This website adopts the Web Content Accessibility Guidelines (WCAG 2.0) as the accessibility standard for all its related web development and services. WCAG 2.0 is also an international standard, ISO 40500. This certifies it as a stable and referenceable technical standard.

WCAG 2.0 contains 12 guidelines organized under 4 principles: Perceivable, Operable, Understandable, and Robust (POUR for short). There are testable success criteria for each guideline. Compliance to these criteria is measured in three levels: A, AA, or AAA. A guide to understanding and implementing Web Content Accessibility Guidelines 2.0 is available at: https://www.w3.org/TR/UNDERSTANDING-WCAG20/

Accessibility Features

Shortcut Keys Combination Activation Combination keys used for each browser.

  • Chrome for Linux press (Alt+Shift+shortcut_key)
  • Chrome for Windows press (Alt+shortcut_key)
  • For Firefox press (Alt+Shift+shortcut_key)
  • For Internet Explorer press (Alt+Shift+shortcut_key) then press (enter)
  • On Mac OS press (Ctrl+Opt+shortcut_key)
  • Accessibility Statement (Combination + 0): Statement page that will show the available accessibility keys.
  • Home Page (Combination + H): Accessibility key for redirecting to homepage.
  • Main Content (Combination + R): Shortcut for viewing the content section of the current page.
  • FAQ (Combination + Q): Shortcut for FAQ page.
  • Contact (Combination + C): Shortcut for contact page or form inquiries.
  • Feedback (Combination + K): Shortcut for feedback page.
  • Site Map (Combination + M): Shortcut for site map (footer agency) section of the page.
  • Search (Combination + S): Shortcut for search page.
  • Click anywhere outside the dialog box to close this dialog box.

    BISErbisyong LENI Episode 238

    BISErbisyong LENI Episode 238

    ELY: Magandang umaga, Pilipinas—Luzon, Visayas, Mindanao! Isa na naman pong edisyon ng BISErbisyong LENI dito po sa RMN. At siyempre ngayon po ay araw ng Linggo, November 28, 2021, mula pa rin sa DXL 558 Manila. Tayo po ay napapakinggan sa RMN DYHP Cebu, RMN DXCC Cagayan de Oro, RMN DXDC Davao, RMN DWNX Naga, at siyempre sa lahat po ng inaabot ng ating broadcast nationwide, netwide, mga kasama, ako pa rin ho ang inyong radyoman Ely Saludar. Samantala, ito na ho, makakasama natin ang nag-iisang Bise Presidente ng Republika ng Pilipinas, si Madame Vice Presient Leni Robredo. Ma’am, good morning!

    VP LENI: Good morning, Ka Ely! Good morning sa lahat ng nakikinig sa atin ngayong umaga sa DZXL, at saka sa sumusubaybay sa ating Facebook Live sa VP Leni Robredo Facebook page, saka sa RMN Facebook page. Sa atin po mga kababayan sa Bicol, marhay na adlaw saindo gabos. Sa ating mga kababayan sa Visayas at Mindanao, maayong buntag. And good morning sa iyo, Ka Eli!

    ELY: Good morning, Ma’am, at talagang napaka-abalang abala ho kayo ngayon sa mga panahong ito. At siguro bigyan lang po natin ng pahapyaw iyong mga ginawa nyo po, ano, at mga pinuntahang mga lugar tulad po ng nakaraang linggo talagang napakarami ho, at ako naobserbahan ko nang personal, napakainit ng pagtanggap ng ating mga kababayan sa inyo po at sa inyo pong grupo, ay ano pong masasabi niyo, Ma’am?

    VP LENI: Actually, Ka Ely, nakakagulat sya kasi alam, alam mo naman na late na kami na kami nag-ano, ‘di ba, alam mo na late na kami nagdesisyon. Nakakagulat na kapag bumababa kami on the ground, nauna na sa amin iyong mga volunteers, ang dami na talaga nilang ginagagawa. Kahit saan kami pumunta—nakasama ka namin, Ka Ely, sa Cebu ‘di ba? Nakita mo naman ang dami na namin mga billboards na malalaki, ang dami na naming tarpaulin. Kahit wala pa kaming nire-release galing sa amin lahat talaga bigay ng mga volunteers. In fact, Ka Ely, kapag nagkakaroon ng motorcade, binubuksan ko lang iyong pintuan ng sinasakyan ko, ang dami nila talagang binibigay na kung ano-ano. Nakakaipon kami ng maraming campaign na paraphernalia habang umiikot. Sabi ko baliktad na talaga iyong mundo—baliktad na iyong mundo kasi dati kandidato ang nagbibigay, eh, ngayon baliktad, sila na ang nagbibigay ng pagkain, nagbibigay ng—pati tarpaulin kami na binibigyan, binibigyan kami ng mga stickers, binibigyan kami ng mga t-shirt, ano talaga, sobra siyang nakakatuwa, hindi expected.

    ELY: Ma’am, tama ho ba iyong sagot ko kasi maraming nagtatanong, “bakit ganoon iyong mga posters ni VP Leni? Iba-iba at hindi pare-pareho.” Ang sabi ko, “kasi mga supporters lang ang nagbibigay niyan, eh.”

    VP LENI: Actually, Ka Ely, wala pa tayong nire-release galing sa atin. Iyong lahat na nakikita nilang mga posters, mga tarpaulin, lahat iyan galing sa supporters. Iyong sa atin, Ka Ely, siguro na-late tayo—na-late talaga tayo kasi iyon nga, nakapag-decide October na. Marami pang inayos. Wala pa kaming available na—iyong nakikita mo, Ka Ely, na pictures ngayon, pictures ito dati pa. Ginagamit lang nila. Actually, magshu-shoot pa lang kami ng para sa tarpaulin this week. So siguro, iyong galing talaga sa atin ay baka in two weeks pa. Baka in two weeks pa. So lahat talaga ngayon galing sa supporters kaya iba-iba iyong itsura. Iba-iba iyong nakalagay. Iba-iba iyong mga pictures na ginamit. Pero ngayon, Ka Ely, dati kasi parang kinasanayan na mayroong isang look lang. Iyong sinasabi nila noon na dapat may branding dapat pero ano, ito, Ka Ely, ano talaga, ngayon na iba-iba, parang magandang tingnan. Of course, maglalabas pa rin tayo. Maglalabas pa rin tayo ng galing sa atin. Pero ngayon na hindi pa—ay, wala pa, parang okay nang tingnan na iba-iba kasi ano talaga siya, crowdsourced. Kahit hindi mo hinihingi, talagang iyong mga tao talaga iyong nagpapagawa.

    ELY: So, Ma’am, sa kabila ng inyong pagiging abala, talagang marami pa rin hong humahanga, hindi niyo nakakalimutan iyong COVID response po na kayo po ang matagal na at naunang tumutugon dito. Dito ho iyong sa pagse-secure ng anti-COVID-19 pill na Molnupiravir.

