This website adopts the Web Content Accessibility Guidelines (WCAG 2.0) as the accessibility standard for all its related web development and services. WCAG 2.0 is also an international standard, ISO 40500. This certifies it as a stable and referenceable technical standard.

WCAG 2.0 contains 12 guidelines organized under 4 principles: Perceivable, Operable, Understandable, and Robust (POUR for short). There are testable success criteria for each guideline. Compliance to these criteria is measured in three levels: A, AA, or AAA. A guide to understanding and implementing Web Content Accessibility Guidelines 2.0 is available at: https://www.w3.org/TR/UNDERSTANDING-WCAG20/

Accessibility Features

Shortcut Keys Combination Activation Combination keys used for each browser.

  • Chrome for Linux press (Alt+Shift+shortcut_key)
  • Chrome for Windows press (Alt+shortcut_key)
  • For Firefox press (Alt+Shift+shortcut_key)
  • For Internet Explorer press (Alt+Shift+shortcut_key) then press (enter)
  • On Mac OS press (Ctrl+Opt+shortcut_key)
  • Accessibility Statement (Combination + 0): Statement page that will show the available accessibility keys.
  • Home Page (Combination + H): Accessibility key for redirecting to homepage.
  • Main Content (Combination + R): Shortcut for viewing the content section of the current page.
  • FAQ (Combination + Q): Shortcut for FAQ page.
  • Contact (Combination + C): Shortcut for contact page or form inquiries.
  • Feedback (Combination + K): Shortcut for feedback page.
  • Site Map (Combination + M): Shortcut for site map (footer agency) section of the page.
  • Search (Combination + S): Shortcut for search page.
  • Click anywhere outside the dialog box to close this dialog box.

    Vice President Leni Robredo at Robredo People’s Council - Cavite

    Vice President Leni Robredo at Robredo People’s Council - Cavite

    Dasmariñas National High School Main, Congressional South Avenue, Dasmariñas, Cavite

    MODERATOR: Ito po si Lilia Escueto mula sa fisherfolks at si Jaime Aguilar mula sa transportation sector pakinggan po natin ang kanilang mga tanong. Palakpakan niyo naman.

    REPRESENTATIVE 1: Magandang hapon sa inyong lahat at ako’y natutuwa sa dami ng mga supporters ni Vice President Leni Robredo [and] our Senator Kiko Pangilinan. First, please allow me to personally thank you, as the former dean of the College of Nursing of the De La Salle Medical and Health Sciences Institute for sharing an inspirational message to our graduates of Bachelor of Science in Nursing last July 2021. This one, it happened very promptly when one of our coordinators emailed your office and it was very surprising for an office of the Vice President to answer our request in a short days, actually, in less than a week. So the academic community deeply appreciated the gesture.

    Now, I raise my concern on behalf of all the healthcare workers in the Philippines, in the NCR, and even in the provinces who are now in the frontline in this fight against COVID-19. As future President of the Republic of the Philippines, Ma’am Leni, what programs can be implemented to encourage our skilled healthcare workers to stay instead of working in other countries? Would it be possible to have standard salary grade and benefits for all health workers across all healthcare institutions regardless of whether it is public or privately run? So these are very pressing question, we know that there is already the Universal Healthcare Act but, and we also know that there is already the standardization of the salary grade but up to now no one among the healthcare workers felt that our needs are being answered. Thank you. [applause]

    MODERATOR: Susunod pong katanungan, palakpakan naman po natin.

    REPRESENTATIVE 2: Magandang gabi sa ating lahat. Ako po ay isang kasama ni Ma’am Leni sa time ni PNoy. Mula sa umpisa pa hanggang ngayon nandito kami nagkakasama. Walang iwanan. Go and go, go, Ma’am Leni!

    Mayroon po akong isang katanungan. Isa po akong leader ng fisherfolks or mangingisda dito sa Cavite, sa Barangay [inaudible] Naic, Cavite. Noong panahon kay ma’am Leni, nung wala pang pandemic, madali kaming makapalaot. Ngayon na may pandemic, dahil alam naman natin kung anong nagyayari eh nahihirapan na po talaga ang fisherfolks. Ngayon mayroon po akong kaunting katanungan sa panahon ngayon, sabay ng pandemic parang makakatulong kung mayroon mang maitutulong si Ma’am Leni Robredo. Ito po iyong aking katanungan. Ano po ang maaring puwedeng itulong natin sa sector ng fisherfolks o mangigisda sa panahon na hindi sila makapalaot dahil sa masamang panahon? Iyon lang po ang aking magandang katanungan. [applause]

    MODERATOR: Susunod pong tanong.

