This website adopts the Web Content Accessibility Guidelines (WCAG 2.0) as the accessibility standard for all its related web development and services. WCAG 2.0 is also an international standard, ISO 40500. This certifies it as a stable and referenceable technical standard.

WCAG 2.0 contains 12 guidelines organized under 4 principles: Perceivable, Operable, Understandable, and Robust (POUR for short). There are testable success criteria for each guideline. Compliance to these criteria is measured in three levels: A, AA, or AAA. A guide to understanding and implementing Web Content Accessibility Guidelines 2.0 is available at: https://www.w3.org/TR/UNDERSTANDING-WCAG20/

Accessibility Features

Shortcut Keys Combination Activation Combination keys used for each browser.

  • Chrome for Linux press (Alt+Shift+shortcut_key)
  • Chrome for Windows press (Alt+shortcut_key)
  • For Firefox press (Alt+Shift+shortcut_key)
  • For Internet Explorer press (Alt+Shift+shortcut_key) then press (enter)
  • On Mac OS press (Ctrl+Opt+shortcut_key)
  • Accessibility Statement (Combination + 0): Statement page that will show the available accessibility keys.
  • Home Page (Combination + H): Accessibility key for redirecting to homepage.
  • Main Content (Combination + R): Shortcut for viewing the content section of the current page.
  • FAQ (Combination + Q): Shortcut for FAQ page.
  • Contact (Combination + C): Shortcut for contact page or form inquiries.
  • Feedback (Combination + K): Shortcut for feedback page.
  • Site Map (Combination + M): Shortcut for site map (footer agency) section of the page.
  • Search (Combination + S): Shortcut for search page.
  • Click anywhere outside the dialog box to close this dialog box.

    Message of Vice President Leni Robredo at Pink Eruption: Canlaon City People's Rally (D1)

    Message of Vice President Leni Robredo
    at Pink Eruption: Canlaon City People's Rally (D1)
    Pasayaw Grounds, Canlaon City, Negros Oriental


    VP LENI: Hi, maraming salamat! Kumusta kayo? Magandang umaga Canlaon! Ayan, bago po ako– I love you. Bago po ako magpatuloy, ang aking pong pagbigay galang sa ating minamahal na congresswoman, palakpakan po natin, Congresswoman Josy Limkaichong. At syempre po ang ating napaka sipag na mayor, palakpakan po natin, Mayor Batchuk Cardenas, saka po ang kanyang mahal na maybahay Ma'am Jane, maraming salamat. Ang ating pong mga ibang mga local officials, ibang mayors, ibang councilors, ang ating board members na nandito: Board Member Chester Lim, Board Member Ikai Villanueva, 'yung mga barangay officials. Meron po tayong mga bisita galing sa Negros Occidental, galing po kami sa isang meeting kanina.

    Sa inyo pong lahat, magandang, magandang umaga ulit. Kumusta kayo? Alam kong napakainit kaya bibilisan lang natin kasi ang sabi po sa akin, 'yung iba nauna na sa Dumaguete, ang iba susunod pa kaya bibilisan lang natin. Pero talaga pong sinadya namin pumunta sa Canlaon dahil napakalayo na nito sa Dumaguete. Alam ko marami sa inyo ang hindi na makakapunta doon kaya po pumunta kami para kahit papaano, makausap namin kayo ng personal ngayong umaga.

    Alam niyo po, noong nag umpisa palang po ako maging Vice President, pabalik-balik na po kami dito sa Negros Oriental. 'Yung pinaka una pong community na tinutulungan namin dito 'yung Zamboanguita. Pabalik-balik po ako sa Zamboanguita. Pag merong sakuna, pabalik-balik din po ako. Pinaka huli ko pong bisita dito, pagkatapos ng typhoon Odette. Marami po kaming mga programa sa iba't ibang mga munisipyo dito po sa District 1, sa Bais, sa Manjuyod, sa La Libertad. Marami po kaming pinupuntahan pero first time ko pong nakarating sa Canlaon. At ngayon ko po nakita kung gaano kaganda ang lugar ninyo.

    Alam niyo po, kaya po sinadya namin na talagang pumunta kahit malayo, kasi hindi ko pa po kayo nakikilala ng personal. Kahit pabalik-balik ako ng Negros Oriental, pasensya na po, hindi ako nakakarating dito sa Canlaon. Pero noong nakita ko po 'yung lugar niyo kanina pag lapag namin, sabi ko: dapat mas inagahan ko 'yung pagbisita dahil napakaganda ng lugar ninyo.

    Kanina po, nakausap niyo na si Senator Kiko. Marahil narinig niyo po kay Senator Kiko 'yung programa namin para sa mga magsasaka, para sa mga mangingisda. Ang gusto lang pong naming ipaabot sa inyo na pagkami po ang binigyang pagkakataon para manilbihan sa inyo, ang pinaka uunahin natin 'yung pinaka nangangailangan.