    VP LENI: Ano kasi, Ka Ely, VP pa naman ako hanggang June 30. Kaya kahit kandidato na ako, may obligasyon pa akong magtrabaho. Kaya nga sinisingit lang natin iyong ating baba on the ground. Halimbawa, iyong pagpunta namin sa Bulacan, actually iyong sadya namin doon iyong Vaccine Express. May Vaccine Express tayo sa Malolos so sinabay na natin iyong ibang pagbisita. Noong Monday, Ka Ely, nagkaroon tayo ng signing ng MOA. Nagkaroon tayo ng signing ng MOA with QualiMed [Health Network] para doon sa ano nga, Molnupiravir. Iyong Molnupiravir, parang pinaka-una siyang anti-viral drug na para talaga sa COVID-19. Tingin kasi natin, Ka Ely, mahalaga ito kasi iyong experience natin noong last surge, iyong paghahanap lang ng Remdesivir, paghahanap ng Tocilizumab, sobrang hirap. Tapos dahil hindi siya readily available, grabe iyong presyo sa black market. So ngayon, noong nabalitaan natin na may pumasok nang—dito sa atin iyong unang naka-receive ng Molnupiravir sa Southeast Asia, naghanap na talaga tayo kung sino iyong nag-grant-an ng compassionate special permit. Kasi ito palang papel niya, wala pang FDA approval, wala pa siya ng emergency use authorization. Ang mayroon lang talaga compassionate special permit na parang mayroon lang mga ospital na binibigyan ng permit na gamitin ito kung talagang kinakailangan. So iyong isang nahanap natin, Ka Ely, iyong QualiMed Health Network. Isa sila sa mga nakatanggap. Tapos pumasok tayo sa isang MOA na kapag mayroon tayong ire-refer na pasyente, ibibigay nila iyong gamot, mag-i-issue kami ng guarantee letter tapos babayaran namin sila. Iyong tingin namin, Ka Ely, kasi alam mo naman na kulang iyong pondo namin dito sa opisina, ito na talaga iyong pinakamagandang arrangement na hindi mabigat para sa opisina namin. Kasi iyong binabayaran lang namin, pang ginagamit. Hindi kami kailangang mag-shell out ng napakalaking halaga kasi wala kami noon. So every time—mayroon naman kaming existing na medical assistance program. So parang ganoon siya, na parang ginagamit siya kapag kinakailangan. Kailangan talaga kasi, Ka Ely, ang mag-dispense talaga iyong doktor ng QualiMed, saka lang kami sisingilin. So iyon iyong MOA signing na ginawa natin noong Monday. Tapos noong Wednesday nga, pumunta tayo sa Malolos kasi mayroon doong Vaccine Express. Tapos ngayon, parang dineclare, Ka Ely, na National [Vaccination] Day this coming week—ito, this week. Parang, kung hindi ako nagkakamali Nov. 29 to Dec. 1. So sa Dec. 1, nasa Catanduanes kami kasi mayroong pending request si Governor Cua na dalhin natin iyong Vaccine Express doon.

    ELY: Catanduanes, Ma’am? Taga-roon ang mother ko, Ma’am, eh, Catanduanes.

    VP LENI: Ah, talaga? Ano, Ka Ely, medyo mataas iyong kaso sa kanila. As of last week noong nag-request sila sa atin, Alert Level 4 sila. So nagre-request sila para mapabilis iyong pag-dispense ng bakuna. Kasi isa sa pinakahuli talaga, Ka Ely, na nabigyan, iyong Bicol Region. Mabagal iyong pagpadala sa amin. Ngayon pa lang nagka-catch up. Pero noong mga naunang buwan, ang bagal talaga ng pagpadala. So ngayon, nag-request si Governor Cua so dadalhin natin sa kanila sa December 1. So tuloy-tuloy, Ka Ely. Tuloy-tuloy iyong trabaho sa opisina. Tuloy-tuloy iyong aming COVID-19 response. In fact, noong nakaraang linggo ay nagkaroon kami ng recertification sa ISO, na-recertify ulit kami for the fifth straight year. So ano naman, hindi dapat pabayaan iyong mga obligasyon ng opisina kasi ano pa rin iyon, iyon pa rin iyong priority natin.

    ELY: Opo. At bukod sa Bulacan, sa Cavite, nako po talagang dinagsa kayo at bumaha ng kulay pink!

    VP LENI: Grabe talaga, Ka Ely. Hindi namin inaasahan. Iyong pag-decide namin pagpunta sa Cavite kasi nakikita ko, Ka Ely, sa Facebook, nata-tag ako sa Facebook na parang may mga volunteer groups doon. So sabi ko, puntahan natin one day para makapagpasalamat. Pero hindi ko inaasahan, Ka Ely, na ganoon, na ganoon ka-grabe iyong response. Tapos iba-ibang lubar, marami kaming pinuntahan doon, Ka Ely. Pumunta kami sa General Trias, pumunta kami sa Imus, pumunta kami sa Dasmariñas, sa Kawit, sa Trece Martires. Lahat, Ka Ely, may mga naghihintay sa daan. Tapos iyong isa sa pinakahuli nating pinuntahan iyong sa Dasmarinas, ano iyon eh, ang plano kasi namin Ka Ely iyong mga different groups na nag-vovolunteer sa amin, ifo-form natin sila na parang isang council. Ito iyong tawag natin na Robredo People's Council. Inaasahan ko mas simple lang, pero gulat na gulat ako, Ka Ely, na pagdating namin sa Dasmariñas sobrang dami nila. Ganoon na pala kadami iyong mga iba't ibang groups na nagvo-volunteer sa atin, kaya very thankful talaga tayo, Ka Ely. Very thankful tayo. Dumaan din kami sa Archbishop's Palace sa Imus. Very thankful din tayo kay Bishop Rey, sa mga pari, kasi nag-commit sila, Ka Ely, na kasama natin sila sa paglaban sa disinformation. Kasi pareho natin, natatakot din sila. Natatakot din sila na iyong eleksyon, ang makaka-influence sa elesyon iyong mga fake news, iyong disinformation. Tapos nagpapasalamat din tayo, Ka Ely, sa De La Salle-Dasmariñas kasi sobrang all-out daw sila. Hindi lang admin, pero mga estudyante, iyong mga brothers. After noong People's Council sa Dasmarinas, lumipat tayo sa De La Salle University. Pinagdasalan kami doon noong mga brothers. Tapos nagkaroon ng isang meeting with iyong parang pinakahead ng mga volunteer groups. Sobrang nakakagulat na ganoon kadami at saka ganoon ka-wide talaga iyong mga grupong tumutulong. Mayroon din, Ka Ely, iyong pinuntahan namin sa Kawit, doon sa Tramo. May ano, Ka Ely, may nag-donate na—nakalimutan ko na iyong tawag, Lugaw Truck yata o LugawOne Truck—na umiikot at nagpapalugaw. Sobrang ganda. Iyong mga youth groups doon iyong nagra-run. Anonymous iyong donor nila, pero sobrang ganda niya kasi dalawang truck iyon pero siya iyong truck na maliit na kinonvert. Kinonvert siya na parang kusina talaga. So puwede siyang dalhin sa pinaka, iyong mga pinaka-interior na barangay puwede siyang madala. So nakakatuwa kasi bliness iyong mga truck na iyon, tapos kinuwento nila na from the time na nandoon kami, araw-araw siyang babiyahe all over Cavite.

