

    USEC. PHILIP DY: —representatives ng kanilang barangay or local government. Para masiguro pong pre-registered sila bago po pumunta dito.

     

    ELY: Okay. Baka ngayon puwede silang humabol sa kanilang mga barangay at para ma-coordinate. Huwag basta-basta susugod diyan sa vaccination site.

     

    USEC. PHILIP DY: Yes, tama iyon, Ka Ely. Dapat po may prior coordination sa representative po ng kanilang local government.

     

    ELY: Okay. Samantala, sa iba pa nating mga issue, USec. at nagtatanong nasaan si Ma’am, si VP Leni?

     

    USEC. PHILIP DY: Ngayong umaga, may personal lang po na inasikaso si VP kaya ngayong umaga tayo ang nagkukuwentuhan, Ka Ely.

     

    ELY: Dapat pupunta rin siya diyan, ‘di ba? Kaya lang talagang iyong may personal na hindi talaga maipagpapaliban, ano. So samantala, para sa ating mga kababayan at tagapakinig at nanonood dito sa BISErbisyong LENI dito sa RMN, baka puwedeng, USec., paki hapyaw naman ang mga aktibidad ng ating busy na Bise Presidente sa panahong ito.

     

    USEC. PHILIP DY: Salamat, Ka Ely. So nitong nakaraang linggo po, tuloy-tuloy ang pagbibigay at pagdi-distribute ng opisina ng mga PPE at iba pang medical supplies sa ating mga ospital at iba pang mga community canters na nagre-request, at ating mga local government unit. Tuloy pa rin ang pagtaas ng kaso, Ka Ely. Nakita naman natin na nag-record na more than 17,000 positive cases tayo ng Biyernes. Kaya lahat ng tulong mula sa opisina, tuloy-tuloy pa rin po. Ramdam na ramdam din iyong pag-increase ng cases doon sa aming Bayanihan E-Konsulta free tele-consult project. Hindi ito tumigil, Ka Ely, since we launched the project in April. Tuloy-tuloy iyong Bayanihan E-Konsulta, at nakita natin noong June at July, bumaba iyong cases. Siguro in a day, on average, nakaka-less than 100 iyong cases sa Bayanihan E-Konsulta. Pero ngayon, nitong nakaraang linggo lang, Ka Ely, on average nakaka more than 400 cases per day kami na pumapasok. So ganoon talaga karami ang nangangailangan ng tulong ng free teleconsult. Si VP mismo, Ka Ely, lagi iyan naka graveyard shift. Simula alas onse or midnight, nakatutok na po iyan sa emergency thread namin at saka sa LGU referral thread. Para kung mayroon talagang emergency na mangyari, kailangan i-facilitate agad sa ospital or itawag sa local government unit para rumesponde at makatugon doon sa pangangailangan ng pamilya ng pasyente. Whether kailangan magpadala ng oxygen tank or ipa-assess sa first responders, si VP mismo tumututok during the graveyard shift. Pero tuloy-tuloy po iyong free teleconsult service ng Bayanihan E-Konsulta. Noong nakaraang linggo, Ka Ely, noong Friday, naglabas kami ng bagong call for volunteers para sa aming Bayanihan E-Konsulta. Sa aming Facebook page po nakalista po doon kung anong specialization ang kailangan para tuloy-tuloy po iyong pag-provide natin ng free teleconsult service sa ating mga kababayan sa Metro Manila at sa NCR Plus, pati po iyong mga probinsya sa NCR Plus. Kasi ang goal natin dito, Ka Ely, sana kung mild naman iyong case, kung mayroon na silang makausap through our free teleconsult service, hindi na kakailanganing pumunta sa ospital kaagad at makatulong tayo doon sa pagbawas noong mga pumupunta sa ospital at masiguro natin na iyong mga severe at moderate cases sila talaga iyong matutugonan sa mga ospital. Nitong nakaraang linggo–

     

    ELY: Ayon. Napakaimportante–

     

    USEC. PHILIP DY: Idagdag ko lang, Ka Ely. Nitong nakaraang linggo, nakipag-pulong din kami sa iba’t ibang grupo. Medyo patok itong [Vaccine] Express, Ka Ely. Ang daming iba-ibang local government unit ang nag-touch base po sa LGU na sana makarating din iyong [Vaccine] Expresssa kanilang bayan. Actually, next week, every week may [Vaccine] Express ang OVP. Sa susunod po na linggo, nakikipagtulungan po kami sa local government ng San Pedro, Laguna para dalhin ang Vaccine Express doon. Mag-a-announce din po kami kung sino ang target sector para doon at sino ang mga volunteers. Tapos nakikipag-usap din kami sa San Fernando, Pampanga, Ka Ely, so tuloy-tuloy po iyong roll out ng Vaccine Express.

     

    ELY: Okay, so importante iyong consultation kasi ‘di ba kung mild naman, huwag na makipagsiksikan sa ospital kasi napupuno na. At bukod diyan, mas makaiwas din tayo. Sa ospital kasi ngayon punuan na. Ang iba naman baka nakaramdam lang ng talagang trangkaso naman, eh. Baka naman doon sa ospital doon makahanap ng ano– Doon makakuha ng COVID, ng virus. So napakaganda niyan. Tuloy-tuloy ang consultation. At importante dito walang bayad, USec.

     

    USEC. PHILIP DY: Yes, libre po iyong teleconsult service ng OVP. Kailangan niyo lang po pumunta sa Bayanihan E-Konsulta Facebook Page. Mag-send lang po kayo ng message doon at mako-connect po kayo for teleconsult service or mayroon din pong bahagi doon na patient monitoring. Dito pumapasok, Ka Ely, iyong COVID kit na pinapadala ng OVP. Kung mild po iyong case ninyo, papadalhan po kayo ng oximeter, thermometer, at iyong iba pa pong over-the-counter medicines na kakailanganin. At mayroon pong iko-connect sa inyo na volunteer para kumustahin kayo on a regular basis para sigurado pong natututukan iyong inyong kalagayan habang active pa po iyong virus kung kayo po ay nahawa. So bahagi po iyan ng free service ng Bayanihan E-Konsulta

     

    ELY: Okay. Ito may mga nagme-message dito sa atin, iyong Swab Cab, tuloy ba ito, USec? Tuloy pa rin?

