This website adopts the Web Content Accessibility Guidelines (WCAG 2.0) as the accessibility standard for all its related web development and services. WCAG 2.0 is also an international standard, ISO 40500. This certifies it as a stable and referenceable technical standard.

WCAG 2.0 contains 12 guidelines organized under 4 principles: Perceivable, Operable, Understandable, and Robust (POUR for short). There are testable success criteria for each guideline. Compliance to these criteria is measured in three levels: A, AA, or AAA. A guide to understanding and implementing Web Content Accessibility Guidelines 2.0 is available at: https://www.w3.org/TR/UNDERSTANDING-WCAG20/

Accessibility Features

Shortcut Keys Combination Activation Combination keys used for each browser.

  • Chrome for Linux press (Alt+Shift+shortcut_key)
  • Chrome for Windows press (Alt+shortcut_key)
  • For Firefox press (Alt+Shift+shortcut_key)
  • For Internet Explorer press (Alt+Shift+shortcut_key) then press (enter)
  • On Mac OS press (Ctrl+Opt+shortcut_key)
  • Accessibility Statement (Combination + 0): Statement page that will show the available accessibility keys.
  • Home Page (Combination + H): Accessibility key for redirecting to homepage.
  • Main Content (Combination + R): Shortcut for viewing the content section of the current page.
  • FAQ (Combination + Q): Shortcut for FAQ page.
  • Contact (Combination + C): Shortcut for contact page or form inquiries.
  • Feedback (Combination + K): Shortcut for feedback page.
  • Site Map (Combination + M): Shortcut for site map (footer agency) section of the page.
  • Search (Combination + S): Shortcut for search page.
  • Click anywhere outside the dialog box to close this dialog box.

    Message of Vice President Leni Robredo at Robredo Masbateño People’s Rally

    Message of Vice President Leni Robredo at Robredo Masbateño People’s Rally
    J. M. Robredo Blvd., Masbate City, Masbate

    VP LENI: [Greets crowd in local dialect] Masbate! Kumusta kayo? Ayan, bago po ako magpatuloy, ang akin po munang pagbigay galang, unang-una sa akin pong vice president, palakpakan natin, Kiko Pangilinan. Ang atin pong Congressman ng First District na ngayon ating gubernatorial candidate, Bong Bravo. Nandito din po ang ating hinahangaan na congressman ng Second District ng Albay, Congressman Joey Salceda. At nandito din po 'yung dalawang kaklase ko sa Congress, magkakasama po kami, magkakaklase kami sa 16th Congress, Congressman Marvy Bravo ng First District at Congressman Scott Lanete ng Second District.

    Balita ko po kay Congressman Scott, ang iba sa inyo alas-singko pa lang ng umaga, nandito na. Alas-tres daw, ala-una? Grabe naman. Ala-una talaga? Maraming salamat sa mga walang tulog.

    Alam niyo ang laking blessing dahil akala namin hindi tayo matutuloy. Dapat sana kahapon ito, pero masama pa 'yung panahon kahapon kaya praise God maganda na 'yung panahon ngayon. Ayan, alam ko po na kahit iba 'yung Bicol natin, magkakaintindihan tayo. Naiintindihan ko kayo, maiintindihan niyo ako, pero magta-Tagalog muna ako kasi marami po tayo ditong kasama na hindi Bicolano para maintindihan nila 'yung pinag-uusapan natin. Puwede? Puwede.

    Alam niyo bawat bisita ko– mamaya na tayo sumigaw, mamaya na– bawat bisita ko sa Masbate, isang emotional na visit para sa akin. Lalong lalo na kasi 'yung venue ng ating rally ngayon, dito sa Robredo Boulevard. Alam niyo, buong Bicol, dito lang sa Masbate merong Robredo Boulevard. Kahit po sa amin sa Naga, wala. Sa Camarines Sur, wala. Dito po sa Masbate, meron dahil sa malalim na dahilan. Alam ninyo na dito namatay 'yung asawa ko. At kaya po itong boulevard na ito ang pinangalanan na Robredo Boulevard kasi napaka lapit lang dito noong crash site.

    Kaya 'yung sa akin po, ang koneksyon ko sa inyo parang laging pamilya. Bawat punta ko dito sa Masbate, parang umuuwi ako sa bahay, dahil alam ko na dito binawian ng buhay 'yung aking asawa.

    Ang hindi niyo po siguro alam, from 2005 hanggang 2007, nagtrabaho po ako dito sa Masbate. Nag head po ako ng isang programa, hindi ko alam kung meron dito na mga partners namin doon, pero 'yung programa po namin, Milagros, Mandaon, saka Balud. Meron ba ditong mga taga Milagros? Meron. Meron ditong taga Mandaon? Meron bang taga Balud? Hindi ko lang alam– ayan Balud.

