This website adopts the Web Content Accessibility Guidelines (WCAG 2.0) as the accessibility standard for all its related web development and services. WCAG 2.0 is also an international standard, ISO 40500. This certifies it as a stable and referenceable technical standard.

WCAG 2.0 contains 12 guidelines organized under 4 principles: Perceivable, Operable, Understandable, and Robust (POUR for short). There are testable success criteria for each guideline. Compliance to these criteria is measured in three levels: A, AA, or AAA. A guide to understanding and implementing Web Content Accessibility Guidelines 2.0 is available at: https://www.w3.org/TR/UNDERSTANDING-WCAG20/

Accessibility Features

Shortcut Keys Combination Activation Combination keys used for each browser.

  • Chrome for Linux press (Alt+Shift+shortcut_key)
  • Chrome for Windows press (Alt+shortcut_key)
  • For Firefox press (Alt+Shift+shortcut_key)
  • For Internet Explorer press (Alt+Shift+shortcut_key) then press (enter)
  • On Mac OS press (Ctrl+Opt+shortcut_key)
  • Accessibility Statement (Combination + 0): Statement page that will show the available accessibility keys.
  • Home Page (Combination + H): Accessibility key for redirecting to homepage.
  • Main Content (Combination + R): Shortcut for viewing the content section of the current page.
  • FAQ (Combination + Q): Shortcut for FAQ page.
  • Contact (Combination + C): Shortcut for contact page or form inquiries.
  • Feedback (Combination + K): Shortcut for feedback page.
  • Site Map (Combination + M): Shortcut for site map (footer agency) section of the page.
  • Search (Combination + S): Shortcut for search page.
  • Click anywhere outside the dialog box to close this dialog box.

    Message of Vice President Leni Robredo at the Alcala People's Rally

    Message of Vice President Leni Robredo at the Alcala People's Rally
    Alcala Municipal Hall Compound, Brgy. Centro Norte, Alcala, Cagayan

    [START 0:00:00]

    [crowd cheers]

    VP LENI: Magandang hapon Alcala! Kumusta po kayo? Grabe, ala-una ng hapon, ganito kainit ang pagtanggap. Hindi ba kayo napagod kakahintay?

    [crowd responds: HINDI]

    VP LENI: Bago po ako magpatuloy, gusto ko pong pasalamatan 'yung ating pong minamahal na former governor, Former Governor Bong Antonio, maraming salamat po. At siyempre 'yung atin pong hinahangaan at iniidolo na mayor ng Alcala, napakahusay, napakasipag, palakpakan po natin, Mayor Tin Antonio. Kasama din po natin ngayon ang ating vice mayor, Vice Mayor Joy pati po 'yung mga members ng Sangguniang Bayan ng Alcala, magandang hapon po sa inyong lahat.

    Gusto ko din pong batin ang ating board member ng Third District, board member Mila Lauigan, nandiyan po siya sa likod. Ang ating– magiging board member ng First District ng Cagayan, Criselda Antonio. At ang nagmamahal na partner ni Mayor Tin, kaklase ko po siya noong college ako, Attorney Joel Butuyan. Hindi ko alam kung ikakahiya ni Joel na kaklase niya ako kasi mahahalata 'yung edad namin. Pasensya na Joel. Saka mapalad po tayo– mapalad po tayo, kasama din po natin si Mayor Bryan Chan ng Aparri, palakpakan po natin.

    [crowd cheers, shouts]

    VP LENI: Na ano 'yun? Maraming salamat. Buti pa dito sa Cagayan, maraming nag I-I love you sa akin. Pag ganyan kayo lagi, babalik-balik ako dito.

    [crowd cheers]

    VP LENI: Maraming salamat, maraming salamat. At siyempre palakpakan po natin 'yung atin pong partner, ang ating susunod na magiging vice president, Senator Kiko Pangilinan. Alam niyo po kagabi– kahapon nasa Negros Occidental kami. Kagabi nandoon po kami sa Bacolod. Siguro nakita niyo 'yung mga videos. Pero pagkatapos po noon, ninerbyos ako. Kinuwento ko po 'to sa Tuguegarao. Sabi ko, "Bukas nasa Cagayan kami. Meron kayang sumalubong sa amin doon?" Kanina po, very pleasant surprise na–

    [crowd cheers: Walang solid north!]