     

    USEC. PHILIP DY: Iyong Swab Cab, tuloy din po ang ating programa na pagdala ng free testing naman po sa mga areas na may high transmission. So ito po naka-dipende rin kung mayroong local government na willing makipag-partner sa OVP. Kasi ang usapan sa local government, Ka Ely, kapag nag positive sa antigen, dapat isolate na kaagad. Kasi sayang naman kung alam na nating positive, bakit hindi pa natin gagawan ng paraan na malayo sa kanilang pamilya or pamayanan nang wala na silang mahawa? So, ano po iyan, basta may local government po na willing makipag-partner, tuloy-tuloy din po iyong ating Swab Cab Project.

     

    ELY: Okay. At marami na rin ang nagtatanong baka– Hindi ko muna babanggitin kung ano ang lugar pero sana sa mga siyudad din nila, magkaroon daw po Vaccine

    Express..Siguro, USec., pakipaliwanag uli, ano ba ang sistema? Kasi ‘di ba tulad ng mga naunang nabanggit ni VP Leni dito sa ating palatuntunan, na wala kayong direktang access sa mga bakuna ‘di ba kaya dito sa Vaccine Express kinakailangan ng coordination sa LGU. Sige, paki-explain ulit, USec. iyong sistem kung paano kayo, ’di ba, magiging partner dito sa Vaccine Express sa isang lugar?

     

    USEC. PHILIP DY: Ngayon, Ka Ely, kami po sa OVP, very willing to partner with the local government unit to bring Vaccine Express. Pero kamukha ng binanggit ko kanina, Ka Ely, ang pinaka-kritikal talaga dito iyong role ng local government na makikipag-partner. Dahil ang OVP po wala kaming sariling supply ng bakuna, kaya po iyong bakuna ay nanggagaling mula sa local government unit. Maliban doon sa supply ng bakuna, iyong local government din, Ka Ely, ang nagde-decide kung anong sektor iyong gusto nilang i-prioritize. Katulad po noong dinala namin iyong Vaccine Express sa Iriga at saka sa Naga, nakita nila na napakababa pa noong rate noong mga binabakunahan among the senior citizens. So sila nagsabi na, “makipag-partner kami sa inyo. Magbibigay kami ng ganito karaming bakuna. Puwede niyo ba kaming tulungan na habulin iyong numero natin para sa mga senior citizens?” At ganoon po ang nangyari. At kasi kami, Ka Ely, binabagay namin iyong sistema sa pagpapabakuna depende kung sinong babakunahan. Katulad sa Manila at Quezon City, ginawa namin siyang drive-through kasi ang babakunahan mga tricycle drivers at operators at mga delivery riders para maging convenient para sa kanila, hindi na nila kailangan i-park iyong kanilang motor or tricycle, drive-through na, mabilis at maayos iyong sistema para pagkatapos mag-drive-through sa amin, puwede pang mag-trabaho pagkatapos no’n. So binabagay namin iyong sistema ng pagpapabakuna depende kung sinong bakunahan ng local government unit. So makipag-ugnayan lang po sa opisina, makikipag-meeting po kami sa inyo at ipapaliwanag po namin kung ano po iyong puwede nating maging partnership.

     

    ELY: Ayon, maliwanag po iyan at siguro para po sa ating mga kababayan, kung nais po nila sa kanilang siyudad o munisipalidad magkaroon ng Vaccine Express eh, kausapin din nila iyong kanilang LGU, ‘di ba, USec. para…

     

    USEC. PHILIP DY: Yes, yes, Ka Ely. Kailangan po active iyong LGU doon sa pag-rollout po ng ating programa.

     

    ELY: Ayon. Kasi ang maganda lang dito sa iyong sistema ng Vaccine Express, ano, ay talagang napakaganda, mabilis at iyong mga nauna, ‘di ba, iyong mga Grab riders, hindi mo kinakailangan lumiban sa trabaho, eh. Ilang oras lang mababakunahan ka tapos mayroon pang insentibo, may pang-gas pa. So para hindi sila dehado, ‘di ba, USec.

     

    USEC. PHILIP DY: Yes, tama iyon, Ka Ely. Si VP Leni katulad ng sinabi mo, Ka Ely, lahat ng Vaccine Express namin personal niyang binibisita. So noong nakipagkuwentuhan siya doon sa ibang nababakunahan sa Manila at Quezon City, lalo iyong mga delivery riders, talagang tuwang-tuwa sila kasi napaka-convenient para sa kanila, drive-through lang. Hindi nila kailangang problemahan saan pa nila iiwan iyong motor nila. Tapos dahil sa bilis at pagka-episyente ng proseso, pagkatapos—kung may booking—puwede na silang magpa-deliver diretso trabaho. Walang masyadong antala doon sa kanilang kabuhayan.

     

    ELY: Tama. Kasi sa nakaraan iyong mga, ‘di ba may mga manggagawa na hindi maka-absent, eh, lalo na iyong mga no-work-no-pay, eh sayang naman, eh. Kaya iyong iba talagang ayaw—hindi dahil sa ayaw magpabakuna kundi walang oras kasi titimbangin mo, magugutom ang pamilya mo o magpapabakuna ka, ‘di ba?

     

    USEC. PHILIP DY: Tama. Yes, Ka Ely. Kaya rito sa Pasig, pinili namin na Linggo—Saturday-Sunday bukas tayo para kahit doon sa mga nagtatrabaho, kung gusto nilang magpabakuna, at least weekend tayo. Hopefully, free sila lahat. Ma-take advantage nila iyong opportunity na makapagpa-bakuna.