    Ang hindi ko lang alam kung 'yung aming mga paralegals noong dalawang taon na pabalik-balik ako dito, merong nandito kasama natin ngayon. Ano 'yun? Ah 'yung mama mo? Ayun. Alam niyo po, pabalik– ay nandiyan, nandiyan kayo? Oh my God, mamaya akyat ka sa stage ha. Miss ko na kayo.

    Alam niyo ikukuwento ko kayo sa kanila. Ibubuko ko kayo. Alam niyo, isang linggo bawat buwan, nandito ako dahil 'yung mga community leaders saka mga sectoral leaders doon sa tatlong bayan na 'yun, tine-train namin para maging paralegals. Dalawang taon ako dito, pabalik-balik, inabutan na ako dito ng bagyo, inabutan ng mga brownout, kung ano-anong sakuna– alam ko hanggang ngayon nagba-brown out pa din kayo, at ang ipapangako ko sa inyo, pag ako naging pangulo, unang-una natin aasikasuhin.

    Maraming salamat. pare-pareho 'yung problema natin. Kahapon– kagabi, nasa Virac ako, lagi din silang brownout. Kaya 'yun talaga 'yung problema natin dito sa Bicol na kailangan tutukan na.

    Pero 'yung sinasabi ko sa inyo, pabalik-balik ako noon, kadalasan 'yung mga training namin, hindi pa kami magkakilala ni Congresswoman Marvy noon, halos lahat na training namin, sa Circle E. Pabalik-balik ako dito, pero ibang-iba pa 'yung Masbate noong 2005 hanggang 2007. Naalala ko at that time, parang dalawa pa lang 'yung bangko. Wala pang mga fast food dito, kaya 'yung pinaka entertainment lang namin sa gabi, nasaan na 'yung ating paralegal, nagvi-videoke kami. Magte-training kami na mga sampu–

    [crowd shouts: SAMPLE!]

    Ayokong mabawasan ng boto. Ang puwede lang makinig ng kanta ko, mga lasing. 'Yun 'yung ginagawa namin, ikukuwento ko na sa inyo. Ano 'yun? Ano 'yun? Medic! Ayun, ayun kinuha na. Ito lang bago ako magpatuloy, uminom ng tubig, lalo na 'yung mga matagal nang nakatayo/ Kasi kapag matagal nang nakatayo, mainit, kailangang uminom ng tubig para hindi mahimatay. Ayun, itutuloy ko na.

    Alam niyo ‘yung mga paralegals namin, pagkatapos namin mag-training mag-hapon, ang pinaka-request lang nila magvi-videoke kami sa gabi. Kapag nagvi-videoke kami, may sama na iyon na inom saka sayaw. Pero alam niyo, ‘yung kabutihan ng mga Masbateño, kahit uminom sa gabi, sunod na araw, buhay na buhay na naman para sa training. Ang gustong sabihin, sanay na sanay kayong uminom. Ano, agree?

    Kaya napaka-saya nung mga trainings namin dati dahil– ano ‘yun? Medic ulit? Ay nako, meron pa dito. Medic, medic. Bigyan niyo ng tubig saka bigyan niyo ng space kasi sa init ‘yan. Mamaya na ‘yan, mamaya na ‘yan. Maraming salamat. Asikasuhin muna natin ‘yung– Bigyan natin siya ng space. Itabi muna natin. Meron nang medic? Meron na? Ayan, meron na.

    Mamaya sana kasi iinterviewhin ko pa kayo. Mapilit kayo, so hindi ko na kayo ma-iinterview. Ayan, pwede ko na– pabigay ng space. Idadaan lang nila. Bigay po natin ng space para mabilis ‘yung pagdaan. Uy, very good. Palakpakan natin sarili natin. Napaka-disiplinado ng mga Masbateño.

    Ayan, kaya ‘yung Masbate po, hindi pa namamatay ‘yung asawa ko, napakalapit na sa puso ko dahil ito ‘yung lugar na pabalik-balik ako. Kanina po, meron na akong isang meeting, doon kay Bishop. Kinu-kwento ko, pumupunta kami dito madaling-araw ng Lunes. Sasakay kami ng fast craft sa Pilar, alas-singko ‘yung biyahe ng fast craft dati. Ngayon ba anong oras na ‘yung pinaka-unang biyahe? Alas-kwatro, dati alas-singko. Babiyahe kami galing Naga, ala-una ng umaga, kasi babantay na kami hanggang mag-bukas ‘yung ticket booth. Kapag nagbukas ‘yung ticket booth, alas-singko sasakay kami, mga alas-siyete, nandito na kami ng Lunes, alas-otso umpisa na ng training. Uuwi kami sa Naga, Biyernes.

