This website adopts the Web Content Accessibility Guidelines (WCAG 2.0) as the accessibility standard for all its related web development and services. WCAG 2.0 is also an international standard, ISO 40500. This certifies it as a stable and referenceable technical standard.

WCAG 2.0 contains 12 guidelines organized under 4 principles: Perceivable, Operable, Understandable, and Robust (POUR for short). There are testable success criteria for each guideline. Compliance to these criteria is measured in three levels: A, AA, or AAA. A guide to understanding and implementing Web Content Accessibility Guidelines 2.0 is available at: https://www.w3.org/TR/UNDERSTANDING-WCAG20/

Accessibility Features

Shortcut Keys Combination Activation Combination keys used for each browser.

  • Chrome for Linux press (Alt+Shift+shortcut_key)
  • Chrome for Windows press (Alt+shortcut_key)
  • For Firefox press (Alt+Shift+shortcut_key)
  • For Internet Explorer press (Alt+Shift+shortcut_key) then press (enter)
  • On Mac OS press (Ctrl+Opt+shortcut_key)
  • Accessibility Statement (Combination + 0): Statement page that will show the available accessibility keys.
  • Home Page (Combination + H): Accessibility key for redirecting to homepage.
  • Main Content (Combination + R): Shortcut for viewing the content section of the current page.
  • FAQ (Combination + Q): Shortcut for FAQ page.
  • Contact (Combination + C): Shortcut for contact page or form inquiries.
  • Feedback (Combination + K): Shortcut for feedback page.
  • Site Map (Combination + M): Shortcut for site map (footer agency) section of the page.
  • Search (Combination + S): Shortcut for search page.
  • Click anywhere outside the dialog box to close this dialog box.

    Message of Vice President Leni Robredo at the Catbalogan People’s Rally

    Message of Vice President Leni Robredo at the Catbalogan People’s Rally
    Capitol Grounds, Catbalogan, Western Samar


    ANGELICA GOMEZ: Hello Catbaloganon, mga taga segundo distrito sa Samar. Kulay Rosas ang Bukas [crowd cheering]. Nandito ang susunod natin na Presidente ng Republika ng Pilipinas, Leni Robredo.

    VP LENI: Magandang hapon, Catbalogan. Magandang hapon, Samar. Kumusta kayo? Hindi ba kayo naulanan? Grabe kahit tanghaling tapat siguro andito na kayo? Pero maraming maraming salamat po. Maraming maraming salamat sa napakainit niyong pagtanggap sa amin ni Senator Kiko ngayong hapon. Pero bago po ako magpatuloy, nagpapasalamat ako kay Vice Governor Angelica Gomez, palakpakan po natin. Andito din po Governor Ben Everdone ng Eastern Samar, nandito din po si Governor Edwin Ongchuan ng Northern Samar. Maraming salamat din po kay Mayor Eunice Babalcon ng Paranas. Sino bang mga taga Paranas dito? Ayun maraming salamat sa inyo. Maraming salamat din kay Mayor Renato Cabael ng Motiong. Sino po 'yung mga taga Motiong? Maraming salamat sa pagpunta. Gusto ko din pong pasalamatan 'yung iba't ibang mga volunteer groups na nandito ngayong hapon. Alam ko po na ang nag pagaod saka nagtulong talaga para buuin 'yung hapon natin na ito, kayong mga volunteer groups kaya maraming salamat po. Samar for Leni-Kiko, Samareñas for Leni-Kiko 2022, nasaan 'yung Samar Youth for Leni-Kiko, ayan. Nasaan po 'yung Arangkada Catbalogan for Leni-Kiko? Maraming salamat. TLR Catbalogan, RPC-Samar, nasaan po 'yung RPC-Samar? Maraming salamat sa kanila. Ah nasa likod. Maraming salamat po. RPC-Basey, RPC-Sta. Rita, RPC-Pinabacdao, RPC-Calbiga, RPC-Daram, RPC-Villareal, RPC-Paranas siyempre, RPC-Motiong, RPC-Jiabong. Sa inyo pong lahat, maraming maraming salamat. Grabe nakakagulat na nandito kayong lahat ngayong hapon.