     

    ELY: USec., kumusta diyan iyong mga kababayan nating nabakunahan at ano ba ang pakiramdam nila siyempre dito sa pagpunta nila sa Vaccine Express ng ating Bise Presidente?

     

    USEC. PHILIP DY: Saktong-sakot iyong tanong mo, Ka Ely. Mayroon tayong makakausap sa isang sandali na mga nabakunahan ngayong araw. Se-set-up lang tayo dito para makapagkuwentuhan tayo ng sandali kung naging kumusta iyong kanilang naging karanasan sa pagpapabakuna.

     

    ELY: Okay, so maganda iyan, ano, para manggaling na rin sa kanila mismo at siguro kung may mga kulang pa, eh ‘di dadagdagan at kung ano man ang mga puwedeng gawin pa. At siyempre, puwede rin itong gayahin, USec., ano, ng mga LGU iyong sistemang ito.  Hindi naman eksklusibo at itatago ng OVP iyong ganitong sistema. Puwede, basta bukas din at handang makipag-ugnayan sa OVP. Wala pong problema. Wala kayong pipiliin.

     

    USEC. PHILIP DY: Ayan, Ka Ely. Sige. Pakilala ko muna, Ka Ely, siguro iyong kasama natin. Sir, pakilala kayo ano pong pangalan niyo, sir? Kahit itaas niyo iyong mic niyo, sir, para mas marinig kayo.

     

    ELIEZEL ESCARTERO: Eliezel Escartero.

     

    USEC. PHILIP DY: Eliezel? Sige, kumusta naman ang naging karanasan mo rito sa ating vaccination program?

     

    ELIEZEL ESCARTERO: Okay naman po. Maganda iyong sistema. Maayos at saka success din po.

     

    USEC. PHILIP DY: Anong trabaho mo?

     

    ELIEZEL ESCARTERO: Hindi pa po ako nagtatrabaho, eh.

     

    USEC. PHILIP DY: Ah, hindi ka pa nagtatrabaho, okay. Buti naisipan mong magpabakuna?

     

    ELIEZEL ESCARTERO: Para na rin po sa ano, sa safety.

     

    USEC. PHILIP DY: Ka Ely, baka may tanong ka?

     

    ELY: Okay, so buti naman hindi ka natakot magpabakuna?

     

    USEC. PHILIP DY: Buti raw hindi ka natakot magpabakuna?

     

    ELIEZEL ESCARTERO: Sanay na po, eh. [laughs]

     

    USEC. PHILIP DY: Sanay na. Matibay ang loob nito.

     

    ELY: So sa inyong pamilya, ikaw pa lang ang nagpapabakuna o ikaw na lang ang naiwan?

     

    USEC. PHILIP DY: Ang tanong ni Ka Ely, sa pamilya mo ba ikaw pa lang ang nakapagpabakuna o nakapagbakuna na iyong…

     

    ELIEZEL ESCARTERO: Sa ngayon po, ano po kami pa lang po ni mama at saka iyong ate ko po at saka iyong panganay ng ate at saka iyong papa ko hindi pa natatawagan.

     

    USEC. PHILIP DY: Ah, okay. Iyong nanay mo saan siya nakapagpabakuna?

     

    ELIEZEL ESCARTERO: Doon po sa Tanghalan ng Pasigueño.

     

    USEC. PHILIP DY: Ah, okay doon naman sila. Malapit ka bang nakatira dito o—

     

    ELIEZEL ESCARTERO: Opo, diyan lang po sa…

     

    USEC. PHILIP DY: Okay, so naging convenient naman. Hindi masyadong malayo na makarating ka rito. Wala ka namang nararamdaman ngayon?

     

    ELIEZEL ESCARTERO: Wala.

     

    USEC. PHILIP DY: Okay. Baka puwede mong i-convince? Maraming nakikinig sa iyo ngayon na huwag nang matakot magpabakuna at baka may mensahe ka sa mga kababayan natin na maengganyo silang magpabakuna?

     

    ELIEZEL ESCARTERO: So iyon nga, ine-engganyo ko kayong magpabakuna para sa kaligtasan niyo rin ito.

     

    ELY: Okay, USec., isang tanong na lang ako, anong na-experience mo diyan? Maayos ba iyong sistema ng bakunahan diyan sa Vaccine Express?

     

    USEC. PHILIP DY: Pinapatanong ni Ka Ely kung anong naging karanasan mo sa pagpapabakuna, naging maayos ba iyong proseso na pinagdaanan mo?

     

    ELIEZEL ESCARTERO: Naging maayos naman po. Wala naman pong naramdaman pagkatapos pong mabakunahan.

     

    ELY: Okay. Sige, salamat.

     

    USEC. PHILIP DY: Maraming salamat, ha. Maraming salamat at mag-iingat ka lagi. Sige.

     

    ELY: So maganda iyan, USec., mismong iyong mga nagpabakuna, sila ang maghikayat ‘di ba na para sa ating mga kababayan na magpabakuna na kasi iyong iba may agam-agam, ‘di ba, iba’t ibang kadahilanan. Okay, mayroon pa tayo diyan?

     

    USEC. PHILIP DY: May isa pa tayo. Sige, Sir, pakilala ka po muna. Ano pong pangalan niyo, Sir?

     

    JAMES UMIQUIN: Ako nga pala si James Umiquin from Pasig City po.

     

    USEC. PHILIP DY: Pasig City. Anong trabaho mo?

     

    JAMES UMIQUIN: Sa construction site po.

     

    USEC. PHILIP DY: Ah, sa construction site ka? Tamang-tama.

     

    JAMES UMIQUIN: Nakaano lang po ako sa labas kasi naka-schedule ako ngayon kaya dito po ako ngayon pinapunta sa Manggahan.