    ELY: Ayan, opo. Ma’am, noong Biyernes kayo po'y nakipagpulong sa military at humarap kayo sa mga aktibong opisyal, partikular din po iyong bagong AFP chief of staff, ano? Ano po iyong mga naging laman po ng inyong diskusyon dito?

    VP LENI: Ito naman, Ka Ely, mayroon talaga tayong regular na security and defense briefing from AFP. Parang panlima ko na iyon? Iyong nangyari noong Friday, pang-lima. Normally kasi Ka Ely, pag may change of leadership sa AFP, nag-a-attend ako ng turnover. Pero this year hindi ako nakapag-attend ng turnover. Parang noong November 12 yata iyong turnover, so talagang we made it a point na mag-courtesy visit at iyon nga, isinabay na iyong security briefing sa courtesy visit. Ano naman ito, Ka Ely, bahagi ito ng ating trabaho bilang vice president na ina-apprise ng opisina kung ano iyong mga threat, ano iyong mga kailangan kong malaman, kung ano iyong ginagawa nila. Confidential iyong information, Ka Ely, kaya hindi natin masisiwalat, pero mahalaga kasing alam natin. Mahalaga na alam natin kung asan na tayo as far as many things are concerned.

    Pero ako lang, Ka Ely, very appreciative kasi ako sa AFP. Kasi kahit hindi siya perpekto, until now talaga name-maintain niya naman iyong kanyang independence as an institution. Hindi hinahayaan na maging instrumento siya. Siyempre gaya ng sabi ko, hindi siya perpekto at iyong ating puna at iyong ating reklamo ay ipinahayag natin doon. Pero siguro iyong detalye hindi na natin idi-discuss. Pero sa atin nga, lagi tayong nagpapasalamat sa AFP. Kasi alam mo, Ka Ely, during the pandemic, grabe iyong partnership namin with them. Marami tayong napapadala na mga PPE sets all over the Philippines at saka medical supplies na largely dahil sa tulong nila. Of course marami tayong mga private partners, pero iyong AFP tinutulungan talaga tayo sa distribution—from Batanes to Tawi-Tawi yun, Ka Ely. Tapos iyong naglalagay tayo ng mga temporary shelters sa loob ng mga compound ng mga ospital, naging partner natin iyong IKEA doon, iyong nagbi-build talaga noong mga pinadala sa atin na mga shelters sa IKEA, iyong engineering brigade ng AFP. So ano naman, nagkaroon din tayo ng pagkakataong pasalamatan sila—na pasalamatan sila doon sa lahat ng tulong na ibinigay sa ating opisina. Ano naman ito, Ka Ely, hindi siya first time na nangyari. As I've said, parang fifth na iyon. Regular talaga iyong briefings. Parang once a year, nagkakaroon tayo ng briefings.

    ELY: Okay, pang-huli, Ma’am, nako, napakasaya ng mga ano ah, iyong nangyaring inagurasyon dito po sa Katipunan sa may Quezon City.

    VP LENI: Oo, kahapon.

    ELY: Oho, iyong Leni-Kiko Volunteer Center. At talaga namang—ako nakita ko ito. Araw-araw ko itong madadaanan, Ma’am. [chuckles].

     

    VP LENI: Oo nga! Dumadaan ka nga pala doon. Ako naman, first time. First time ko siya nakita. Nakikita ko na siya sa Facebook pero first time ko nakita in person. Ang nakakatuwa din dito, Ka Ely, kasi lahat din siya volunteers. Iyong nagpahiram ng lugar, iyong nag-ayos ng lugar. Iyong grabe, Ka Ely, iyong artwork all over doon sa Volunteer Center. Kasi medyo malaki siyang compound. Puno siya ng—ano nga eh, very Instagrammable. Ang dami, parang iyong lahat na bakod doon na available, lahat may artwork. Ang nakaktuwa kasi, ito, Ka Ely, iyong galing talaga siya sa volunteer artists natin. Ano ito eh, sabi ko nga, parang ang daming bago sa eleksyon na ito, na sa eleksyon na ito, iyong lahat talaga ng initiative, lahat ng effort nanggagaling sa volunteers. Ito iyong mga—pati iyong bantay doon, Ka Ely every day, mayroon silang mga naka-assign kung sino yung—ang essence niya kasi, puwede siyang tambayan eh. Puwede siyang tambayan ng mga volunteers. Para talaga siya sa volunteers. So nakakatuwa na iyong combined efforts ng iba't ibang mga tao ay nakikita nila visually kung ano iyong puwedeng mangyari because of iyong pagtutulungan nga ng lahat. So kagabi parang masaya lang siya. Hihingi lang kami ng paumanhin kasi nag-decide din din iyong grupo, iyong mga nagra-run noon, na i-limit lang iyong tao kahapon. Hindi kasi siya, Ka Ely, puwedeng maramihan. Parang siksik masyado kasi, hindi na tayo makakasunod sa—baka may violation tayo sa mga physical distancing measures. So kahapon, para ma-maintain iyong numero, parang ni-limit lang nila iyong numbers so marami yata iyong hindi nakapasok. Pero on a daily basis, bukas para sa lahat. Kahapon lang kasi sabay-sabay pumunta dahil may event. Pero everyday after that, open po siya sa lahat. Eventually, marami na iyong mga available doon na campaign materials. Ngayon, ang available palang talaga lahat galing sa volunteers kasi naghahabol pa nga iyong official campaign team. Pero hopefully in the next few weeks, ready na din lahat.

     

    [END OF FIRST GAP]

     

    ISTORYA NG PAG-ASA SEGMENT

     

    ELY: Opo. Okay, Ma'am, at nasa linya na natin si Dr. Winlove Mojica. Maganda mapag-usapan rin natin, nako, maisingit din natin diyan iyong issue. May bagong variant Ma'am, ano, galing sa South Africa. Kaya dapat ay talagang hindi tayo lahat magpaka-kampante.