    VP LENI: Ayan, ipapakita niyo 'yun sa May 9 ha? Hindi ngayong hapon lang. Hindi, pero 'yung sinasabi ko, medyo ninenerbiyos ako, kasi alam niyo, alam ko naman ang sitwasyon. At alam ko– alam ko mahirap para sa inyo lahat kumampanya para sa ibang presidential candidate dito sa inyo. Pero bilib din ako sa inyo, naglalakas kayo ng loob. At para po sa akin, malaking development 'yun, 'di ba? Gustong sabihin, 'yung mga kabataan ngayon, tinitignan na 'yung qualifications ng kandidato, hindi na lang kung saan siya galing. At napakahalaga po 'yun, napakahalaga kasi po 'yung magiging presidente, ito 'yung magiging driver ng ating sasakyan in the next six years.

    Siyempre kung ipapaniwala natin 'yung buhay natin sa magdadala ng sasakyan, pipili naman tayo 'di ba? At pag eleksyon bawat kampanya, marami sa atin bibisita dito at hihingiin 'yung ating boto, liligawan tayo di ba? Pero, 'yung mga kabataan ngayon pinapakita na hindi na lang basta basta nagpapa-budol sa manliligaw. Na hindi na lang basta basta naniniwala sa mga pangako, kundi tinitignan, ano ba 'yung track record ng nangangako. Parang mga dalaga din. Parang mga dalagang nililigawan, hindi basta basta maniniwala sa pambobola ng manliligaw pero titignan, ano ba 'yung resibo para paniwalaan ko 'yung nanliligaw sa akin?

    Siyempre 'yung pinaka unang resibo, pagkatao. Ang pangalawang resibo, track record. Pero papaano ba natin makikita 'yung track record ng isang nanliligaw sa atin? Tignan po natin ano 'yung ginagawa niya noong hindi pa siya kandidato kasi kung kandidato na, pag may eleksyon na, karamihan nag-uunahan pa sa trabaho. Pero pag walang eleksyon, hindi na natin makikita. Ako po, alam niyo naman ito: Noong 2016 noong kumandidato po ako dito– noong kumandidato po ako bilang pangalawang pangulo, malaki po 'yung talo ko dito sa Cagayan. Pero sa akin, pinakita ko po sa inyo–

    [crowd cheers: Babawi kami!]

    VP LENI: Maraming salamat. Pero ako po, kahit malaki 'yung talo ko dito sa Cagayan, noong ako umupo na bilang pangalawang pangulo, isinantabi ko na 'yung politika. In fact, dito po sa Cagayan, bawat sakuna na tinatamaan kayo, parati ako ang pinaka unang pumupunta dito. Marami pong bagyo 'yung dumaan since 2016, at bawat bagyong dumadaan, ako po 'yung pinaka unang pumupunta dito, nagdadala po ako ng team para sa relief operations.

    Siguro po 'yung mga taga Alcala hindi malilimutan 'yung sakuna na pinagdaanan ninyo after noong Typhoon Ulysses. Matindi 'yung baha dito. In fact, pumunta po ako sa Tuguegarao pagkatapos noong bagyo, dapat pupunta ako dito sa inyo, hindi po nakadaan 'yung aming sasakyan dahil malalim pa 'yung tubig dito. Alam po ito ni Mayor Tin, nag-iwan po ako dito ng team. 'Yung team po namin halos isang buwan dito sa Cagayan, nagre-relief operation sila. At alam niyo po noong panahon na 'yun, hindi naman kami magkakilala ni Mayor Tin, hindi po kami magkakilala pero alam lang po namin na grabe 'yung baha dito sa Alcala. Kaya po pinapunta namin dito 'yung team, doon lang namin nakilala si Mayor Tin, at sinasabi, Mayor, ng aming team, napakahusay mo daw. Doon ko lang siya nakilala, hindi ko nga alam Mayor Tin na asawa mo pala si Attorney Joel. Saka ko nalang po 'yun nalaman.

    Pero hindi kami namimili kung sino 'yung nakaupo. Hindi namimili kung nanalo ba kami diyan sa lugar na 'yan. Basta amin po, pag kinakailangan, lagi kaming nandiyan. At 'yun 'yung resibo namin na hindi namin hahayaan ang politika na makasagabal sa aming trabaho. Kaya kami po pag sinasabi po namin na aasikasuhin namin kayo sa pinakamahihirap na pinagdadaanan ninyo, meron po kaming pruweba doon. At 'yung pruweba po namin, karamihan po sa proyekto namin, nandoon sa mga lugar na hindi nga ako natulungan noong eleksyon dahil hindi po 'yun 'yung importante. Dapat po sa aming mga lingkod bayan, pag tapos na 'yung eleksyon, tapos na din 'yung politika. At 'yan po 'yung klase ng politikang ipanapakipaglaban natin. Pag sinabi po nating gobyernong tapat, angat buhay ang lahat, ang gusto po noon sabihin, ang pinapakipaglaban po natin sa eleksyon na ito, isang pamahalaan na magiging matapat sa kaniyang mandato at tungkulin.

