This website adopts the Web Content Accessibility Guidelines (WCAG 2.0) as the accessibility standard for all its related web development and services. WCAG 2.0 is also an international standard, ISO 40500. This certifies it as a stable and referenceable technical standard.

WCAG 2.0 contains 12 guidelines organized under 4 principles: Perceivable, Operable, Understandable, and Robust (POUR for short). There are testable success criteria for each guideline. Compliance to these criteria is measured in three levels: A, AA, or AAA. A guide to understanding and implementing Web Content Accessibility Guidelines 2.0 is available at: https://www.w3.org/TR/UNDERSTANDING-WCAG20/

Accessibility Features

Shortcut Keys Combination Activation Combination keys used for each browser.

  • Chrome for Linux press (Alt+Shift+shortcut_key)
  • Chrome for Windows press (Alt+shortcut_key)
  • For Firefox press (Alt+Shift+shortcut_key)
  • For Internet Explorer press (Alt+Shift+shortcut_key) then press (enter)
  • On Mac OS press (Ctrl+Opt+shortcut_key)
  • Accessibility Statement (Combination + 0): Statement page that will show the available accessibility keys.
  • Home Page (Combination + H): Accessibility key for redirecting to homepage.
  • Main Content (Combination + R): Shortcut for viewing the content section of the current page.
  • FAQ (Combination + Q): Shortcut for FAQ page.
  • Contact (Combination + C): Shortcut for contact page or form inquiries.
  • Feedback (Combination + K): Shortcut for feedback page.
  • Site Map (Combination + M): Shortcut for site map (footer agency) section of the page.
  • Search (Combination + S): Shortcut for search page.
  • Click anywhere outside the dialog box to close this dialog box.

    Message of Vice President Leni Robredo at the San Carlos Opening Rally

    Message of Vice President Leni Robredo at the San Carlos Opening Rally
    Open Court, Bishop’s Compound, San Carlos City, Negros Occidental


    [START 0:00:45]

    VP LENI: Maraming salamat. Magandang umaga, San Carlos! Ayan, alam niyo hindi kaagad ako nagsalita kasi hinihintay ko sana, akala ko magsasayaw kayo. Ayan, mamaya pa siguro pero bago po ako magpatuloy ang akin pong pagbigay galang sa ating hinahangaan, napakasipag nating Governor, Governor Bong Lacson. Maraming salamat po. Ang atin pong minamahal na Bishop, Bishop Gerry Alminaza, maraming salamat. Kasama din po natin, Former Governor Lito Coscolluela. At magpapasalamat po tayo kasi sinamahan po tayo ngayong umaga, Iloilo Governor, Toto Defensor, nandoon po siya sa likod. Salamat din po sa ating main organizer dito, Mr. Dickson Yu, maraming salamat po. Gusto ko din po batiin si Attorney Dan Pondevilla, ang ating NONECO General Manager. Nakita ko po dito sa harap 'yung aking mga kamag-anak from Escalante 'yung Gerona Clan, maraming salamat sa inyo.

    Pinapasalamat din po natin 'yung ating mga kaparian sa Diocese of San Carlos, maraming salamat. Ang ating mga seminarians, nasaan kayo? Ayan. Ang mga Mangunguma sa San Carlos, maraming salamat po. Nasaan po 'yung San Carlos Youth for Leni? Nasaan 'yung Calatrava Youth for Leni? Ayun, Escalante Youth for Leni? Nasaan po 'yung Toboso Youth for Leni? Ang Don Salvador Youth for Leni? At ang iba-iba pong mga Parish Youth groups nandito ngayong umaga. Ayun, sa inyo pong lahat magandang, magandang umaga pong muli!

    Ginugulat niyo naman kami. Ginugulat niyo po kami kasi alas siete ng umaga napakataas na ng energy level niyo. Nag-aalala pa naman ako kanina, sabi ko meron kayang pumunta na napaka-aga? Anong oras ba kayo gumising? Naku! Pero kaya pa ba? Kaya pa ba [INAUDIBLE 03:35-03:36]? Ayan, alam niyo sobrang nagpapasalamat tayo kay Bishop Gerry dahil pinayagan tayong i-host ngayong umaga. Kaya Bishop Gerry, maraming salamat po. Nagpapasalamat po tayo sa iba't-ibang mga grupo na gumising ng napakaaga para makiisa sa atin ngayong umaga.

    Alam niyo po parati namin pinag-uusapan ito ni Senator Kiko. Dahil noong 2016 po, magkasama din kami sa kampanya. Kandidato po ako bilang Vice President, si Senator Kiko kandidato bilang Senador. Marami na din po kaming eleksyon na pinagdaanan bilang kandidato saka 'yung asawa ko po kasi matagal na mayor doon sa amin. Ang pinagkukuwentuhan po namin, first time na nararamdaman namin itong klaseng kampanyang ginagawa natin ngayon.

