This website adopts the Web Content Accessibility Guidelines (WCAG 2.0) as the accessibility standard for all its related web development and services. WCAG 2.0 is also an international standard, ISO 40500. This certifies it as a stable and referenceable technical standard.

WCAG 2.0 contains 12 guidelines organized under 4 principles: Perceivable, Operable, Understandable, and Robust (POUR for short). There are testable success criteria for each guideline. Compliance to these criteria is measured in three levels: A, AA, or AAA. A guide to understanding and implementing Web Content Accessibility Guidelines 2.0 is available at: https://www.w3.org/TR/UNDERSTANDING-WCAG20/

Accessibility Features

Shortcut Keys Combination Activation Combination keys used for each browser.

  • Chrome for Linux press (Alt+Shift+shortcut_key)
  • Chrome for Windows press (Alt+shortcut_key)
  • For Firefox press (Alt+Shift+shortcut_key)
  • For Internet Explorer press (Alt+Shift+shortcut_key) then press (enter)
  • On Mac OS press (Ctrl+Opt+shortcut_key)
  • Accessibility Statement (Combination + 0): Statement page that will show the available accessibility keys.
  • Home Page (Combination + H): Accessibility key for redirecting to homepage.
  • Main Content (Combination + R): Shortcut for viewing the content section of the current page.
  • FAQ (Combination + Q): Shortcut for FAQ page.
  • Contact (Combination + C): Shortcut for contact page or form inquiries.
  • Feedback (Combination + K): Shortcut for feedback page.
  • Site Map (Combination + M): Shortcut for site map (footer agency) section of the page.
  • Search (Combination + S): Shortcut for search page.
  • Click anywhere outside the dialog box to close this dialog box.

    Message of Vice President Leni Robredo Solid Leni-Kiko Global Virtual Launch

    Message of Vice President Leni Robredo
    Solid Leni-Kiko Global Virtual Launch

    [START 00:00:]

    VP LENI: Sorry ha, I'm still adjusting my– Okay. I'm done!

    MODERATOR : Okay, Vice President Leni Robredo, we're here.

    VP LENI: Is it my turn?

    MODERATOR: Yes, opo.

    VP LENI: Sorry, sorry. Hello, hello everyone. Hello po sa lahat ng kasama natin ngayon dito sa Solid Leni-Kiko Global Virtual Launch. Nahihiya ako sa inyo kasi alam ko na for many of you, unholy hour na ito. Iba-iba ating mga time zones, at 'yung iba talagang nakikipagpuyatan sa atin ngayon kaysa magpahinga, kaya maraming maraming salamat sa suporta at pagsama pa rin dito sa ating virtual get together.

    Alam kong hindi naging madali itong nagdaang dalawang taon– halos dalawang taon. Marami sa inyo ginusto siguro makauwi pero hindi makapasok sa bansa because of the protocols. May mga nalagay din sa alanganin ang mga kontrata. Lahat nag-alala sa kaligtasan ng mga mahal sa buhay dito sa Pilipinas. Lalo pang pinalalim 'yung mga sakripisyong pinagdaraanan ng mga, lalo na 'yung mga OFWs natin.

    At sa pakikipag-usap naminsa maraming representatives ng inyong sector, naging malinaw naman 'yung sentiments na kung may choice ang Pilipino kung pwede lang sana siyang hindi na umalis para magkaroon ng may mas dignidad na trabaho, mas pipiliin ng karamihan na manatili dito sa atin, na hindi iniiwan 'yung mga mahal sa buhay.

    Ako, naniniwala naman ako, kayang maabot ng pangarap na ito. Mahusay naman ang mga Pilipino at kung tapat ang gobyerno, lalago ang ating ekonomiya, malilikha dito ang maaayos na trabaho at matutumbasan ng tamang sahod at benepisyo ang husay ng Pilipino.

    Nabanggit ko na din, hindi ko alam kung napanood niyo na ito on some of my interviews, lagi ko naman itong inuulit, na sana 'yung pangingibang bansa is by choice, not by necessity. Hindi 'yung kaya ka mangingibang bansa kasi wala ka nang opportunities dito. Sana nangingibang bansa ka kasi 'yun talaga 'yung gusto mong daan na tahakin.

    So papaano natin ito magagawa? Unang una, kailangan natin ayusin 'yung ating economy para mas maraming opportunities sa trabaho [inaudible 02:38 to 02:39] at mapapagkatiwalaang pampahala, mabilis na proseso, mga proyekto at kontratang nababantayan laban sa corruption. Mula dito, papasok ang investments, dadami ang trabaho at kung matututukan ang mga key industries, aangat ang pasahod para tumumbas ito sa talino ng Pilipino.