    Ano pong gustong sabihin ng gobyernong tapat? Gusto pong sabihin niyan, ang set one niyan, ang ibibigay sa inyong mga lingkod bayan, mga lingkod bayan na matitino, mahuhusay, at masisipag. At pag sinabi po namin na kami matitino, marami po kaming resibo. Hindi lang po ito– hindi lang siya chika, hindi lang po siya chismis. Pag sinabi po namin na wala kaming korapsyon, ang dami po naming pruweba na ayaw namin ng korapsyon.

    Ano po 'yung pinakamalaki naming pruweba? Sa Office of the Vice President po, sunod-sunod na taon nakukuha po namin 'yung pinakamataas na COA audit rating, pagpapakita po na malinis ang mga proseso sa opisina. Pag sinabi po namin na mamahalin namin 'yung mga mahihirap, ang dami po naming pruweba, dahil karamihan po sa aming mga programa, nasa pinakasulok ng ating bansa. Nasa mga bukid, nasa coastal communities, na kahit siya malalayo, mahihirap puntahan, kahit konti 'yung botante doon, 'yun 'yung mga pinupuntahan namin dahil alam namin na doon nila kailangan 'yung pamahalaan.

    Pag sinabi po namin na kami masisipag, ang dami namang resibo. Wala po kaming inuurungan na trabaho. At pag sinabi po naming masipag kami, hindi lang gustong sabihin, nagtatrabaho kami more than 18 hours a day. Pero ang gusto po noong sabihin, hindi kami namimili ng trabaho. Mahirap, madali, lagi kaming nandiyan dahil 'yan 'yung aming sinumpaan.

    Marami po tayong problema ngayon, marami po tayong problema ngayon. Napakataas ng mga bilihin, mababa 'yung kita lalo na ng mga magsasaka dahil napakataas 'yung presyo ng abono. Pag sinabi po naming aasikasuhin namin 'yung mga magsasaka, marami kaming resibo dahil 'yung ginagawa po namin ngayon sa mga magsasaka, napakaraming proyekto. Ang inaasikaso po namin, hindi lang pagbigay ng financial assistance pero pag-capacitate sa kanila, pagsiguro na 'yung kanilang produkto ay merong merkado. 'Yung amin pong mga communities, sila 'yung aming pinakaresibo na talagang mahalaga para sa amin, hindi lang mga magsasaka pero pati mga mangingisda.

    Sa mga kabataan, pag sinabi po namin, pag sinabi po namin na mahalaga para sa amin 'yung edukasyon ng mga kabataan, ano 'yung aming pruweba? Napakarami po namin ngayong mga projects para sa education. At hindi lang po ito natatapos sa scholarship, hindi po ito natatapos sa pagpagawa ng mga school building. Pero halimbawa po, 'yung aming programa, sinisiguro na hindi magiging hadlang ang kahirapan para mabigyan kayo ng dekalidad na edukasyon. Nagpapagawa po tayo ng mga dormitories na libre para 'yung mga estudyante na malalayo 'yung tinitirhan, meron silang matitirahan na libre na hindi nila kailangan mag-board and lodging kasi paminsan, kahit scholar na sila hindi pa din nila kaya kasi dadami 'yung gastos.

    So, pag sinasabi po namin na mga pagmamahal na ito para sa inyo, hindi po ito politika lang. Pero ang dami na naming mga programa para dito. Halimbawa po, 'yung mga senior citizens, ano 'yung programa natin para sa seniors? Ako po, naniniwala na dapat lahat ng seniors, walang pipiliin, lahat mabigyan ng pensyon. Kasi ang problema po ngayon na pinipili lang, merong mga deserving na hindi nabibigyan. Tapos 'yung 500, kulang talaga siya pambili ng gamot. Kaya kailangan, at least 1,000 pesos para hindi magiging sagabal 'yung kahirapan para hindi naiinom 'yung mga maintenance medicine ng mga matatanda.