    Alam niyo po, bago pa ako pumuta nakikita ko na kayo sa Facebook. Alam ko na napakarami niyo ng ginagawa para po sa kampanya natin. At ito po, kayo talaga 'yung nagpapaiba ng mukha ng kampanya ngayon. Alam niyo po 'yung– alam niyo 'yung kinasanayan naming kampanya, talagang 'yung mga supporters naghihintay sa kandidato para gumalaw, di ba ganoon dati 'yung kampanya? Pero ngayon kahit hindi pa tayo nagkaka usap usap lahat, lahat kayo gumagawa na talaga ng paraan para makatulong sa ating kampanya. Kaya maraming maraming salamat po sa inyong lahat. [crowd cheering]

    Kanina nasa Calbayog ako. 'Yung mga volunteers sumisigaw, 'hindi kami bayad', ang sabi ko po talaga namang halatang halatang hindi kayo bayad dahil tingnan niyo na lang po, iba iba 'yung mga suot niyo ngayon di ba. Iba iba 'yung mga uniforms niyo, iba iba 'yung mga gimmicks [crowd cheering: hindi kami bayad]. Sabi ko sa kanila, hindi lang sa hindi kayo bayad, pero lahat yata kayo abonado pa. Pasensya na po. Pasensya na kasi alam ko na abonado ang karamihan sa inyo. Pero ito nga 'yung nakakapagada sa ating kampanya di ba. Ang nakakapaganda sa ating kampanya, talagang lahat invested, lahat talaga may ambag. Pero bakit kaya ganito? Palagay ko kaya kayo ngayon willing masyado na mag pagod, na tumulong, gumastos kung kinakailangan dahil alam niyo kung gaano ka-importante ang eleksyon ngayong darating na Mayo. At sinasabi po natin na ganito kahalaga 'yung eleksyon ngayong Mayo– [crowd cheering]

    Ano 'yun? Waray ano? Waray 100K? Ayun kaya sabi niya "#100K minus one," 'yun ba 'yun? Ayun. Alam mo first time ko makita na nakataas 'yung buhok ko. "We fancy you Leni Sunbaenim," "Madam Leni, pa-picture po birthday ko ngayon," lapit ka dito. Ayan, happy birthday. Totoo bang birthday mo? Ayan halika na halika na. Happy birthday.

    Ano ito, "Doon tayo sa pipiliin at ipaglalaban ka araw araw," "May trust issues pero nagtitiwala kay Leni," [placard in local dialect]," maraming salamat. "Mama Leni, you Marcos my heart," Oh, ito may hugot "Lahat dito for Leni pero nasaan naman 'yung for me?" Oh baka merong mag vo-volunteer. "May kalandiang BBM supporter for Leni," oh ayan ha, assignment mo. "Lenigawan–" ano ito? "Lenigawan kita para maging Presidente ko," "Si Leni at si Kiko ang tutupad sa mga pangarap naming mahihirap," "Kung resibo ang usapan, parang SM ang galawan, we've got it all for you," "Sa gobyernong tapat, walang sobreng katapat," Ano ito "Di bale ng lugaw, at least 'di galing sa nakaw," "Singkit ako pero mulat sa katotohanan," "[placard in local dialect]," naintindihan ko 'yun ha, kasi 'yung Bicol napakalapit sa Waray. Sinong may gawa? Ikaw? Tingnan niyo ang ganda. Halika halika. Palakpakan natin. Anong pangalan mo? Ano 'yun? [Mark Noeh Daras 10:40] Halika akyat ka dito. Ang husay di ba? "Ipanalo na natin ito, kung hindi magdadabog ako," kaya dapat mag kapanya tayo ha? Kasi kung hindi magdadabog siya. Picture muna tayo.

    Salamat. Ayan. "Malubak man ang daan, ipagda-drive kita sa Malacañang," maraming salamat. "VP Leni, pa-hug exam namin bukas," pero lampas pa sa hug dapat mag-aral ka pa din ha? Lapit ka dito. "May mga midterms ngayon for Leni," bibilisan natin. "VP Leni, panagutan mo ako, tinakwil na ako ng mama kong BBM supporter," kaya ipanalo natin ito. Kakampanyahan natin 'yang mama mo. Titingnan ko 'yung exam results mo ha.

    Ayan. Ito lang, isisingit lang natin ha kasi baka makalimutan ko 'yung mensahe ko ngayon. Alam niyo 'yung kalagayan ng Samar hindi nalalayo sa kalagayan namin sa Bicol. Mamaya, mamaya. Hindi nalalayo sa kalagayan namin sa Bicol, pareho tayo parating binabagyo, pareho tayo parang napapag-iwanan ng progreso. Kaya naiintindihan ko kung ano 'yung mga aspirations ninyo. 'Yung kagustuhan natin na umasenso 'yung ating lugar para naman walang naiiwan.