     

    VP LENI: Oo nga. Ito, Ka Ely, gusto kong i-welcome si Dr. Winlove. Lagi ko siyang nakikita nasa Twitter, napaka-active. Napaka-active na doktor, napaka-socially active na Pilipino. Pero ipakilala lang natin siya. Si Dr. Win ay isang clinical associate professor ng PGH - Department of Dermatology. Isa siyang board-certified na dermatologist. At saka bahagi siya ng communications and steering committee ng HPAAC, iyong Healthcare Professionals Alliance Against COVID-19. Tapos ano din siya, Ka Ely, kaya magpapasalamat ako sa kanya, isang active member siya ng Doctors for Leni. Ngayon ko lang, Ka Ely, nalaman, this morning, na iyong kanilang grupo ay mga 11,000 members na, pero ramdam na ramdam ko ito every time bumababa ako on the ground sa mga iba't ibang probinsya. Kasi isa talaga sa mga pinaka-active na grupo mga doktor—pinaka-active na grupo mga doktor, ang dami nilang ginagawa, Ka Ely. Tapos sobrang involved sila at saka sobrang engaged. So ipakilala na natin si Dr. Winlove Mojica. Doc Win, nandito ka na ba?

     

    1. WINLOVE MOJICA: Opo. Good morning po, VP. Good morning, Sir Ely. Nice to be with you. Can’t say no to you, VP. [chuckles]

     

    VP LENI: Hello, Doc Win! Salamat!

     

    ELY: Good morning po, Doc.

     

    VP LENI: Salamat, kahit Sunday Dr. Win, salamat for giving us your time. Ano lang, Doc Win, alam ko na ang isa sa mga [advocacies] mo ngayon na, lalo na kasi may bagong variant na naman tayo, iyong advocacy mo talaga iyong parang malinis na air quality. Kailangan i-improve natin iyong air quality. Iyong unang tanong ko siguro, bakit ito importante? Pangalawa, ano iyong mga dapat nating gawin para maka-contribute tayo sa improvement ng air quality?

     

    1. WINLOVE MOJICA: Iyan na po iyong mga bagong pag-aaral, ano. Napatunayan na nga po natin na iyong COVID-19 ay airborne. So noong start noong pandemic, kung matatandaan nyo po, iyong HPAAC naglabas po ng communication campaign iyong Apat Dapat. Ibig sabihin, mayroon tayong apat na bagay na dapat tandaan para makaiwas sa COVID-19. Number one, iyong magandang air circulation. Number two, physical distancing, one meter or more. Always wear your PPE, your face mask, tapos ngayon optional na iyong face shield, and then iyong time of interaction dapat maikli lang. Ngayon, base sa mga bagong pag-aaral, ang pinaka-importante dito sa apat na ito iyong air circulation. Bakit? Kasi kapag hindi siya maganda, or for example, napunta kayo sa isang kulob na lugar, nababawasan iyong proteksyon na binibigay nung mask, physical distancing, at saka iyong short time of interaction. So among doon sa apat na bagay sa Apat Dapat, iyong air quality, iyong air circulation ang pinakaimportante para mabawasan iyong chances na magkaroon ng COVID-19. Kaya ganoon po siya ka-importante. Lagi po namin ngayon ineemphasze na kahit naka-mask ka, pero kung pupunta ka sa isang kulob na lugar, mataas pa rin iyong chance mo na magkaroon ng COVID. Huwag natin kakalimutan iyong air circulation.

     

    VP LENI: So ano ito, Dr. Win di ba, ang pinakamaganda, ang pinakamaayos na air circulation kapag maganda ang air ventilation ng lugar.

     

    1. WINLOVE MOJICA: Yes po.

     

    VP LENI: Ang gustong sabihin, dapat sana hindi siya kulob, dapat bukas iyong mga bintana, mas maraming bintana o pintuan iyong bukas, mas mabuti. Pero halimbawa, Dr. Win, doon sa mga lugar na hindi maiiwasan kasi airconditioned talaga? ‘Di ba halimbawa may mga restaurants, mga opisina na air-conditioned talaga. Ano iyong dapat nilang sundin para iyong air quality ay okay pa din?

     

    1. WINLOVE MOJICA: So marami pong factors kung paano nag-a-affect o naiiipon iyong virus sa isang enclosed space, ano. Kaya nga bukod doon sa pagbubukas ng bintana, ina-advise namin, kung kailangan lumabas ng mga tao, sa open space. Sa parks, hindi lang sila magko-concentrate sa malls sa kanilang entertainment. Mag-beach sila, mas safe pa nga iyon. Regarding dito sa mga enclosed spaces, may bago na ho ngayon na lumalabas na importante iyong CO2 monitoring. Iyong CO2 monitoring kasi, nare-reflect niyan iyong CO2 levels sa hangin. Narereflect niyan kung fresh pa ba iyong hangin na hinihinga mo o galing na ito sa ibang tao. Ngayon, iyong cut-off po na sinasabi na maganda pa iyong air quality is iyong CO2 level na 700. Kapag mababa sa 700, ibig sabihin mas mababa iyong chance na iyong hinihinga mo, iyong hininga ng iba. Pero kapag pumalo na ng 700 and up, ibig sabihin na puwede nang naiipon iyong virus kasi pwedeng may tao na may COVID-19 doon sa lugar na iyon, at iyong hininga nya, lumalabas doon sa enclosed space, pwedeng nalalnghap mo na iyong hininga niya. So kailangan mayroon ka nang gawin para mapa-baba iyong 700 na iyon. Number one, kung ikaw ay nasa enclosed space, kung puwede mong buksan iyong binatana at pintuan, buksan mo. Tapos para mabilis mag-dissipate o mawala iyong CO2, maging fresh iyong hangin, tutukan mo ng bentilador palabas ng bintana ano, para lumabas iyong hangin. Minsan talagang hindi maiwasan na enclosed iyong space. Kunwari, mayroon kayong importanteng meeting. Puwede namang bawasan iyong tao. Kailangan tignan niyo rin, baka sobrang dami ng tao, o kaya naman ano ba iyong activity na ginagawa ninyo doon sa loob ng kwarto. Kung tahimik lang, nagta-type lang sa computer, baka puwede pa iyon. Pero kung nag-uusap kayo, nagkakantahan, iyon kailangan iwasan iyong mga bagay na iyon. And of course, you have to wear your PPE.

     

    VP LENI: At saka siguro, Doc, iyong kumakain din, ano, napaka-delikado siya.

     

    1. WINLOVE MOJICA: Yes po.

     

    VP LENI: So kung enclosed space, dapat siguro siguraduhin na hindi kakain kasi aalisin iyong mask.

