This website adopts the Web Content Accessibility Guidelines (WCAG 2.0) as the accessibility standard for all its related web development and services. WCAG 2.0 is also an international standard, ISO 40500. This certifies it as a stable and referenceable technical standard.

WCAG 2.0 contains 12 guidelines organized under 4 principles: Perceivable, Operable, Understandable, and Robust (POUR for short). There are testable success criteria for each guideline. Compliance to these criteria is measured in three levels: A, AA, or AAA. A guide to understanding and implementing Web Content Accessibility Guidelines 2.0 is available at: https://www.w3.org/TR/UNDERSTANDING-WCAG20/

Accessibility Features

Shortcut Keys Combination Activation Combination keys used for each browser.

  • Chrome for Linux press (Alt+Shift+shortcut_key)
  • Chrome for Windows press (Alt+shortcut_key)
  • For Firefox press (Alt+Shift+shortcut_key)
  • For Internet Explorer press (Alt+Shift+shortcut_key) then press (enter)
  • On Mac OS press (Ctrl+Opt+shortcut_key)
  • Accessibility Statement (Combination + 0): Statement page that will show the available accessibility keys.
  • Home Page (Combination + H): Accessibility key for redirecting to homepage.
  • Main Content (Combination + R): Shortcut for viewing the content section of the current page.
  • FAQ (Combination + Q): Shortcut for FAQ page.
  • Contact (Combination + C): Shortcut for contact page or form inquiries.
  • Feedback (Combination + K): Shortcut for feedback page.
  • Site Map (Combination + M): Shortcut for site map (footer agency) section of the page.
  • Search (Combination + S): Shortcut for search page.
  • Click anywhere outside the dialog box to close this dialog box.

    Message of Vice President Leni Robredo at the Gingoog City People’s Rally

    Message of Vice President Leni Robredo at the Gingoog City People’s Rally
    Pahayahay sa Pantalon Complex, Gingoog City, Misamis Oriental


    VP LENI: Maraming salamat. Maayong hapon Gingoog! Ayan, siyempre, Mayor Oca, 'yung ating gubernatorial candidate. Vice Governor Ayi, BM Jerry, saka po 'yung ating mga candidates for Board Members na kasama po natin ngayong hapon: si BM Baldivino, BM Abogado, BM Cabana, si BM Jamolin, saka si BM Rejas. 'Yung iba pa pong mga local officials na kasama natin ngayon. 'Yung iba't-ibang mga grupo, kanina nakita ko: Lumads for Leni, LGBTQIA for Leni, Gen-Z for Leni, ano ito HUMMS ba to? HUMMS– HUMMS for Leni, meron K-Pop Stans for Leni, Besties for Leni, Gwapas for Leni, Kaya Natin Pilipinas, [Sulayan Ta? 1:14] First District of Misamis Oriental– kay BM pala to, kay BM Jerry. 'Yung K-Pop Stans for Leni, Abante Babae, ayan sana nabasa ko na lahat pero maraming salamat sa inyo.

    Nagulat ako. Nagulat ako na bihira po tayong mapadpad dito. Actually, first time ko sa Gingoog, madalas po– madalas po ako sa Misamis Oriental saka sa ibang bahagi ng Mindanao, dahil marami po kaming mga Angat Buhay Projects sa Lanao del Sur, Lanao del Norte, Bukidnon. Pero pag nandito po ako sa Misamis Oriental laging Cagayan de Oro 'yung napupuntahan. Kaya ngayong hapon napakapalad ko po at napunta ako dito sa Gingoog. So, maraming-maraming salamat sa inyo. Napakaganda po ng lugar ninyo. Napakapalad niyo na dito kayo nakatira. Kanina po, palapag pa lang po kami nakita na namin kung gaano kaganda 'yung lugar. Pag ikot po natin ng motorcade, hindi lang po maganda 'yung lugar pero napaka-babait po ng mga tao. Kaya maraming salamat sa inyo. Marami po ako ditong kamag-anak pero 'yung mga kamag-anak ko po karamihan sa kanila ay galing Magsaysay, di ba? Mga– mga nandito, marami pong mga– Gerona po ang aking apelyido. Marami pong mga Gerona, mga kamag-anak dito kaya masayang-masaya ako na kasama ko kayo.