    'Yung second nito, 'yung mga benefits dapat na nakukuha niyo diyan sa mga bansang piangtatrabahuhan ninyo, kailangan nao-offer din dito [inaudible 03:08 to 03:09]. Halimbawa na lang, 'yung PhilHealth, kailangan bumuo tayo ng sistema para sa mga overseas Filipinos at OFWs na meron nang health coverage sa ibang bansa para hindi niyo na kailangan magbayad ng mga contributions dito. Siguro, ang kondisyon lang dapat nito, dapat may PhilHealth 'yung mga naiwan na pamilya dito sa Pilipinas, para siyempre, para magkaroon sila ng access sa universal healthcare system natin.

    Tapos 'yung pangatlo, para sa talagang pipiliin mangibang bansa, sisiguraduhin natin protektado at may matibay na support system ang OFWs. Papasok tayo sa mas maraming bilateral labor agreements. Actually, bago ako nag-online, tinitignan ko 'yung mga existing na bilateral agreements natin, kulang na kulang pa siya. Bilateral agreements sa ibang mga bansa na grabe 'yung concentration ng mga Filipino workers doon.

    So 'yun, 'yun 'yung ie-endavor natin gawin para siguradong napoprotektahan 'yung mga kababayan natin. Sisiguraduhin din natin na naipapatupad ng maayos 'yung mga existing na mga bilateral agreements, lalo na nga sa mga bansa sa, example, Middle East, o some parts of Asia, na maraming OFWs para siguraduhin na napoproktetahan natin at naisusulong 'yung mga karapatan ninyo.

    Magiging strategic din tayo. Karamihan sa mga OFW cases ay contract violations, lalo na sa Middle East, kaya ipa-prioritize natin ang mga bilateral agreements sa mga bansa sa rehiyon, gaya noong sabi ko kanina. Tututukan natin 'yung mga bansang maraming kaso sa pang-aabuso ng mga OFWs at makikipag-ugnayan tayo sa gobyerno ng mga bansang ito para igiit ang karapatan at dignidad ng mga kababayan natin, na kung hindi sila willing pumasok sa mga bilateral agreements, baka mas mabuti na i-review natin kung magpapadala pa ba tayo, magpapadala pa ba tayo ng mga workers sa bansa nila considering na hindi natin sila kayang protektahan.

    'Yung pang-apat, kailangan din nating masiguro na kapag pinili niyong umuwi muli dito sa Pilipinas, may assurance na meron kayong equal if not better chances of success. Marami na din akong nakausap na mga Pilipino na nagtrabaho sa labas na gusto nang umuwi, pero 'yun ang isang nakakapagpigil sa kanila, hindi sila umuuwi kasi halimbawa, 'yung healthcare system, 'yung mga benefits na nae-enjoy nila diyan, hindi nila mae-enjoy dito so kahit gusto na nilang bumalik, they choose to stay, they choose to stay in the host countries kasi doon mas assured 'yung mga benepisyo. So kailangan pagtrabahuan natin 'yun.

    Paaano natin pagtatrabahuan? 'Yung isa doon, kailangan tayong bumuo ng isang agency task force, reintegration, na ito 'yung tutugon sa iba't ibang uri ng pagbabalik ng mga Overseas Filipino Workers. 'Yung bumabalik because of a crisis, 'yung bumabalik temporarily, o nakaplano na talagang magbalik. Kailangan magkaroon tayo ng coordinated na stepladder reintegration preparedness training program base sa existing na best practices kasi meron namang mga best practices na.

    Lilikha din tayo ng OFW reintegration pension fund at ng mga reintegration pathway na magbibigay ng opportunities na makapag-skills training ang mga returning OFW para matulungan silang makahanap ng trabaho dito. Kasi minsan din, talagang gusto nilang umuwi kasi gusto na nilang makasama 'yung mga anak nila, hindi makauwi dahil wala sila noong necessary skills para makapasok sa mga specialized na mga trabaho na available naman dito sa atin.

    Kailangan din tayong magtayo, ito ilang beses ko na din ito nasabi in many of our meetings, ng once stop migration resource center sa mga key provinces, cities, and municipalities dahil itong once stop migration resource center, ito 'yung lalabas na parang magiging hub siya, not just in ensuring na may connection 'yung mga families left behind sa OFW, pero in making sure na pati 'yung mga families left behind, natutulungan. Natutulungan hindi lang to cope, the social costs pero natutulungan sa financial preparation, maraming mga bagay, Meron dito sa Naga, meron dito sa Naga, so it is a– it is very easily replicable in many other places.

    'Yung panglima, gagawin nating puhunan sa pag-unlad lahat ng pag-uwi ninyo, hindi lang 'yung pera kundi 'yung skills, 'yung experience at kaalaman na nakuha niyo in your many years working abroad. Malaki ang maitutulong ninyong mga kababayan natin sa iba't ibang bansa, lalo na sa financial at social remittances. Magagamit natin ito sa paglikha ng mga trabaho at pagpapaunlad ng ekonomiya sa ating mga kanayunan.