    REPRESENTATIVE 3: Magandang gabi sa lahat, lalong lalo na sa ating mahal na Bise PresidentE na sinusuportahan namin, susunod na pangulo sa susunod na panahon. Kami po sa hanay ng transportasyon, mahalaga po ang papel ng mga mambabatas, lalong lalo na po ng ating magiging presidente. Alam naman po natin iyong isyu ng modernization, ano po? Iyan po ay minamadali ng kasalukuyang administrasyon. Sa loob ng tatlong taon ay nangangarap sila na para tayong Singapore, na madiin nating tinutulan kasi alam nating bago naging Singapore ang Singapore ay dumaan po sa maraming transisyon sa buhay nila bago sila naging modernong bansa. Kami po ay hindi tumututol, lamang, ay talagang itong pinapatupad po nila ay hindi pagmo-modernize kundi pagpe-phase-out no ng mga lumang sasakyan na inaasahan po ng mga jeepney driver at ng mga operator na maliliit po. Sa kasalukuyan ay hindi po namin alam ang mangyayari sa susunod na taon, lalong lalo na katulad ng sinabi ko po hindi malinaw ang tunguhin ng modernisasyon ng kasalukuyang administrasyon. Kaya ang tanong ko pa ay mayroon po palang isang batas na itinutulak sa Kongreso no, ito po akda ni Congressman Lopez ng Manila. Ang ganda po ng batas na ito na makakatulong, 10-year ang transition po sa pagmo-modernize ng ating transport system, lalong lalo na po sa hanay ng jeep.

    Ang tanong ko po kay VP Leni, umaasa po kami na kung masusuportahan po ninyo iyong makatarungang transisyon patungo doon sa modernisasyon na tunay na modernization, hindi po phase-out na may mga programa po nakaakibat para doon sa mga driver at operator para makasabay sila sa modernisasyon. Marami pong salamat. [applause]

    MODERATOR: Narining po nating ang mga tanong palakpakan po natin. Tanong mula sa mga mangingisda, sektor ng transportasyon, at sa mga manggagawa sa kalusugan. Gusto niyo na bang marinig ang sagot? Handa na ba kayo Caviteño? [cheers] Mga kababayan, narito na po, isang nanay na ihahatid niyo sa tagumpay. Puwede ba iyon? Handang handa pong maglingkod ng matino at mahusay, ang ating susunod na pangulo, Leni Robredo. [cheers; applause]

    VP LENI: Maraming salamat! Magandang gabi—hapon pa lang pala. Magandang hapon sa inyong lahat. Kumusta ang mga Caviteño? [cheers] Ayan, bago po ako magpatuloy pagbigay-galang sa mga opisyal na kasama po natin ngayong hapon, sa pangunguna po ni Councilor Kiko Barzaga, maraming salamat. Nandito din po si Board member Kerby, nasaan si Board member Kerby? Nandito. Nandito rin po si Tita Helen ang kapatid ng ating minamahal na Congressman Pidi. Nandito po iyong mga kasama ko sa slate. Nandito po si Senator Kiko as my partner as our vice presidential candidate. [applause]  Nandito po si Atty. Sonny Matula. [applause] Nandito po si Dean Chel Diokno. [applause] Dean Chel parang maraming kang Cheldren dito. [cheers] Nandito rin po si Atty. Alex Lacson. [applause] Nandito rin po si Senator Leila de Lima. [applause] Nandito po iyong kanyang standee. Ayan. Alam niyo po ikukuwento ko sa inyo bago ko sagutin iyong mga tanong. Ayan, ayan si Senator Leila.