     

    USEC. PHILIP DY: Buti ho nakapagpabakuna ka kasi tuloy-tuloy din ang mga construction projects ngayon.

     

    JAMES UMIQUIN: Opo. Sa work po namin ganoon po kami, Sir. Mahirap po makapasok kapag walang bakuna.

     

    USEC. PHILIP DY: Marami ba sa mga kasama mo nabakunahan na?

     

    JAMES UMIQUIN: Ang iba po marami naman po. Pero iyong iba, hindi rin po nakapagpabakuna dahil po sa natakot.

     

    USEC. PHILIP DY: Ikaw ba natakot ka?

     

    JAMES UMIQUIN: Ah, hindi naman po

     

    USEC. PHILIP DY: Bakit hindi ka natatakot?

     

    JAMES UMIQUIN: Eh, karayom lang naman iyon.

     

    USEC. PHILIP DY: Karayom lang naman, very good. Tama, tibay lang ng loob, ‘di ba kasi para sa kaligtasan mo at ng pamilya mo, ‘di ba.

     

    JAMES UMIQUIN: Opo, para sa pamilya rin iyan kasi kung hindi magpapabakuna, baka rin—hinahanap din kasi nila iyong bakuna kaya sabi nila, kapag walang bakuna baka matanggal kaya papabakuna muna bago makabalik sa trabaho.

     

    USEC. PHILIP DY: Ka Ely, may tanong kayo?

     

    ELY: Ano ba iyang kulay asul na bag? Iyan ba iyong ano?

     

    USEC. PHILIP DY: Ah, tama. Ito po, ito po iyong vaccination kit na binibigay ng OVP. Puwede ba nating buksan, Sir, para mapakita lang natin sa kanila kung anong laman. So mayroon po tayong tubig na binibigay para sa ating mga kababayan na nagpabakuna. Buksan ko, Sir, ha? Okay lang po? Para makita ng ating mga kababayan. Pero ang ganda noong sinasabi mo, Sir, na mahalagang magpabakuna lalo sa kabuhayan mo para tuloy-tuloy iyong trabaho.

     

    JAMES UMIQUIN: Opo. Tama po iyon.

     

    USEC. PHILIP DY: So mayroon tayo, Ka Ely, na binibigay na face mask, kasama po iyan sa loob.

     

    ELY: Fifty pieces po iyan.

     

    USEC. PHILIP DY: Mayroon din pong face shield. Iyong shield po niya ina-assemble lang pero kasama po iyan. Tapos mayroon po tayong binibigay na vitamins at saka paracetamol para kung may maramdaman po iyong ating mga kababayan na nagpabakuna, hindi niyo na kailangang alalahanin na bumili pa ng gamot na kakailanganin niyo.

     

    ELY: Okay na okay at anong masasabi niya sa Vaccine Express ni VP Leni Robredo at siyempre sa pakikipagtulungan ni Mayor Vico Sotto?

     

    USEC. PHILIP DY: Ano raw, Sir, ang masasabi niyo tungkol sa Vaccine Express project ni VP Leni Robredo sa pakikipagtulungan with Mayor Vico Sotto?

     

    JAMES UMIQUIN: Napakaganda po dahil sa ganitong situation po, nakakapunta po ang iba. Ang iba naman po nasa bahay. Pero sa kuwan ko po, napakaganda po ng vaccination ngayon dito sa Pasig. Napakabilis po.

     

    USEC. PHILIP DY: Okay naman? Hindi ka naman naghintay ng matagal? Komportable naman iyong paghihintay mo?

     

    JAMES UMIQUIN: Opo. Komportable po sa lahat.

     

    ELY: Okay! Salamat. Ingat ka ha.

     

    JAMES UMIQUIN: Salamat po kay Mayor Vico Sotto at kay Vice President Leni.

     

    USEC. PHILIP DY: Maraming salamat din. Mag-ingat ka ha at saka good luck sa trabaho. Tuloy-tuloy lang.

     

    ELY: Okay, so iyong maganda, USec., at least iyong ating mga kababayan ay ‘di ba satisfied o kuntento sila. Iyong sa iba kasi talagang sa mga vaccination site, iyong mahaba pila…

     

    USEC. PHILIP DY: May isa pa pala tayo, Ka Ely, mukhang gusto pang… Nako, buntis pa si Ma’am. Buti nakapagpabakuna po kayo?

     

    LIEZEL CONCOBIERTA: Opo, para sa baby.

     

    USEC. PHILIP DY: Ito, Ma’am, para marinig po kayo. Pakilala ka muna, Ma’am, para makilala kayo ng ating mga viewers, ng mga nakikinig.

     

    LIEZEL CONCOBIERTA: Hello po! Ako po si Liezel Concobierta na kasalukuyang naninirahan po rito sa Manggahan, Pasig.

     

    ELY: Ano pong probinsya niya, USec.?

     

    USEC. PHILIP DY: Ano raw pong probinsya niyo?

     

    LIEZEL CONCOBIERTA: Occidental Mindoro po.

     

    USEC. PHILIP DY: Occidental Mindoro. Taga-Mindoro, Ka Ely.

     

    ELY: Oh, sige. Napapakinggan tayo roon. Batiin mo iyong mga kamag-anak mo roon.

     

    USEC. PHILIP DY: Baka raw puwede mong batiin iyong mga kamag-anak mo sa Mindoro.

     

    ELY: At tapos sabihin mo magpabakuna na.

     

    LIEZEL CONCOBIERTA: Hi, mga family ko. Hello! Sa Sta. Cruz, Occidental Mindoro.

     

    ELY: So kumusta naman iyong kaniyang naranasan diyan sa Vaccine Express?

     

    USEC. PHILIP DY: Kumusta raw po ang naging karanasan mo sa proseso natin dito sa Vaccine Express?