     

    1. WINLOVE MOJICA: Tama po. Kasi isa nga po iyan sa mga dahilan ng pagkakaroon ng surge sa mga ospital noong March. Hindi ba nagkaroon tayo ng pangit na surge noon at umabot ng 20,000. Sa PGH po, iyan po ang nakitang isa sa mga dahilan kung bakit ang bilis kumalat sa mga healthcare workers doon—kumakain together. Kumbaga naging kampante iyong mga healthcare workers nang kaunti, kasi sanay po ang mga healthcare workers na after mag-duty kailangan feel good, kumain tayo, mag-buffet tayo, magkuwentuhan tayo. Medyo nakakalimutan, tapos nagkaroon ng surge, iyon po iyong na-identify na isa sa mga reasons—iyong pag-kain nang sabay-sabay. Puwede namang kumain pero staggered, kasi imposible namang kumain na may mask. So staggered, ibig sabihin po hindi sabay-sabay, may schedule. Even ngayon po, naglabas na po iyong Hospital Infection Control Unit ng PGH kung papaano—nagbabala mag-Christmas activities kasi hindi nga maiwasan. At saka iyong mga photoshoot, graduation ng mga residente, naglabas po ng guidelines and makikita po natin dito sa guidelines na ito number one po talaga iyong importance noong air circulation. Sinasabi kung kailangan kayong may graduation at napagtanto ninyong in-person meeting or face-to-face meeting ay kailangan nasa open space doon sa atrium namin. Pero ang sina-suggest pa rin as much as possible virtual muna. Tapos iyon po, kung may party, tapos may handaan, siyempre kakain. As much as possible huwag buffet-type, dapat naka-pack na siya. Kasi iyong buffet siyempre maglalagay ka doon so magkakasunod kayo sa pila, mawawala iyong physical distancing. Number two, dahil mahaba iyong pila, mas matagal iyong time niyo na magkasama together. Tapos iyong packed meals mas maganda pa rin kahit na naka-packed meals, physical distancing pa rin po. So iyon iyong mga guide na nilabas ngayon sa PGH.

     

    VP LENI: Ito, Doc, iyong isang medyo contentious ngayon kasi hindi ba mayroon na tayong mga pilot opening of classes–face-to-face classes. Karamihan sa kanila mayroon noong mga barriers, pero sinasabi ng iba na mas delikado ito. Ano talaga iyong dapat nating paniwalaan?

     

    1. WINLOVE MOJICA: Kasi po iyong barriers may mga bagong pag-aaral na nagsasabing actually mas lalong naiipon, it impedes airflow. So baka mas dangerous pa at saka siyempre alam naman natin na kung naka-enclosed space ka tapos maglagay ka ng barrier, hindi lalong makakadaloy iyong hangin papalabas. So mas maganda na i-maintain na maayos iyong daloy ng air circulation kaysa sa mag-invest dito sa mga barriers na ito. Important na of course dapat lahat noong nasa klase, maganda sana kung nabakunahan na sila, ano. Mayroon na tayong vaccination for children, iyong mga teachers din po sana natin bakunado na, and of course, naka-mask po sila, properly na suot-suot iyong mask. So ako personal, ayaw ko rin po noong physical barriers na ganoon kasi hirap mo rin tingnan si teacher. Mas maganda pa na mag-layo layo tapos well ventilated, nakabukas iyong mga bintana, bintilador, at lahat nabakunahan.

     

    VP LENI: Ayon, kasi nakikita ko Doc mayroon itong debate. Mayroon siyang debate. Maraming gumagawa na may barriers pa rin, pero mayroon din na talagang science na iyong sinusundan, wala na talagang barriers.

     

    1. WINLOVE MOJICA: Opo, opo. Puwedeng wala namang barriers basta magkakalayo iyong mga estudyante at saka nakabukas talaga iyong ano, bintana at pintuan para lumabas iyong hangin.

     

    VP LENI: Tapos ito, Doc, iyong—last ko na ito, Doc, na itatanong sa iyo—iyong Doctors for Leni. Kasi, Doc, everywhere we go, sobrang active talaga ng Doctors for Leni!

     

    1. WINLOVE MOJICA: Totoo iyan! 11,000 kami, VP. Ikaw ang pinipili ng mga doktor ng Pilipinas para mamuno sa susunod na ano, para manalo sa susunod na eleksyon.

     

    VP LENI: Pero ito, Doc, nakakagulat siya in the sense na parang traditionally kasi, iyong mga doctors hindi ganito ka-active. Hindi ganito ka-active sa eleksyon. Tingin mo ba, ano iyong factors o ano iyong nagbunsod sa kanila na ang dami sa inyo ngayon na grabe iyong pagka-active talaga?

     

    1. WINLOVE MOJICA: Super talaga. VP kasi po iyong healthcare workers, talagang ito po iyong naapektuhan—unang-unang naapetkuhan ng pandemic. Even before pa siya kumalat sa public, talagang unang nagimbal iyong health sector. Kasi siyempre, sila iyong papasok sa ospital tapos hindi alam kung anong mangyayari kapag nagka-COVID, “mauuwi ba namin iyang virus na iyan sa pamilya namin. Baka mamatay kami.” So unang-una talagang nagkaroon ng impact. At kitang-kita namin na marami ang—may suporta naman ang pamahalaan pero kulang. Tapos maraming mga missteps. So ngayon po, nag-decide itong mga Doctors for Leni na ayaw na naming mag-fence-sitter. Kasi tinuturo iyan sa medical school, eh. Parang always be in the middle, always listen but never take a stance. Pero ngayon po mas marami nang nakakaalam that health is political. Kapag nanatili kaming tahimik, aba, mas lalong dadami iyong mga taong namamatay sa aming hanay, hindi lang sa mga doctors pero pati sa ibang healthcare—[pauses] emotional ako—healthcare workers. So kaya po kami nag-decide na kailangan pong sumuporta tayo sa isang kandidato na nakikinig sa science, sa healthcare workers, ano. VP, ako, isang pagpapatunay, natatandaan mo naman noong nag-tweet ako about antigen testing. Wala pang ilang minuto minessage mo na ako agad. Kaya ako, personally, naniniwala ako na kailangan natin ng lider ng nakikinig sa mga scientific experts. Of course, ang mga doktor hindi lang naman sila iyong experts sa public health. Marami pang ibang uri ng mga tao na expert sa public health. But we really appreciate you listening to us. That’s why we are rallying behind you.