    Kaya hindi lang po mga magsasaka, hindi lang mangingisda. Kanina po nag-meeting kami with the local officials, ang hinihingi po nila: ayusin 'yung programa natin sa kalusugan; ayusin 'yung programa natin sa edukasyon. Meron din pong nagsabi sa atin na mayor na kakaunti lang na senior citizens ang nakakatanggap ng pensyon. Ang sabi ko po sa kanila: ang programa natin walang pipiliin. Lahat na senior citizens makakatanggap ng pensyon at dodoblehin natin 'yung natatanggap ngayon dahil alam po natin kung gaano kayo nahihirapan. 'Yung natatanggap na pensyon ngayon, kulang pang pambili ng inyong gamot.

    Kaya po 'yun 'yung aming pangako sa inyo. 'Yung budget natin sa agrikultura, dodoblehin natin. 'Yung ating pong health care system, sisiguraduhin natin na hindi niyo na kailangan pumunta pa ng malayo para makakuha kayo ng medical attention. Sisiguraduhin po natin: Hindi magiging hadlang ang kahirapan para matanggap niyo 'yung medical assistance na kinakailangan ninyo. Aasikasuhin po natin 'yung pagpalakas ng local government units at mga basehang sektor.

    Kaya ito po, nagpapasalamat kami na kahit napakainit, nandito kayo. Ilang oras na ba kayo nakatayo? Oh, apat na oras, limang oras. Mabuti na lang 'yung iba ay nasa shade, pero 'yung nandito sa baba ay talagang naiinitan. Pasensya na po kayo.

    Pero 'yung sinasabi ko po sa mga kausap ko kanina na mga mayors, mga vice mayors, barangay officials na pag ako po 'yung naging Presidente, si Senator Kiko maging Vice President, mas madalas niyo pong mararamdaman 'yung inyong national government dahil maraming oras ang aming igugugol na kasama mismo kayo.

    Tinatanong po kami: Bakit daw 'yung Office of the Vice President napaka bilis magbigay ng tulong? Ang sagot ko po parati: mabilis kaming magbigay ng tulong kasi may eleksyon o wala, may sakuna o wala, nandito na kami.

    Marami pong hihingi sa atin ng tulong tuwing kampanya. Pupunta dito, hihingi sa atin ng tulong, sasabihin: "Mahal ko ang Negros Oriental," pero dapat po ang itanong natin sa kanila: kung talagang mahal niyo kami, nasaan kayo noong hindi pa kayo kandidato? Dapat po ang tanong natin sa kanila: "Kung talagang mahal mo kami, nasaan ka ‘yung nagdadaan kami sa kahirapan?"

    Napakaraming sakuna ang dumaan dito sa inyo. Halos taon-taon may pinagdadaanan, gaya noong typhoon Odette. Binisita po namin 'yung mga binaha, mga nawalan ng bahay sa Bais saka sa Manjuyod. May mga lugar na hindi kami nabisita pero nag-iwan po ako ng team para tuloy-tuloy 'yung relief operations. Dapat po 'yung mga humihingi sa atin ng tulong, 'yun 'yung itanong natin sa kanila. Nagkaroon ng Odette, nagkaroon ng mga sakuna, asaan kayo noong nagkaroon ng sakuna? Kasi maraming mga politiko magpapakita lang sa atin dahil hinihingi 'yung ating matamis na oo.

    Pero, 'di ba, 'yung pag-ibig, pagmamahal, pinapakita hindi sa salita kundi sa gawa? Kaya po 'yung pakiusap natin sa inyo sa mga manliligaw sa inyo tuwing eleksyon, huwag mo tayong dali– madalian na naniniwala sa kanilang pangako. Ang hanapin po natin sa kanila track record. Ano 'yung ginagawa nila noong walang eleksyon? Bumababa ba sila? Binibisita ba nila kayo? Kasi papano natin sila papaniwalaan kung wala naman sila sa oras na kailangan natin sila?

    Nagpapasalamat po ako na nandito kayo ngayon. Kanina po talaga pong nagpasalamat kami sa ating mga mayors. Halos lahat na mayors sa District one ay sinusuportahan po kami ni Senator Kiko kaya maraming-maraming salamat sa inyo.

    Ngayon, maaga kayo dito. Ang iba limang oras na nandito pero tsumatsaga pa din kayo sa tindi ng init ng araw dahil palagay ko naiintindihan ninyo na 'yung eleksyon na ito napaka importante para sa kinabukasan ng ating mga anak. Ayaw na po natin ng bulok na klase ng politika na hindi naman naaasikaso 'yung lahat natin na pangangailangan.