    Alam niyo po iyong pagplano po namin nitong araw na ito, tinext ko lang po muna si BM Kerby. Sabi ko, “BM, nakikita ko sa Facebook iyong lahat ng ginagawa ng mga volunteers natin sa Cavite. Maraming marami na po kayong ginagawa,” sabi ko po, “puwede bang pumunta ako diyan para lang magpasalamat.” [cheers] So ang sabi po ni BM Kerby, “ano ba iyong mga activities na gusto mong gawin? Ang sabi ko po sa kanya, “bahala na kayo. Pero gusto lang na personal ko silang makita para magpasalamat.” [cheers] Kagabi po, tine-text po ako nung team namin na nauna dito. Binigyan po ako nung picture nitong venue na ito. Binigyan po ako ng picture, sabi ko, “napakalaki naman ng venueng iyan.” Sabi ko, “nakakatakot na diyan natin i-hold kasi siguradong aalog-alog tayo.” [cheers] Kaya po kanina pagpasok ko—[audience cheers: “Leni! Leni!”] salamat, salamat—kaya po kanina, pagpasok ko—nasaan na si Dr. Charles? Ayon na. Si Dr. Charles iyong hawi boy ko kanina. Sabi ni Dr. Charles muntik pa akong mamatay. Hindi ako namatay sa COVID, baka dito ako mamatay kasi napakaraming mga Caviteño ang nakiisa sa atin ngayong gabi. [applause] Kaya po maraming, maraming salamat sa inyo.

    Bago ko po sagutin iyong mga nagtanong kanina, gusto ko lang bigyan ng konteksto. Ngayon po bawal pa naman magkampanya, 'di ba? Ang official campaign period ay mag-uumpisa po sa February 8 pa. So iyong pagpunta po namin dito, pasasalamat. Pero iyong pangalawang pagpunta namin po ay isang pakiusap. Pero ilang bagay iyong ipapakiusap namin. Iyong pinakauna nasabi ko na, kasi pasasalamat. Pero iyong pangalawa, para po sa mga supporters natin, medyo mahaba-haba pa iyong ating lalakbayin. [applause] Dahil po mahaba-haba pa iyong ating lalakbayin, ang pinaka dinadasal ko po, na sana mula ngayon hanggang sa Mayo, simulan na natin iyong pagbabago na gusto natin makita sa bansa natin. [applause] Hindi po natin puwedeng iasa sa iba iyong pagbabago. [applause] Kanina po, nung stationary motorcade, paglabas palang po namin sa CAVITEX, marami nang tao nag-aabang. Mayroon pong isang tema na laging inuulit doon sa mga nakausap ko. Ang sabi po lagi sa akin, “maraming salamat po at lumaban ka. Gusto na po namin ng pagbabago.” [applause] Ako po, nagpapasalamat ako diyan. Pero hindi ko po nasagot kanina sa dami ng tao, pero ako po sasabihin ko na sa inyo ngayon pa man, hindi ko po kaya iyong pagbabago kung nag-iisa ako. [applause] Mangyayari lang po iyong pagbabago sa bansa natin kapag sama-sama tayong lumalaban para sa pagbabago.

    Kapag eleksyon po, maraming kandidatong pupunta dito. Maraming kandidatong pupunta, malamang pare-pareho naman iyong mga programa, halos pare-pareho siguro iyong mga programang sasabihin namin. Siguro may mga pagkakaiba lang ng kaunti. Pero halos pare-pareho iyon. Pero sa akin lang po, ang aking lang pakiusap: magtulungan tayo para iyong mga kapamilya natin, mga kaibigan natin, mga kapitbahay natin, maging mas discerning na botante. Hindi nadadala—gaya po ni Dr. Charles kanina—nagsabi na hindi nadadala dapat kung ano lang nababasa sa Facebook— [applause]—ano lang iyong napapanood na videos sa Youtube, o ano lang iyong napapanood sa Tiktok. [cheers] Ang sa akin lang po, papaano tayo makakatulong? Kapag ang kandidadto magsabing, "mahal ko ang mahihirap," tignan po natin. Noong nabigyan ba siya ng pagkakataon manilbihan dati, papaano niya pinakita iyong pagmamahal niya sa mahihirap? [cheers] Dahil para sa akin po, madali lang magsabing, “mahal ko kayo. Ganito iyong gagawin ko.” Pero ano iyong track record? Ano iyong pag-uugali? Ano iyong karakter? Para paniwalaan natin sila. Hindi po ako nagke-claim na ako iyong pinakamahusay na kandidato, mali po iyon. Hindi po ako nagke-claim na ako iyong pinakamabait na kandidato kasi wala naman po tayong monopoly sa kabutihan, at saka sa kagalingan. Napakarami pang mas mabuti at mas magalaing sa akin. Pero ang sinasabi ko lang po sa inyo, siguro ang make-claim ko lang sa sarili ko, masipag po akong magtrabaho at saka mag-aral. [audience cheers: “Leni! Leni!”] Salamat.