     

    VP LENI: Grabe, Doc. Doc, ano talaga, halimbawa iyong pinaka-last na lang, iyong Bulacan-Cavite. Halimbawa, iyong Bulacan, talagang sobrang active nila na doon talaga sa daan na dadaanan ng motorcade, naglagay pa talaga sila ng tent. Naglagay sila ng tent na doon talaga sila nag-aabang tapos naka-ano sila, naka-uniform na PPEs na may nakalagay na RobreDOCS. Sobrang gandang tingnan. Tapos napapadalhan ako, Doc, ng—ang iba naglalagay ng stickers sa labas ng clinic nila, ang iba nagbibigay ng kung ano-ano sa pasyente nila. Iyong isang nag-message sa akin, pinadalhan ako ng picture nung comics about me na sabi niya, “Oh, binibigay ko ito sa lahat ng mga pasyente.” Iyong iba, iyong prescription pad mismo nila…

     

    1. WINLOVE MOJICA: Mayroon po.

     

    VP LENI: So ito, Doc, sa totoo lang, grabe iyong pakiramdam for me kasi hindi nga siya usual. Hindi siya usual na—ako, marami akong kaibigan na doktor, may anak akong doktor, iyong pamilya ng asawa ko halos karamihan sa kanila doktor and alam ko na never—parang never in the past, of course may sinu-support sila pero hindi ganito ka…

     

    1. WINLOVE MOJICA: Ka-vocal.

     

    VP LENI: Oo at saka kasigasig.

     

    1. WINLOVE MOJICA: Yes, VP. The fight of our lives. Iyan ang aming ano, kung hindi ngayon kailan pa? Kasi kinakitaan ka namin ng mga qualities na matagal na naming hinahanap sa leader so hindi kami nahihiya. Kasi siyempre iyong mga doktor, mga healthcare workers may image iyan. Hindi kami mahihiya na suportahan ka kaya all out support kami sa iyo.

     

    VP LENI: Maraming salamat, Doc! Paabot na lang, Doc, please sa mga kasama mo na very appreciative ako.

     

    1. WINLOVE MOJICA: Thank you po, VP!

     

    VP LENI: Very appreciative tapos parati akong namamangha—parati akong namamangha na every time pupunta ako, iyong mga latest ko, Doc, sa Cavite nandoon sila. Iyong sa Bulacan nandoon sila. Sa Quezon, gulat na gulat ako roon kasi nagkaroon ng parang separate na meeting with them. Ang inaasahan ko kasi limited lang sa mga—iyong mga professionals na volunteers—dumagsa! Tapos mayroon pa silang, mayroon silang manifesto, mayroong, ang daming iniisip. Ang daming iniisip nila kung papaano makatulong. So sabi ko nga, Doc, wala siguro tayong resources na marami, pero I think pinaka priceless na mayroon tayong wala sila—

     

    1. WINLOVE MOJICA: Iyong mga tao.

     

    VP LENI: –iyong ganitong klaseng commitment. So ano Doc, sa akin, iyong aking pasasalamat. Hindi na namin, Doc, ikaw iistorbohin pa kasi alam ko—

     

    1. WINLOVE MOJICA: Hindi okay lang! Kahit na 1 a.m., VP.

     

    VP LENI: Ano, Doc? Salamat, salamat. Sana, Doc, magkasama ulit tayo.

     

    1. WINLOVE MOJICA: Yes po. Ingat po, VP.

     

    VP LENI: Maraming salamat, Doc.

     

    ELY: Okay, iyan po si Doc Winlove Mojica.

     

    [END OF INP SEGMENT]

     

    VP LENI: Grabe, Ka Ely, ano, sobrang suwerte ko sa kanila na ganito sila kasigasig. Tapos parang sabi nga ni Doc, mayroon silang image na pino-protect syempre pero this time hindi sila natatakot—hindi sila natatakot sumugal and I think iyon iyong pinaka—iyon iyong pinaka dahilan kung bakit appreciative tayo kasi madali naman sa kanila huwag na lang umimik eh, ‘di ba?

     

    ELY: Yes, Ma’am.

     

    VP LENI: Madali sa kanilang ano na lang, pero sila—sabi nga ni Doc ang feeling nila fight of their lives.

     

    ELY: So lalong magpapalakas ito, Ma’am, ng loob niyo? Bagama’t—

     

    VP LENI: Oo naman.

     

    ELY: Kahit gaano, ‘di ba alam mong, sa mga nakaraan talagang sabi, “nako wala tayong pondo mahirap tumakbo,” pero ngayon matindi, Ma’am, iyong mga supporters.

     

    VP LENI: Talaga. Hindi natin inaasahan, Ka Ely, kaya ano naman, siyempre nakikita natin kung ano iyong mayroon na sa kabila at wala tayo noon. Talagang sobrang ano talaga iyong political machinery nila grabe, iyong pondo nila grabe, pero I think, Ka Ely, itong ganitong suporta—example na lang iyong Doctors for Leni, hindi talaga matatawaran. Ito yung, hindi mo to mabibili, eh. Ito iyong kahit ang dami mong pera, hindi mo kayang iset-up ito kung walang tiwala sa iyo.

     

    INTERVIEW WITH LENI-KIKO SENATORIAL CANDIDATE

     

    ELY: Okay, Ma’am, at espesyal po ang edisyon ng BISErbisyong LENI dahil sa noong nakaraang linggo ay kausap ko rito si Atty. Alex Lacson—isa po sa mga kandidatong senador sa inyo pong tiket at ngayon namang umaga ay makakasama natin si Atty. Jose “Sonny” Matula. Siguro ipapakilala niyo lang, Ma’am, at alam ko marami pa kayong ibang aktibidad.

     

    VP LENI: Ipapakilala ko ho, Ka Ely, si Atty. Sonny pero lilipat ako sa ibang event pagkapakilala ko sa kaniya kaya kayo na muna, Ka Ely, mag-kwentuhan kasi nag-i-intersect ngayon iyong aking mga lakad. Pero ito, Ka Ely, si Atty. Sonny Matula sobrang—sobrang inspiring ng kuwento niya. Sobrang inspiring ng kuwento niya kasi galing siya sa mahirap na pamilya. Galing siya sa mahirap na pamilya. Pinanganak siya sa Negros Occidental tapos lumipat iyong pamilya nila sa Cotabato. Tapos from Cotabato lumipat ulit sila sa Agusan del Sur, ano ito, at one point nagtrabaho siya bilang magtitinda ng diyaryo, nagtitinda siya ng diyaryo. Pero siya iyong example na kung nagsikap, talagang, hindi hinayaan iyong kanyang kahirapan para maging sagabal para maabot niya iyong kaniyang mga pangarap. So nag-aral siya sa MSU—sa mga taga-Mindanao pong nandito, nag-aral siya sa MSU, scholar siya, tapos pagka-graduate niya from MSU ano siya doon, BA Political Science nag-law school siya sa MLQU School of Law. Kilala, Ka Ely, ang MLQU sa law— Bachelor of Laws. Pero iyong kabutihan nito hindi niya nakalimutan iyong pinanggalingan kasi noong naging abogado na siya, ang pinagsilbihan niya talaga iyong mga mahihirap pa rin. Karamihan sa mga—ang advocacy niya talaga iyong pagtulong sa mga manggagawa so naging trade union leader siya. Iyong mga kaso niyang inaasikaso iyong mga manggagawa na naaabuso. So ito, Ka Ely, kapag nakikita ko si Atty. Sonny napa-proud ako. Napa-proud ako, natutuwa ako na mayroong kagaya niya na puwedeng magsilbing inspirasyon sa iba na dumaan din sa hirap pero may pag-asa na may pag-asa na makamit iyong mga pangarap at maibalik sa tao iyong mga binigay sa kaniyang suwerte. Parati kong sinasabi, Ka Ely, hindi lang—ang suwerte pinagpapaguran din and si Atty. Sonny talaga pinagpaguran niya ito. Kaya kami, Ka Ely, sobrang honored kami. Sobrang proud kami na kasama naming siya sa tiket. So ipakilala na po natin, Atty. Sonny Matula.

