This website adopts the Web Content Accessibility Guidelines (WCAG 2.0) as the accessibility standard for all its related web development and services. WCAG 2.0 is also an international standard, ISO 40500. This certifies it as a stable and referenceable technical standard.

WCAG 2.0 contains 12 guidelines organized under 4 principles: Perceivable, Operable, Understandable, and Robust (POUR for short). There are testable success criteria for each guideline. Compliance to these criteria is measured in three levels: A, AA, or AAA. A guide to understanding and implementing Web Content Accessibility Guidelines 2.0 is available at: https://www.w3.org/TR/UNDERSTANDING-WCAG20/

Accessibility Features

Shortcut Keys Combination Activation Combination keys used for each browser.

  • Chrome for Linux press (Alt+Shift+shortcut_key)
  • Chrome for Windows press (Alt+shortcut_key)
  • For Firefox press (Alt+Shift+shortcut_key)
  • For Internet Explorer press (Alt+Shift+shortcut_key) then press (enter)
  • On Mac OS press (Ctrl+Opt+shortcut_key)
  • Accessibility Statement (Combination + 0): Statement page that will show the available accessibility keys.
  • Home Page (Combination + H): Accessibility key for redirecting to homepage.
  • Main Content (Combination + R): Shortcut for viewing the content section of the current page.
  • FAQ (Combination + Q): Shortcut for FAQ page.
  • Contact (Combination + C): Shortcut for contact page or form inquiries.
  • Feedback (Combination + K): Shortcut for feedback page.
  • Site Map (Combination + M): Shortcut for site map (footer agency) section of the page.
  • Search (Combination + S): Shortcut for search page.
  • Click anywhere outside the dialog box to close this dialog box.

    Introduction of Mayor Geraldine Ornales, Q&A, and Message of Vice President Leni Robredo during Baybay: Baybayin ang Bukas, Lemery, Batangas

    Introduction of Mayor Geraldine Ornales, Q&A, and Message of Vice President Leni Robredo during Baybay: Baybayin ang Bukas, Lemery, Batangas

    Introduction of Mayor Geraldine Ornales

    [START]


    GERALDINE ORNALES: Magandang araw po sa ating lahat. Ang mamumuno sa Republika ng Pilipinas, siyempre ang nagmamahal, ang babaeng mapagmahal, maaruga, may malasakit– nakakaiyak nga po pala talaga pag dumating na ang ating idolo– ang hindi natin pababayaan, ang hindi natin kakalimutan sa May 9, 2022, ang mamumuno, ang mahal ng taga-Lemery, ang mahal ng inyong abang lingkod, ang ating Pangulo ng Republika ng Pilipinas, Leni Robredo!


    [END]

    Q&A and Message of VPLR

    [START]


    HOST: Ngayon naman ho ay dadako tayo sa ating Q and A. So, meron po tayong tanong na manggagaling sa ating isa sa mga youth leaders at sa at isang representative ng education sector, tawagin muna po natin from the Youth sector, we have Ms. [Lyka Josh Atienza, Lyka Josh?]

    YOUTH REPRESENTATIVE: Good afternoon po Vice President Leni Robredo. Ako po si [Lyka Josh Atienza], representative po ng Lemery Youth for Leni at ako po ay isang student leader ng University of the Philippines Los Baños. At bilang katanungan po sa inyo, hindi po lingid sa ating kaalaman na patuloy na dumarami po ang bilang ng mga out-of-school youth. At para sa kaalaman po ng nakakarami, ang mga out-of-school youth po ay binubuo ng mga 15-24 years old na mga kabataan na hindi nakakapag-aral, hindi nakapagtapos ng kolehiyo o hindi nagtatrabaho.

    At para po sa aking katanungan, Vice President Leni, ano po ang mga konkretong aksyon o mga plano niyo upang masiguro po natin na hindi mapapag-iwanan ang mga out-of-school youth po natin? Salamat po.

    EDUCATION REPRESENTATIVE: Magandang umaga po madam. Ako po si [Army Reincarnacion], isa po akong private school teacher and ako po ang representative ng educational sector. Ang akin pong tanong, ngayong nakaraang Linggo, nag-trending po ang "MAJOHA" o ang sinasabing repleksyon ng krisis sa edukasyon. Ano po ang inyong plano para ayusin at i-angat ang sistema ng edukasyon sa ating bansa?

    VP LENI: Ayan. Magandang tanghali. Magandang tanghali Lemery! Kayo naman, parang hindi tanghaling tapat, kahit napaka-init, napaka-high energy pa din. Hindi pa ba kayo pagod? Pag may laban, bawal mapagod.