    Para po sa akin, kapag sinabi ko pong masipag ako, tignan niyo po iyong aking record. Madali din kasing mag-claim na masipag ako, ‘di ba? Pero tignan niyo, sa akin po, sa opisina namin, hindi lang ako iyon, pero sa opisina po namin, walang maliit na trabaho. Lahat na binibigay po sa aming responsibilidad, sini-seryoso namin. Para po sa amin, ang opisina po namin, tingin ko alam niyo naman lahat, ang Office of the Vice President po napakalimitado ng mandato namin. Napakaliit ng aming budget. Pero may kasabihan na kapag gusto mong tumulong, laging may paraan, ‘di ba? [applause]

     

    Kaya kami po, noong ako po ay nag-umpisa ng aking panunungkulan, ang problema na kaagad namin, budget, problema na kaagad namin, maraming balakid sa aming daan. Pero ang sabi po namin, gusto naming tumulong, hahanap kami ng paraan. Inumpisahan po namin iyong Angat Buhay program. Iyong Angat Buhay program po, marami kaming natulong pero marami kaming natulong dahil maraming mabubuting tao at organisasyon na tumutulong sa amin. Gusto ko po itong bigyan ng diin dahil ang kapital lang po namin ay tiwala. Wala pong tutulong sa amin kung walang nagtitiwala sa amin. [applause] Pero ang tiwala, hindi po natin—wala tayong entitlement sa tiwala. Ang tiwala po ay pinagpapaguran. Kaya po kami, naging very conscious po kami sa opisina na lahat ng ginagawa namin, transparent. Lahat po kami, iyong accountability namin nandiyan. Pag-upo po namin, ang inasikaso na namin, ISO certification namin. Siniguro po namin na taun-taon mula 2018 nakukuha namin iyong Unqualified opinion sa COA. Ito po iyong pinakamataas na audit rating ng COA. [cheers] Kaya po kami, kapag sinabi po namin na kontra kami sa korapsyon, marami po kaming maipapakitang ebidensya na talagang kontra kami sa korapsyon. Marami po nagsasabi sa amin na wala naman kayong ginawa. Wala po kaming ginawa sa paningin ng iba kasi tahimik po kami sa ginagawa namin. Kapag pumupunta po kami sa isang lugar, madalas po in the last five and a half years, ang communities pong tinutulungan namin, karamihan nasa Visayas at Mindanao o dito sa Luzon, pero iyong pinakamahihirap na communities, kapag pumupunta po kami, ang nakakaalam lang na pumunta kami, iyong sadya namin. Hindi po alam ng mga taong pumupunta kami kasi hindi naman po namin ina-announce na kami ay pupunta dahil ang pinunta namin doon ay iyong aming trabaho.

    Alam niyo po maraming hindi nakakaalam ng ginagawa namin. Nakilala lang po talaga kami noong panahon ng COVID-19. Kasi noong panahon ng pandemic, hindi pa po tayo nagla-lockdown, naghahanda na kami. [applause] Iyon pong sinasabi ni Dr. Charles, kami iyong nakapagbigay unang-una ng mga PPE sets. Bakit po kami nakapagbigay nang maaga? Dahil December, January pa lang, naghahanda na kami. [applause] Noong nakita na po namin na nahihirapan na tayong bumili galing sa labas, nag-local production na po kami ng PPE sets at ang kabutihan ng local production, nabigyan pa natin ng napakaraming hanapbuhay iyong ating mga mananahi saka communities. Noong nawalan po ng bus, mayroon po kaming shuttle services sa susunod na araw. Noong walang mauwian iyong mga frontliners, marami po kaming dormitories na libre. [applause] Noong nawalan po ng hanapbuhay iyong ating mga maliliit na vendors at saka mga TODA, naglagay po kami ng mga community marts na TODA iyong mga nagde-deliver para mayroon silang kita. Noong nagsara iyong mga paaralan, naglagay po kami ng mga community learning hubs sa mga mahihirap na communities para iyong mga batang walang gadget, may napupuntahan. May napupuntahan silang puwede silang maggamit ng gadget, mayroong mga tutors na trained na tutulong sa kanila. Noong kulang po iyong testing, mayroon tayong Swab Cab. Noong nangailangan ng maraming bakuna, mayroon po tayong Vaccine Express. [applause] Noong grabe po iyong congestion sa mga ospital, nagkaroon tayo ng Bayanihan E-Konsulta. [applause] Marami po rito sa Cavite, volunteers namin.