     

    LIEZEL CONCOBIERTA: Ay, maayos po. Maayos po ang proseso ng simula po roon sa entrance sa papasok po, lalo’t ako po ay buntis. Priority po, mabilis. Priority po talaga at saka iyong mga staff magagalang at mababait po. At saka iyong vaccine ko, hindi ko naramdaman. Nagulat ako—

     

    USEC. PHILIP DY: Magaan iyong kamay ng nagbakuna.

     

    LIEZEL CONCOBIERTA: Yes po. Kasi sa OB ko, ramdam ko talaga iyong tusok ng mga karayom. Dito, hindi ko nainda tapos na pala. Magaling sila.

     

    ELY: So kuntento ka dito sa project ni VP Leni Robredo at Mayor Vico Sotto, ha?

     

    USEC. PHILIP DY: Kuntento raw po ba kayo doon sa project ni VP Leni Robredo at Mayor Vico Sotto?

     

    LIEZEL CONCOBIERTA: Ah, yes po. Yes po. Ang pamamalakad po rito ni Mayor Vico sa Pasig, inobserbahan ko magaling po kahit saang aspeto po, kahit sa pagbibigay ng ayuda, ng vaccine, okay na okay po. Thank you po so much po pala kay Mayor Vico Sotto. Sa ating Mayor at kay Vice [President] Leni Robredo po. Thank you so much po sa maayos na pagva-vaccine dito.

     

    ELY: Okay, salamat ha. Ingat ka. Ingat.

     

    USEC. PHILIP DY: Marami pong salamat. Ingat po kayo. Sana makauwi po kayo agad kasi para ano…

     

    LIEZEL CONCOBIERTA: Diyan lang naman po ako.

     

    USEC. PHILIP DY: Ah, malapit lang. Actually, kaya rin pinili itong site na ito, Ka Ely, kasi karamihan po noong A5 na nabigyan ng ayuda, walking distance lang from the high school kaya very convenient talaga na ito iyong site na pinili para sa kanila. Pasalamat na tayo, Ka Ely. Ma’am, salamat po at ingat po kayo.

     

    LIEZEL CONCOBIERTA: Thank you po, Ka Ely. Thank you po at mayroon kayong ganito rito.

     

    USEC. PHILIP DY: Salamat po. Ingat kayo po.

     

    ELY: Okay, ayan, okay, mga kababayan, nandiyan pa rin ho tayo sa Tanggapan ng Pangalawang Pangulo sa pakikipagtulungan ni Pasig City Mayor Vico Sotto ay tuloy-tuloy lang po, ano, iyong bakunahan, iyong Vaccine Express na tinatawag. So, USec., okay na tayo?

     

    USEC. PHILIP DY: Okay na po.

     

    ELY: USec., mayroon pa raw diyang mga ano—kumusta iyong mga volunteers natin diyan? Iyong mga tumutulong sa, ‘di ba, alam niyo sa ganitong mga pagkakataon, iyong mga volunteer hindi matatawaran talaga, ano, isinusuong din iyong kanilang kalusugan para lang makatulong sa ating mga kapwa.

     

    USEC. PHILIP DY: Sobrang totoo niyan, Ka Ely, at saka ito nga ang mga volunteers natin mga doktor mismo, mga nurse mismo, at pati iyong mga medical students na talagang mga frontliners din pero kahit nagdu-duty na sila sa kani-kanilang mga ospital o kaya sa kanilang mga—sa kung saan man sila nagse-serve ngayon, pinili pa rin nilang mag-volunteer ngayong araw. Marami rin tayong volunteer, Ka Ely, na mga medical students. At nakita namin na appreciated talaga nila iyong opportunity kasi syempre dahil tumigil iyong ating face-to-face classes, medyo na-limit iyong pagkakataon nila magkaroon ng direct experience or exposure. So dito, dahil nakakapag-volunteer sila, nakaka-assist sila sa pag-screen nung doctor sa pag-jab—ng pag-administer ng bakuna at base sa monitoring so nagkaka-practical experience sila pagdating sa pag-monitor ng vital signs.

               

    ELY: Okay so, mayroon ba tayong makakausap diyan na volunteer na doktor o kung ano man para, ‘di ba?

     

    USEC PHILIP DY: Volunteer na doktor— mukhang busy sila ngayon, Ka Ely, kasi dire-diretso iyong tao. Pero may huli tayong bisita, Ka Ely, na binakunahan din. Sige, baka pwede po kayong magpakilala? Move po kayo nang kaunti Sir para masilayan ang inyong poging mukha ng ating mga nakikinig. Anong pangalan niyo, Sir?

     

    ROLANDO SAMSON: Ako po si Mr. Rolando Samson, 67 years old. Nandito ako ngayon sa Manggahan High School. Ito nga, itong first dose ng bakuna, para sa bayan na. Kailangan na talaga ito. Ginusto ko po ito. Walang pumilit sa akin or ano man. At least masaya pati ang proseso nila dito kaya hindi nahihirapan iyong tao. Inaano ko naman iyong iba nating bayan na sana, gawin rin nila itong magpabakuna para sa— hindi lang iyong sa sarili pero para sa ibang tao. Maraming salamat po kay Mayor Vico, sana matapos po namin ito para lahat tayo maging maluwag ang ating pagkikilos at sa ating trabaho gawa nito. Maraming salamat po.

     

    USEC. PHILIP DY: Maraming Salamat, Sir! Mag-ingat po kayo.

               

    ELY: Salamat ho. Iyon ho, binibigyan natin ng pagkakataon na makapagsalita iyong ating mga kababayan—

    USEC. PHILIP DY: —parang na-ano ata iyong signal

    ELY: Okay na, USec.— Usec, okay na tayo? Iyon, okay, balik tayo. Okay na? USec., naririnig mo ako?

     

    USEC. PHILIP DY: Hi, Ka Ely. Napuputol yata kami.