     

    ATTY. SONNY MATULA: Hi, Ma’am. Magandang umaga po, Madam Vice President at Sir Ely!

     

    VP LENI: Magandang umaga. Atty. Sonny, maraming salamat na pinagbigyan mo kami ngayong umaga at alam ko kapag Sunday ay busy kayo. Nakapasipag nito, Ka Ely—

     

    ATTY. SONNY MATULA: May naghihintay pa sa labas na mga manggagawa. Anyway, maganda ito at isang karangalan na makasama kayo dito sa programa niyo sa DZXL at kasama si Kasamang Ely Saludar. Nako, na-inspire din ako doon kay Dr. Win kanina—mga batang-batang supporter ni Vice President.

     

    ELY: Okay, Atty., mayroon lang aktibidad na event sa kabila si VP.

     

    VP LENI: Lilipat lang ako, Atty. Sonny, pero si Ka Ely ang kasama niyo.

     

    ATTY. SONNY MATULA: Oo maraming salamat din sa inyong introduksyon at ang makasama kayo sa tiket ninyo.

     

    VP LENI: Salamat po, salamat.

     

    ATTY. SONNY: Ingat, ingat, Ma’am.

     

    ELY: Okay, mga kasama, iyan po at mayroon lang sa kabila. Alam niyo kapag online ang hirap, ‘di ba, Ma’am. Sige, Ma’am, salamat ho.

     

    At dumako tayo, Atty., siguro para sa kaalaman ng ating mga listeners kanina naipakilala na ho kayo no ng ating VP Leni, ano ho ba ang nagtulak sa inyo para tumakbo bilang senador sa darating na eleksyon?

     

    ATTY. SONNY MATULA: Siyempre hindi lang tayo ang nag-iisang nagdedesisyon, grupo tayo, at iyong mga kasama natin sa ALL4LENI, iyong Alliance of Labor Leaders for Leni. Babanggitin ko iyong malalaking grupo na kasama natin diyan: iyong Sentro ng Nagkakaisa at Progresibong Manggagawa, kasama rin natin iyong Partidong Manggagawa, kasama rin natin dito iyong National Union of Banking Employees at syempre iyong ating mga manggagawa sa agrikultura iyong National Association or Confederation of Unions in the Sugar Industries ay kasama natin diyan. At iyong mga riders, Ka Ely, iyong Kapatiran ng Dalawang Gulong kasama rin natin diyan at syempre iyong Federation of Free Workers na kung saan ako iyong pangulo ay todo-suporta tayo kay Vice President Leni. At hindi lang iyan, may mga overseas Filipinos tayo na kasama sa ALL4LENI, iyong Filipino-Americans Human Rights Association na naka-base sa California ay kasama rin natin sa ALL4LENI at buo ang karamihan, ang karamihan sa mga unyon sa Pilipinas at iyong ating mga kasapi na nasa ibang bansa na sumusuporta kay Vice President Leni sapagka’t we can identify the aspiration and interest of the workers kay Vice President Leni.

     

    ELY: Opo, okay. At siyempre ano ano ho ba iyong mga adbokasiya at iba pang isyu na nais niyo hong bigyang pansin o focus?

     

    ATTY. SONNY MATULA: Oho. Bukas ay mayroon kaming pirmahan kasama si Vice President Leni sa Office of the Vice President at marami po tayong dinadalang isyu sa ating bansa at siyempre na dadalhin natin sa Senado kapag tayo ay nabigyan ng pagkakataon na magserbisyo bilang senador ano. Ang napagkasunduan ng ALL4LENI ay una siyempre, ayudang sapat at balik-trabahong ligtas para sa manggagawang Pilipino. Pinagusapan din natin siyempre iyong ating usapin sa sahod—iyong paano natin mapataas iyong sahod ng mga manggagawa at pangatlo dyan ay iyong usapin tungkol sa kasiguruhan sa trabaho lalong lalo na iyong isyu ng kontraktuwalisasyon na marami sa kasalukuyan, although ilegal na, ay patuloy na ginagawa ng mga unscrupulous employers natin. So ang pangapat nating agenda na dinadala ay ang patungkol sa karapatan ng mga manggagawa na mag-organisa ng unyon at syempre proteksyon para sa karapatang pantao. At ang panlima nating agenda ay iyong garantiya sa empleyo at ayuda para sa mga natanggal sa trabaho.

     

    ELY: Opo.

     

    ATTY. SONNY MATULA: So iyong iba pang mga isyu katulad halimbawa ng kasarinlan, isyu ng kakababaihan ay dala po din po natin para—bilang agenda ng mga manggagawa para sa Senado.

     

    ELY: Opo, kasi, ‘di ba sa nakaraan, iyong nakaraang Kongreso, naipasa na eh, yung, ‘di ba iyong sa kontraktwalisasyon, kasi sabi ni Pangulong Duterte iyan ang gusto niya, nung pangako niya nung nakaraang eleksyon, ‘di ba? Pero nang pinirmahan na, i-vineto eh.

     

    ATTY. SONNY MATULA: Oho, iyon ang aming lamentation sa kasalukuyang administrasyon eh, sabi ni Pangulong Duterte nung tumatakbo pa siya ay wakasan ang endo at within six months daw ay tapos na. Pero, tumagal iyong pag-uusap tungkol sa bill na pinapanday para lutasin iyong suliranin sa endo at nung—actually cinertify ni President Duterte iyong bill na iyon eh. Pero ang nangyari nung naaprubahan na ng Kongreso, ng House at ng Senado ay biglang na-veto ito.

     

    Iyong bill na iyon although maraming mga loopholes, pero sinuportahan iyon ng Federation of Free Workers, ng Trade Union Congress of the Philippines, ng Partido Manggagawa at iba pang mga, unyon, ano. Na sa palagay namin ay puwedeng simulan sa batas na iyon iyong pagtutuldok sa isang exploitative, uh, uh, contractualization at sa kasalukuyan, sinabi ni Ka Rene Magtubo ay isang epidemic o kung hindi man pandemic na rin, na tuloy-tuloy pa rin sa mga pagawaan, although mayroon programa iyong gobyerno o may panawagan na wakasan iyong endo.

