delivered on 07 December 2017

Magandang hapon sa iyong lahat. Bago po ako magpatuloy, pagbigay galang muna kay Konsehal Marlon Bandelaria, magandang hapon, Konsehal; ang ating Chairman ng Daet Urban Poor Federation, Brgy. Captain Sonia Bernas; Brgy. Capt. King Sarion; ang atin pong mga officers and members ng Daet Urban Poor Federation Inc: Magandang, magandang hapon po sa inyo.

Kamusta po kayo? Hihingi lang po ako ng paumanhin. Sunud-sunod ang aking okasyon dito sa Daet, nakadalawa na po ako. May pupuntahan pa akong dalawa, at may hahabulin pa sa Naga. Pero kanina po, pinauna ko dito si DC para pakinggan ang mga issues at tulong na kinakailangan ng inyong grupo. Sana po nakapagusap na kayo. At sabi ko po sa kanya, pagbalik namin sa Maynila bitbit namin ang inyong mga hininging tulong. Wala na po ako ngayon sa HUDCC pero ang gagawin nalang natin, ako ang inyong messenger. Ang inyong mga tulong ay ipapaabot po natin sa mga kinauukulan para masagutan para po sa susunod na pagbalik namin dito, mayroon nang kasagutan ang inyong mga issues.

Alam ko po na napakarami pa ang pangangailangan ng ating Urban Poor Association dito. Alam niyo po iyong matagal na panahon na mayor pa ng Naga ang asawa ko, pabalik-balik ako dito. At iyong Urban Poor Association, isa sa mga grupong kausap namin dahil nag-aabogado ako noon sa SALIGAN. Hindi ko lang alam kung ang mga iniwan noon na mga issues, may tira pa rin hanggang ngayon. Pero sana iba na kasi kung mayroon pang tira hanggang ngayon, [ang ibig] sabihin may mga problemang sobrang tagal na, hindi pa nabibigyan ng kasagutan.

Kaya ngayong hapon, [ang layunin namin:] pagbisita, pagkukumusta sa inyo, pero dahil wala tayong masyadong oras para tumagal dahil po sunud-sunod pa ang lakad, dadalhin po ni DC sa amin pagbalik namin sa Manila ang lahat na tulong na kailangan para makikicoordinate po kami kay Councilor Marlon, para ang lahat na puwedeng masagutan, papaabot natin ang kasagutan.

Pero kanina po sinasabi po sa akin na bago daw ako magpaalam ulit, magpipicture-taking daw tayo. Hindi ko alam kung paano ang arrangement ng picture taking pero siguro si Councilor Marlon, para ang mga pictures naman natin hindi ang liliit ng mukha, ‘di ba?

Sana okay naman kayo. Kahit maraming problema sana okay kayo. Kaya ano po, tawagin ko muna si Councilor Marlon para siya ang magdirect ng ating picture taking.