     

    Kaya maraming, maraming salamat! Ito po lahat, bakit ko po kinukuwento? Kasi po hindi lang ito dahil magaling kami. Pero ang daming tumitiwala na nagvo-volunteer sa amin. [applause] Kaya ang aral pong napulot namin: basta ang tao may tiwala sa pamahalaan, inspirado ang taong tumulong. [applause] Kaya kami po nagawa namin iyong napakaraming bagay kasi kapag tumawag po kami ng volunteers ngayon, mamayang gabi libo-libo na ang nagvo-volunteer. [applause] Bakit sila nagvo-volunteer? Dahil gusto talaga nilang tumulong, hindi lang nila alam kung papaano. Pero nakaka-provide po tayo ng platform para iyong mga gustong tumulong, mayroon silang paraan para makatulong. Kaya ganoon din po natin ire-rebuild iyong ating bansa. Kailangan ang leadership maging very inspiring para po iyong bawat Pilipino, mayroon siyang ambag sa pag-ayos ng ating bansa. [applause] Kahit gaano po kahusay ng mamumuno sa atin, kung hindi inspirado iyong taumbayan, kung wala siyang tiwala, hindi po kaya ng gobyerno na siya ang mag-ayos ng ating bayan.

     

    Sinasabi ko po ito dahil sa supporters po natin, kung napapansin niyo, every Tuesday may nilalabas po tayong video na mayroon tayong pakiusap. Nanonood ba kayo ng mga videos natin? [applause] Ano iyong pakiusap natin lagi? Ang pakiusap po natin lagi, inumpisahan natin noong pagsabi natin na “madaling makipag-debate pero mas radikal ang magmahal.” [applause] Bakit po natin sinasabi iyon? Dahil iyong bayan natin, masyado nang maraming nagaaway-away. Puwede lang po tayong magkakasundo kung mayroong mga nasa parte natin na willing buksan ang kaniyang puso para makinig, para mag-reach out, para magsilbi sa mga nangangailangan ng tulong. At iyong pag-uugali pong iyon, hindi natin hihintayin na matapos ang eleksyon. Hindi po natin hihintayin na manalo tayo. Ngayon pa lang, kailangan na nating umpisahan dahil ang makikinabang lang naman, tayo.

     

    Kanina po may mga tanong, halimbawa si Dean ang tanong niya, papaano ba hindi ma-a-attract iyong mga nurses natin umalis sa bansa? Posible ba na i-rationalize iyong mga suweldo ng ating mga frontliners? Ano po iyong naging problema natin noong pandemic? Ang naging problema po natin noong pandemic, sa panahon na kailangang kailangan natin ng mga doktor, ng mga nurses, ng mga health personnel, marami iyong nagre-resign. Iba-ibang dahilan kung bakit nagre-resign pero ang malaking dahilan po noon, hindi natin sila naaasikaso in the manner na kailangan natin silang asikasuhin. Tingnan po natin iyong suweldong ino-offer natin sa mga nurses natin halimbawa, ang mid-level salary siguro ng mga nurses, mga P40,000. Kapag kinumpara po natin ito sa suweldo ng mga kapareho nilang nurses sa ibang bansa napakababa niya comparative sa iba. Halimbawa ang Singapore, ang suweldo niya yata parang mga P290,000 a month. So kung ikaw po ay nurse, mayroon kang inaasikasong pamilya. Kailangan na kailangan mong kumita para buhayin iyong pamilya mo. Mapipigilan ba natin sila na maghanap ng greener pasteurs? Siyempre, hindi. So ano ang kailangan nating gawin? Ang kailangan pong gawin ng pamahalaan, gawing competitive iyong suweldo ng ating mga frontliners. [applause] Ipakita sa kanila na pinapahalagahan natin sila. Gaya po noong pandemic, marami pong mga doktor—ewan ko kung may doktor dito puwera kay Dr. Charles. Mayroon? Mayroon. Ayon. Kahit saan po kami pumunta, may mga doktor na lumalapit sa amin, nagvo-volunteer magkampanya. Kapag tinatanong po namin, “bakit po kayo nagvo-volunteer sa amin?” Parati po nilang sinasabi, “makapagpasalamat man lang kami.” So nakikita niyo iyon, para sa kanila hindi naman malaki iyong ginawa namin for them. Nagbigay lang kami ng mga PPEs noong kailangan, nagbigay po kami ng mga shuttle buses noong wala nang masasakyan, nagbigay kami ng dormitories noong walang matirhan. Pero iyong kapalit na binibigay nila, napakalaki. Ang gustong sabihin, bawat isa sa atin, marunong lumingon. Marunong lumingon sa—hindi nga utang na loob kasi iyon po iyong obligasyon natin sa kanila. Pero sila kapag pinapahalagahan po sila, sila ay natutuwa naman at lalong ginagahanan magtrabaho. Pero kung grabe na iyong sakripisyo, marami silang kasama na namatay na dahil sila ay nakikipaglaban sa COVID-19, hindi pa natin aasikasuhin, eh anong gustong sabihin no’n para sa pamahalaan natin? So para sa akin, iyong tanong ni Dean Resty, iyon po iyong aking kasagutan.

