This website adopts the Web Content Accessibility Guidelines (WCAG 2.0) as the accessibility standard for all its related web development and services. WCAG 2.0 is also an international standard, ISO 40500. This certifies it as a stable and referenceable technical standard.

WCAG 2.0 contains 12 guidelines organized under 4 principles: Perceivable, Operable, Understandable, and Robust (POUR for short). There are testable success criteria for each guideline. Compliance to these criteria is measured in three levels: A, AA, or AAA. A guide to understanding and implementing Web Content Accessibility Guidelines 2.0 is available at: https://www.w3.org/TR/UNDERSTANDING-WCAG20/

Accessibility Features

Shortcut Keys Combination Activation Combination keys used for each browser.

  • Chrome for Linux press (Alt+Shift+shortcut_key)
  • Chrome for Windows press (Alt+shortcut_key)
  • For Firefox press (Alt+Shift+shortcut_key)
  • For Internet Explorer press (Alt+Shift+shortcut_key) then press (enter)
  • On Mac OS press (Ctrl+Opt+shortcut_key)
  • Accessibility Statement (Combination + 0): Statement page that will show the available accessibility keys.
  • Home Page (Combination + H): Accessibility key for redirecting to homepage.
  • Main Content (Combination + R): Shortcut for viewing the content section of the current page.
  • FAQ (Combination + Q): Shortcut for FAQ page.
  • Contact (Combination + C): Shortcut for contact page or form inquiries.
  • Feedback (Combination + K): Shortcut for feedback page.
  • Site Map (Combination + M): Shortcut for site map (footer agency) section of the page.
  • Search (Combination + S): Shortcut for search page.
  • Click anywhere outside the dialog box to close this dialog box.

    Message of VPLR at the Signing of the Urban Poor Covenant

    Message of VPLR at the Signing of the Urban Poor Covenant
    Leni-Kiko National Headquarters, Katipunan, Quezon City

    [START: 0:50:05]

    VP LENI: Magandang hapon! Nagkita na tayo kanina [laughter] pero ang akin lang pong pagbigay galang sa ating mga senators na kasama po natin ngayon. Palakpakan po natin Sen. Sonny Trillanes [applause], marami kang fans dito, sir. Nandito din po ang ating iniidolo, Sen. Sonny Matula [applause]. At syempre po ‘yung ating pinakamamahal na Sen. Leila de Lima. [applause]

    Ayon, para naman ano, parang kunyari first time kong napakinggan ‘yung ating pipirmahan ngayong hapon. [laughter] Pero alam nyo na hindi pa po ako Vice President, wala pa nga ako sa Congress ‘yung mga pangarap na ito ay inumpisahan niyo na, ang kasama niyo pa, ‘yung yumao kong asawa. [cheers] In fact, noong binabasa kanina ‘yung mga puntos na magcocommit tayo, naalala ko ulit ‘yung pinakahuling araw ng asawa ko dito sa Maynila. Kinuwento ko na ito sa inyo dati na ‘yung asawa ko po mula umaga hanggang gabi, lagi ‘yun nagtetext sa amin. Pero noong araw na ‘yun, Biyernes ‘yun, nag-text lang siya noong umaga pero whole day hindi na nagte-text at nanibago ako. Ang nalaman ko kayo pala ‘yung kanilang kasama. Biyernes ‘yun, August 17– August 16. August 16 kayo kasama, hindi pala two days pala before nangyari, at nag-uusap kayo. Nakausap ko po siya ng gabi sabi ko hindi ka nag-text, nag-alala tuloy ako. Ang sabi niya “Kasama ko si Alice saka ‘yung kaniyang mga angels at marami na naman kaming pinagdiskusyonan, mahaba na naman ‘yung aming diskusyon pero pagkatapos ay nagkasundo-sundo kami.”

    Naalala niyo naman iyon, di ba? Pero dalawang araw matapos ‘yung usapan na ‘yun, nawala ‘yung asawa ko. Alam ko na ‘yung fifty billion na pondo na inilaan para sa mga nakatira sa danger zones ay nagtuloy-tuloy naman hanggang 2016. In fact, ang iba doon na proyekto ay naabutan ko pa noong ako ay HUDCC Chair dahil inapprove natin ‘yung ibang mga proyekto sa SHFC.