    Ang pangako po namin sa inyo gobyernong tapat para umangat ang buhay ng lahat. Hindi po aangat ang buhay kung hindi naman matapat ang gobyerno. Kaya kami po maha– marami pong magsasabing ayaw namin sa korapsyon. Pero pag sinabi nilang ayaw nila sa korapsyon, hingian po natin sila ng resibo. Kami po ni Senator Kiko mahaba 'yung resibo namin na talagang ayaw namin sa korapsyon.

    Si Senator Kiko po matagal nang panahon naninilbihan pero narinig niyo man lang ba na 'yung pangalan niya nadikit sa kahit anong anumalya? Wala, di ba? Kami po sa Office of the Vice President anim na taon nakukuha po namin tulong– tatlong taon magkakasunod sinasabi po ng COA malinis ang aming pamamaraaan. Nakukuha po namin pinakamataas na COA Audit Rating, pagpapakita na pinapangalagaan namin ang pera ng taumbayan kaya marami kaming lugar na natutulungan.

    Oops, tumindi na 'yung init! Ayan, "VP Leni, gawing 1,500 ang social pension ng mga senior." Hindi lang po tataasan pero dapat lahat meron. "Centenarian gift sa edad, 80-95 years old," sang-ayon po ako sa inyo para ma-enjoy ninyo pa naman, di ba, para ma-enjoy pa kasi pag 100 years old na ibibigay, hindi na natin na-eenjoy.

    Marami pala ditong seniors. "Service vehicle for the elderly people." Dapat talaga pangalagaan. Di ba, pag kailangan pumunta sa doktor, kailangan pumunta sa munisipyo dapat meron kayong sasakyan para hindi niyo kailangan na iistorbohin pa 'yung maraming tao para makalakad lang kayo. "The future is female - Unified Women Organization," maraming salamat po. "Gobyernong tapat, angat buhay lahat. Leni and Kiko 2022." "VP, pa-pic po kami," lapit na po dito. "Leni-Kiko's win, Canlaon farmers' gain," sigurado po 'yan."VP Leni, birthday ko din sa April 23," sabay tayo! "Sana i-grant birthday wish ko: isang tapat na gobyerno dahil ikaw ang Presidente ko. Pa-picture tayo, Ma'am," lapit kayo dito.

    "Too young to vote. Old enough to act," maraming salamat. "Good leaders beget good government," tama. "Kay Leni-Kiko daug ang–" ano yan? Pumuluyo– ay pumuluyo? Alam niyo ba sa amin, sa Bicol, kung anong gustong sabihin ng daug? Talo. Baliktad. Pero ngayon alam ko ang gustong sabihin ng daug sa inyo. Pero noong una akong sinabihan na "daug na," natakot ako kasi akala ko pareho sa amin na ang gustong sabihin ng "daug" talo.

    "Hindi lang ako pink, Pilipinas ang kulay ko at si Robredo ang Pangulo ko," tama! Alam ko po, marami dito ang naka-pink ngayon pero marami din 'yung hindi naka-pink. Ang atin pong pangako pagkatapos ng eleksyon, magiging Pangulo tayo ng lahat na kulay. Pagkatapos ng eleksyon, wala nang kulay na tinitignan. Pantay-pantay ang pagtingin sa lahat. Pantay-pantay ang serbisyo sa lahat.

    "Kung hindi palarin kay Akihiro sakay na lang tayo sa serbisyo ni Leni Robredo." Sino si Akihiro? "Tandaan ninyo hindi lahat na number one ang kinatatakutan, minsan nasa number two 'yan." Pero dapat sa eleksyon number one tayo. "Sa gobyernong tapat, single mom ang nararapat. - Solo parents Barangay Panubigan," ayan kasali ako sa solo parents. Ano ito, "Beat Leni–" ay "Beat him, Leni, one more time." "Sa GMRC, ang tinuturo honesty is the best policy kaya si Leni ang Presidente ko. Go, go, go ipanalo na natin ito!"

    "Kung sa Canlaon maraming gulay, sa gobyernong tapat lahat angat buhay." "Volunteers for Leni-Kiko," "United Filipino Patriots Paris Leni-Kiko 2022," maraming salamat po sa mga kababayan natin na nasa Paris kasi grabe 'yung ginagawa nila, nagvo-volunteer sa atin. "Sa gobyernong tapat, what's wrong baby? I am not enough," may hugot si Ate. "Leni-Kiko for the country. Bakit si Belle lang ang may Donny?" Patanong natin kay Senator Kiko. Kanino ba mana ng kagwapuhan si Donny? Sen. Kiko, di ba?

    Ayun, maraming maraming salamat po. Sino ba dito ang mga nag-absent for Leni? Pasensya na sana hindi magalit sa akin ang titser niyo. Maraming-maraming salamat. Mabuhay po kayong lahat.

    [END]

     

    Posted in Transcripts on Apr 20, 2022