    Iha-harness din natin ang maitutulong ng brain gain. Kaya siya brain gain kasi pagbalik niyo dito marami kayong kaalaman na pwede niyong ituro din sa iba. Again, ito 'yung mga skills saka mga experiences na natutunan niyo while working abroad. Kailangan natin itong i-map out at iakma natin sa development at government-sponsored projects para hindi masayang.

    Kasabay nito ang pagbuo ng multi-stakeholder committees para maging maayos ang coordination sa pagitan ng migration of development. Bukod pa dito, magagamit natin ang mga skills, ang mga systems, best practices na nadadala ninyo pagbalik para mas mapabuti pa ang pamamahala sa Pilipinas. Karamihan sa mga programa naman natin, pinag-aaralan at nire-research natin 'yung mga best practices ng ibang mga bansa.

    Dumalo tayo sa napakaraming webinars at briefing para pag-aralan halimbawa 'yung COVID reponse systems sa ibang bansa katulad ng South Korea. Makakatulong ang OFWs at 'yung overseas Filipinos para dalhin 'yung effective systems mula sa ibang bansa na puwedeng tularan dito sa Pilipinas. Pero ito lahat kasi 'yung common thread nitong lahat, 'yung planong ito, talagang isang pamahalaang tapat na kasing husay at sipag at tatag ninyo.

    Sa Office of the Vice President, lalo na ngayong panahon ng pandemya, naging malinaw sa amin na talagang government can be the most potent force for good. Siya talaga 'yung magiging vehicle na to bring about change, to do good, hindi lang na lip service, pero 'yung pag sinabing to do good, 'yung ramdam 'yung pagbabago na magbibigay ng security na hindi lang sa inyo pero sa mga pamilyang babalikan at pamilyang iniwan.

    Marami naman handang tumulong, maraming handang gawin ang nararapat para umangat tayo bilang isang bayan. 'Yun din 'yung isang pinakamalaking lesson namin sa OVP, na pag may tiwala, may tiwala ang private sectors sa inyo, maraming gusto mag-invest. Marami tayong mga– 'yung private sector, sobrang handa silang tumulong sa lahat ng programa ng pamahalaan basta assured lang sila na 'yung tulong nila hindi napu-put to waste.

    So 'yun. Again, masaya akong kasama ko kayo ngayong hapon. Masaya din ako, honored ako, privileged na kasama ko kayo sa laban na ito. Alam natin lahat na from today, I think 80 days na lang, 80 days na lang 'yung natiria sa kampanyang ito pero hindi tayo kailangan matakot. 'Yung mga experiences ko, 'yung mga nakakakilala sa akin dito on a very personal level, alam na 'yung mga pinagdaanan ko lahat hindi naging madali.

    Pangatlong eleksyon ko na ito, 'yung very first elections ko, sobrang hirap kasi kalaban ko pinaka– isa sa pinaka powerful na political families sa amin. Pero nagtagumpay tayo, Noong 2016 ganoon din, 'yung laban ko, ako lang 'yung babae sa anim na kandidato, at ako lang 'yung baguhan. Pero, nakaya natin. Ngayon, para sa akin dapat mas maging– mahirap pa din ngayon because wala tayong resources, wala tayong machinery na meron sila pero marami na kasing meron ngayon na wala dati. Halimbawa, pag sinabi natin na kaya natin itong gawin, may resibo tayo kasi napakita na natin na pag sinabi natin na aasikasuhin natin 'yung mahihirap, pag sinabi nating ayaw natin ang korapasyon, meron na tayong pruweba na 'yung karanasan natin in the past na binigyan tayo ng pagkakataon, pinakita natin kung papano natin ito pinapahalagahan.

    And siguro, 'yung pinakamalaki, last na ito, pinakamalaki na wala noon na nandito ngayon, talagang 'yung mga volunteers natin ngayon, grabe, sobrang invested and I think, most of you here with us this afternoon, can personally attest na 'yung involvement niyo ngayon is so different from the past elections. Nakikita namin ito on the ground, 'yung mga volunteers ngayon, sila 'yung mga gumagastos, sila 'yung nag-iisip ng gagawin, hindi na naghihintay sa national campaign team, and I think ito 'yung, ito 'yung pinaka biggest resource natin na wala sa iba na kailangan natin ma-maximize para 'yung laban natin, talagang maging truly a people's campaign.

    Kaya, tiwala naman ako walang kayang tumumbas sa pinagbigkis nating lakas, So, kasama niyo, buong buo ang loob ko na kayang kaya nating ipanalo ang laban na ito. Kaya muli, maraming salamat sa pagdalo, maraming salamat sa pagpuyat, sa pakikinig, sa pagtataya, mabuhay po kayong lahat.

    [END 00:13:24]

     

    Posted in Transcripts on Feb 18, 2022