    Naniniwala po tayo na dapat ang mga local governments, pinapalakas dahil ang local government, sila 'yung unang takbuhan ng mga tao. Hindi dapat national government lahat kasi paminsan po, hindi accessible 'yung national government.

    Naku, nabasa kayo, pasensiya na kayo. Pero, ang laking blessing, di ba? Kasi kanina umuulan. Sa Tuguegarao din po, ganoon. Sa Bacolod, ganoon, umuulan tapos biglang umaraw. Ngayon, blessing din at umaraw na din sa atin. Pero ito po, ngayon, nakakataba ng puso na kahit dito sa Cagayan, ramdam namin na may mga nagmamahal sa amin.

    Gaya po ngayon, ayun, "Ikaw ba na donya, napakahusay." Ayan, tingnan niyo, pakita mo naman sa kanila. Oh, diba? Magagawa niya lang 'yan dahil sa pagmamahal. 'Yung mga hawak niyong mga placard, talagang pinagpaguran niyo di ba? Magagawa lang 'yan dahil sa pagmamahal, di ba? Ay meron ako ditong nanay, "Leni, anak, mag-hi ka." Thank you Mommy. Thank you po. Ayan, "Love begets love, Let Leni Lead." Ano 'yun? "Solid North is a prank." Ayan, titingnan natin ha. "Bayots for Leni." Maraming salamat. "VP Leni, dream come true pag maiabot ko sa iyo itong drawing ko." Halika na, lapit ka dito. Bibilisan natin kasi parang uulan na naman. "Aatras sa takong pero hindi sa mga tanong." Ayan, "Ulysses flood survivors for Leni." Sino po dito 'yung mga naapektuhan noong baha? Sana okay na kayo ngayon, sana nakabalik na tayo sa dati. "Kay Leni, may hustisya, karapatan, kabuhayan at pag-asa." "Unang boto para kay Leni Robredo." Meron ba ditong mga first time voters?

    [crowd cheers]

    "Kung ang english ng tinta ay ink, ipanalo na 'yung naka-pink." Okay 'yan ha. Hay naku, "Umabsent sa saturday class for Leni." Baka hindi sa akin bumoto 'yung teacher mo. "17th President of the Philippines right here." Naku, papaano ko ba ito ipo-pronounce? Ano? "Tenot ka Leni, indicator of good governance, Chemists for Leni." "Maitim man ako, pink naman ang boto ko" Parang mas maitim ako sa iyo. Ayan, "The liquid north welcomes Leni." Ano ito? "Aka labs Leni-Kiko." Ah, Alcala ba 'yun? "Alcalabs," akala ko Aca,"Alcalabs." Papaano pag-pronounce nito? "8thnocence for Leni-Kiko." Ayan, ano ito? "Normalize my love kay Leni."

    "Can't hold her down coz we know she's a fighter," "I think therefore I'm pink," "Pabati po sa mother ko, birthday niya po bukas." Happy birthday, mommy! "We are one. We're for Leni." "Sa gobyernong di tapat, 2,005 sample size ang rebut." "Doon tayo sa yumakap sa atin ng labis noong Bagyong Ulysses." "Tindig ng Cagayano, ilaban natin ito." "Sa gobyernong tapat, may legit na diploma lahat." Ayan, "Banker nag day-off para kay Leni-Kiko. Pa-picture po, please," lapit na dito, Banker. "Future educators for Leni," "My President, ano pong vitamins gamit niyo? Super effective, hindi ka napapagod sa pagmamahal mo sa aming mga Pilipino."

    Salamat, ha. Thank you. Ayan, ayan, palakpakan naman natin siya. Ang ganda ng kaniyang– ilagay mo number mo saka pangalan ha? Sige. O, siya lang daw 'yung Leni sa barkada nila. Ang lakas din ng loob no? Ayan, assignment namin sa iyo kukumbinsihin mo 'yun barkada mo.

    "Leni lugaw di magnanakaw." Ano 'yan? "Barangay Afosing Bato loves VP Leni," salamat! "Ang Ilokano ay kuripot hindi kurakot." "Masarap ang lugaw lalo na pag hindi galing sa nakaw." Ito, may hugot, "Leni, turuan mo si crush mag-first move." Kilala niyo ba 'yung crush niya? Turuan niyo naman. "Sleepover ang paalam, kay Leni ang punta," naku, honest tayo parati. Dapat hindi ako bad influence sa inyo. "No to corruption, yes to unqualified opinion."