    Pero alam natin na while marami nang– hindi pala naabot, marami nang sinimulan doon sa mahabang panahon ng pagpaplano, alam natin na napakahaba pa noong landas na tatahakin. Marami na tayong mga pag-uusap, maraming mga pangarap at panaginip na gustong maabot. pero isang bagay siguro ‘yung nakikita ko sa inyo na nagbibigay sa akin ng napakalaking pag-asa at inspirasyon. Mula noon nag uusap-usap na tayo, very regular naman ‘yung ating usap-usapan, pero ‘yung sigasig na pinapakita niyo para ipaglaban ‘yung inyong mga communities ay hindi nagbabago, lalo pang tumitindi. Ako sa lahat ng pakikibaka sa buhay, iyon ang pinakamahalaga, na kahit napakahirap ng pinagdadaanan, ‘yung puso at paniniwala lagi ang pinapairal. Kaya naman kahit nakakapagod, kahit maraming luha na ‘yung ibinuhos, kahit napakarami nang mga frustration ang pinagdaanan, at the end of the day lumalaban pa din. [cheers, applause]

    ‘Yung itsura niyo noong nagsimula tayo parang hindi naman kayo tumatanda. [laughter] Gusto kong sabihin namimihasa kayo sa problema. Pero 'yung para niyo, 'yun din 'yung pangarap ko. Kinukuwento ko sa inyo dati, hindi pa ako politiko, noong nasa SALIGAN pa ako, nandoon ako sa other end ng kuwento.

    Na ‘pag may ide-demolish, kami ‘yung nasa harap para hindi matuloy ‘yung pag-demolish. Pero ‘yung pinaka ayaw kasi nating mangyari, ‘yung dahil mahirap ka hindi ka makakatulog sa gabi dahil hindi mo sigurado kung hanggang kelan ka diyan as tinitirhan mo, ‘yun ‘yung gusto nating baguhin.

    [00:55:17]

    VP LENI: At gusto nating baguhin na dapat nabibigyan tayo ng mas malaking boses para tayo ‘yung mag-desisyon kung saan patutungo ‘yung ating pinapakipag-laban. ‘Yun po ‘yung dahilan kung bakit ho nabubuhay po ‘yung asawa ko, talagang pinaglaban natin ‘yung People’s Plan. In fact noong maiksing maiksing panahon ko sa HUDCC, ‘yun ‘yung binigyan natin ng priority.

    Bakit mahalaga ang People’s Plan? Mahalaga ang people’s plan kasi ‘yun ‘yung boses ninyo. ‘Yun yung boses ninyo na parati natin ito pinapakipag-laban. Na ‘pag binigyan kayo ng malaking pagkakataon na mapakinggan ‘yung buy-in niyo sa problema nandoon. Gustong sabihin, mas naiintindihan niyo kung bakit ‘yung ibang mga bagay ay mahirap ibigay, gustong sabihin mas maiintindihan niyo na hindi lahat kaginhawahan, merong mga kahirapang kailangan pagdaanan para makamtan ‘yung mga pinapangarap natin.

    Pero ito, nandito tayo ngayon. Ang bawat eleksyon ay pagkakataon, ang bawat eleksyon ay pagkakataon na magkaroon tayo ng--lagi ko din itong sinasabi--parang reset button. Na dapat ‘yung election ‘yung magbibigay sa atin ng pagkakataon na ‘yung lahat na hindi magandang nangyayari sa sektor natin, pagkakataon natin ito para ayusin. Aayusin natin sa paghalal ng mga public servants na hindi lang sa atin nagpapakita, hindi lang nangangako kapag panahon ng eleksyon pero ‘yung mga public servants na may eleksyon o wala, kasama natin sa laban. Ito ‘yung mga public servants na hindi lang napaka-gandang plataporma ‘yung ipaparinig natin ‘pag panahon ng eleksyon, pero kapag wala namang eleksyon ay hindi naman natin mahagilap.