     

    Pangalawa, iyong tinanong po ni Lilia, iyong ating fisherfolk, mahabang panahon po na hindi pa ako politiko, abogado po ako para sa mga magsasaka, mangingisda, mga IPs, mga manggagawa, mga urban poor. Iyong sinasabi po ni Lilia, very common siyang problema ng mga mangingisda: kapag masama ang panahon, wala silang kita. Kaya noong naging Vice President po ako, isa po iyan sa tinututukan namin sa opisina. Mayroon po kaming sustainable livelihood training program na tine-train namin—nag-umpisa po kami sa mga asawa ng mga mangingisda, na iyong mga asawa, ite-train sa isang skill na puwedeng gawing livelihood para kung masama iyong panahon, mayroon silang kita. Hindi po enough na magbibigay lang tayo ng ilang kilong bigas kasi ang ilang kilong bigas, pagkatapos ng ilang araw wala na po iyon. Dapat ang ibibigay po natin sa kanila, mas permanenteng pagkakakitaan nila para buhayin nila ang kanilang mga pamilya. Ngayon po, hindi po kayo kailangan maghintay na manalo pa tayo sa eleksyon. Sa Office of the Vice President po mayroon kaming programa. Puwede na tayong—puwede na naming i-link kayo kung hindi pa kayo recipient ng aming programa. [applause]

     

    Iyong pangatlo, iyong atin pong representative sa transport, bigyan ko lang po kayo ng kaunting background kung ano po iyong sinasabi ni Sir. Ngayon po kasi may jeepney modernization. Nakikita niyo naman iyong mga jeep natin, ‘di ba? Ang pinaka programa po ng pamahalaan, i-phase out na iyong mga luma, palitan ng mas moderno kasi mas fuel efficient, marami pong dahilan kung bakit, na sinasabi naman noong representative ng transport, hindi naman sila kontra. Pero ang sinasabi niya po, parang fine-phase out na sila, bakit iyon iyong pakiramdam nila? Kasi iyong terms pong binibigay po sa kanila, hindi na maaabot ng karamihan sa kanila. Unang-una, napakamahal ng presyo ng bagong unit. Pangalawa, mahal na nga ang presyo, iyong terms hindi pa nila kaya. Ang hinihingi lang naman po ng ating mga nasa transport sector, gusto naman nilang sumunod. Pero sana, bigyan sila ng pagkakataon na makatarungan naman sana iyong transition para sumunod sila, sana kaya naman nila iyong terms. Lalo pa po ngayong pandemic, marami nga sa kanilang walang biyahe, eh lalo na silang hindi kaya—lalo na nilang hindi kaya iyong kailangan nilang habulin. Ang [kinakatakot] nila, may deadline. Kapag nangyari iyong deadline, ano iyong mangyayari sa kanila kasi hindi sila naka-comply?