    Pero, alam niyo po nagulat ako. Nagulat po ako na napakarami nating volunteers dito. Kahit po– kahit po first time kong nabisita, nagulat po ako kasi ilan ba? Parang dalawa, tatlong volunteer center 'yung nadaanan natin kanina. So, maraming-maraming salamat sa inyo. Maraming salamat din po na napakarami pong sumama sa atin ngayong hapon kahit po medyo na-late kami dahil po galing pa po kami sa Balo-i saka sa Iligan. Papunta pa po kami ng Cagayan de Oro mamaya. Pero payagan niyo lang po ako, dahil first time ko kayong nabisita. Malamang hindi niyo ako masyadong kilala, maliban na lang sa– dahil ako 'yung Vice President. Pero alam niyo po kanina pinapakinggan ko si Mayor Oca. Matagal na po kaming magkakilala dahil 'yung politiko po talaga sa pamilya namin 'yung yumao kong asawa. Ayan, si Vice Governor Ayi, si Governor Oca, mga kaibigan noong asawa ko. Mahabang panahon po, Mayor ng Naga, doon po sa Bicol sa amin 'yung asawa ko. Six terms po siya naging mayor, halos mga almost nineteen years. Pagkatapos niya pong nag-mayor ay naging DILG Secretary siya.

    Pero noong panahon po na politiko 'yung asawa ko, ako po hindi ako konektado sa politika. NGO worker po ako, abogado po ako para sa mga mahihirap. Kaya po pamilyar ako sa Sumilao Farmers dahil po 'yung opisina po namin 'yung nag-handle noong kaso ng Sumilao Farmers. Ganoon po 'yung trabaho ko sa napakahabang panahon. Ang akala ko po– meron po kaming tatlong anak na babae: si Aika, si Trisha, saka si Jillian. Ang akala ko po dati, hinding-hindi ako papasok sa politika kasi masaya na po ako sa paninilbihan ko sa mga mahihirap kahit hindi ako politiko.

    Pero marahil, nabasa niyo po sa balita na noong 2012, naaksidente po 'yung eroplanong sinasakyan ng asawa ko. Galing po siya ng Cebu, pauwi po siya sa amin sa Naga. Sinusundo ko na po siya sa airport, hindi po dumating 'yung eroplano niya, saka po namin nalaman na bumagsak sa dagat sa Masbate. Noong bumagsak po 'yung eroplano ng asawa ko, siyempre biglaan. 54 years old po 'yung asawa ko noong namatay, wala naman po siyang sakit. 'Yung bunso po namin, 12 years old pa lang. So, grabe po 'yung dagok na nangyari sa pamilya namin dahil bigla kaming nawalan ng padre de pamilya.

    Noong namatay po siya, mag-eeleksyon. Namatay po siya ng 2012, eleksyon po ng 2013. Meron na pong mga kandidato sa partido namin bago pa siya namatay. Pero noong namatay po 'yung asawa ko parang naulila lahat sa amin. Dahil po naulila lahat, 'yung pinagkasunduan bago siya namatay, hindi na nasunod. Ang gusto na po noong mga kandidato, tumakbo na ako para hindi sila magkawatak-watak. Pinagbigyan ko po, kumandidato po ako bilang Congresswoman, alam po ito ni Mayor Oca. Napakahirap po noong laban ko dahil mag-isa na lang po ako wala na– dahil hindi naman po ako politiko, wala naman akong malaking partido na kakampi. Ang kalaban ko po pinakamalakas na politiko sa amin. Akala ko po wala akong pag-asang manalo dahil kahit isa pong rally, hindi ako nagkaroon ng isang rally dahil wala po akong perang pambayad ng mga– nga mga sound system. Pero pagkatapos po noong eleksyon, nanalo po ako by a landslide.