    Kaya ako, ang ipapangako ko sa inyo, hindi lang ito pangako dahil kandidato ako pero isang bagay na buong buhay ko ginagawa ko na. Ang pangako ko, gagawin ko ang lahat para walang naiiwan. Gustong sabihin, 'yung mas mahirap 'yung pinagdadaanan, dapat mas malaki din 'yung tulong na binibigay. Bago pa po ako naging public servant, ako po ay abogado na ng mahihirap sa mahabang panahon. 'Yung aking ina-abogadohan 'yung mga walang walang pambayad. Noong ako po nag-congresswoman, ganoon din 'yung aking ginawa. Siniguro ko na 'yung mga lugar na hirap, doon ko ibubuhos 'yung tulong. Noong ako po naging vice president na, limitado ang mandato namin, limitado ang pondo namin, nag-concentrate po kami sa mga lugar na kinakailangan ng tulong. Marami po 'yun hindi namin kayang ubusin, pero sinubukan namin matulungan 'yung mga kaya naming tulungan.

    Dito po sa buong Samar island, marami po kaming mga communities na tinutulungan. Kanina lang po, dumaan po kami sa Gandara bago kami pumunta dito dahil may community po doon na tinutulungan kami. Ito po 'yung mga Keseo producers.Nagbigay po kami sa kanila ng mga kalabaw at pagbalik namin, kinukuwento nila na naparami na nila 'yung mga kalabaw at merong isang matanda na lumapit sa akin, ang sabi niya "Maraming salamat sa tulong mo kasi dahil doon napatapos ko 'yung mga anak ko."

    Doon po kina Governor Ben, sa Eastern Samar, marami po kaming proyekto sa Balangkayan, sa Salcedo, sa Quinapondan, sa Hernani, ganoon din po 'yung ating sadya na 'yung mga communities nahihirapan, mabigyan natin ng tulong. Halimbawa po sa Salcedo saka sa Balangkayan, una nagpadala tayo doon ng mga multicab para pansundo ng mga eskwela na napakalayo 'yung nilalakad para makapasok sa paaralan. Noong nagbibiyahe na po 'yung mutlicab, nakita namin meron pa lang hindi pa din noon inaabot. Dahil 'yung mga nasa bukid, na maghi-high school bababa pa sila, hindi sila nasusundo ng Multi-Cab kasi hindi nakakaakyat 'yung Multi-Cab. Nagpagawa po tayo ng mga dormitories na libre para sa kanila.

    Kaya ko lang po ito sa inyo kinukuwento kasi ito 'yung mga proyektong ginawa namin noong ako po ay nasa Office of the Vice President. Na kahit kaunti 'yung pera, basta sinisiguro na walang perang napupunta sa korapsyon, basta po sinisiguro na ang gobyerno ninyo tapat, siguradong mas maraming pera 'yung magagamit para sa panserbisyo sa ating mga kababayan. At ito po 'yung dahilan kung bakit 'yung tema ng kampanya natin, "Gobyernong Tapat, Angat Buhay Lahat," dahil 'yung paniniwala natin pag 'yung mga lingkod bayan natin, matitino, mahuhusay, unang-una 'yung pera, kahit kaunti mas maraming 'yung nagagastos para sa mga mahihirap. Pangalawa, pag tapat ang gobyerno, ang tiwala ng taumbayan nandiyan. At pag tumitiwala 'yung taumbayan, mas marami 'yung tumutulong para sabay-sabay pa-angatin 'yung buhay ng ating mga kababayan.

    Noong nakaraan pong pandemya, nakilala po kami dahil sa bilis ng tulong namin sa mga PPE, sa mga medical supplies, halos lahat ng ospital sa buong Pilipinas, napapadalhan namin. Pero bakit namin 'yun nagagawa dahil po marami 'yung tumitiwala sa amin na pag sila 'yung tumulong, 'yung tulong siguradong makakaabot sa mga gusto nilang tulungan. Ito po 'yung pangarap nating klase ng pamamahala dito sa ating bayan. Pamamahala na ang tao nagtitiwala sa kanyang pamahalaan. At 'yun din 'yung dahilan siguro kung bakit tumitiwala kayo sa akin 'di ba? Kasi bakit naman kayo pupunta dito, napaka-init. Bakit kayo nandito? [crowd answers]

    Dahil naniniwala kayo, naniniwala kayo na magiging matapat ako sa mga pinapangako ko sa inyo. At 'yung paniniwalang 'yan 'yung dahilan niyan dahil noong tiniwalaan niyo po ako bilang vice president, tinupad ko 'yung mga pangako ko sa inyo. At ngayon na eleksyon, marami 'yung manliligaw sa inyo. Marami 'yung manliligaw sa inyo. Lahat ng manliligaw niyo, ipapangako 'yung lahat na gusto niyong marinig. Pero pag may nangangakong ganyan, kailangan hingian natin sila ng resibo. Pag sinabi nilang mahal nila kayo, dapat ang tanungin niyo, "Asan kayo 'yung nahihirapan kami?" Pag sinabi nilang "Ayaw namin sa korapsyon," tanungin ninyo, "Ano 'yung ebidensya na ayaw niyo sa korapsyon?" Kami po mahaba 'yung resibo namin, ang isang resibo namin COA na mismo ang nagsabi. COA na mismo ang nagsabi na malinis 'yung aming pamamalakad. In fact, sunod sunod na taon nakukuha po namin 'yung pinaka mataas na COA audit rating.