    Ganoon po ‘yung naging buhay ko ng dalawang taon. Masuwerte ako kasi ‘yung asawa ko, kapag wala ako ng isang linggo, siya ‘yung nanay at tatay ng mga anak ko. Pero noong namatay ‘yung asawa ko dito, hindi ko na ‘yun pwedeng gawin dahil wala pong maiiwan na nanay at tatay sa aking bunso. Kaya nag-resign na po ako.

    Pero ito, ang Masbate, I am sure mag-aagree kayo sa akin, napaka-gandang lugar. Alam niyo, ‘yung nagba-biyahe pa ako papuntang Mandaon saka Balud, dumadaan ako doon sa mga rolling hills. Napaka-ganda. Wala pa akong ibang nakita na lugar na ganoon kaganda. Ang dagat niyo, napaka-gaganda. Marami ‘yung mga resources na available dito. Ang biro ko nga, noong ako parati pa rito, parang ‘yung nagsabog ng blessings ‘yung Maykapal, karamihan sa blessings nakuha ng Masbate dahil napaka-ganda.

    Pero sinasabi ko iyon na may pagka-halong sayang. Napakarami ng resources dito, pero bakit mahirap pa din ang ating lugar? Kailangan pagtulungan na natin ito. Kailangan matuto na tayo, ano ba ‘yung nangyayari at hindi pa din natin nama-maximize ‘yung mga resource natin na andito sa inyo ngayon.

    Dapat ngayon, lalo na ‘yung mga kabataan na nagte-take action, kailangan maintindihan natin na nasa kamay natin ang kapangyarihan para magbago ang ating lugar. Hindi po ang gobyerno lang ang puwede nating sisihin, pero tayo ding lahat. Ang atin lang po, ang eleksyon pagkakataon para pumili tayo ng tamang mga lingkod bayan.

    Ngayon pong eleksyon, marami ‘yung pupunta dito sa inyo. May mga pumunta na nga. Pag punta dito, mangangako. Mangangako na aasikasuhin kayo. Dapat po hindi kaagad tayo naniniwala sa mga pangako. Kapag pumunta dito sa inyo, nangangako, dapat ang tanong natin sa kanila, asan kayo noong wala pang eleksyon? Dapat ang tanong natin sa kanila, asan kayo [noong] kailangan namin kayo?

    Alam niyo po marami, marami ‘yung may kahilingan na ligawan kayo, hingiin ang inyong boto, pero naaalala lang naman kayo tuwing may eleksyon. Marami ‘yung mga pupunta, sasabihin, kapag ako naka-upo na, aasikasuhin ko ‘yung Masbate. Marami ‘yung ganoon hind ba? Pero sino ba ‘yung pabalik-balik dito sa inyo, kahit walang eleksyon? Ako po hindi naman sa pag-bubuhat ng bangko. Pero alam ninyo na walang eleksyon, may eleksyon, andito ako kasama ninyo. Lalong-lalo na kung may sakuna.

    Halimbawa po ‘yung Typhoon Tisoy. Pumunta po tayo sa Burias Island– meron ba ditong taga-Burias? Mas malapit na kasi ‘yung Burias sa Camarines Sur hindi ba? Nag-bisita ako doon kasi tinamaan sila. Nagpadala tayo ng isang team sa Ticao Island para gumawa– sinong mga taga-Ticao dito? Ayan, nagpadala tayong team para gumawa ng relief operations, sa San Ferndando, sa San Jacinto, sa Batuan, sa Monreal, nagkaroon tayo ng relief operations.

    Ako siguro hindi ko na mabilang, kung ilang beses akong pumunta sa Ticao. Isang beses pa lang akong naka-puntan ng Burias. Maraming maraming beses na akong pumunta dito sa main island ng Masbate. Kaya pag nagsabi akong hindi ko kayo kakalimutan, mahaba po ang aking resibo.

    Pag nagsabi po kami ni Senator Kiko na ang pangako namin sa inyo gobyernong tapat–

    [CROWD: Angat buhay lahat!]

    –para umangat ang buhay ng lahat, mahaba din ang aming resibo. Kapag sinabi po nating gobyernong tapat gustong sabihin, ang pangako namin sa inyo matitino at mahuhusay na lingkod-bayan. Pag matino at mahusay ang lingkod-bayan, ang pera ng taumbayan napapangalagaan dahil walang nahuhulog sa korapsyon. Alam po natin na napakalaking pera ng taumbayan napupunta lang sa korapsyon imbes na itulong na sa taumbayan.

    Si Senator Kiko po, 2001 pa Senador, lingkod-bayan. May narinig na ba kayo na nadawit ang kaniyang pangalan sa anumang anumalya? Wala. Ako po. sa uulitin, hindi naman sa pagbubuhat ko ng bangko, naging Congresswoman po ako, ngayon Vice President ako. Ano ang aming resibo na ayaw namin sa korapsyon? Taun-taon nakukuha po ng aming opisna ang pinakamataas na COA Audit Rating. Hindi na po kami ang nagsasabi na kami malinis. COA na mismo ang nagsasabi na malinis ang aming pamamalakad.