    "Mama Leni, hatid ka na namin sa Malacanang." Magtatrabaho pa tayo. "Larawan at ehemplo ng isang Pangulo," 'yan. "VP Leni, pabati po si Jemila ng happy 18th birthday." Happy 18th birthday, Jemila! "VP Leni, kasing tamis mo ang Alcala milk candy." Dapat pala malasan ko ang Alcala milk candy. "Thomasians for Leni," "Accountants for Leni," "Umabsent for Leni," naku, magagalit sa akin ang teacher mo o boss mo. "Ayaw sa debate, debatil patong na lang." "Please save our economy, Mommy Leni," "Gobyernong tapat, pampublikong kalusugan ay iaangat."

    May kaklase po ako dito. May kaklase ako dito mula elementary kami. Akyat ka, akyat ka, Mate. Papakita ko? Bicolana po ito pero napangasawa niya taga-Tugegarao. Akyat ka na Danny. So, pumunta sila dito dahil nalaman nila na pupunta kami dito. Palakpakan po natin si Danny saka si Mate. Si Danny 'yung kababayan niyo. Nagpoprotesta sila, sana all daw.

    "Mga mahilig sa pogi for Leni," "Sa gobyernong tapat pati hindi kasali sa 16% aangat." "Kahit hindi na boto sa akin parents mo basta boto sila kay Leni-Kiko." Tutulungan ka namin para boto sa iyo 'yung parents niya. "End–” ano ito, "End ENDO kay Leni." "Mataas ang standard namin kaya si Leni at Kiko ang iboboto namin."

    Ano ito, "[reads in Ilokano 22:27-22:29]". "Engineering students for Leni." "First time voter anak ng Ilokano, ang boto kay Leni Robredo." "Kamag-anak ng BBM Fan for Leni," may assignment, ma'am. "The last man standing is a woman," "Mga di na babalik sa Manila for Leni." Bakit kayo hindi na babalik sa Manila? "VP Leni, may BTS concert ngayon pero mas pinili kita." BT– Army din po ako, Army din. Kasi 'yung bunso kong anak Army. So, gaya-gaya ako.

    "Kahit wala nang dilig ang rosas ko basta kulay rosas ang bukas mo." "Sa gobyernong tapat, atat na ang lahat," atat sa pagbabago dapat. "Lalaban tayo sa gobyernong tapat panalo tayong lahat." "Proud from Alcala supporters for Leni - Barangay Esteban," maraming salamat, Barangay Esteban! "Mamey Leyni we love you." Ano 'yun? Ah, picture. Naku, nagmamadali naman ito magpagpa-picture.

    Uy, ano 'yan San Esteban, ang ganda naman ng ginawa niyong mapa. Mapa ng Pilipinas na lahat rosas. Pakita mo naman, Nay, sa kanila. Palakpakan natin. Ayan, "Agri Partylist," maraming salamat. "Taga-alaga ng pamangkin for Leni." Ayan, pinagpaguran talaga ang ganda. "Lalaban tayo sa gobyernong tapat, panalo tayong lahat," ay nabasa ko na pala.

    "Research paper lang ang nire-revise hindi history." Pero ito nagpapalusot ito, bayan muna daw bago thesis. Tapusin pa din ang thesis. "Norteng mulat para sa gobyernong tapat." "X to special diploma. Check to special lugaw." Ano ito, "[reads in Ilokano 24:49-24:52]." Ano gustong sabihin? Ano, 'yun?

    SUPPORTER 1: VP, pa-picture paalis na kasi 'yung van namin.

    VP LENI: Halika, halika. Nasaan 'yung mga paalis na 'yung van? Ano 'yun? Ano 'yun?

    SUPPORTER 2: [inaudible: 25:14-25:16]

    VP LENI: Paalis na 'yung van, dali! Dali na kasi baka maiwan ito. Diyan na lang kayo. Diyan na lang kayo. Okay. I-excuse na natin kasi paalis na 'yung van.

    SUPPORTER 3: Thank you, VP!

    VP LENI: Ayan, parang lahat gusto nang mag-picture? Ayan ha, magpi-picture na tayo pero ang bilin lang natin, 58 days to go. Handa ba tayong makipaglaban para sa bayan in the next 58 days? Ang kapangyarihan po nasa kamay ng bawat isa sa atin. Huwag sana nating sayangin ang ating mga boto. Kung kaya nating makipaglaban para sa bayan in the next 58 days, mananalo po tayo. Maraming salamat. Mabuhay po kayong lahat!

    [END - 26:24]

     

    Posted in Transcripts on Mar 12, 2022