     

    So ito, isa-summarize ko na lang po ito kasi isang bagay lang naman ang pinupuntirya. Ang kailangan po sa lider babad siya sa pang-araw-araw na nangyayari. [applause] Kasi po hindi puwede sa lider na nire-reportan lang siya ng kaniyang mga staff—[applause]—dahil marami pong mga bagay, maraming mga problemang pang-araw-araw ang nalalaman lang po namin dahil kami mismo nandiyan. So ang sinasabi ko nga po, ang number one na requirement ng leader, present lang siya everyday, ‘di ba. [applause] Hindi nag-a-absent, present lagi para po kapag may mga problema, naiintindihan niya ang problema, ‘di ba? [applause] Sa mga paaralan natin noong bata pa po tayo, may tinuturo sa atin na value? Ano iyong value na iyon? Empathy. Naiintindihan natin iyong empathy? Ang empathy nararamdaman natin iyong nararamdaman ng iba kaya magre-respond tayo accordingly dahil nararamdaman natin. Ang empathy po hindi siya naaaral. Ang empathy po ay nararamdaman. [applause] And hindi po siya magic. Ang empathy po nararamdaman—ang description ko nga po diyan, ang empathy para siyang spiritual muscle na the more you use the muscle, the more na nararamdaman mo iyong paghihirap na dinadaanan ng mga kababayan mo.

     

    Kaya sa akin po, kapag pipili po tayo ng lider, pag-aralan po natin. Kung ano iyong mga posisyon niya in the past, papaano niya ba pinerform iyong kaniyang role? Kasi baka totoo, nag-mayor, nag-governor o nag-congressman o kung ano man, pero lagi naman siyang absent? [cheers] At iyong kaniyang pag-perform ay dahil lang sa mga report ng kaniyang mga staff. Ibang klaseng serbisyo po ang ibibigay sa atin kapag iyong mga namumuno sa atin, ganoon na klaseng lider. Huli na at napatagal na—pumipiyok na iyong boses ko. Gustong sabihin, napakahaba na nung sinabi ko.

     

    Pero ito po last na, kaya ko po ito lahat sinasabi sa inyo, dahil iyong pinakahuli ko pong pakiusap, mayroon pa tayong six months. Ang six months po baka puwedeng humakbang tayo nang sabay-sabay. [cheers] Kapag sinabi po nating humakbang tayo nang sabay-sabay, hindi po natin sasabayan iyong trolling sa social media. Kung mayroon pong trolls, i-block niyo na lang. Pero kung may nakikita po kayong kasinungalingan, kailangan sagutin natin ng katotohanan. [applause] Kasi kapag pinabayaan po natin iyong kasinungalingan, maraming naniniwala. Ang pangalawang paghakbang na kailangan natin, siguraduhin po natin na nagpaparami tayo kasi baka tuwang tuwa na tayo na excited tayo kasi sabay-sabay tayo pero tayo-tayo lang pala nag-uusap, ano. Kaya mayroon pa po tayong six months. Maraming oras pa iyan. Bawat buwan maraming nangyayari.

     

    Sabi po ng iba, mababa iyong surveys mo. Kukuwentuhan ko po kayo na noong kumakandidato po akong vice president, ewan ko lang kung naalala niyo, nag-umpisa po ako pang-anim ako sa mga kandidato. Paunti-unti umaakyat dahil sa sipag at sa suporta ng tao. Nagtagumpay po tayo. [applause] Wala pong dahilan—walang dahilan na hindi natin maulit iyong nagawa natin noong 2016. Pero po, magagawa lang natin iyan sa paraan na pagmamahal. Hindi po pakikipag-away. Kaya iyan po ang pakiusap ko sa inyo everyday. Sana po iyong pagsuporta niyo, alam ko po na sa inyo, hindi lang ito simpleng pagsuporta sa amin ni Senator Kiko at saka sa ating senatorial slate. Ganiyan po kayo kasigasig dahil nararamdaman niyo na laban niyo rin ito. [applause] Pero dahil iyong bayan na po natin ang napapalaban, kailangan pong gawin natin na tama iyong ating pangangampanya. Kanina po galing tayo sa Kawit, binless po natin doon iyong ating Lugaw Truck. Isang paraan lang iyon para iparamdam natin sa mga kababayan natin na minamahal natin sila. Marami pang ibang paraan. In the next six months, sana po lahat na kababayan natin dito sa Cavite, maparamdam niyo iyong klase ng pagmamahal na iyon. Maraming, maraming salamat po sa inyo! Mabuhay po kayo. Babalik po kami rito kapag panahon na ng kampanya. Maraming salamat ulit. Mabuhay po kayong lahat! [audience cheers: “Leni! Leni!”]

    Posted in Transcripts on Nov 25, 2021