    Ayan, bago ko sagutin 'yung mga katanungan, gusto ko lang po paabutan ng pagbati ang atin pong minamahal na mayor, Mayor Geraldine Ornales, magandang umaga po at 'yung buong pamunuan ng LGU Lemery. Kasama din po natin si Ma'am Nene Bendaña, isang mayoral candidate dito sa Lemery. Kasama din po natin former Congressman Tom Apacible, magkasama po kami mula kanina sa Nasugbu saka sa Tuy. 'Yung tropang Leni-Kiko Ala E Midwest. Sabi sa akin kanina– kayo ba 'yung nagsasabing nakaboto na kayo? Meron kasing OFW na nandito na nakaboto na daw sila.

    Nandito din po ang Youth for Leni, nasaan kayo? RPC Batangas, ROBREDOcs, Fisherfolks for Leni, Senior Citizens for Leni, BHWs for Leni-Kiko, Business sector and professionals for Leni-Kiko, San Nicolas for Leni-Kiko, San Luis for Leni-Kiko, Sta. Teresita for Leni-Kiko, Tropang Lutang Ala E– ay nasabi kanina. Ang atin pong sponsors, nagpapasalamat po tayo. Michael Rey Villano, Engineer Ric Casabuena and family, Engineer Eric Aliling and family, Doctor Larry De Leon and family. Hello din po sa mga department heads ng Municipal Government of Lemery saka 'yung mga empleyado ng LGU Lemery. Forward Lemery Team, Konsehal Jude Suayan, former Mayor Hermogenes De Castro, [Haidee Ramirez] saka 'yung Lemery Water District Manager, ayun! Kumusta kayo, okay pa?

    Sasagutin ko lang muna 'yung katanungan. 'Yung unang katanungan, ano 'yung magiging programa natin na konkreto para sa mga out-of-school youth saka ma-prevent 'yung pagdami ng mga bata na wala sa eskwelahan. Tapos ikakabit ko na 'yun sir ha? Pati 'yung krisis sa edukasyon. Uunahin ko 'yung out-of-school youth. Dapat alam natin bakit hindi nag-aaral. Kasi iba-iba 'yung dahilan, ang isang dahilan ang kahirapan nagiging hadlang. Pag sinabi nating ang kahirapan nagiging hadlang, kahit pa may mga scholarships na binibigay ang pamahalaan, paminsan hindi siya sapat. Dahil pag ang paaralan malayo, kailangan mag-board and lodging. 'Yung pang araw-araw na pamasahe saka allowance, problema. So, kahit may scholarship meron pa ding hindi kayang mag-aral.

    Meron po kaming konkretong programa ngayon sa Office of the Vice President tungkol diyan. 'Yung atin pong programa, sa mga public high schools na mataas 'yung dropout rates, naglalagay po kami ng mga dormitories na libre. Ang gusto pong sabihin nito, nandoon kami sa mga lugar na ang dahilan kung bakit mataas 'yung dropout rates, dahil maraming mga estudyante ang kailangan maglakad ng napakalayo para lang makapag-aral ng highschool. Pero bakit ko ito sa inyo kinukuwento? Dahil kailangan ang pag– mamaya na po tayo magsigawan kasi hindi tayo magkarinigan, ayun nakalimutan ko tuloy 'yung sasabihin ko. Kaya ko po ito sa inyo sinasabi kasi ang programa saka polisiya ng pamahalaan dapat akma siya sa kung ano 'yung dahilan. Hindi siya puwedeng one-size-fits-all, di ba? Hindi siya puwedeng one-size-fits-all.

    So, ano pong nangyari doon sa mga lugar na nagpapalagay kami ng mga dormitories? Meron po kami sa Siayan sa Zamboanga del Norte, dalawa. Meron po kaming dalawang dormitories sa Sumilao, Bukidnon, meron po kaming mga dormitories sa Negros Oriental, meron po kami sa Balangkayan saka sa Salcedo Eastern Samar. Bakit dito kami naglagay? Dahil dito matataas 'yung mga dropout rates dahil malalayo 'yung nilalakad na paaralan. Kung nilagay namin 'yung mga dormitories na hindi naman ito 'yung problema, hindi natin mareresolbahan 'yung problema.

    Ang pangalawa, paminsan ang dahilan din kung bakit nagiging out-of-school youth, talagang walang hilig sa academics ang bata. 'Yung mga walang hilig sa academics ang bata, meron 'yung mga special na mga skills o meron silang mga hilig na dapat 'yung hilig nila saka special skills nila, 'yun 'yung mata-tap natin. Dito po importante, dito po 'yung importante 'yung Tech-Voc education at 'yung Tech-Voc education, programa din po namin ito sa Office of the Vice President.