    Kaya sa akin, masaya ako kapag kasama kayo. In fact parang na-miss ko kayo. Nakita ko sina Manny, nakita ko– si Buboy kasi parati kong nakikita, si Ma’am Alice parati kong nakikita, pati si Kapitana parang matagal-tagal na. Nasaan na si kapitana? Bakit nawala? Ayan. Kahit si Kapitana parang matagal-tagal ko nang hindi nakita, kahit nga si Jojie. Si Jojie parang ilang meeting ang hindi ko nakita. Pero ngayon na nakita ko ulit the same faces, parang reunion. Pero ano ‘yung mga pangarap na naiwan natin? Noong panahon ng HUDCC, panahon na nasa HUDCC ako, alam natin na nagkaroon ng inventory. Di ba, naalala niyo 'yun? Nagkaroon ng inventory ng lahat ng government properties dito sa Metro Manila, na ang pinakasadya ng inventory na 'yun, i-iidentify natin kung alin doon sa mga properties ng pamahalaan ang hindi ginagamit at suitable for housing. ‘Pag ako po binigyan ng pagkakataon, babalikan natin ‘yun kasi tapos na ‘yun.

    Pangalawa, at hindi ko naman ito kailangan ulit-ulitin, ‘yung on-site saka in-city, ‘yun talaga ‘yung ating priority. At heto po ay hindi lang ito pangako. Pero ito ay nakita natin mismo dahil sa pag-bisita natin. Nakita natin kung ano ang epekto ng tinatapon sa malayong lugar na hindi pinag-handaan. Dahil hindi lang po sa nawawalan ng hanapbuhay o umuunti ‘yung kabuhayan, hindi lang ‘yun. Pero may malaki din siyang social cause. Nai-kwento ko na ito kina Ma’am Alice, isang binisita ko, nagkukuwento. “Dinala po kami dito, pero pag-dala sa amin dito ay wala namang trabahong available. So ‘yung mga asawa naming na lalaki ay bumalik sa Maynila para maghanap-buhay kami po ‘yung naiwan dito, kaming ng mga bata. Pero ‘yung problema po, nakahanap ng bagong pamilya sa Maynila. Nakahanap ng bagong pamilya."

    Bakit may tinuturo kayo? Meron bang guilty dito? Nako, papagalitan natin kung meron ditong guilty. Pero nakahanap ng bagong pamilya sa Maynila, informal settler na ulit. Tapos ‘yung asawa saka mga anak, nandoon sa hindi ko na sasabihin kung saan, nandoon sa lugar na 'yun at nakikibaka sa buhay ng sila-sila lang.

    Kaya dapat pinag-iisipan natin ng mabuti. Pinag-iisipan natin ng mabuti na kung hindi talaga puwede ‘yung on-site, kung hindi talaga puwede yung in-city, kailangan bigyan siya ng mas malaking pagkakataon na hindi pabigat yung paglipat niya ng bahay. Kailangan hindi na nagkakaroon ng demolisyon na wala pang lilipatan, kailangan inaasikaso hindi lang ‘yung bahay mismo, kasi marami naman ‘yung nagpa-pagawa ng mga pabahay, pero hindi naman kayang bayaran ng poorest of the poor. Di ba? Maganda nga ‘yung pabahay, pero ‘yung poorest of the poor ay hindi niya naman kaya ‘yung hulog.

    [01:01:09]

    VP Leni: So anong saysay noong bahay? Dito po pumapasok kung bakit napakahalaga ng People’s Plan. Kaya 'yung People’s Plan ‘yung magsasabi anong klaseng bahay. Hindi lang ‘yung gusto namin pero ‘yung kaya namin.

    Kaya po ngayon, meron po tayong several na mga housing projects sa mga disaster areas. Nabalitaan ninyo naman ito, nakuwento ko sa inyo, meron tayo sa Marawi, meron po tayo ngayong isang Camarines Sur-- ay hindi, dalawang Camarines Sur, meron tayong Albay. Ito po ‘yung mga typhoon Rolly ‘saka typhoon Ulysses na mga affected areas. Kami ni ma’am Alice, magkasama kami sa Tacloban, 'yun din ‘yung Yolanda areas.