     

    ELY: Opo. Pero, sa ngayon kumusta ho ang estado ng ating mga manggagawa, lalo na ho dito po sa panahon po ng pandemya?

     

    ATTY. MATULA: Oho, kaya iyong una naming, iyong aming, aking nabanggit kanina ay iyong ayudang sapat at balik trabahong ligtas. Sa kasalukuyan po ay hirap na hirap pa rin ang mga manggagawa, kulang sa ayuda at siyempre marami pang hindi naabot ng bakuna. Although iyong gobyerno ay parang pine-penalize nga yung—mayroong bagong resolution, Ka Ely, iyong IATF ano, na kapag hindi ka bakunado ay mag-RT-PCR test ka at isyo-shoulder ng manggagawa iyong, yong bayad. Naku, napakabigat po yan para sa mga manggagawang hindi pa nabakunahan.

     

    ELY: Pero kung ganon, siguro parang itinutulak ka nang, pabakuna ka na eh. Wala kang choice dahil alam naman natin na—

     

    ATTY. SONNY MATULA: Ah, okay naman yun. Okay naman, kami po sa kilusang paggawa ay sinusuportahan namin iyong panawagan ng gobyerno na bakunahan ang lahat ng mga manggagawa, at siyempre iyong kinakailangang ibu-boost ay may panawagan ang 26 employers’ group na gamitin iyong kanilang mga pinurchase na mga bakuna, ay suportado namin yan. Iyong di lang namin suportado sa panawagan ay parang pinupwersa iyong wala pang bakuna, although, walang access sa bakuna. Alam niyo, Ka, Ka Ely, ano, eh ‘di noong pumunta kami, kasama ako sa sortie ni Vice President Leni sa Bulacan, ano, ah, at may maraming mga manggagawa pa doon na iyong araw na iyon ay una pa lamang na araw na first dose pa sila. So hindi pa sila bakunado, December 1 iyon parang compulsory vaccination na nung mga manggagawa at kapag hindi ka nabakunahan ay pag-PCR test at your cost no, ikaw magbabayad. So parang hindi naman risonable yun.

     

    At saka may ibang manggagawa na hindi talaga mabakunahan dahil may payo ang doktor sa kanila, may mga sakit sila na hindi tugma doon sa bakuna, at kung magpapabakuna pa sila may puwedeng may, madisgrasya sila. So, masama naman na pwersahin natin silang magpabakuna. Tapos iyong pangatlong uri ng mga manggagawa, siyempre may mga religious objector tayo na ayon sa kanilang paniniwala ay hindi matanggap iyong bakuna sa kanila. So palagay ko ay dapat respetuhin natin iyan. At saka kasalukuyan po ay hindi naman compulsory ang bakuna. Ayon sa Section 2 ng Republic Act 11525, iyong ating vaccination card ay hindi compulsory requirement yan sa employment, sa edukasyon, at sa anumang transaksyon sa gobyerno, so ibig sabihin lamang niyan ay hindi compulsory iyong bakuna. Kaya, iyong mga rules na nilabas ng gobyerno natin ay hindi compulsory. Dapat siguro may enticement siguro o incentive, mas maganda yun.

     

    ELY: Tama, okay, panghuling isyu natin, Atty., dahil wala na tayong oras ano, sa mga overseas Filipino workers, ano pa ang maidadagdag niyo na tulong? Siyempre alam, alam naman natin na napakarami po ang napipilitang magtrabaho sa ibang bansa?

     

    ATTY. MATULA: Para sa Federation of Free Workers, sa nagkaisang labor coalition, sa mga kasama namin sa All for Leni, ay hindi naman kami, hindi naman namin ino-oppose iyong employment abroad. Pero sana ay iyong employment abroad ay isang choice, at hindi pwersahan kang mapupunta roon dahil walang, walang oportunidad sa Pilipinas.

     

    Napaka-importante iyong sinasabi ni Senator Kiko Pangilinan, iyong ating agrikultura—dapat paunlarin natin iyong ating agriculture, agrikultura. Ang sabi ni kasamang Alex, ‘di ba, 60% ng ating mga families na mahihirap ay mula sa agrikultura. Kaya tama lamang iyong sinasabi ni Senator Kiko na doblehin dapat iyong budget sa agrikultura. Sa kasalukuyan ata 1.7% lamang ng ating budget at gusto ni Vice President Kiko at ni Vice, uh, President Leni na dodoblehin ito sa susunod na mga limang taon. So tamang-tama iyon na pagmoderno ng agrikultura, ating i-encourage iyong industrialization ng ating bansa. Kasi ito po ang maglilikha ng maraming trabaho, oportunidad ng trabaho sa Pilipinas para di na pumunta abroad iyong ating mga kababayang Pilipino.

     

    ELY: Okay, Atty., panghuli, ano po ang inyong mensahe sa ating mga kababayan, lalo na po iyong mga nasa sektor ng paggawa?

     

    ATTY. SONNY MATULA: Oho. Siyempre nagpapasalamat tayo kay Vice President Leni na isa sa kaniyang mga senador ay magmumula, direkta sa trade union movement. Ang masasabi ko po sa ating mga kababayan at kamanggagawa ay huwag natin kalimutan na walang tunay na makapagsalita para sa manggagawa maliban doon sa nanggagaling sa mga manggagawa, o nagmumula sa kilusang paggawa. Huwag po—hindi po kayo mahihiya kay Atty. Matula, isang abogado, isang nakatulong sa mga manggagawa. Ang tawag nga nila sa akin, eh “Defender ng mga Manggagawa” kasi sa loob ng higit 20 anyos, ay nakasama ko ang mga manggagawa, lalong lalo na iyong mga, unyonista sa Pilipinas.

     

    ELY: Okay, Atty., salamat po sa inyong oras, at dito po naging bahagi kayo sa palatuntunan ng ating Bise Presidente, ito hong BISErbisyong LENI sa RMN. Magandang umaga, good morning po sa inyo.

     

    ATTY. SONNY MATULA: Magandang umaga, Ka Ely!

     

    ELY: Opo, salamat po, ingat.

     

    ATTY. SONNY MATULA: Salamat po.

     

    ELY: Thank you.

     

    ATTY. SONNY MATULA: Thank you.

     

    ELY: Mga kasama, iyan po si Atty. Jose “Sonny” Matula, isa po sa mga kandidatong senador sa tiket po nina VP Leni Robredo at Senator Kiko Pangilinan para po sa 2022 national elections.

     

    Okay, maraming salamat, mga kasama, sa pangalan po ni Vice President Leni Robredo, ako pa rin ho ang inyong radyoman Ely Saludar. Muli po, isang magandang umaga, Pilipinas!

     

     

    - 30 -

    Posted in Transcripts on Nov 28, 2021