This website adopts the Web Content Accessibility Guidelines (WCAG 2.0) as the accessibility standard for all its related web development and services. WCAG 2.0 is also an international standard, ISO 40500. This certifies it as a stable and referenceable technical standard.

WCAG 2.0 contains 12 guidelines organized under 4 principles: Perceivable, Operable, Understandable, and Robust (POUR for short). There are testable success criteria for each guideline. Compliance to these criteria is measured in three levels: A, AA, or AAA. A guide to understanding and implementing Web Content Accessibility Guidelines 2.0 is available at: https://www.w3.org/TR/UNDERSTANDING-WCAG20/

Accessibility Features

Shortcut Keys Combination Activation Combination keys used for each browser.

  • Chrome for Linux press (Alt+Shift+shortcut_key)
  • Chrome for Windows press (Alt+shortcut_key)
  • For Firefox press (Alt+Shift+shortcut_key)
  • For Internet Explorer press (Alt+Shift+shortcut_key) then press (enter)
  • On Mac OS press (Ctrl+Opt+shortcut_key)
  • Accessibility Statement (Combination + 0): Statement page that will show the available accessibility keys.
  • Home Page (Combination + H): Accessibility key for redirecting to homepage.
  • Main Content (Combination + R): Shortcut for viewing the content section of the current page.
  • FAQ (Combination + Q): Shortcut for FAQ page.
  • Contact (Combination + C): Shortcut for contact page or form inquiries.
  • Feedback (Combination + K): Shortcut for feedback page.
  • Site Map (Combination + M): Shortcut for site map (footer agency) section of the page.
  • Search (Combination + S): Shortcut for search page.
  • Click anywhere outside the dialog box to close this dialog box.

    Message of Vice President Leni Robredo Misa ng Pagkakaisa at Pasasalamat

    Message of Vice President Leni Robredo
    Misa ng Pagkakaisa at Pasasalamat
    Naga Metropolitan Cathedral


    [Facebook Livestream – 1:14:17]

    Salamat, salamat. Magandang gabi po sa inyong lahat. Ang akin pong pagbigay-galang muna sa ating minamahal na Archbishop, Archbishop Rolly Tirona; sa lahat pong mga kaparian na kasama natin ngayong gabi na nag-concelebrate ng ating banal na misa; Mayor Nelson Legacion, Vice Mayor Nene de Asis, the rest of the members of the Sangguniang Panlungsod; ‘yung mga miyembro po ng Solid Leni Bicol na nag-organisa ng ating pagtitipon ngayong gabi. Magandang gabi po ulit sa inyong lahat.

    Una po sa lahat ay ang aking pasasalamat hindi lang sa pagpapaunlak ninyo ng aming imbistasyong makasama kayo ngayong gabi upang makapagpasalamat nang lubos, [kundi] sa inyong ring laging pakikiisa sa mga laban natin nitong nagdaang pitong buwan. Hindi ko po inakalang ganito kalaki ang suportang makukuha ko mula sa inyo. Alam ko marami sa inyo, malaki ang isinakripisyo, nag-alay hindi lamang ng efforts kundi pati rin ng resources; marami sa inyo, lumabas sa ating lugar para lang ikampanya tayo. Gusto kong pong ipaabot sa inyo ngayon ang taos-pusong pasasalamat ng aming buong pamilya. Hindi naman po lalakas ang aming loob na lumaban kung hindi namin alam na kasama namin kayo.

    [1:16:03]

    Pero pangalawa: Alam ko na mabigat ang dinadala ng karamihan sa atin ngayon. Naiintindihan po natin ‘yan dahil sobrang invested tayo sa laban na ito. Gusto ko pong ipaalam sa inyong dama din namin ang nararamdaman ninyo— gusto naming ipaabot sa inyo na ‘yung inyong mga pangamba, ‘yung inyong pagkadismaya, dala-dala natin ngayon. Pero siguro ang pakiusap ko – sa pagpangako sa inyong hindi natin pababayaan ‘yung mga reklamo, ‘yung mga irregularities – siguro mas mabuting ilagay natin sa tama ‘yung dalamhati natin. Alam kong marami sa inyo ang galit, naiyak, pinanghihinaan ng loob— pero sa tagal ng pinagsamahan nating lahat, marami na tayong laban na pinagdaanan. Sa tingin ko ‘yung pagkawala ng asawa ko noong 2012, wala nang mas hihigit pa doon – pero nalampasan natin ‘yun.