    Alam ko po– ayan, "Solo parent para sa transparent na government." 'Di ba? "SAP si Leni president." Bakit ganito 'yung pakiramdam niyo? Kasi tumitiwala kayo, at bakit kahit abonado kayo, ginagawa niyo pa din? Dahil mahal niyo 'yung ating bayan. Alam niyo na pag kayo tumaya, sa isang mapapagkatiwalaan hindi kayo mapapahiya. Pero ito po, meron pa tayong ilan? 44 days? 42 days bago mag eleksyon. Meron naman akong hihingiin pa. Alam ko grabe na 'yung pagod niyo. Pero meron po akong hihingiin pa sa inyo. Alam niyo naman, na napaka rami 'yung disinformation. Napaka rami noong kasinungalingan. At pag meron po tayong mga kakilala na naniniwala sa mga kasinungalingan, 'wag po natin silang aawayin. Dahil kadalasan, hindi naman nila kasalanan. Kadalasan naniniwala sila dahil 'yun lang 'yung kanilang nababasa. Pero pag tayo po lahat dito, ito ang dami natin ngayon, pag tayo lahat dito sumubok na mangumbinsi– sarili nating magulang, ating mga kamag-anak, kapitbahay, kaklase– na kung may pinapaniwalaan silang kasinungalingan, palitan po natin ng katotohanan.

    Tayo naman, 'di ba meron dito Fact Checkers for Leni and Kiko 'di ba? Tayo, ayan "Leni muna bago research." Grabe, mapapagalitan ako ng teacher niyo. Pero ito, ito po 'yung aking pakiusap. Marami na kayong pagod, pero kaya pa ba natin in the next 42 days? Kaya pa ba natin mag sakripisyo para mapaabot 'yung katotohanan? Kung kaya po natin magtrabaho pa, tara na ipanalo na natin ito. Kaya sa inyong lahat, na nagpapagod, maraming maraming salamat. Pag nagpagod pa po tayo, pag hinusayan pa natin 'yung ating pangungumbinsi, siguro ang balik ko dito sunod, victory party na tayo

    Kaya maraming maraming salamat po. "Nutrinista at Dietista for Leni," maraming salamat. "Tinanggal man ang sapatos at least ang degree ay tinapos." "Tinawid ang dagat for Leni," ingat po pabalik. "Zumaraga," maraming salamat, maraming salamat po. Maraming salamat sa lahat ng nandito. "Mga walang item sa DepEd," aasikasuhin po natin 'yan. Nagsabi po tayo– nagsabi po tayo na ang education isa sa mga tututukan natin at sisiguraduhin natin na ang ating mga teachers ay naaasikaso first and foremost. Kausap ko po 'yung mga governors natin at ako po– nandito po si Governor Ben, nandito si Governor Edwin– nangako ako sa kanila na ipa-prioritize natin na ang Samar pag tayo ay umupo bilang pangulo. Sinabi po nila sa akin na ang isa sa mag priority projects dito 'yung pag-ayos ng Basey to Catbalogan road. Ngayon pa lang po, pinapangako na natin 'yan dahil alam natin nakakagaan 'yun sa mga dala dala niyong kahirapan. Ako po, singilin niyo ako pero ang pangako ko, pagkaupong-pagkaupo natin, aasikasuhin na po natin 'yan.

    So maraming maraming salamat. "Iskolar ng bayan for Leni." "Economist for Leni." Ang hinihingi ko pong tulong hindi lang sarili ko pero pati po 'yung ating Vice President, Senator Kiko Pangilinan, palakpakan po natin. 'Yung atin pong mga senador, nandito po sila kanina. Dick Gordon, Teddy Baguilat, Attorney Alex Lacson, Attorney Sonny Matula, Senator Sonny Trillanes, Senator Risa Hontiveros, Senator Leila de Lima! Ayun. Ayun, kaya hihingi po kami ng tulong para sa aming lahat. "Retirists are lugaw of team Catbalogan." Maraming salamat. Mabuhay po kayong lahat!

    [END]

     

    Posted in Transcripts on Mar 28, 2022