    Pero ano ang gustong sabihin saka ano ang resulta ng malinis na pamamalakad? Ang resulta po niyan, kahit kaunti ang aming pondo, napakarami naming natutulungan dahil 'yung konting meron kami nakakarating hanggang sa mga pinakamalalayong mga lugar.

    Halimbawa po kapag bibisita ako sa Burias, bibisita ako sa Ticao may mga iba akong kakilala sasabihin, "Bakit ka pa pupunta doon? Konti lang naman 'yung botante doon." 'Yun 'yung problema sa ating bansa, kapag konti 'yung botante hindi na pupuntahan na dapat nga baliktad, di ba? Dapat mas mahirap puntahan, mas malayo 'yung lugar, dapat mas lalong binibisita para siguruhing nakakaabot ang tulong doon.

    Kaya po ang pinapangako po namin ni Senator Kiko: walang lugar na maliit, walang lugar na malayo, walang lugar na mahirap puntahan dahil anuman ang pangangailangan na sa amin, nandiyan po kami sa inyo.

    Kung ngayon po vice president pa lang ako pabalik-balik na ako dito sa Masbate, lalo na pag naging presidente ako. Pero ang pakiusap ko lang sa inyo, huwag niyo sanang sayangin 'yung boto niyo ngayong darating na Mayo. Sino ba dito ang boboto for the first time? Ayan, marami ang boboto for the first time. Sana bumoto tayo ng tama. At sabi po nga kanina ni Governor Bong, hindi sapat ang rally na ito. Ang rally na ito para sumaya lang tayo. Pero ang importante: anong gagawin natin pagkatapos ng ating rally? House-to-house, 'yung hindi pa natin kasama kumbinsihin nating sumama.

    Marami po ngayong mga kasinungalingan sa Facebook. Maraming fake news saka fake videos sa Youtube saka sa Tiktok. Tulungan po natin ang mga kababayan nating malaman kung alin ang kamalian saka katotohanan. Palitan natin ang lahat na kasinungalingan ng katotohanan dahil ang mga kababayan natin dapat ang desisyon nila nakabase sa katotohanan.

    Pero kailangan po tayong magtulong-tulong. Hindi po namin kakayanin na kami lang 'yung magdadala ng pagbabago. Dapat taumbayan mismo ang magdadala ng pagbabago, pero dadalhin lang 'yan ng taumbayan kung may tiwala siya sa kaniyang gobyerno.

    At 'yun po 'yung pangako namin sa inyo: isang gobyerno na titiwalaan niyo dahil ito ang gobyernong hindi lang nagtatrabaho, pero ito 'yung gobyernong malinis ang pamamalakad.

    Kami po nagpapasalamat kami. Hinahabol po naming matapos tayo ng maaga dahil Holy Wednesday na ngayon. Marami na po tayong mga– ayun medic ulit? Medic, medic, please. Bigyan niyo po ng space. Padaanin ulit natin. Meron na? Dito, dito. Ayan, nandiyan na? Nandiyan na? Baka may tubig kayo? Bigyan lang ng tubig. Nandito na po 'yung medic. Ayan.

    Tatapusin na po natin ito dahil Holy Week na. Kailangan na tayong makiisa, magdasal sa lahat ng mga activities ng simbahan. Pero ako po nakikiusap ako sa inyo, sana hindi niyo ako tutulungan dahil ako Bicolano lang. Sana po tutulungan ninyo ako dahil sa paniniwala niyo Bicolano man ako o hindi, sasamahan niyo ako sa laban na ito dahil sama-sama tayo. Aayusin natin 'yung ating pamahalaan.

    Alam ko po na marami sa akin sasama dahil Bicolano ako, maraming salamat. Pero dapat 'yung paniniwala natin, kahit hindi ako Bicolano ang inyong pagtingin– palagay ako 'yung pinakamabuting kandidato para sa inyo. Pero ako po hihingi din ako ng tulong na sana kung tinulu– tutulungan niyo, tulungan niyo din po 'yung aming buong line-up: Senator Kiko for Vice President. Ang atin pong senatorial bets: Attorney Sonny Matula, Attorney Alex Lacson, Dean Chel Diokno, Senator Risa Hontiveros, Senator Sonny Trillanes, Senator Leila de Lima, Senator Dick Gordon, Congressman Teddy Baguilat. Sana po pag tinulungan niyo ako, tutulungan niyo lahat dahil sila po 'yung aking magiging katuwang.

    Maraming salamat po sa inyo. Mabuhay po kayong lahat. Magkikita po ulit tayo. Sana po pagbalik natin, victory party na tayo dito sa Masbate! Maraming, maraming salamat!

    [END]

     

    Posted in Transcripts on Apr 13, 2022