    Meron po kaming dalawang programa for out-of-school youth, 'yung pinakauna doon in partnership with Dualtech Training Center. Ang Dualtech po nasa Laguna. Meron po kaming mga out-of-school youth from Veruela, Agusan del Sur saka Sumisip, Basilan na dinadala po namin dito para makapag-aral sa kanila. Pero ito po, on-the-job training na pag nag-aral sila, merong suweldo. Kaya siya mahalaga dahil na-eenganyong mag-aral 'yung bata, meron siyang suweldo, nakakapadala siya sa pamilya niya, pag nag-graduate siya sa hilig niya, ang nasasalba mo hindi lang siya pero 'yung buong pamilya.

    'Yung pangalawang programa namin for OSYs ito ay sa Metro Manila saka mga karatig, kasama na po ang Batangas, Laguna, Rizal, saka Bulacan, saka NCR. Noong kasagsagan ng COVID, nag-roll out tayo ng TrabaHOPE. Ito naman po, may mga partners tayo na mga negosyante para doon sa kanila nag-aaprentice 'yung mga out-of-school youth pero 'yung pag-apprentice meron ding suweldo.

    So, ano ‘yung sinasabi ko ngayon? Dapat ‘yung mga namumuno babad sa problema ng komunidad. Kasi kung hindi siya babad sa problema ng komunidad, kadalasan ‘yung mga programang niroroll-out niya hindi naman siya swak, di ba? Hindi siya swak sa problema. Dapat ang gobyerno hindi siya nagwa-one-size-fits-all dahil ang dahilan iba-iba. Dapat ang ina-address natin ‘yung dahilan.

    ‘Yung tanong naman ni sir, agree ako sir, lagi ko na ‘tong sinasabi ewan ko kung narinig niyo na ako. Isa sa mga una kong gagawin pag-upo bilang pangulo, mag-declare ng education crisis. Bakit kailangan natin mag-declare ng education crisis? Kasi po nakakahiya na tayo ngayon. Dati napakahusay ng ating kalidad ng edukasyon pero bago pa man nagpandemya, ‘yung mga international assessment bodies, lagi tayong last. Nakakahiya ‘yun.

    Maraming dahilan kung bakit ganoon. Ang isang dahilan, napakababa ng budget natin for education. Ang international standards po na nire-recommend ng UN, mga 6% dapat ng GDP ‘yung budget sa education. Tayo po, 3% lang. So nasa kalahati lang tayo, ‘yun ‘yung number one.

    Number two, ang mga courses natin minsan hindi siya aligned sa needs ng industry. Marami tayong courses na ga-graduate ‘yung mga bata pero pagka-graduate hindi na makahanap ng trabaho dahil ‘yung hinahanap ng industry, hindi naman ‘yung pinag-aralan nila. So dapat sana hindi tayo ‘yung again one-size-fits-all na course. Dapat kung ano ‘yung kailangan, ‘yun ‘yung ituro sa mga bata. [crowd cheers]

    Halimbawa, example ko sa inyo. Ang example ko po sa inyo, noong pandemic nag-roll out po kami ng isang programa. Ang tawag po namin sa programa, Sikap.ph. Ano po ito? Online na jobs matching platform. At one point 27,000 na trabaho ‘yung available sa amin. Pero alam niyo ang nag-qualify 16,000 na tao lang. Ang daming trabahong available, walang nagka-qualify dahil walang skills. So dapat ‘yung education system natin naka-align siya, kung ano ang kailangan ‘yun ‘yung ituro.

    Halimbawa ‘yung mga BPO. Kausap po natin madalas ‘yung industry leaders sa BPO, ang sinasabi po nila, “Napakarami naming trabaho na available pero ang tinuturo kasi sa paaralan hindi namin ginagamit.” Halimbawa, ‘yung mga software, ‘yung mga kaalaman sa computers, sabi nila karamihan sa IT courses, ang tinuturo nila obsolete na para sa amin. So, hindi nag-uusap. So aayusin natin ‘yun.

    Pangatlo, aayusin natin ‘yung quality ng teachers natin. Bakit ko sinasabi ‘yun? ‘Yung mga teachers natin mahuhusay naman pero binibigyan ng napakaraming assignments [crowd cheers] outside ng instruction. Dapat sana ang mga teachers nakatutok sa pagturo. Pero ang mga teachers natin ngayon, ewan ko lang, aside from si sir kung mayroon pang teachers dito, napakaraming admin work. Napakaraming papeles na kailangang i-submit na imbes na nagko-concentrate na lang sa instruction, hindi makapag-concentrate.

    Pangalawa, ‘pag kinumpara natin ‘yung sweldo ng teachers natin dito, kumpara sa mga karatig bansa, napakababa ‘yung sa atin. Ano ang epekto noon? Ang epekto noon, ‘yung mga teachers kung kailangan talaga nila ng mas mataas na sweldo para sa kanilang pamilya kahit ayaw umalis, aalis na lang kasi mas malaki ‘yung ino-offer sa labas. So kailangan competitive ‘yung salaries.