               

    ELY: Hindi okay, naririnig kita. On air ka. Okay na? Sandali ah, parang napagod iyong signal natin mga kababayan, alam niyo naman iyong internet sa ating bansa, ano, dito po sa Pilipinas. So, iyon ho mga kasama iyong kaganapan diyan po sa Vaccine Express diyan po sa Pasig City. So maya-maya, may makakapanayam po tayo at sa ngalan po ni VP Leni Robredo ay magandang makapanayam po natin, ano, isa pong healthcare worker.

     

    Okay na si Usec? Usec. Okay na?

     

    [commercial break]

     

    ELY: Okay, mga kasama, oras na po natin, 9:43 na po ng umaga. Ay ito na si USec. USec, okay na ba tayo?

     

    USEC. PHILIP DY: Sorry, Ka Ely, medyo nagloko iyong internet connection dito.

               

    ELY: Pero okay na, maliwanag ka na ngayon.

     

    USEC. PHILIP DY: Pero, Ka Ely, mayroon na tayong makakausap na volunteer doctor para ma-interview din natin. Dito po kayo, Doc, para kita po kayo.

               

    ELY: Benjie, sandali lang ah. Para sa ating INP.

     

    DRA. RUBY ILAGA.: Magandang umaga ho!


    ELY: Opo. Good morning!

     

    USEC. PHILIP DY: Good morning Doc, pakilala po kayo!

     

    DRA. RUBY ILAGA: Magandang umaga ho. Ako po si Dra. Ruby Ilaga from Bulacan.

     

    ELY: Wow.

     

    DRA. RUBY ILAGA: Volunteer doctor po sa OVP.

     

    USEC. PHILIP DY: So galing pa kayong Bulacan, Ma’am. Talagang dinayo niyo today.

     

    DRA. RUBY ILAGA: Naniniwala kasi ako sa ginagawang pagtulong ni Vice President. You have to reach out to many people talaga.

               

    USEC. PHILIP DY: First time niyo po ba magbakuna— ah, mag-volunteer sa [Vaccine] Express o kasama na namin kayo noong nakaraan?

     

    DRA. RUBY ILAGA: Sa Manila, sa QC, tapos ngayon sa Pasig.

     

    USEC. PHILIP DY: Suking suki pala namin si Doc, Ka Ely. Lahat ng [Vaccine] Express namin so far sa Metro Manila, kasama namin siya. Kumusta naman Doc iyong experience sa pag-volunteer?

     

    DRA. RUBY ILAGA: Maayos naman po. Iba ibang proseso. Ibang kasama na LGU. But generally, okay naman. Very receptive ang tao. Gusto nilang mabakunahan. Kasi ayaw nilang magkaroon ng problema so we help people na gustong magpatulong.

     

    USEC. PHILIP DY: Ka Ely, may tanong ba kayo?

               

    ELY: So, kasi ‘di ba, iyong bilang doktor, talagang marami— dahil mapanganib, ‘di ba, iyong virus pero nagagawa niyang mag-volunteer at hindi ba siya natatakot na dito, sinusuong niya iyong ganito mga ka-delikado? Iyong iba, umiiwas talaga sa maraming tao, eh. Eh sila patuloy na tumutulong, hindi lang ngayong araw na ito, ano? Napakarami na pala na mga pa-proyekto ng ating Bise Presidente ang kaniyang sinamahan.

     

    USEC. PHILIP DY: Yes po. Pinapatanong po ni Ka Ely na siyempre sa trabaho po ninyo bilang doktor at napaka-mapanganib po ng virus na ito, lagi kayong exposed. Hindi po ba kayo natatakot na sa ganitong konteksto ay patuloy kayong nagvovolunteer at patuloy na nagbibigay serbisyo sa ating mga kababayan?

     

    DRA. RUBY ILAGA: Hindi totoo kapag sinabi mong ‘di ka natatakot. Kaya talagang binabalot mo iyong sarili mo pero ganito lang ang konteksto niyan. Kung tayo ay nasa giyera at giyerang giyera, I think, sabi ko nga, lahat ng lalaki siguro ilalagay sa giyera eh. Pero this is a medical problem eh. This is a medical war. Ang kailangan talaga ay healthcare workers so ang sabi—sabi nga, kailangan magbakuna, kailangan mag-test. So kami, on our part, sa Vice President’s part, tulong tayo sa pagpabakuna. Kasama din kami sa Bayanihan E-konsulta ni Vice President eh. So naniniwala ako na to reach out to many people, we may save many lives.

               

    ELY: Ayon. Maliwanag ang mensahe ni— 

     

    DRA. RUBY ILAGA: Parehas lang kami ng pinaninindigan ng Vice President’s office.

     

    ELY: Okay, USec. Alam ko abalang abala sila diyan. Pasalamatan na lang natin sila at iyong kanilang serbisyo sa bayan.

     

    USEC. PHILIP DY: Kami po sa opisina ni Vice President Leni, Doc, talagang nagpapasalamat para sa mga doktor and medical frontliners na katulad mo. Hindi po biro iyong pinagdadaanan nating pandemya at kayo po talaga yung nasa harap naming lahat fighting this pandemic. Marami pong salamat na despite your regular workload, nagvolunteer pa po kayo dito pati po sa Bayanihan E-konsulta na libreng teleconsult, nag-volunteer pa po kayo so maraming maraming salamat po at alam po namin busy po kayo ngayon kaya i-excuse na po namin kayo.

               

    DRA. RUBY ILAGA: Ako, I’d like to thank the Office of the Vice President kasi nagkakaroon kami ng platform to help hindi lang kung saan kami nasasakupan kundi iyong mga taong talagang nangangailangan eh na wala talaga silang kakayahan katulad nung sa telekonsulta. Iba talaga siya eh. Madidinig mo talaga iyong pangangailangan na iyon. Iyon lang. Thank you din.

     

    USEC. PHILIP DY: Maraming salamat. Ingat po kayo.