    1:17:17

    Itong pinagdadaanan natin ngayon, isang pagsubok. Isang pagsubok sa ating pananalig, at nasa atin kung paano ito bibitbitin. Pwedeng gamitin ito upang lalo tayong magkahidwaan; o pwede nating gamitin ‘yung ating dalamhati, ‘yung ating dismaya, ‘yung ating desperation – pwede nating gamitin ito para simulang magtalaga ng mga mas mabubuting pagbabago dito sa atin. ‘Yung nakaraang eleksyon – siguro lahat kayo sasang-ayon sa akin – kahit dito sa ating lugar, marami tayong gustong baguhin. Nakita natin kung paanong magpamudmod ng pera; nakita natin kung paanong pera na ang nagiging basehan para manalo o matalo sa eleksyon. Marami tayong kailangang ilaban para masigurong lahat may pagkakataong magsilbi, may pera man o wala; para masiguro na ‘yung boses ng mga nasa laylayan ang pakikinggan sa lahat ng oras; para masiguro na ‘yung ating mga inihahalal, kapakanan ng mas nakararami ang inaasikaso. Mangyayari lamang ito kapag lagi tayong magiging mapagmatiyag; mangyayari ito kapag lagi tayong nakabantay; mangyayari ito kapag sa lahat ng oras ay lumalaban tayo. Matagal na panahon sigurong naging kampante tayo, [pero] sa laban na pinasok ko ngayon, marami sa inyong mga nakiisa ang dati’y hindi naman sumasali sa mga eleksyon— ibig sabihin, kaya naman pala. Ibig sabihin, ‘yung mga hindi sumasama sa pulitika, pwede naman palang makilahok para siguruhin na ang mga lider na iniluluklok natin sa puwesto ay ‘yung mga lider na ating dine-deserve.

    So sa akin, siguro ang pinakahinahangad ko ngayon, habang lahat tayo nagdadalamhati, habang siguro ‘yung iba sa atin hindi pa rin makapaniwala sa resulta ng eleksyon: Kung anuman ang maging final na result, tanggapin natin. Tanggapin natin, dahil ito ‘yung panggagalingan ng mas malaking lakas na pwede nating pagsaluhan. Hindi ko sinasabing hindi natin pagtutuunan ng pansin ‘yung mga problemang ipinaabot sa atin — ang ibig ko lang sabihin: Merong mas malalaki pang laban. ‘Yung laban natin, hindi naman natapos sa halalang ito. Maraming matang namulat; maraming diwang nagising; ang laban, tuloy-tuloy lang. Ang laban na ito, hindi lang laban na manalo sa eleksyon, kundi laban para maging parte tayong lahat ng mas mabuting klase ng pamamahala dito sa ating bansa.

    Nagpapasalamat [din] ako sa Simbahan, sa leadership ni Archbishop Rolly Tirona, na naging malaking parte hindi lang ng kampanya kundi ng pagpapalakas ng loob natin — sa pagpapaalalang hindi tayo magkakamali kapag lumalaban tayo para sa tama at nararapat. Siguro hindi natin naipanalo ang eleksyon— o hindi natin maipapanalo ang eleksyon— pero hindi ko ito itinuturing na pagkatalo. Hindi ko ito itinuturing na pagkatalo dahil napakarami nating na-achieve sa eleksyon na ito. Kung inyong mapapansin, maraming bagay ang first time na nangyari kahit dito sa atin. ‘Yung pinakahuli nating rally, ‘yun na ‘yung pinakamalaking pagtitipon ng mga kababayan nating nagpapakita ng kanilang suporta. Para sa akin, dito tayo magsimula. Simulan natin sa pagdedesisyon— dito sa awareness na nagdesisyon tayong magkaisa para magsulong ng kabutihan. Lagi n’yo akong kasama; siguro ang silver lining nito, mas marami na akong oras at lagi na akong makakauwi dito [sa Naga]. Pero hindi pa tapos ang ating pakikipaglaban para sa mabuting pamahalaan, para sa mga mahusay at matinong mga nakaupo sa pwesto— sama-sama pa rin tayo diyan. Sana hindi kayo magsawa, sana hindi kayo mapagod. Ang ipinaglalaban natin, hindi natapos ngayon; patuloy tayong lalaban basta’t laging para sa kabutihan.

    Siguro, panghuli na lang: Sana walang pagsisisi. Sana walang pagsisisi sa mga puso’t isip natin. Alam nating ginawa natin ang lahat. Lahat ng sipag, lahat ng sakripisyo – hindi lang ako pero lalo na kayo: nakita ko kung ano ‘yung inalay ninyo para sa eleksyong ito. Sana ‘yung inalay natin, dalhin natin sa mas malaki pang laban na haharapin nating lahat.

    Muli po kaming nagpapasalamat sa inyong lahat. Ramdam na ramdam namin ang inyong pagmamahal at suporta; ito ang nagbibigay sa amin ng lakas ng loob para sa mga susunod pang araw. Maraming salamat po, at magandang gabi uli sa inyong lahat. [End]

    Posted in Transcripts on May 10, 2022