    Dati po pag kami 'yung kandidato, kami 'yung mag-aasikaso ng lahat. Kami 'yung nag-oorganize ng supporters, kami 'yung nag-aayos ng rally, kami 'yung nagpapa-imprenta ng mga tarpaulin saka pangkampanya, kami 'yung nagpapa-imprenta ng mga t-shirt. Ngayon po baliktad lahat. 'Yung mga supporters nagse-self organize kahit po hindi pa kami bumibisita sa lugar, organized na sila. Kahit wala pa kaming sinasabi, ang sisipag na magkampanya. Nagpapa-imprenta ng sariling tarpaulin, 'yung walang pang-imprenta gumagawa ng sarili.

    Tignan niyo po 'yung mga t-shirt niyo ngayon, iba-iba, di ba? Iba-iba kasi kaniya-kaniyang pagpaimprenta. Pero di ba, ang kagandahan nasa pagkakaiba? Bakit maganda na kahit iba-iba, magkakasama tayo? Dahil pinapakita natin na iba man 'yung mga pinanggalingan natin, iisa lang ang ating hanggarin para sa ating bayan. At 'yung hangarin natin para sa ating bayan ang mas mabuting buhay para sa lahat. At pag sinabi po nating "mas mabuting buhay para sa lahat", ito 'yung klase ng buhay na walang naiiwan sa laylayan. Kaya po ang ating pinaka-aspiration ngayon lagi nating sinasabi memorized niyo na nga, "gobyernong tapat, angat buhay lahat".

    Bakit po natin 'yun nasasabi? Hindi po natin mababago 'yung ating bayan kung hindi matapat ang ating gobyerno. Pag panahon po ng kampanya, maraming makikiusap sa inyong kandidato, marami 'yung manliligaw. Kailangan naman pong pakinggan natin sila para marinig natin hindi lang 'yung kanilang plataporma pero pagsinabi nilang "Mahal ko ang mahihirap," dapat hingian po natin sila ng resibo.

    Parati ang tanong natin, "Noong hindi pa kayo kandidato papaano niyo pinakita ang pagmamahal niyo sa mahihirap?" Kasi kadalasan nakikita lang naman natin sila pagpanahon ng kampanya. Pag nakaupo na, hindi na natin sila nararamdaman.

    Dito sa Negros Occidental, malaki po 'yung panalo ko noong 2016 [inaudible 07:38-07:41]. Pero noong umupo po ako bilang Vice President, hindi ko po kinalimutan ang inyong lalawigan. In fact, napakarami po nating mga programa dito.

    Pinakauna po nating inasikaso 'yung Hinoba-an. Ilang beses po akong pumunta sa Hinoba-an kasi marami po tayong proyektong ni-roll out doon.Nagpagawa po tayo ng mga classrooms, nag-rollout po tayo ng feeding programs, nag-rollout tayo ng mga livelihood programs. Pagkatapos po ng Hinoba-an marami pa pong ibang mga projects na ginawa natin dito sa Negros. Meron po tayo sa Himamaylan, meron po tayo sa Murcia. Noong panahon po ng Typhoon Odette, ilang beses po tayong bumalik dito para bisitahin 'yung mga tinamaan ng Typhoon Odette.

    Noong panahon po ng pandemic, tuloy tuloy 'yung pagtulong natin sa mga ospital para po padalhan sila ng mga PPE sets saka mga medical supplies. Nagkaroon din po tayo ng vaccination program dito sa inyo. In fact, dito po sa district 1, 'yung mga hospital pong pinapadalhan natin ng mga medical supplies, 'yung Vicente Gustilo District Hospital sa Escalante, 'yung San Carlos City Hospital saka San Carlos Doctors Hospital dito sa San Carlos, at 'yung Calatrava Municipal Hospital sa Calatrava. Ito po, dito lang 'yun sa distrito ninyo, pero buong Negros Occidental, tuloy tuloy po 'yung ating assistance.

    Pero kaya naman po sinasabi ko ito sa inyo, dahil dapat ito 'yung hinihingi natin sa ating mga public servants na hindi natin sila nakikita sa panahon lang ng kampanya pero mas importante, walang eleksyon, nagpaparamdam silang mahal nila tayo. Pag sinabi pong ayoko sa kurapsyon, hingi po tayo ng resibo. Kasi pag panahon po ng kampanya, lahat ng kandidato ayaw sa kurapsyon. Pero parating tatanungin natin, ano 'yung track record? Si Senator Kiko po, mula 2001, public servant na, pero hindi nabahiran ng kurapsyon ang kanyang pangalan. Sa amin po sa Office of the Vice President, pinagsikapan po nating linisin 'yung lahat na proseso. Ano po 'yung resibo namin? For three consecutive years, nakukuha po natin 'yung pinakamataas na COA Audit Rating, pagpapakita po na malinis 'yung pamamalakad. At kahit po napakakaunti ng budget ng aming opisina, marami kaming natutulungan. Bakit? Dahil nalalagay namin 'yung kaunting pera sa tulong sa taumbayan.