     

    DRA. RUBY ILAGA: Okay, thank you.    

     

    ELY: Okay, thank you. Salamat at iyan ang mga bagong bayani. Iyan talaga mga bagong bayani.

     

    USEC. PHILIP DY: Totoo.

               

    ELY: Walang sweldo—‘di ba, nagboboluntaryo. Gustong tumulong sa kapwa. Mabuhay po kayo, lahat po ng mga doktor at healthcare workers at lahat ng volunteers dito sa Office of the Vice President, USec. Okay, so wala na tayong oras. Iyong mensahe at sa pangalan ng ating Bise Presidente ang iyong mensahe para sa ating mga listeners na nakikinig nationwide at netwide.

     

    USEC. PHILIP DY: Sa ngalan po ni Vice President Leni Robredo at lahat po kami sa Tanggapan ng Pangalawang Pangulo, kami po ay nagpapasalamat na lalo po sa ating mga volunteers na walang pagod at walang sawa na tumutulong sa iba’t ibang programa ng OVP lalo dito sa gitna ng pinakamahirap na hamon na hinaharap natin bilang bayan—itong COVID-19. Pero napapakita po natin na sa ating pagtutulungan at sa pagbabayanihan, nagagawa nating makapagbigay ng serbisyo sa mabisa at magandang paraan. Lagi pong open ang OVP na makipag-partner sa mga local government unit, national government agencies at mga civil society organization para madala po natin iyong ating mga programa para sa mga pamayanan at komunidad po ninyo. So papaalam na din po kami, Ka Ely, kasi we’ll make sure na tuloy tuloy iyong serbisyo natin ngayong umaga.

               

    ELY: USec., batiin mo lang iyong ating Istorya ng Pag-asa dito ah, iyong ating guest ah. Si Benjie Foscalbo, registered nurse.

     

    USEC. PHILIP DY: Magandang umaga, Benjie! Muli, pasasalamat mula sa amin, sa OVP, kay Vice President Leni para sa medical frontliners na katulad mo. I hope you will always keep safe and the OVP will always be there behind you for what you need.

     

    ELY: Okay, sige. Salamat, USec. ah. Okay, Benjie!

     

    BENJIE FOSCABLO: Yes po, good morning po, Ka Ely!

     

    USEC: PHILIP DY: Thank you, Ka Ely! Thank you, Benjamin! Salamat!

     

    ISTORYA NG PAG-ASA SEGMENT

     

    ELY: Thank you! Okay, mga kasama, at iyan po si Undersecretary Philip Boyet Dy, Chief of Staff ng Tanggapan po ng Pangalawang Pangulo. At samantala, makakausap naman po natin ang panauhin dito po sa Istorya ng Pag-asa. Alam niyo, dito ho sa segment na ito, sa Istorya ng Pag-asa, sa BISErbisyong LENI ay napaka-importante. Alam niyo napakaraming mga tao na hindi mo matatawaran iyong kanilang kabayanihan at siyempre yung pakikipagsalamuha o pagsuong sa lahat po ng maraming pagsubok. Okay na ba si Benjie? Okay, Benjie, balik tayo.

     

    BENJIE FOSCABLO: Yes, good morning po!

     

    ELY: Oh ito, para po sa ating mga kababayan, alam niyo talagang usong-uso, pinag-uusapan ngayon, ano ba iyong mga hinaing ng mga nurse at healthcare workers ngayong halos magdadalawang taon na ang pandemya.

     

    BENJIE FOSCABLO: So, good morning po, Ka Ely, so again, this is Nurse Benj po and well, sa sitwasyon natin ngayon amidst this pandemic sobrang dami po kasing challenges and I guess these challenges are test for us to be strong and stay strong in the frontline as a nurse, as healthworkers. Well, before pa rin naman, before pa rin naman ng pandemic maraming mga issues, maraming mga bagay, problema na kinakaharap ng mga healthcare workers lalong lalo na sa aming nurses. Isa na po dito iyong salary standardization. Well, as a nurse, malayo po kasi iyong difference in terms of salary from the government and private. I am a nurse or a staff nurse from a private institution and ramdam na ramdam po namin iyong malaking difference kasi like from the public sectors na salary grade 15 po sila at that’s beyond P31,000 as their basic salary compared (to) us (in) the private na minimum wage po, minimum wage earner po kami as a nurse.

     

    So, bukod doon ay iyong mga benefits na hindi natatanggap ng mga private nurses o mga private healthcare workers. Nagkaroon po ng Bayanihan Act o Bayanihan Law during this pandemic and malaking motivation po iyon where we can somehow feel the support of the government but unfortunately some of the benefits stipulated in the Bayanihan Act, hindi po na-e-enjoy, hindi po natatanggap ng mga healthcare workers specifically in the private sectors and there are times na talagang nagsalita kami, humingi na kami ng tulong from our legislators, from our congressmen, from our senators to see our call for the implementation of a rightful benefit for us. Iyon po.

     

    ELY: So, ano ba iyong mga personal mong na-experience bilang isang nurse sa gitna ng pandemya?

     

    BENJIE FOSCABLO: Well, from my personal experience, I was assigned as a COVID-19 nurse or in a COVID-19 ICU. It was last year but until ngayon we have the chance kasi technically I was assigned in a non-COVID unit but iyon nga due to understaffing, due to opening of new wards to cater COVID patients so everyone of us has the opportunity or has a directive for us to be assigned in the COVID unit, ma-e-experience. Well, personally, from the start of this pandemic sobrang takot po kasi sino ba naman iyong hindi matatakot diba sa malakas at nakakamatay na virus but it is our call of duty na kahit takot po kami, wala po kaming ibang choice but you know, to stay in the frontline to serve our patients.