    ‘Yung pangatlo, dapat sinisiguro natin ‘yung quality ng teachers sa pagbibigay sa kanila ng pagkakataong paghusayan ‘yung sarili. Ngayon kasi ‘yung mga further studies ng mga teachers kanya-kanya, di ba? Minsan hindi nga sila binibigyan ng paid leave. ‘Yung gastos nila sa tuition, magma-masters kung ano-ano, sila pa ‘yung nagbabayad. So, para sa akin kailangan tutukan natin to kasi pag hindi natin tinutukan ‘yung mga teachers, hindi din ito magpo-produce ng quality students.

    Marami ‘yung ating mga plano sa education pero ‘yung sa akin lang, ito ‘yung summary kasi kulang ‘yung panahon natin. Pero ang amin ni Senator Kiko- I am sure na-discuss na ni Senator Kiko- ‘yung programa namin sa agriculture tsaka sa food security. Pero ito na lang ‘yung panghuli, ano ba ‘yung buod ng pamamahala na pinapangako namin sa inyo? Isang pamamahala na tapat. Kaya sinasabi namin gobyernong tapat dahil lahat ng kandidato nangangako siya ng mga programa. Lahat ng kandidato, mangangako siya ng pag-angat ng buhay ng lahat. Pero kung hindi naman matino at mahusay ang gobyerno, walang pagbabagong mangyayari. [crowd cheers]

    At ‘yung aming pangako, hindi po ito pangako sa hangin lamang. Pero sa aming panunungkulan, ako po bilang Vice President, pinakita namin na puwede ang gobyernong tapat. Napakita po namin ito sa Office of the Vice President kahit na kakaunti ‘yung aming pondo, pag pinangalagaan ‘yung pondo at walang napupunta sa korapsyon, napakaraming matutulungan. Dito lang po sa Batangas lahat ng krisis nandito kami, lahat na bagyong tumama dito, ‘yung naging lindol, ‘yung pagputok ng bulkang Taal, ‘yung pandemic nandito kami nagre-relief operations, nagbibigay ng tulong. Bakit namin ‘yun kaya kahit kaunti lang ‘yung pondo naming? Kaya namin ‘yun kasi pinapangalagaan namin ang pera ng taumbayan. [crowd cheers]

    Kung matatapat ang namumuno, tao ang makikinabang. At ito po, ‘yung pagiging tapat na pamumuno pinakita po namin ito kung anong gustong sabihin nito. Parang hindi tanghali, ‘no? Mayroon pa din kayong boses na isisgaw. Pero maraming salamat. Pupunta ba kayo sa Bauan mamaya? [crowd cheers]

    Ito po, maraming salamat sa pupunta pa din sa Bauan pero ‘yung sadya po namin kung bakit dumaan tayo sa Lemery ay para doon sa mga hindi na makakapunta sa Bauan, at least nagkita-kita tayo ngayon. Ngayon lang pong panahon ng kampanya, pangatlong balik na po namin ito sa Batangas dahil kung may mga malalaking rally, sinisiguro po natin na sinusuyod natin ‘yung mga bayan-bayan.

    Kanina po nasa Nasugbu tayo, lumipat po tayo sa Tuy, ngayon nandito tayo sa Lemery. Papunta po ako sa Sta. Teresita, papunta akong Taal, may mga meeting po ako sa Lipa saka sa Batangas City bago ako pumunta sa Bauan. Bakit po sinisipagan namin? Dahil unang-una gusto naming ipakita sa inyo na pag kami po ang nahalal ni Senator Kiko, ito ‘yung klase ng pamahalaan na aasahan niyo sa amin. Gobyerno ang lalapit sa tao. Kaya ito po nandito po kami para ‘yung mga hindi makakapunta doon, pinapangako po namin, ino-offer po namin ang aming sarili sa serbisyo sa inyo. Ang promise ko po sa inyo, hindi ko kayo bibiguin. [crowd cheers]

    Noong 2016 elections po napakataas ng botong nakuha ko dito sa Batangas. Binigyan niyo po ako ng inyong tiwala kahit wala pa akong resibo noon. Ngayon po bumabalik ako sa inyo, mataas na ‘yung aking confidence na pag tingin ko sa inyo mata sa mata, masasabi kong hindi ko sinayang ‘yung tulong na binigay niyo sa akin noong nakalipas na anim na taon. Kaya po maraming maraming salamat sa inyo, mabuhay po kayong lahat.


    [END]

     

    Posted in Transcripts on Apr 30, 2022