    Ang ginagawa nating modelo number one, ano ‘yung buy-in ng titira, sila mismo ‘yung gumagawa ng mga bahay. Halimbawa ‘yung pinapagawa namin under Angat Buhay, meron kaming mga partners na mga engineers, mga architects, mga paaralan. Tini-training nila ‘yung mga homeowners kung papaano ‘yung carpentry, paano ‘yung masonry, papaano ‘yung page-electrician, papaano ‘yung pagpinta, para sila mismo ‘yung gagawa ng bahay. Amin lang ‘yung materyales pero ‘yung design ng bahay ay kabahagi sila sa pagdesign ng bahay. Alam ninyo po, nato-troll tayo dito. Bakit naman napakaliit ng bahay ninyo? Bakit naman– meron pang mga nakakasakit ng loob. Hindi sa amin, pero masakit sa loob ng mga may-ari ng bahay dahil kabahagi sila ng paggawa noon kaya siya nag-uumpisang maliit kasi ‘yun muna 'yung kaya, pero merong provision na magpalaki. Meron po tayong mga pabahay na basic ‘yung ating pinagawa, pero everytime na nakakakuha sila ng kaunti, ipapadagdag nila. Pero ito ay produkto ng sariling pawis, tinutulungan lang natin sila. 'Yun po 'yung gusto natin, 'yung gusto natin every step of the way, kasama kayo sa pagdedesisyon. [cheers]

    Malaki pa ‘yung ating pangangailangan, napakalaki ng pangangailangan sa housing. Pero huwag tayong pumayag na magiging issue lang 'yung housing tuwing eleksyon. Huwag po tayong papayag na inaasikaso lang nga tayo tuwing kailangan ‘yung ating boto, pero pagkatapos ay hindi na tayo inaasikaso. Sisiguraduhin po natin na kapag tayo ‘yung nabigyan ng pagkakataon, kabahagi kayo every step of the way. Gustong sabihin, honest to goodness na empowerment. Gustong sabihin, kung ano ‘yung pinaggagawa ninyo dito-- kailan tayo nagkita pala? Two days ago ba nandito kayo? Iyon, kung anong pinaggagawa ninyo na kayo ‘yung nagsasabi na ito ‘yung gagawin namin, kailangan lang namin ng tulong, kailangan lang namin ng training pero ito ‘yung gusto namin, ganun po ‘yung gagawin natin.

    Bakit natin kinakailangan ito? Kasi kayong lahat, proud tayo sa produkto ng ating pagod. Diba? Nakita ko na ‘yan sa mahabang panahon na pinagsamahan natin. Proud kayo sa produkto ng sama-samang kooperasyon ng hindi lang ng isang asosasyon, pero ng maraming asosasyon. Natutuwa po akong makita ‘yung mga livelihood projects ninyo. Gaya kina Jojie, nabisita ko na ‘yung mga livelihood projects sa Baseco. In fact, kayo na ‘yung tumutulong sa amin. ‘Yung iba po nating mga communities kayo na ‘yung nagte-training. Ganoon ‘yung gusto nating samahan, ‘yung samahan na sa sariling efforts ay nabgbibigay ng kabuhayan para sa mga kasamahan.

    Maraming marami tayong mga pangarap na kayang kaya nating abutin basta magkakasama tayo lagi. Katuwang po natin si Senator Kiko Pangilinan bilang ating Vice President, Senator Sonny Trillanes, Senator Sonny Matula, Senator Leila De Lima pati pa po ‘yung iba nating mga kandidatong Senador kasama po natin na ipapakipaglaban ‘yung lahat na pipirmahan naming na mga commitment sa inyo ngayong araw. Kaya maraming maraming salamat po sa inyo. Maraming salamat na kasabay naming kayo sa laban na ito, maraming salamat na parati kayong bumibisita– hindi pala bisita kasi taga-dito na din kayo. Pero maraming salamat na lagi kayong umaantabay sa amin, umaalalay sa amin nakakalakas po iyon ng loob namin. Pero ‘yung commitment pong pipirmahan namin ngayon ay hindi po ito pangako lamang, pero sisiguraduhin po natin na kapag po tayo’y nabigyan ng pagkakataon, sisiguraduhin natin na ‘yung anim na taon na ibibigay sa atin, marami tayong mga pangarap na makakamtan. Mabuhay po kayo at magandang hapon muli sa lahat!

    [END 1:06:53]

     

    Posted in Transcripts on Jan 31, 2022