     

    Iyong experience ko po mas malungkot po minsan sa mga pasyente kasi because of the health protocols, mag-isa po sila sa bed nila, mag-isa po silang naga-agaw buhay, mag-isa po silang nagpapagaling. Iyon po nakakalungkot on their side kasi wala po silang pamilya na sumusuporta sa kanila physically and only us nurses, only us healthcare workers na nandoon sa tabi nila. Malungkot kapag namamatay na sila, hindi po nila makasama iyong pamilya nila and malungkot po sa side ng family iyon kasi hindi na nila mapuntahan o makasama iyong pasyente or family member nila na mamamatay because of this virus. Iyon po iyong mga malulungkot na experiences, Ka Ely.

     

    ELY: Talagang malungkot, ano pero sa iyo naman, sa iyong personal na buhay. Saan ka ba humuhugot ng lakas? Kasi talagang iyong iba, may ibang nurse na sumusuko, nagre-resign na pero ikaw saan ka humugot ng iyong lakas, sa tindi ng pagod, hirap, tapos iyong takot mo na baka ikaw ay tamaan nitong virus na ito. So, papaano mo ito nagagawa, Benjie?

     

    BENJIE FOSCABLO: Well siguro, humuhugot ako ng lakas sa mga pangarap kasi iyon naman eh, lahat ng challenges naman eh it gives us a way, or it gives us a motivation to make us strong. From the start of this pandemic, since—siyempre mga pangarap, sa pamilya, sa buhay din and being a nurse talaga, well iyon naman talaga iyong choice ko from the start and before having this profession iyon naman talaga iyong pangarap ko to serve the people, to serve the public in terms of health. And iyon as precautionary measure lang din, siyempre para at least—you have to sacrifice na mapalayo ka sa family like I rented an apartment para po hindi na makauwi and mapalayo rin sa pamilya. Iyon po, iyon po ang nangyari.

     

    ELY: Okay, so taga Roxas City ka?

     

    BENJIE FOSCABLO: Yes po, I came from Capiz but after my graduation I started working here sa Manila na po. Dito na po ako sa Manila.

     

    ELY: Iyong pamilya mo nandito na rin, or naiwan sa Capiz?

     

    BENJIE FOSCABLO: Before. From the start of the pandemic kasama ko po iyong family ko but ngayon umuwi na sila ng province. Mag-isa na lang ako dito sa Manila.

     

    ELY: So ano ang iyong panawagan o mensahe na gusto mong iparating sa ating mga kababayan sa gitna ng pandemya?

     

    BENJIE FOSCABLO: Well, nandito pa rin tayo sa crisis na ito and sana everyone should take their part para maging safe kasi hindi po talaga biro iyong hamon ng virus. Sana po as [much as] possible they can do their part— sa bahay, sa community or anyone na at least hindi sila— hindi nila makuha iyong virus if we are taking precautionary measures like wearing of mask, face shields in public, physical distancing, iyong tamang paghugas at palaging paghugas ng kamay iyon po iyong mga simpleng bagay na puwede nating gawin para hindi po tayo makakuha at hindi po tayo makadala ng virus. Ayon po, sana tuluy-tuloy po natin gawin iyon, magiging practice na para at least makatulong po tayo sa hindi paglobo ng numbers ng mga infected patients natin.

     

    ELY: Okay. Sige, batiin mo iyong mga kamag-anak, pamilya diyan sa Capiz at naririnig tayo nationwide tayo dito sa RMN DZXL, dito sa BISErbisyong LENI.

     

    BENJIE FOSCABLO: Thank you for this opportunity, ka-Ely, to greet everyone most specially my family sa Capiz and my family around the world—marami rin akong family around the world and I want to take this opportunity to thank and greet all of the healthcare workers from the doctors, our nurses and all of the healthcare workers na talagang nasa pandemya na nagbibigay ng serbisyo nila na walang humpay at sa tireless efforts para po malabanan natin iyong kinakaharap nating challenges as of the moment. Sana po manatili po tayong malakas, most especially sa family ko and gawin po natin iyong best natin hindi makakuha ng virus and sana po magkaroon na po tayo lahat ng vaccine, especially sa parents ko, sa nanay ko na nakapag-first dose na po siya and sana iyong tatay ko rin magkaroon na rin ng chance and sa lahat, I guess iyon nga po talaga ang best na way natin na magawa ngayon na makapag-vaccine tayo and we have to get that opportunity na mayroon pong libreng vaccine ngayon at iyon po iyong hiling dati pa na sana magkaroon tayo ng free vaccination.

     

    ELY: Okay, Benjie, salamat sa iyong oras at ingat ka ah, pinapaabot din ni VP Leni ang pangangamusta sa yo. Salamat ha, Benjie!

     

    BENJIE FOSCABLO: Ka Ely, maraming salamat din po!

     

    ELY: Okay, mga kababayan, at iyan po ay isang registered nurse, si Benjie Foscablo. Mga kababayan, atin pong napakinggan, at napanuod sa ating Facebook Live.

     

    [END OF INP SEGMENT]

     

    Okay, maraming salamat mga kasama sa inyong pagsubaybay at iyong mga taga-Pasig, iyong mga diyan diyan sa taga-Manggahan o malapit diyan sa Manggahan Highschool, makipag-coordinate lang po kayo o ugnayan sa inyong barangay kasi bawal po iyong walk-in para kayo po ay makapagpabakuna. Hanggang alas-singko po sila diyan at tuluy-tuloy lamang po iyong sa Vaccine Express kung saan ito po ang proyekto ng Tanggapan ng Pangalawang Pangulo, ni VP Leni Robredo at saka sa pakikipag-ugnayan, tulungan sa Opisina ni Pasig City Mayor Vico Sotto.

     

    Okay, maraming salamat mga kasama sa inyong pagsubaybay, hanggang sa susunod na edition ng BISErbisyong LENI sa RMN. Muli po, isang magandang umaga, Pilipinas!

     

     

     

    - 30-

    Posted in Transcripts on Aug 22, 2021