    Noong nanalo po ako by a landslide, doon po parang bumalik 'yung paniniwala ko na 'yung tao pagbinibigyan siyang pagkakataon makilala 'yung kaniyang mga bobotohan, ang ginagamit niya 'yung kaniyang isip at puso sa pagpipili. Kaya po kahit nahirapan po ako sa aking kampanya, dahil pinanalo po ako gamit 'yung puso saka paniniwala ng tao. Kasi po noong lumaban po ako, halos wala po akong kakampi. Halos wala po akong kakamping politiko. Sa walo pong mayor, isang mayor lang kakampi ko. Sa 186 pong kapitan, 25 lang 'yung kakampi ko.

    Pero nanalo pa din ako sa paniniwala ko dahil ang tao, 'yung pinipili niya 'yung pinaniniwalaan niyang makakadala sa kaniya ng kabutihan. Hindi ko naman po binalak kumandidato bilang Vice President pero nagkataon noong 2016, again nagkaroon po ng problema sa partido. Walang nakandidato ako 'yung naitulak, kumandidato po ako ng Vice President. Noong kumandidato po ng Vice President, parang naulit 'yung kuwento. Naulit 'yung kuwento dahil ako po 'yung baguhan. Di ba hindi niyo naman ako kilala noong 2016? Wala naman po sa aking nakakakilala, bago akong politiko 'yung kalaban ko po limang lalaking senador, mag-isa po ako babae. Pero sinipagan natin, nagpakilala, umikot ng buong bansa. Nanalo po tayo.

    Noong pinanalo po natin, naging Vice President po ako siyempre, mahirap 'yung sitwasyon. Pero kahit po kulang 'yung aming mandato, 'yung aming resources, ako po matatapos na ngayon 'yung six years ko bilang Pangalawang Pangulo, masasabi ko po sa inyong lahat na ginawa ko po 'yung lahat para magampanan ko ng tunay 'yung aking panunungkulan bilang Pangalawang Pangulo. Gaya po ng sabi ko kanina, ang mga programa po ng aming Angat Buhay Program ng Vice President, nandoon po kami sa pinakamahihirap na mga lugar dito po sa Pilipinas. Marami po kaming mga project sa Sulu, sa Basilan, sa Zamboanga Sibugay, sa Zamboanga del Norte, dito po sa Bukidnon. Meron po kami sa iba't-ibang mga munisipyo ng Lanao del Sur, saka Lanao del Norte. Wala po akong politikang tinignan. Kahit po konti 'yung botong nakuha ko sa Mindanao noon, ang bulk ng proyekto namin nandito sa Mindanao dahil– dahil sa paniniwala na pagkatapos ng eleksyon, dapat tapos na 'yung politika. Na pagkatapos ng eleksyon, ang amin ng panunungkulan 'yung aming dapat tinututukan.

    Kaya ngayon po, matatapos na 'yung termino ko, very proud po ako sa naging– nagawa ng aming opisina. Nakikita ko ang daming mga bata na nandito. 'Yung Office of the Vice President po karamihan sa mga kasama ko mga kabataan din katulad ninyo na nangangarap ng maganda para sa ating bansa. Ngayon pong kumakandidato ako bilang Pangulo, kasing hirap ng mga pinagdaanan ko. Wala pa rin po ako ng makinarya, kulang pa rin 'yung aking resources pero napakayaman po natin sa mga volunteers katulad ninyo. At 'yung mga volunteers po nakikita namin sobrang sigasig, sobrang committed, sobrang passionate sa ginagawa. Wala pong hinihinging kapalit, gumagastos ng sarili. Talagang inilalaan 'yung buong-buo dahil sa paniniwala na ang eleksyon na ito napakahalaga para sa ating lahat.