    Marami pong mga programa, lahat po kami, lahat ng kandidato, magpriprisinta ng programa. Pag sinabi pong aasikasuhin natin 'yung mga magsasaka, ano po 'yung resibo? Kami po ni Senator Kiko, ito 'yung aming tinututukan: 'yung mga magsasaka at mga mangingisda. Ngayon po napakataas ng presyo ng abono di ba? Napakataas ng presyo ng abono na halos wala nang kita 'yung ating mga magsasaka. Ito po, kailangan tayo magbigay ng ayuda kasi kung hindi tayo magbibigay ng ayuda, wala talagang kakainin ang ating mga magsasaka. Bahagi po ito ng aming programa.

    Sa opisina po namin, 'yung lahat ng farmers programs namin, hindi lang ayuda 'yung binibigay pero assistance para po mag-capacity building sa kanila at assistance sa market. Sinisiguro po natin na 'yung mga produkto ng ating mga farmers ay napupunta sa market na magandang presyo.

    Sa mga estudyante, madalas na pong sabihin na aasikasuhin natin 'yung mga estudyante pero papaaano pinakita, di ba? Ang atin pong pangarap para sa lahat na hindi magiging sagabal ang kahirapan para mabigyan kayo ng dekalidad na edukasyon. Hindi lang po basta edukasyon, pero dekalidad na edukasyon para pag-graduate niyo, dekalidad din 'yung trabaho. Ang ayaw po nating ipayag nakaka-graduate nga kayo pero hindi naman nakakahanap ng maayos na trabaho. Dito po sa Negros Occidental, noong nagsara 'yung mga eskwelahan, naglagay po tayo ng walong Community Learning Hubs. Ano po 'yung Community Learning Hubs? Siniguro po natin na may mga free tutors tayos a iba't ibang mga lugar para 'yung mga bata na hindi natuturuan ng mga magulang nila sa paaralan na kailangan ng tulong sa module, may mapupuntahan at may tutors na magtuturo sa kanila. Para 'yung mga college students na kailangan ng gadget pero walang gadget, may nagagamit sa Community Learning Hubs. In fact, pagkatapos po nito, maya maya ay bibisitahin namin 'yung isang Community Learning Hub natin sa Himamaylan.

    Pero bakit ko po ito sinasabi sa inyo? Dahil kailangan natin hinihingi natin ito sa ating public servants. Hindi po puwede na nakikita natin 'yung public servants sa panahon lang ng eleksyon. Kaya po ngayon, natutuwa ako na maraming kabataan. Bakit kaya maraming kabataan na anapak-active sa eleksyon ngayon? Sino ba sa inyo mga boboto for the first time? Marami. Sana hindi po natin sayangin 'yung pagkakataon dahil ang eleksyon pong ito, hindi lang pagpili ng natitipuhan na kandidato, pero ang eleksyon pong ito, magsasabi kung anong klaseng gobyerno magkakaroon tayo in the next six years. Kaya po, kung anong pinaglalaban natin ngayon, sana hanggang May 9 'yung paglaban na 'yun.

    59 o 60 days to go, kaya pa ba? Kaya pa bang magumbinsi? Alam niyo po, binabasa ko lagi 'yung mga placards, marami ang nagsasabi na 'yung magulang nila, hindi pa nila nakukumbinsi. Sino 'yung mga may magulang na hanggang ngayon, hindi pa nakukumbinsi? Aba, marami, assignment niyo 'yun. Assignment niyo na in the next 60 days, kukumbinsihin natin unang una 'yung ating mga magulang, pangalawa 'yung ating mga kamag-anak, pangatlo 'yung ating mga kapitbahay, pang-apat 'yung ating mga kaeskwela, at kahit sino na hindi pa kumbinsido. Pero 'yung pagkumbinsi, hindi makikipag-away. Ang pagkumbinsi, radikal na pagmamahal. Kaya pa na magmahal ng radikal? Kaya kailangan 'yung radikal na pagmamahal, dahil pag nagaway-away po tayo, hindi natin makakamtan 'yung pagbabagong gusto natin makamtan.

    Kaya 'yun pinaka tanong ko, kaya ba nating magradikal na pagmamahal in the next 60 days? Pag kaya po natin 'yun, mananalo po tayo. Kaya sa inyo po, ayoko pong magsabi ng good-bye kasi sana magkita pa tayo mamaya sa Bacolod. Maglkikita po tayo para mag-celebrate. Ano ang sine-celebrate natin? 'Yung ating pagkakaisa na kahit iba-iba 'yung pinanggalingan natin, nagkakaisa tayo sa pagmamahal sa bayan. Kaya sa inyo po, maraming maraming salamat, mabuhay po kayong lahat. Mahal po namin kayo, magkikita-kita po tayo ngayong gabi. Marami pong salamat.

    [END 00:16:16]

     

     

    Posted in Transcripts on Mar 11, 2022