    Ang eleksyon pong ito hindi politika ang 'yung pinag-uusapan, pero 'yung eleksyon na ito ang pinag-uusapan 'yung kinabukasan ng atin bansa. Kanina pong umiikot tayo 'yung nauuna sa aming sasakyan, sumisigaw ng "Gobyernong Tapat, Angat Buhay Lahat" dahil 'yun po 'yung ating paniniwala. Na dapat 'yung panunungkulan na dapat binibigay namin sa tao, isang pamahalaan na tapat sa kanyang tungkulin. Pag sinabi po natin na tapat sa tungkulin, 'yung mga nakaupo dapat matitino at mahuhusay na mga public servants. Dahil– bakit kailangan? Bakit po kailangan na matapat 'yung pamamahala?

    Sa mga estudyante na lang po, sa mga estudyante na lang pagtapat 'yung pamamahala gustong sabihin hindi papayagan ng pamahalaan na maging sagabal ang kahirapan para hindi makapag-aral. Na naaasikaso 'yung pangangailangan ng ating mga estudyante para nabibigyan sila ng dekalidad na edukasyon. Pag sinabi pong matapat 'yung pamamahala, gustong sabihin 'yung gobyerno nandiyan para siguruhin na 'yung mga pangangailangan ng mga ordinaryong mamamayan ay naaasikaso. Anong klase mga– anong klaseng mga pangangailangan? Pangangailangan sa kabuhayan, pangangailangan sa kalusugan, pangangailangan sa pabahay, pangangailangan sa mataas na singil ng kuryente, pangangailangan sa tubig na inumin. Kung matapat 'yung pamamahala, kahit konti 'yung pera ng pamahalaan, maaasikaso ito lahat dahil 'yung pera ng taumbayan napupunta sa tama.

    Ito po 'yung– ito po 'yung ipinaglalaban natin ngayon: walang politikang tinitignan pero serbisyo 'yung pinapangako.

    Pag panahon po ng eleksyon, maraming kandidato ang haharap sa atin. Lahat pong kandidato ang sasabihin: "mahal ko ang mahihirap". Pero 'yung tanong po, papano ito pinakita noong nakaraan? Ano 'yung track record? Pag sinabing "ayoko ng korapsyon," papano niya pinakita na malinis ang kaniyang pamamahala? Kaya ang pakiusap ko lang po sa lahat, sana po wag nating sayangin 'yung pagkakataon na binibigay sa atin ngayong eleksyon na pag tayo po ay– pag tayo po ay magdedesisyon, sisiguraduhin po natin na 'yung desisyon natin kung ano 'yung makakabuti sa susunod na henerasyon. Pag sinabi pong "nangangako ako ng isang gobyernong matapat," ang kailangan po hingiin natin ano 'yung ebidensya ninyo? Na talagang paninindigan ninyo na ang gobyerno magiging matapat. 'Yung sa atin po, ang pinapakita po natin mahabang panahon na track record kung papano tayo naging matapat, kung papano natin minahal 'yung ating mga kababayan na mahihirap.

    Kaya ito po, maraming salamat, "the last man standing is still a woman," maraming salamat sa iyo. Maraming salamat. Hindi– hindi ko alam papano basahin, Leni, ano 'yun, siya... ano 'yun? Leni shantay you stay, ayan maraming salamat. Ito lang-- Mga magaganda pero walang jowa for Leni. Ito lang po masasabi ko habang may buhay may pag-asa. Ayan, Liwanag sa Dilim, maraming salamat. Sa gobyernong tapat, magkakajowa lahat. Bakit kayo ganiyan? Marami bang broken hearted dito sa Gingoog? Ako po maraming-maraming salamat sa mainit na pagtanggap niyo. Ramdam po namin 'yung pagmamahal na pinakita niyo sa amin na pinakita ninyo sa amin ngayong hapon. So, kay Mayor Oca, maraming salamat po. Governor Oca, Vice Governor Ayi, sa inyo pong lahat. 'Yung atin pong mga Board Members, sa inyo pong lahat. Maraming-maraming salamat. Sisiguraduhin po natin makakabalik tayo dito sa napakagandang lungsod ng Gingoog. Mabuhay po kayong lahat!

    [END 16:51]

    Posted in Transcripts on Feb 22, 2022